عملنا ابطال #حملة_شبابنا

طلاب ومتطوعون من مختلف المحافظات اطلقنا تحدي
( الدراسة داخل خيمة ) ليوم واحد تضامنا مع معاناة طلاب المخيمات

وقمنا بجمع اكثر من 20 الف ملزمة دراسية لارسالها للمدارس في مخيمات النازحين ضمن مبادرة #نحو_المخيمات😍✌️

#مبادرة_وطنية بامتياز 🙏
بامكانك ان تساهم معنا
للتفاصيل راسلنا @pr2021t

انتهى اجتماع موسع بين وزارة التخطيط ولجنة عمداء كلية الطب ونقابات المجموعة الطبية والصحية ونرفق لكم ابرز نتائج الاجتماع :-

١- تم رفض والغاء كافة التوصيات المرفوعة قبل اشهر من قبل نقابات المجموعة الطبية المتضمنة ايقاف التعيين المركزي لكلية طب الاسنان والصيدلة .

٢- ايقاف استحداث كليات الطب البشري الاهلية

٣- أستمرار التعيين المركزي لكافة الكليات ضمن قانون التدرج الطبي ( الطب ، طب الاسنان ، الصيدلة ، التقنية الطبية ، التمريض ، المعاهد الطبية ، العلوم وباقي الاختصاصات الساندة )

#منقول

#الصداقات_بالجامعة

خصوصاً طلاب المرحلة الأولى

كُلنا چنا مرحلة أولى ولكون بيئة الجامعة تختلف عن بيئة المدرسة ف اغلبنا يتخبط بإتخاذ أصدقائه

#البدايات وبكل شي دومها مبهرة ومثالية
#ولكن بعدين شوية شوية تبين الوجوه الحقيقية

وانتوا لبين ما تبين الوجوه ع حقيقتها
لازم تزرعون فد مسافة او حدود معينة بينكم وبين أصدقائكم

الى ان تعرفون منو صديق حقيقي ومنو مُزيف

لأنهُ الصداقات بالكورس الأول شي وبالكورس الثاني شي ثاني🙂

م/خلال فترة الكورس الأول :لتنتقد أحد گدام أحد
گدام أحد لتنتقد أحد ولتسألون ليش😂

#الجامعيون القُدامى شلونهم أصدقاءكم ونفسهم وياكم من المرحلة الأولى؟

إحچولنا هنا 👇🏻

https://www.facebook.com/679921652033546/posts/7549039241788385/?d=n

#انتهى اجتماع اللجنة العليا للصحة والسلامة
ولا شيء يخص دوام الجامعات والمدارس

#خبر
التعليم العالي:تمديد السقف الزمني للطلبة المقبولين بالجامعات والمعاهد لهذا العام
لمدة اسبوعين

#وزارة التربية تؤكد استمرار دوام الملاكات التربوية والتعليمية والاشرافية والادارية التابعة للمديريات العامة للتربية في بغداد والمحافظات كافة والمدارس على ما كانت عليه دون أي تغيير.

#توضيح

طلابنا للآن دوام الجامعات والإمتحانات مُستمرة بنفس آلياتها المعمول بيها من بداية السنة

ماكو شيء جديد اتطرقتله اللجنة العليا للصحة والسلامة اليوم بإجتماعها

#هام إطلاق استمارة القبول المركزي للطلبة الناجحين في الدور الثاني التكميلي

القبول المركزي للقناتين (العامة وذوي الشهداء)

يستمر فيه التقديم عبر بوابة الدراسات والتخطيط والمتابعة (www.dirasat-gate.org) الى غاية نهاية الدوام الرسمي من يوم الثلاثاء المقبل الموافق 18 كانون الثاني الحالي 2022 فإن الاستمارة الإلكترونية تتطلب تسجيل عشرة خيارات من الطالب على وفق الحدود الدنيا للقبول المركزي للسنة الدراسية 2022/2021.

وعملا بإجراءات التقديم الخاصة بذوي الشهداء فإن تقديم الطلبة من هذه الشريحة يكون من خلال تفعيل الرقم الامتحاني عن طريق مؤسسة الشهداء حصرا.


