#haqida

Sevgi shartnomasi

Ko'pchilik bilsa kerak, odatda ikki yosh turmush qurishidan oldin ular o'rtasida nikoh shartnomasi imzolanadi. Bu odatda mol-mulk yoki moddiy mablag'lar taqsimoti bilan bog'liq bo'ladi.

Yaqinda yana bir zamonaviy tendensiya haqida o'qib qoldim. Bizga endi kirib kelayotgan Marry Me'lar G'arbda trenddan qolib, endi "Love Contract" degan qoida urfga kirayapti.

Odatdagidek, buni mashhurlar boshlab berishdi. Yaqinda bir mashhur futbolchi supermodel bilan turmush qurdi. Ular o'rtasida "Love contract" tuzilgan va unga ko'ra, supermodel eri bilan har kuni jinsiy aloqa qilishi shart. Hatto bir kun bo'lmasa ham, yuridik hujjat tufayli jarimaga tortiladi. Xullas, nimaligini tushindingiz.

Yaqinda yana bir yosh sportchi ham 17 yoshida uylandi. U ham modelga. Aytishlaricha, model xotin "shartnomada" erining boshqa qizlarning rasmlariga layk bosishni taqiqlagan. Shuningdek, xotiniga har kuni "Seni sevaman, jonginam" deb aytishi shart ekan. Har kuni! Qanday sharoitda bo'lishidan qat'i nazar. Hammasi notariusdan tasdiqlangan, imzo chekilgan.

Erta uylanish - doimo ham yutuq degani emas. Ba'zi yigitlar tezroq oila masalasini bir yoqli qilib, ko'proq karyera qilish va ishga e'tibor qaratish uchun erta turmush quradi. Afsuski, hamishayam bu muvaffaqiyatli bo'lib chiqavermaydi.

Qizlarni ham tushunish mumkin, hamma o'ziga vafoli yor istashi tabiiy. Lekin oldinlari bularning hammasi "Yigit so'zi" orqali bitar edi. Yigitlarda or, qizlarda vafo..

To'g'ri, ko'rinishidan beozor va prikolno narsalar, lekin bunday tendensiyalar bizga juda tez va ashaddiy shakllarda kirib kelishini inobatga olsak, yaqin vaqtlarda instagramda shunaqa voqealarni uchratsak ajablanmayman.

Har holda, jamiyatdayam allaqachon "To'ydan keyin choyxonani unutasiz, do'stlariz bilan Cs"go bormaysiz" kabi talablar yangilik bo'lmay qolgan.

Xullas, bo'ydoq yigitlar birlashingiz! Haq-huquqlaringiz uchun kurashishlaringga to'g'ri kelishi mumkin:)

@boredpandablog

​​#review #taqriz

📗Lyu Sizin – "Death's End"

Nihoyat, "Uch jism masalasi" trilogiyasini tugatdim. Bu yil ilmiy-fantastikaga bunchalik kirib ketaman deb o'ylamagandim, ammo trilogiyaning 1-qismidagi ilm-u fan va o'zga sayyoraliklar bilan bog'liq voqealar rivoji meni nihoyatda qiziqtirib qo'ygan edi.

Uchinchi, yakuniy qismda, muallif ikkinchi kitobdagidan farqli o'laroq sarguzasht voqealarni emas, balki ko'proq falsafiy qarashlarini ilgari suradi. Shuningdek, syujetdagi makon va zamonlar shunchalik tez o'zgaraverganidan, bo'layotgan voqealarni anglab olish ham o'quvchiga oson kechmaydi.

Butun kitob - bizga o'zga sayyoraliklardan to'g'ridan-to'g'ri olingan, ammo xavfsizlik nuqtayi nazaridan ertak ko'rinishidagi 3 ta hikoya atrofiga qurilgan deyish mumkin. Agar asar qahramonlari, dunyoning eng aqlli boshlari, shu ertaklar orasida yashiringan sir-sinoatlarni topa olishsa, balki Koinotning eng maxfiy sirlarini anglashlari va shu orqali Yer va uning aholisini kutayotgan muqarrar halokatdan qutulib qolishlari mumkin bo'ladi. Bir so'z bilan aytganda, unda insoniyatning keyingi 400 yil mobaynidagi kelajagi shu oddiy ertaklarga bog'liq bo'ladi.

