2⃣8⃣

رمضان آخر روقان 🎆🌜

6⃣ذكر الله..بروقان

الذكر هو حياة الروح ... وزي ما النبي ﷺ قال :(مثلُ الذي يذكر ربَّه والذي لا يذكر ربَّه ، مثل الحي والميت )

✅والذكر عبادة خفيفة وبسيطة ومش محتاجة مجهود بدني ولكن أجرها عظيم جداً جداً، ده غير فايدتها الكبيرة في حفظ الإنسان من المس والسحر والحسد والشياطين .

⬅️فـ اشغل أوقاتك بذكر الله، وبالذات الوقت الصغير اللي بيضيع في وسط الحاجات اللي بتعملها..النبي ﷺ قال :(سَبَق المفرِّدُون،
الذاكرين الله كثيراً والذاكرات)سبقوا يعني محدش يقدر يلحقهم! مش عايز تكون منهم؟!

✅وفيه عندنا نوعين من الأذكار :
الأذكار الموظفة : يعني اللي لها سبب مرتبط بها، زي أذكار الصباح والمساء والنوم والاستيقاظ والأكل وغيرها .
⬅️والأذكار المطلقة : زي التبسيح والتحميد والتهليل والتكبير والاستغفار والصلاة على النبيﷺ

📝وخد شوية النصايح دي لعلها تنفعك بإذن الله:

🟠اشتري أو حمّل كتاب للأذكار زي حصن المسلم أو مختصر النصيحة وحاول تحفظ الأذكار علشان تعرف تواظب عليها في رمضان وبعد رمضان بإذن الله
🟠الأذكار المطلقة زي لا إله إلا الله، وسبحان الله وبحمده، تحاول تقولها وإنت بتتفرج على بديع مخلوقات الله، وإنت بتتأمل في السما،
وإنت بتتفرج على مناظر وصور طبيعية، وإنت بتتفكر في نفسك وجسمك وإبداع صنع الله عزوجل لك .. وهكذا..حاول تعيش بقلبك مع الذكر .
🟠التنويع في الأذكار مهم جدًا، علشان تفوز بفوائد كل ذكر وتنوع في المكاسب والأرباح .. وكذلك علشان السرحان والملل، وكمان لأن كل ذكر له تأثير في القلب غير التاني وهتلاقي عندك في الكتب اللي ذكرناها ما شاء الله من الأذكار المتعددة..
🟠الأفضل طبعاً ذكر ربنا على الأصابع، بس لو بتنسى ممكن تشتري خاتم تسبيح في إيدك، طول ماهو معاك هيفكرك
🟠نزل برنامج على الموبايل يفكّرك كل شوية بذكر الله أو بالصلاة على النبي زي تطبيق أذكار المسلم أو أذكاري أو غيره..
🟠احفظ الحديث القدسي ده واستشعره وحس به في كل مرة  بتذكر فيها ربنا عزوجل .. قال تعالى :( أنا عند ظن عبدي بي
و أنا معه إذا ذكرني، فإن ذَكَرَنِي في نفسه، ذَكَرْتُه في نفسي، وإن ذكَرَنِي في ملأ، ذَكَرْتُه في ملأ خير منهم )متفق عليه
بالله عليك إقرأ الحديث ده تاني بقلبك ؛
🤍استشعر كده ← "وأنا معه" ! إنت عارف مين هو اللي معاك ؟؟! الملك العظيم الجليل
استشعر مَعيَّة ربنا عزوجل الخاصة لك إنت..معية الحفظ والتثبيت والتسديد والتوفيق والإعانة
🤍استشعر ← "فإن ذكرني في نفسه، ذكرته في نفسي" ! إنت مين إنت ؟؟!! وهو من هو سبحانه وتعالى؟؟! هو الملك، القُدوس، المهيمن العزيز الجبار المتكبر، هناك في ملكوته
وجبروته وعَليائه، يتفضَّل عليك ويذكرك في نفسه ! يذكرك إنت العبد الضعيف الذليل اللي متجيش ذرة في ملكه !
🤍استشعر وإن ذكرني في ملأ ، ذكرته في ملأ خير منهم" ! فوق في الملأ الأعلى، حيث ملائكة النُّور والأنبياء الكرام، أمام هذه الصفوة يذكرك الربّ العظيم تبارك وتعالى، ويُثني عليك إنت ! ده إنت قلبك بيرقص من الفرحة لو سمعت إن حد مشهور مدحك في جريدة أو في التليفزيون أو ذكر اسمك حتى !
أمال لو مَدَحك رب العالمين جلّ جلاله، وذكر اسمك في الملأ الأعلى، ياترى إحساسك ساعتها هيكون إيه ؟؟؟!
ياااااااااااااااااااه لو حسيت بالمعاني دي ..
هتلاقي قلبك طاير من السعادة والشوق والحب لله وإنت بتذكره