#برنامج_رحلتي_الجامعة

#هاام وزارة التعليم تعلن إطلاق بوابة التقديم الثانية إلى الجامعات والكليات الأهلية
🎇رابط التقديم ⬇️⬇️
http://www.pe-gate.org/

#منشور ما قبل النوم يستاهل الممثل😎

#هسة هو منطقياً إنهُ الممثل إتصدى لمهمة(صعبة) هذا موقف ينحسب إله و يُشكر عليه❤️

بالنهاية هو ممجبور يتحمل مشاكل الدفعة وتوصيل مطالبهم والتنسيقات وية الدكاترة وتنضيم جدول وتبليغات وحلول وامتحانات وغيره هواية هواية تفاصيل..

#المشكلة إنهُ الممثل اكثر شخصية بالجامعة اللي عليها جدل😂
يعني مستحيل نلگي كُل الدفعة راضية عنه

ومتناسين بإنهُ هو بالنهاية طالب حاله حال الطلاب

#مرات يصير التباس بين منصب الممثل. ومنصب العميد
معظم الطلاب عبالهم الممثل هو العميد ويگدر يلبيلهم كُل شي

في حين هو مجرد حلقة وصل بين الطلاب والقسم

#صحيح أكو ممثلين يستغلون الطلاب بتفاصيل السفرات والإستنساخ
ويطب للكلية بسايبة ويتخرج بجكسارا😂😂
بس هذولي همّ نسبة قليلة جداً

#واكو ممثلين يسوون كل شي عدا شغلة الممثلية(فاهي)🙄

بس بالأخير عامة الممثلين يتعبون جداً ويستحقون احد يقدر تعبهم ويتعاون وياهم😍

م/ طلاب المرحلة الأولى إعرفوا تختارون شخص يمثلكم بشكل جيد ويكون وياكم مو عليكم

#برنامج_رحلتي_في_الجامعة

حمد ينتظر رحمة الله والمطر
حمد تراكماته وصلت للقمر

#عاجل

وزير التعليم يعلن أداء الامتحانات حضورياً

#توضيح

الإمتحانات ستكون حضورية للمواد المُحددة سابقاً بشكل حضوري

#طلابنا لا تهلعون ريلاكس🤣

هذا كتاب الوزارة بشهر ال٩ بي توضيح لآليات الإمتحانات و(باقية نفسها ممتغيرة)

بإختصار شديد
الحضوري يبقى حضوري
الألكتروني يبقى الكتروني

هسة تگولون لعد ليش صرح الوزير بإنهُ الإمتحانات حضورياً؟

كُل ما هنالك دينطيكمياها من الأخير وحتى تقطعون الأمل بإنهُ وضع الإمتحانات باقية ع حالها ومراح تتأثر بالموجة الرابعة لكورونا

وضحت؟

#برنامج_رحلتي_في_الجامعة

#خبر

وزارة التعليم العالي تعلن فتح التقديم على الدراسة المسائية في الجامعات الحكومية لاستكمال خطة القبول الكليات والمعاهد التي لم تكمل خطة قبولها ابتداء من يوم 13/1/2022 لغاية 20-1-2022

#هام عن وزارة التعليم العالي:

١_آخر موعد لتسجيل الطلبة المقبولين ضمن القنوات الأخرى الذين تأخروا بالتسجيل سيكون يوم ١/٢٧

٢_التاريخ اعلاه يشمل طلبة الدور التكميلي

٣_سيتم اعلان نتائج القبول لطلبة الدور التكميلي الأسبوع المقبل

٤_لا إستضافة لطلبة المرحلة الأولى

#برنامج_رحلتي_في_الجامعة

#الإمتحانات_وإجتهادات_الكليات

بشهر التاسع الوزارة نزلت كتاب يحتوي على آلية الدوام والإمتحانات

أحد بنود الكتاب يگول:
(يكون أداء الامتحانات الفصلية والنهائية للدروس الأساسية والعملية حضورياً)

وهذا يعني المواد الغير أساسية تكون إمتحاناتها الكترونية

بعض الجامعات الله يسلمها شلون يصير تلتزم لا حرام
لازم تجتهد فَ حولت امتحانات المواد الأساسية والغير اساسية الى حضوري!