Aslida ushbu asar ilmiy-fantastik janrda bo'lsa ham,muallif real voqeliklar - insonlarning qiyin vaziyatlarda o'zini tutishi, o'zaro tinchlik va umumiy maqsad yo'lida qanday harakat qilishi kabi mavzularni ko'taradi. Biz hali Sayyora manfaatlari uchun birlasha oladigan paytga yetib keldikmi? Shu savolga javob izlanadi.

Shuningdek, kitobni o'qib bo'lib o'ylab qoldim. Negadir aksariyat kinofilmlarda o'zga sayyoraliklar ko'pincha qandaydir sodda, yoqimtoy yoki bizga do'st bo'ladigan xilqat sifatida tasavvur etiladi. Xo'sh, qaysi hisobga ko'ra, biz boshqa olamlarni xuddi o'z shahzodasini kutayotgan bokira qiz sifatida ko'ramiz? Muallif Galaktikalarda boshqa mavjudotlar, agar ular bor bo'lsa, birinchi navbatda bizga nisbatan tahdid sifatida qarashlarini aytadi. Chunki Koinot bu aslo serquyosh va jannatmakon joy emas, u juda xavfli va shafqatsizdir.

Shu nuqtai nazardan ham sci-fi menga manzur bo'ldi. Umuman, zamonaviy xitoy adabiyoti biz o'ylaganimizdan ko'ra, boyroq va qiziqarliroq ekanligiga amin bo'ldim.

Bemalol, Sharq adabiyotini xalqaro darajadagi romanlarga ega deyishimiz mumkin. Ilmiy-fantastika muxlislari uchun Must read kitob!

@panda_books

Kitobni o'qib bo'lib, o'z-o'zimga "Qanday qilib yulduzli osmonni eng go'zal tarzda tasvirlash mumkin?" degan savolni berdim.

Va buni 1889-yildayoq Sent-Remi-de-Provensdagi ruhiy kasalxonasida yotgan bitta rassom allaqachon amalga oshirgani haqida o'yladim. U osmonga boqqan va xuddi sehrgardek uning yashirin sirlaridan voqif bo'lgandek..

Nihoyatda go'zal.

@panda_books

Bizayam hali kuchayib ketarmiza:)

@panda_books

Panda Books reklama ortidan quvmasin desanglar,

https://tirikchilik.uz/PandaBooks
Donat qilishlaringiz mumkin:)

@panda_books

​​#review #pandametric

"The 8 Show", (2024)

Koreys doramalari yildan-yilga yaxshiroq. Netflixdagi ushbu yangi dorama ham shular jumlasidan.

Serial ekshn bilan birga art-haus stilida suratga olingani, vintaj va teatr atributlaridan foydalangani unga o'ta o'zgacha atmosfera beradi. Rejissor Shekspirning "Butu dunyo sahna, undagi odamlar aktyorlardir" degan g'oyani serialga to'la singdira olgan.

Qarzga botgan 8 nafar kishiga yopiq majmuada pul ishlab topish taklif etiladi. Klassika. Kalmar o'yini kabi. Faqat undan farqli o'laroq, hech nima qilish shart emas, hududni tark etishmasa bo'ldi.

O'yinga kirishdan oldin 8 ta raqamdan birini tanlash lozim. Keyin ma'lum bo'ladiki, raqamlar bu qavatlarni bildiradi. Har bir o'tkazilgan daqiqa uchun pul beriladi, ammo kim qaysi qavatda yashasa, o'shanga qarab daromad topadi. Farq esa katta: 1-qavat daqiqasiga 10,000 von topsa, 8-qavat 340,000 von topadi.

Barcha oldiniga bir sutka chidasak bo'ldi deb o'ylaydi. Ammo keyinchalik taymer kamayish o'rniga ko'payib boradi. Bora-bora ishtirokchilar ularga bu yerda qanchalik ko'p tomoshabop qiliq qilishsa, koʻproq vaqt berishlarini tushunib yetishadi. Vaqt esa - pul degani.

