#دورة_قيام_الليل


د حازم شومان
#المقطع1⃣

🌱مع أولى مقاطع دورة قيام الليل

#الليل_يا_جماعة

#يا من تريدون طلب العلم
#يا من تريدون الفتح فى الدين
#يا من تريدون تغيير حال القلب

    #يا جماعة ابدأوا صح  
ابدأوا ب ﴿  يَا أَيُّهَا الْمُزَّمِّلُ (1) ﴾

للقائمين بالليل

ربنا سبحانه وتعالى عندما يريد أن يصطفي دعاة هيصطفي منهم بإذن الله
عندما يريد أن يصطفي علماء هيصطفي منهم بإذن الله

لما ربنا يريد أن يصطفي فاتحين ومجاهدين هيصطفي منهم بإذن الله

#الإصطفاء : يعني الصفوة  إنه سبحانه وتعالى  يأخد الصافي يأخذ الخالص

#يا_جماعة_حلوها_من_فوق

ربنا سبحانه وتعالى يتنزل كل ليلة في الثلث الأخير فيقول :
هل من سائل فأعطيه
هل من مستشفٍ فأشفيه
هل من مستدفعٍ للضر فأدفعه عنه
هل من تائب فأتوب عليه
هل من مستغفرٍ فأغفر له

#اللي بتزرعه باليل بتحصده بالنهار

تخيلوا لو ربنا سبحانه وتعالى مكنش بيتنزل كل ليلة
لو ربنا كان بيتنزل كل تلات شهور مرة   عارفين الليلة دى هتبقى زى يوم عرفة كده الناس كلها فى المساجد
  هتبقى عاملة زى ليلة القدر كده الشوارع مقفولة من الطوابير اللي واقفة في المساجد وبره المساجد

🔺عارفين ربنا سبحانه وتعالى بيتنزل لك كل ليلة ليه ❓

لأنك متقدرش تستغنى عن ربنا ولا يوم

كل يوم أنت في إحتياج

يَسْأَلُهُ مَن فِي السَّمَاوَاتِ وَالْأَرْضِ ۚ كُلَّ يَوْمٍ هُوَ فِي شَأْنٍ (29)

#يا_جماعة_خلصوا_مشاكلكم_فى_التلت_الأخير


قيام الليل اتفرض قبل الصلوات الخمس اتفرض قبل الزكاه اتفرض قبل الحج والعمرة قيام الليل اتفرض قبل كل الفرائض التانية

معناها إن قيام الليل ده بيعمل إيه في التربية

قيام الليل اتفرض على الصحابة سنة كاملة
يعني معناها إن اللي هيبدأ بقيام الليل ده حياته هتتغير

#دعاء_الثلث_الأخير_لا_يصمد_أمامه_إبتلاء

تعبان  ❓مريضة ❓نفسك تطلب علم ❓مش عارف تتجوز ونفسك ربنا ييسرلك الجواز ❓مش لاقية شغل ❓مفيش عريس متقدملك ❓

دعاء الثلث الأخير من الليل لا يصمد أمامه إبتلاء بقدرة الملك سبحانه وتعالى بس قوم وادعي

قوم وادعي ومتطلبش الإجابة من الليلة الأولى⬅️قوم و كمل، قوم وواصل

ليه بنقول فى الفاتحة : _﴿  إِيَّاكَ نَعْبُدُ وَإِيَّاكَ نَسْتَعِينُ (5) ﴾
ليه العبادة قبل الإستعانة فى الفاتحة
يعني : يارب أنا مش بعبدك علشان تقضي لى حوائجي بس
يعني إفرض إن ربنا ابتلاك إن ماقضاش حاجتك هفضل اعبدك بردوا يارب

إياك نعبد مراد الله
إياك نستعين مرادنا إحنا
فنحن نقدم مراد الله على مراد أنفسنا

ولأننا مش هنعبده من غير الإستعانة بيه

# يارب ثبتني يارب اهدي قلبي يارب اشرح صدري

الدين الحقيقي الدين اللي يغيرك من جوه اللي يفرمطك من جوه
اللي يقلب لك  حياتك

يَا أَيُّهَا الْمُزَّمِّلُ (1) قُمِ اللَّيْلَ إِلَّا قَلِيلًا (2)
قيام الليل هيوفرلك عمرك

أفضل القرارات اللي الإنسان ممكن ياخدها في حياته اللي بياخدها قدام المقابر وبإذن الله بيكون قرار صائب ليه❓
لأنك بتحسبها لو أنا مت دلوقتي هندم على إيه

من أخطر الحاجات اللى ممكن نندم عليها🔸 قيام الليل 🔸علاقتنا بالقرآن 🔸كل ليلة راحت مننا من غير مانقومها ونقف بين إيدين ربنا سبحانه وتعالى فيها

سداد فاتورة العافية !!!
وبالشكر تدوم النعم👌

حافظ على صلاة الضحى
فبها تكون أوابا توابا
وبها تؤدي حق الله في شكر نعمته

#صلاة_الضحى

#تذكروا_إخوانكم_بطيب_دعواتكم

الحلقة الثانية 2⃣
من سلسلة داود أعبد البشر 🎧
د. حازم شومان 🎙

🕊️الطمع في الله ♡ .