#يتبع غدآ بإذن الله
#رمضان_آخر_روقان
#مصطفى_زايد

"‏الفتن التي تعصف، والشهوات التى تتيسر؛ هي اختبار للتدين الراسخ والمراقبة الحقيقية والتي تردع النفوس عن حرمات الله خشية له لا عجزاً عنها.
وقد ذكر الله تيسّر الصيد للصحابة وهم محرمون وقال بعدها( ليعلم الله من يخافه بالغيب)
فكن رقيباً على نفسك فأنت المسؤول عنها."

🍁 🍃 المحن وتدبير الله 🍃 🍁

✍️⁩ سئل الإمام أحمد بن حنبل
ألم تصدك المحن عن الطريق ؟!

قال : والله لولا المحن لشككت في الطريق ..!

اعلم أن الله لا يبتلي ليعذب ولكنه يبتلي ليصطفي ويهذب
واعلم ان الله لا يبتليك إلا بشيءٍ هو خير لك ..
وإن ظننت العكس ..!

أرح قلبك وثق في تدبير ربك
فلولا البلاء لكان سيدنا يوسف عليه السلام مدللاً في حضن أبيه ..
ولكنه مع البلاء صار عزيز مصر وحاكمها ..!!!

ومن المنفى رجع سيدنا موسى عليه السلام  نبيا...!!!!

ومن المهجر رجع سيدنا محمد صلى اللّه عليه وسلّم فاتحاً لمكة ..!!

فهل يضيق صدرك بعد هذا ؟؟!!

  فإن مع العسر يسراً ..
لم يقل سبحانه فإن بعد العسر يسرا .

أكثروا من الصلاة والسلام على رسول الله صلى الله عليه وسلم .
‌ أكثروا من الاستغفار وحسن الظن بالله والدعاء وابشروا بالفرج القريب .

‏ قديمًا قالوا:
‏"من علامات المقت: إضاعة الوقت".
‏
‏فإذا أردت أن تعرف مقدار حُب اللَّه لك، فانظر كيف اغتنامك لوقتك، وكم منه تقضيه في مرضاة اللَّه.
‏
احذر لصوص رمضان!!

رمضان ليس شهر متابعة المسلسلات والمنكرات. 📺

رمضان ليس شهر الإسراف في الأكل وتضييع الوقت على وسائل التواصل بدون فائدة .📱

رمضان شهر الطاعة والعبادات والقُرب من الرحمٰن.

رمضان شهر القرآن والصيام والقيام.💫

🚫 فالحذر الحذر أن يضيع وقتك مع تلك الأجهزة أو مع تلك القنوات الفضائية.

"‏هوّن عليك إذا ما نلت مطلوبك بالدعاء فلقد صرف الله عنك من الشرور بمثلها، ولقد حماك دعائك من نزول النوائب عليك، وأنت الذي تظنّ أن الإلحاح الطويل والدعوات التي خرجت من قلبك بصدق لم تُغيّر شيئًا! لقد غيّرت دعواتك الكثير وأنت لا تعلم! فلا تغفل عن الدعاء مهما بدت الأقدار في وجهك شاحبة!".

2⃣9⃣

رمضان آخر روقان 🎆🌜

7⃣استغفار .. بروقان ..