Pastki qavatdagilar tabiiyki, shu yerda ko'proq qolib pul topishga harakat qilishadi. Lekin bu osonmas, chunki ehtiyojlar uchun narsalarga pul sarflash kerak. Buni ikki yo'li bor: yo har kim o'z xonasida topgan pulidan xojatdan tortib boshqa buyumlargacha sotib olishi kerak, yoki maydonchadagi "Umumiy vaqt"dan sotib olish mumkin.

Yuqori qavatdagilar esa "Umumiy pul"dan o'zlarini kayf-safosi uchun sarflash boshlashadi. Ijtimoiy tengsizlik va iyerarxiya boshlanadi. Yuqori qavatdagilar jazodan qochib, o'yinni faqat pastki qatlam "jazoga tortiladigan" qilib tuzishadi. Hammasi borgan sari, yovuzlashib, shafqatsizlashib boradi. Yuqori qavatdagilar psixologik, jismoniy qiynoqlarning eng ashaddiylarini qo'llashadi, pastdagilarni suvsiz-ovqatsiz qoldirashadi.

Qahramonlardan biri bunga juda to'g'ri ta'rif beradi. "Qachonki sen mazlum bo'lishga odatlanarkansan va hozirgidek butkul taslim bo'larkansan, oxir-oqibat bunga tan berasan. Qachonki kunma-kun pul va vaqt uchun azob, ter va qoningni to'karkansan, har kuni senga azob berishlariga chidarkansan, buni normal deb qabul qilishni boshlaysan".

Doramani tezda tugatib qo'yish mumkin. Uni "vau, ideal deyolmayman" lekin undan olsa bo'ladigan juda muhim messejlar bor.

Serialdagi har bir insonni maqsadi – yuqoriroq qavatga ko'tarilish. Eng quyidan chiqib, xuddi 8-raqamdagi oyimchaga o'xshab, yuqori qavatda yashash, juda ko'p pulga ega bo'lish.. Sizga hech nimani eslatmayaptimi?

Ammo qissadan hissa shuki: qavatlarni alishtirishni iloji yo'q. Chunki dastlab raqam tanlab bo'lingan, siz hech narsani o'zgartira olmaysiz. Buni o'zgartirishga urinishlaringiz hech qanday naf yo'q.

Qanaqa oilada, qanday sharoitda tug'ilganing, kelib chiqishing, ta'lim darajang sifati va boshqalar hayotda katta rol o'ynaydi.

Yuqoriroq qavatga ko'tarilish, "ijtimoiy lift" (bekorda serialda lift emas, zina qo'yilmagan) yoki o'ylaganingdan ko'proq topish - bu illuziya, sarob. Kapitalistik tizimning shirin aldovi. Aslida allaqachon shu teatrda yashayapmiz. Arzimagan pul va vaqt uchun siz bilan istagan tomoshasini qilishlari mumkin. Tafakkur qiling. Ildiziga e'tibor bersangiz, ko'p narsani tushunib olasiz.

Serial aynan biz haqimizda, ayni damda yashayotgan jamiyatimiz haqida.

Panda tavsiya qiladi.
Panda Metric - 8.5 🍊 /10 🍊

@boredpandablog

Allohga beadad shukrki, bugun o'zi ikkinchi bor otalik baxtiga muyassar ayladi.

Yaxshi savol. Keling, javob berishga harakat qilaman:

"Yo'q, qavatlarni almashtirishni imkoni yo'q.

1-qavatlik boshida aynan shunday so'raydi: "Qavatni almashtirish imkoni bormi?". Unga 1milliard von degan javob keladi.

Ammo bu qaysi qavatniki ekanligini aytilmaydi. Shuning uchun 1-qavatlik aytganizdek 1mlrd vongacha o'ynayman deydi. To'g'ri.

Lekin o'yin oxirida u 1mlrd vonga faqat o'zini xonasini sotib ololadi xolos. Ularga preyskurant jo'natishgan sahnani eslang.

Uyog'i narxlar Fibonachchi ketma ketligida ketaveradi.

8-qavatni sotib olish uchun 1-qavatdagi 340 mlrd von ishlab topishi kerak edi.

Xulosa shuki, ha qavatni alishtirishni imkoni bor. Ammo reallikda har qavatning narxlari tufayli buni iloji yo'q bo'lib chiqadi.

Oxirida 1-qavatlik bekordan bekorga qiynalib topgan 1mlrd vonini yo'qotgani qoladi."