🌸قال الله -عز وجل- : {عَسَى اللَّهُ أَن يَأْتِيَنِي بِهِمْ جَمِيعًا ۚ } [يوسف: ٨٣].
🤲 أنا عايز كل حاجة ، كل حاجة مجموعة مع بعضها، كمان ما اتعبش و أقعد أجري أجيب دي وأجيب دي، لأ،اجمعها لي وهاتها لي يا رب 🤲🏻 ، هاتها لي one package كده يا رب ، هاتها لي متجمعة مع بعضها يا رب، جمعها لي أنت وهاتها لي أنت لحد عندي🥰 .

🌸{أَن يَأْتِيَنِي بِهِم}، {يَأْتِ بِهَا اللَّهُ ۚ} [لقمان: 16].
😍الطمع في الله سبحانه وتعالى.

🤲🏻اللهم اشرح لنا صدورنا.

← شرح الصدر إنّ الصدر ينشرح للعلم📖، إنّ معاني القرآن والسنة ماتدخلش وتخرج على طول، أو ماتيجيش تدخل جوه تلاقي السعة بتاعة الصدر قليلة و مش عارفة تدخل المعاني العالية.

🌺{وَيَسِّرْ لِي أَمْرِي} [طه: 26].

←في العمل بقى.

🌺{وَاحْلُلْ عُقْدَةً مِنْ لِسَانِي} [طه: 27] .

←في الدعوة بقى ، يبقى علم ثم عمل ثم دعوة.

😍إنّ ربنا يشرح صدورنا للمعاني دي.

💭فاكر أنا قُلت لك إيه❓
💭فاكرة الكلمات النورانية اللي أنا عايزِك تكتبيها في ورقة📃 وتعلقيها قدامك❓

👌🏻أنا عايز يا جماعة لما نعمل مقطع عن شعارات القرآن والسنة⇜اكتبي الشعارات دي وحطيها أمامك🧾 واقعدي سبّحي عليها في جلسة الضحى هتغيّر حياتك كلها😍.

🌹والله يا جماعة هتغير حياتك تمامًا، أنا الحاجات دي غيّرت لي حياتي لما كنت أقعد أكتبها وأحطها أمامي وأسبّح 📿عليها.

🌸«ولَوِ اسْتَزَدْتُهُ لَزَادَنِي»😊.
المصدر : صحيح البخاري

💓الله!! ده كرم النبي، أومَّال كرم الله!!! أومَّال كرم الله سبحانه وتعالى.

🌺«ولَوِ اسْتَزَدْتُهُ لَزَادَنِي».
🌺لا غنى لي عن بركتك يا رب، لا غنى بي عن بركتك يا رب.
🌺ومن يشبع من فضلك يا رب؟! 
🌺{عَسَى اللَّهُ أَن يَأْتِيَنِي بِهِمْ جَمِيعًا ۚ َ}.
🌺{اهْدِنَا الصِّرَاطَ الْمُسْتَقِيمَ}.
🌺الله أكثر، الله أكثر، الله أكثر، مهما طلبتِ الله أكثر . 
🌺«ولْيُعَظِّمِ الرَّغْبَةَ»،
«ولْيُعَظِّمِ الرَّغْبَةَ؛ فإنَّ اللَّهَ لا يَتَعاظَمُهُ شيءٌ أعْطاهُ» .

💫ربنا لما أعطى لسليمان مُلك لا ينبغي لأحدٍ من بعده ولا حاجة أصلًا في مُلك ربنا سبحانه وتعالى، ولا حاجة.

😍«فإنَّ اللَّهَ لا يَتَعاظَمُهُ شيءٌ أعْطاهُ»، «ولْيُعَظِّمِ الرَّغْبَةَ».

🤲🏻 اللهم إني أسألك من الخير كله عاجله وآجله.
🤲🏻 اللهم زدنا ولا تنقصنا.

💥شعارات كتير أوي أوي.