🟢الاستغفار يعني طلب العفو والمغفرة

⬅️من مين ؟؟ من الله، ملك الملوك الكبير المتعال
⬅️على إيه ؟؟ على ذنوب ومصايب وبلاوي سودا إنت عملتها في حق الله عزوجل !!!

⬅️طيب تخيل ولله المثل الأعلى لما واحد يدخل على ملك أو رئيس وهو عامل جريمة كبيرة ويطلب منه المغفرة والعفو عن الجريمة دي .. عيش الموقف وشوف هيطلبه إزااااااي ؟؟!
⬅️تخيل شكله وذله وانكساره؟؟
تخيل طريقة كلامه ونبرة صوته ؟؟
تخيل تكراره وإلحاحه في الطلب ؟؟؟
تخيل دموعه وندمه حرارتهم قد إييييييييه ؟؟؟
🟢المفروض إن كل ده وأكتر يكون حالك وإنت بتستغفر ربك ؟!

🟢عرفت ليه دلوقتي إن استغفارنا اللي بنقوله بكل غفلة واستهتار، في حد ذاته ممكن يكون ذنب أصلاً محتاجين نستغفر منه !!!

_هتقول : طيب أستغفر ربنا لييييييييييه ؟؟!!
_هقولك : لأن الذنوب يا حبيب قلبي خطيرة جدااا.. ولكننا غافلين ! إبليس انطرد من الجنة بذنب واحد...سيدنا آدم بذنب واحد خرج من الجنة .. وإنت بتعمل الذنوب دي كلها ومش فارقة معاك !!

🟢 عارف إنت محروم بسبب ذنوبك من إيه وقد إيه ؟؟!!
🟢انتي عارفة الذنوب عاملة فيكي إيه ؟؟؟!

⬅️ياما ناس اتحرمت من القيام بسبب الذنوب .. ياما ناس اتحرمت من صلاة الفجر بالذنوب ياما ناس اتحرمت من الخشوع في الصلاة بالذنوب...ياما ناس اتحرمت من الدعوة بالذنوب .. ياما ناس اتحرمت من طريق الدين بسبب الذنوب !
الذنوب بتمنع إجابة الدعاء وبتمنع الرزق وبتمنع التوفيق !!

❎الذنوب بتقفل كل الأبواب في وشك والعياذ بالله
✅علشان كده هتلاقي الاستغفار داخل ضمن معظم الأعمال اللي بنعملها علشان يفتح لنا الأبواب دي ..

🔶شوف وإنت داخل المسجد، أول حاجة بتقولها : (اللهم اغفر لي ، وافتح لي أبواب رحمتك) أبواب الرحمة كانت مقفولة والاستغفار هيفتحهالك

🔶أول حاجة بنقولها في الصلاة : ( اللهم باعد بيني وبين خطاياي كما باعدت بين المشرق والمغرب ) ..ده اسمه دعاء الاستفتاح كأن أبواب قلبك كانت مسدودة والاستغفار
هيفتحها ما بينك وبين الخشوع في الصلاة

🔶سيدنا نوح بيقول :(فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين ) الذنوب كانت قافلة الرزق كانت قافلة الأرحام .. كانت قافلة المطر
والاستغفار فتح من الله لكل الأبواب دي ..

الاستغفار هيفتحلك أبواب الدين والدنيا في حياتك .
الاستغفار هيعمل مفاجأت في حياتك
الاستغفار هو المفتاح السحري لفتح أي باب مقفول في وشك .

✅وأي حد مجرب عارف الكلام ده كويس .. أي حد جرب عرف قد إيه حلاوة وجمال وسحر الاستغفار، وإن ربنا سبحانه وتعالي جعله سبب لتفريج الهموم والكربات ودفع العذاب ورفع العقوبات ومخرج لابتلاءات كتير جداً في حياتنا..
بس استغفر بيقين وإنت هتشوف العجب .