ومن الطلاب تحاججهم يگولون وصلنا كتاب

وبالحقيقة ماكو أي كتاب نزل مُخالف لكتاب شهر التاسع

ف الجامعات والأقسام بطلوا إجتهادات ترى البينا مكفينا😑

واذا فعلاً تدعون أنهُ أكو كتاب رسمي من (الوزارة) يثبت حقيقة ادعاءاتكم ف انشروه لطلابكم ليش ضاميه عليهم😒
ترى مو كتاب تهريب ممنوعات هو😒

#هام
عن وزارة التعليم:

🟣تحدد الاثنين المقبل موعداً لفتح التقديم إلى التعليم الموازي للطلبة الناجحين
🟣الدور الثاني التكميلي من الدراسة الإعدادية للفروع الإحيائي والتطبيقي والأدبي
🟣الدورين الأول والثاني الذين لم يتم قبولهم في الوجبة الأولى والذين لم يقبلوا في كليات المجموعة الطبية
🟣سيكون التقديم متاحا أمام الطلبة خريجي السنة الدراسية 2021/2020

#أبو_الخط

ماكو حل وسط وية أبو الخط لو يكون هو ملتزم وأكو بالخط طالب يشلع الگلب ويتأخر بداية الدوام ومن يخلص الدوام😒

لو نلگي الطلاب كُلها ملتزمة وأبو الخط بين يوم ويوم يموت جده ويضرب الطلاب بوري ويتأخر لو ميجي😂

وبالمقابل أكو طلاب تبدل الخط ٥ مرات بالشهر بگد ما مشلوع گلبهم🙂

#ابو_الخط الملتزم عملة نادرة بهالوكت ف حافظوا عليه لعلكم ترحمون😁

شلونه أبو الخط وياكم وشنو مواقفكم وياه؟

م/اللي عنده خط أو يدور ع خط خلي يكتب بالتعليقات لعله إنهُ يلگي

إحجولنا هنا👇🏻

https://www.facebook.com/679921652033546/posts/7568764553149187/?d=n

#المظاهر_والجامعة

على الرغم من إنهُ الموضوع بلش يكون أقرب الى كونه عادي
ونسبية الإكتراث اله بدت تقل عن الفترات السابقة (ولو بنسبة معينة )

ولكن يبقى الموضوع اله تأثيره (ولمواقع التواصل الإجتماعي وشخوصها المُتصدرين تأثيرهم بالموضوع)

هو صح المظهر والترتيب مطلوبات كطالب
ولكن هذا ميعني أبداً تكون بلوكر مدري فلوكر 😂
ولازم يومية لبسة شكل

كُلش طبيعي تكرر اللبسة أكثر من مرة واثنين واتلاثة خلال الإسبوع
كلش طبيعي تلبس ملابس بسعر رخيص جداً
كلش طبيعي تروح للجامعة بتلفون اقل العادي
كلش طبيعي نتصرف ع أساس #الإحنة
والمظهر مظهر العقل مو مظهر قشور الملابس والتلفون وال١٩مفتاح مدري سويچ اللي يتعلگون بالبنطرون😂

م١/طلاب المرحلة الأولى كُلش طبيعي تاكلون يومية فلافل چا شبيها الفلافل أكو أطيب منها؟🤤
م٢/كُلش طبيعي تجيبون وياكم أكل من البيت
م٣/ اللي يريد يلبس ويكشخ ويتصرف وفق ما هو متعود جداً طبيعي خلي يسوي اللي يحلو اله
وهذا ميبدد حقيقة إنهُ المظهر للعقل مو لهالشكليات❤️

#طلابنا اذكرولنا امور #كُلش_طبيعي نسويها بالجامعة قد يعتبرها البعض مترهم انهُ نسويها

هسة يجون جماعة المرحلة الأخيرة لعبانة نفسهم ويكولون كلش طبيعي تداوم بتراكسود وشحاطة😂😂

#برنامج_رحلتي_في_الجامعة