🕊️مهما اتكلمنا عن طمع الصالحين في الله مالهوش حدود، ورغبة الصالحين إلى الله مالهاش حدود، مافيش، أصل هو ربنا اللي مطمّعك فيه، يعني الواحد ساعات كده:
😍أنت اللي طمّعتنا فيك يا رب، يا رب أنت اللي ملأت كتابك كلام عن كرمك المذهل مع الصالحين يا رب🤍 ، طيب اللي يسمع الكلام ده هيعمل إيه❓

😊هيتلهف، هتتلهف نفسه على باب جودك، هو فيه حد بيعطي زي اللي أنت بتعطيه يا رب❗️ هو فيه حد كريم زيك يا رب❗️ ياما أنت كريم يا رب ، ياما أنت عظيم يا رب 😍 .

💙يا كبير يا اللي كل مشكلة جنبك بتبقى صغيرة يا رب.
💚يا رب يا رب طمعانين في كرمك.

🌹الحمد لله الذي كفانا وآوانا وأطعمنا وسقانا -الحمد لله- وهدانا واجتبانا، ربنا كريم أوي يا جماعة.

#البوست7⃣
#ومن_يشبع_من_بركتك_يا_رب
#الشيخ_حازم_شومان
https://www.tg-me.com/drhazemshouman
https://www.facebook.com/bnatshoman

سَلِم أمُورَكَ للإلـه،ِ فربمــا
جعل الشدائدَ لِلرَخاءِ سَبِيلا ،

وَأرِحْ فؤادكَ مِنْ شِكُوكٍ إنَّهُ
رَبٌ كريــمٌ لا يَرُدُ نَزِيلـــا،

وارْجُ العطاءَ مع البَلاءِ فكَمْ تلا
يُسْرُ عَسِيراً لا يدوم طويلـا


#قيام_الليل_شرف_المؤمن

#وتركم_جنة_قلوبكم

#دثروا_إخوانكم_بصالح_دعواتكم

#دورة_قيام_الليل

#د. حازم_شومان

#المقطع_الثاني

🍃ممكن يكون لينا دور كبير في الدين و الدعوة و احنا مش حاسين و مستقلين أنفسنا.

🍃لا نعلم لو اجتهدنا في قيام الليل ماذا سيفتح الله على أيدينا بإذن الله

🔛خلي القرآن هو زادك و قيام الليل هو المنطلق بتاعك

⏫ربنا سبحانه و تعالى ترك الزيادة في وقت القيام مفتوحة و حدد النقصان بأنه يكون نقص قليل (نصفه أو انقص منه قليلا أو زد عليه و رتل القرآن ترتيلا)

⬆️زيد في ورد القيام على قد ما تقدر كل ما تزود يزيد الإيمان في قلبك و تزيد عزيمتك و يزيد الخير في حياتك

🍃القرآن لازم نركز معاه و نرتله آية آية

🍃النبي صلى الله عليه و سلم ترك النوم و قام الليل و انطلق إلى الله بسبب تأثره بالقرآن

💪 القرآن هو اللي بيغير لازم نبدأ صح و نبدأ نجاهد مع القرآن

🏆البداية القوية في الدين مجموعة في ٣ سور الأولى : اقرأ، قم الليل إلا قليلا ، قم فأنذر ( العلم، العبادة، الدعوة)

🍃يا أيها : نداء تعظيم ليس ك : يا
الله ينادي المؤمنين ب: يأيها الذين آمنوا
كأن المعنى يا اللي مش عارفين مقامكم عند ربنا ايه بإيمانكم و مش عارفين تأثيركم في الواقع قد ايه

🌱 المقارنة بين بداية سورة المزمل وآخرها تزرع الأمل

(إنا سنلقي عليك قولا ثقيلا)
💪 توجد تكاليف و أثقال في الدين زي الدعوة و الصمود ضد أهل الباطل و طلب العلم .. ما يقدرش على هذه التكاليف إلا اللي يقوموا الليل و اتصلوا بالقرآن
القرآن ينشئ إنسان قوي (ناشئة الليل)

#فوائد_المقطع_الثاني

#دورة_قيام_الليل

‏﴿فَاصْبِرْ ۖ إِنَّ الْعَاقِبَةَ لِلْمُتَّقِينَ﴾
فإن الله لا يُعطي عبده حِملاً لا يستطيع تحمّله...
‏يامن له رحمةً خفيّة، يمنع بها مانُحب، ويعوّضنا بأجمل مما نُحب، رأفةً بنا وخيرة، الحمد لله رضينا بكل ما قدّرت لنا لأن تدبيرك رحمة ولُطف، وإليك سلّمنا أمورنا فأصلح شأننا كلّه، ولا تكلنا إلى أنفسنا طرفة عين.

المرأة كُلما غَّضت بصرها،
متَّعها المولى بقِصر طرفهَا على زوجهَا،
فلا تملّ مِنه ولا تطمَع بغَيره بدلا،

وتنعمت بنعيم نساء أهل الجنة {قَاصِرَاتُ الطَّرْفِ عِين}