🟢وللأسف إحنا بنقعد مستنيين إننا نسمع أو نقرأ قصص عن عجايب الاستغفار علشان نتشجع ونستغفر !! مع إن ربنا عزوجل وهو أصدق القائلين قال في القرآن في أكثر من آية إن اللي هيستغفر هياخد فتوحات وبركات
وكرامات ورزق وزواج وذرية ومتعة وقوة
كل ده وغيره أكثر للمستغفرين ولكن قلوبنا للأسف لسه مش مصدقة ومدخلهاش اليقين !!

هتقول : بس أنا مش بحس بالمعاني دي وأنا بستغفر لأني مش عارف أصلاً إيه هي ذنوبي، هستغفر على إيييييه بالظبط ؟؟؟
هقولك : ده إحنا عندنا معاصي متتعدّش !!!!! خد عندك :......


#يتبع غدآ بإذن الله
#رمضان_آخر_روقان
#مصطفى_زايد

قتل .. سرقة ... انتحار
بسبب لعبة على الموبايل ( القمار )
كل الابليكشن الى فيها توقعات الماتشات حرام و كبيرة

أى ابليكشن فيه خسارة اكيدة قصاد مكسب متوقع .. حرام و كبيرة و قمار

لو عندك كشك أو محل بتشحن للعيال الى بتلعب الألعاب دى أو بتديهم المكاسب بتاعتهم من خلال كشك حرام و كبيرة و مشارك
أفهم القصة 👌

🎙أمير_منير

🌃 بشريات إلى أصحاب قيام الليل 🌃

البشرى الأولى 1⃣

اذا قمت الليل فى البرد فلن يحاسبك الله

إنَّ اللَّهَ ليضحَكَ إلى رجُلَينِ : رجلٌ قامَ في ليلةٍ بارِدَةٍ مِن فِراشِهِ ولِحافِهِ ودِثارِهِ فتوضَّأَ ، ثمَّ قامَ إلى الصَّلاةِ ، فيقولُ اللَّهُ عزَّ وجلَّ لملائكتِهِ : ما حمل عبدي هذا على ما صنَعَ ؟ فيقولون : ربَّنا ! رجاءَ ما عِندَكَ ، وشفقَةً مِمَّا عندَكَ . فيقولُ : فإنِّي قد أعطيتُهُ ما رجا ، وأمَّنتُهُ مِمَّا يخافُ ، وذكر بقيَّتَهُ
صححه الألباني 630

(وإذا ضحك ربك إلى عبد في الدنيا فلا حساب عليه.)
                صححه الألباني
            🌱🌱
البشري الثانية  2⃣

لو محتاج ربنا يشفيك ، ويكفر عنك سيئاتك ، ويبعد عنك الذنوب والمعاصي وأصحاب السوء وكل إثم ،
ولومحتاج حاجة تقربك إلى الله زى الصالحين بالضبط عليك بقيام الليل
قال رسول الله صلى الله عليه وسلم
(عليكمْ بقيامِ الليلِ فإنَّه دأبُ الصالحينَ قبلكمْ، و قربةٌ إلى اللهِ تعالى، و منهاةٌ عنِ الإثمِ، و تكفيرٌ للسيئاتِ، و مطردةٌ للداءِ عنِ الجسدِ)

            🌱🌱

البشرى الثالثة3⃣

إلى اصحاب الاماني الكثيىررة (عايزين فلوس ، عايزين تتجوزو ، عايزين اولاد ، عايزين تتوبوا ، عايزين الجنة....)ابشر👇

( ينزل ربنا تبارك وتعالى حين يبقى ثلث الليل الآخر كل ليلة فيقول من يسألني فأعطيه من يدعوني فأستجيب له من يستغفرني فأغفر له حتى يطلع الفجر)

👈🏻أن لم تكن مصلياً ف كن مستغفراً
وان لم تكن مستغفراً فكن من الملحين بالدعاء ..👉🏻

‏التّساهل في صور العرض النّسائية مُخيف

‏والله إنّنا مُثقلين بالذّنوب ، نتمنّى الفرار منها
‏ فكيف بكِ وقد حملتِ آثام غيركِ؟
‏ألا يكفيكِ ذنبك؟

قال رســـول الله ﷺ : 

«يا معشر النساء تصدَّقْــن وأَكْثِرْن الإستغفـار ، فإني رأيتُكنَّ أكثـر أهل النـار».