@panda_books

#reading

Kitob qilib chop etilmasa-da, qidirib topib o'qiladigan qissalar bo'lgan bizda oldin.

Demak, shulardan birini boshlaymiz.

@panda_books

Talabalari eng ko'p chet elda o'qiydigan mamlakatlar ro'yxati. Biz kuchli beshlikda ekanmiz.

Umid qilamanki, yaqin yillarda bu ijobiy tendensiya faqat va faqat rivojlanadi.

@panda_books

#news

"Asaxiy Books" nashriyoti rahbari Firuz aka Allaev narx va chegirma siyosatini oʻzgartirishga qaror qilganini ma'lum qildi.

"Endi “Asaxiy Books”da yangi kitob 20-30 foiz arzonroq narxda chiqadi va chegirma narxda dastlabki ikki oy sotiladi. Undan keyingina kitob oldindan koʻzlangan, moliyaviy stabillik narxiga chiqariladi.

Shunda kitobning haqiqiy muxlislari uni hammadan arzon olishadi. Oldinda bizni yaxshi kitoblar kutmoqda. Keladigan haftada ham ajoyib premyera bor. Oʻtkazib yubormang", - deyiladi xabarda.

@panda_books

Qurbon hayiti barchangizga muborak bo'lsin!

@panda_books

#haqida

Stagnatsiya

Endi bemalol "San'at butunlay bir
joyda qotib qoldi" desa bo'ladi. Mana 2 yildan beri 80-90-yillar modasidan boshqa yangilik yo'q.

Oxiri o'zini "kreativ ijodkor" deb biladigan Lola ham Hamdam bn kollab qilibdi.

Yana kim qoldi o'zi bunaqa qilmagan?
@boredpandablog

​​​​#haqida

Lakoniya

Rus tilida "лаконичность" degan atama bor. O'zbek tiliga u "qisqalik, lo'ndalik" deb tarjima qilinadi. Bu so'zning kelib chiqishi esa Qadimgi Yunonistonning Lakoniya viloyatiga borib taqaladi. Sababi u hududning aholisi o'zlarining qisqa va lo'nda gapirishlari bilan tanilishgan edi.

Lakoniyada joylashgan eng mashhur va kuchli davlat Sparta bo'lib, spartaliklarni yoshlikdan aniq va qisqa muloqot qilishga o'rgatishardi.

Bunga yaqqol misol makedonlar shohi Filipp II bilan bog'liq. U o'zining Spartaga yo'llagan xatida shunday deydi:

"Sizlarga taslim bo'lishni maslahat beraman, chunki agar mening qo'shinim yerlaringizga kirgudek bo'lsa, bog'laringizni vayron qilaman, odamlaringizni qul qilib, shaharlaringizni qulataman!"

Spartaliklar bunga qisqacha javob berishadi:

"Agar."

@panda_books

Make Orwell Great Again!

Oruellchilar layklarni bosamiz!

@panda_books

Ekoaktivistlar insoniyat sivilizatsiyasi tarixidagi eng mashhur va 5 ming yillik tarixga ega yodgorliklardan biri - Stounheyjgayam yetib borishibdi.

Bu varvarlar nimaga zamonaviy san'atga yopishmaydi a? Nega Zamonamiz rassomlari yoki illustratsiyalariga tegmaydi? Faqat butun insoniyat tarixiy meroslariga zarar bermoqchi bo'ladi?

@panda_books

#newbook #yangikitob

Anchadan beri olishni o'ylab yurgan kitobimni Hayitdagi Asaxiy chegirmasi bahona xarid qildim. Bugun opkelishdi.

Shayx Muhammad Sodiq Muhammad Yusuf – "Baxtiyor oila".

@panda_books

Lyu Sizinning yana bir mashhur romani – "Chumolilar va dinozavrlar haqida". Qarab chiqdim: taqrizlari yaxshiykan.

Nima qilsam ekan? Ushbu yozuvchining asarlari yoqib qolganidan, buniyam o'qisammikan yoki bu yilga trilogiyasini o'zi yetarlimikan?

@panda_books

#haqida

Paradoks

Insonlar bir vaqtda o'zi erkin bo'lishni, ammo shu bilan birga boshqa insonlarni nazorat qilishni istaydi.

@panda_books