- صَحيح مسلم .

"إذا انتهت علاقتك مع شخصٍ ما، لا تُفكر في أذيَّته ولا تُفكر حتى أن تمسّه بشيء.
تذكر فقط أنك كنت في يومٍ من أعز أصدقائه أو أحبابه. نحن بين رحلتين، رحلة غياب ورحلة حضور

فلا تسرق فرحة أحد، ولا تقهر قلب أحد.
عوِّدوا أنفسكم أن تمرّوا مرور الكرام، وأن تتصرفوا باحترام وإنسانية وإحسان وتفاهم وتسامح فالبصمة الجميلة تبقى وإن غاب صاحبها.

اللهم اجعلنا ممن يمرّ كريمًا بلا ضرر، طيِّب الذكر طيِّب الأثر."

أسْلمَ من أولادِ أبي لَهب خمسَة:
دُرّة وخَالِدة وعَزّة من الصَحابيّات، وعُتبة ومَعتَب من الصحَابة..
وكَانوا يَقرؤون: تبَّت يَدا أبي لَهبٍ وتبَّ 

لا مجاملة في ‎العقيدة و ‎التوحيد

هل من تائبة قبل رمضان؟

من ستترك اللباس الضيّق؟!
من ستحذف وتترك سماع الأغاني؟!
من ستترك العلاقة المحرّمة لأجل الله عز وجل؟!...
من ستتوب من معصية هي أعلم بها؟!

رمضان أتى، بادرنَ بالتوبة ولنجدّد العهد مع الله..
وقولي في نفسك :
"ومايدريني لعله آخر رمضان ألقاه"!..

‏ينقل بعض العلماء أن السماع هو مذهب أهل الحجاز، ومرادهم هو السماع الذي أطبق عليه الناس الآن في وقتنا، من المبالغة بسماع الحداء والأناشيد ونحوها، وقد سُئل الإمام مالك عن الغناء، فقال: إنما يفعل ذلك عندنا الفُسَّاق.

📚 الغناء في الميزان
للشيخ عبدالعزيز ‎#الطريفي

📚 ـ www.tg-me.com/Stoory52

3⃣0⃣

رمضان آخر روقان 🎆🌜

7⃣ تابع استغفار .. بروقان ..

_هتقول : بس أنا مش بحس بالمعاني دي وأنا بستغفر لأني مش عارف أصلاً إيه ذنوبي، هستغفر على إيييييه بالظبط ؟؟؟
هقولك : ده إحنا عندنا معاصي متتعدش !!!!! خد عندك :
🔴معاصي السر: زي عادة سيئة، مواقع إباحية، كل نظرة حرام خطفتها في الشارع، كل معصية عملتها في خلوتك
🔴معاصي القلوب: زي تعلق القلب بغير الله، الرياء، النفاق، سوء الظن بالله !!
🔴معاصي النفوس: زي الكبر والعجب والحسد !!
🔴معاصي الفرائض: زي صلاة الفجر اللي بتضيع، وعدم الخشوع في الصلاة، والصيام اللي ياما فرطت فيه !!
🔴معاصي الأخلاق والمعاملات والحقوق: إيذاءك للناس بأي قول أو فعل، عقوق والدك ووالدتك، أرحامك اللي إنت قاطعها، شغلك الدنيوي اللي إنت مقصر فيه
🔴السيئات الجارية: علِّمت حد التدخين، عرفت حد طريق المخدرات! دليت واحد على موقع إباحي !! عملت شير لأغاني وصور حرام لسه الناس بتشيرها لبعض بسببك !!
🔴معاصي في حق الاسلام: كل منظر شفته ومأنكرتهوش ولو بقلبك، تقصيرك في الدعوة إلى الله... سيدنا كعب بن مالك رضى الله عنه  تخلف مرة واحدة عن خدمة الدين ونصرته؛ شوفوا اللي حصله ؟! النبي ﷺ والصحابة قاطعوه ٤٠ يوم !! وإنت تخلفت عن خدمة دينك 1000 مرة ومرة ومش حاسس إنك عملت أي حاجة !!

📝وخد شوية النصايح دي لعلها تنفعك بإذن الله:

🟢حاول تقعد في مكان هادي وبعيد عن الناس، وتركن ظهرك وتقعد کده بهدوء تستغفر..الاستغفار "وقت السَّحَر" في جوف الليل قبل الفجر له طعم تاني حاول ماتضيعهوش .. قال تعالى: ﴿ وَبِالْأَسْحَارِ هُمْ يَسْتَغْفِرُونَ )

🟢حضر قلبك ومتستعجلش متقولش "أستغفر الله أستغفر الله أستغفر الله أستغفر الله" ورا بعض كتكرار وخلاص ! لأ حاول تقولها بقلبك صح ، وبراحتك خااااااااالص واحدة واحدة .
✅قول " أستغفر الله وأتوب إليه " وإنت ندمان وزعلان على كل حاجة قصرت فيها في حق ربنا سبحانه وتعالى
✅قول "أستغفر الله وأتوب إليه" وإنت بتفتكر كرم ربنا عليك إنه سترك مرة واتنين وألف مرة، وأعطاك الفرصة تتوب ومامتش على معصية !!
✅قول "أستغفر الله وأتوب إليه" وإنت مستشعر عظمة الملك.. وإنت بتفتكر رحمة ربنا الواسعة ومغفرتة العظيمة
✅قول أستغفر الله لحد ما تحس إنها شقت في قلبك شق وحطمت جدران القسوة والغفلة اللي عليه، لحد ما تحسّ إن قلبك بدأ يخشع
وبدأت تحس بمعاني الاستغفار وعينك خلاص بتدمع من خشية الله

🟢التنويع .. زي ما اتفقنا إن التنويع مهم جداً في كل حاجة...ف نوع في صيغ الاستغفار علشان متزهقش

✅قول ( استغفر الله الذي لا إله إلا هو الحي القيوم وأتوب إليه )
✅قول ( اللهم إني ظلمت نفسي ظلمًا كثيرًا، ولا يغفر الذنوب إلا أنت فاغفر لي مغفرة من عندك وارحمني إنك أنت الغفور الرحيم )
✅قول (رَبَّنا ظلمنا أنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ)
✅قول (لا إله إلا أنتَ سُبْحَانَكَ إِنِّي كُنْتُ مِنَ الظَّالِمِينَ)
✅قول ( اللهم إغفر لي خطيئتي وجهلي، وإسرافي في أمري، وما أنت أعلم به مني،
اللهم إغفر لي جدي وهزلي، وخطئي وعَمْدي، وكل ذلك عندي، اللهم إغفر لي ما قدمت وما أخرت،وما أسررت وما أعلنت، وما أنت أعلم به مني، أنت المقدم وأنت المؤخر وأنت على كل شئ قدير)
✅قول سيد الاستغفار (اللهم أنت ربي لا إله إلا أنت، خلقتني، وأنا عبدك، وأنا
على عهدك ووعدك ما استطعت، أعوذ بك من شر ما صنعت، أبوء لك بنعمتك علي،
وأبوء لك بذنبي، فاغفر لي، فإنه لا يغفر الذنوب إلا أنت ) ..

#يتبع غدآ بإذن الله
#رمضان_آخر_روقان
#مصطفى_زايد

بنت  رغم إنها كفيفه ولا ترى ولكنها فضّلتْ الحياء والستر والعفة على التبرج👌

البنت دى تجعلكِ تستحي من نفسك
معقوله أنتِ إلى الآن رافضه لبس النقاب ؟
معقوله وانتِ بكامل صحتك تتكاسلى عن طاعة الله ؟!


طب يلا بقا #البسوا_النقاب وكفاية تردد وخوف وتسويف