#news

Elon Mask. Daho, milliarder va o‘z qoidalari asosida yashovchi shaxs.

Bugun yaxshi yangilik bo'ldi. Bukmeyt'da "Ilon Mask"ning yangi tarjimayi holi chiqdi. Muallifi zamonamizdagi avtobiografik kitoblar sohasidagi N1 yozuvchi, oldinroq Jobs va Da Vinchi haqida yozgan, kimsan Uolter Ayzekson. U kitob yozayotgani haqida eslasangiz, avvalroq xabar bergandim.

Ayzekson $243 milliard dollar boylikka ega bo‘lgan bu daho bilan naq 730 kun birga bo‘lib, ilgari hech kim eshitmagan faktlar va hikoyalarni to‘plagan. Masalan, bolalarining g‘alati ismlari (bitta o‘g‘lining ismi X Æ A-12) va insoniyatni ko‘p sayyorali turga aylantirish maqsadlari haqida.

Agar siz ham men kabi zamonamizning eng g‘alati daholaridan birining ongiga kirmoqchi bo‘lsangiz, bu kitob albatta o‘qishingiz shart bo‘lgan asardir.

@panda_books

Dzyudo bo‘yicha Parij Olimpiadasi bronza medali sohibi Muzaffar To‘raboyev "Sportchi bo‘lish qiyin, ilm-fanni o‘rganish oson" degan fikrni bildiribdi. Ha, bu uning shaxsiy fikri. Bu uning dunyoqarashi.

Lekin idealida unday emas. Har ikkalasi birdek qiyin, birdek muhim. Aslida biz ularni o'zaro solishtirishni so'rayotganimiz ham yo'q, shunchaki taqdirlashga kelganda nega ikki xil munosabat ko'rsatilayotganidan hayronmiz. Bizda sportga (undayam hammasi emas, faqat 1-2 ta sohasi) e'tibor prioritet darajasida. Biz dunyoga shunday tanilishni istaymiz. Tanilish — muhimroq bizga.

Farqi shunda.

@panda_books

#haqida

Mustaqillik kuni

O'zbekiston Respublikasi Mustaqilligiga bu yil 33 yil to'ldi. 33 yil. Katta muddat. bir chaqaloq allaqachon bir necha farzandning ota-onasi bo'lishga, shaxs sifatida shakllanishga ulgurdi. O'zbekiston ham endi SSSRdan ajralib chiqqan nouneym davlat emas, balki mintaqada, balki butun Yevroosiyoda muhim siyosiy rol o'ynaydigan aktorga aylanib borayotgan mamlakatdir.

O'zbeklar bu 33 yil ichida nimalarni amalga oshirishga ulgurishdi?

Ko'p narsa. Har sohada yaxshi ishlar qilindi. Imkon qadar.

Endichi?

Hozir butun dunyoda nation states tizimi zavolga qarab ketayapti. Achinarlisi, biz endigina 33 yil bo'ldi shu tizimga kirganimizga. Bizni endi qaysi yo'l kutib turibdi?

Yaqinda bo'layotgan voqealar dunyoda yangi Metadunyo shakllanayotgani, Network state yaratilayotganini ko'rsatayapti. Geografik va madaniy chegaralarning ahamiyati tobora pasayib bormoqda. Markazlashgan hokimiyat kuchsizlanmoqda. Milliy valyutalar o‘rnini kriptovalyutalar egallamoqda. Odamlar hamma joyda — Amerika Nyu-York shahridagi 15 yashar qiz ham, Toshkent Citydagi 15 yashar qiz ham deyarli bir xil ko‘rinishga ega: bir xil kiyingan va bitta trend ostida yashashmoqda.

Mustaqillikning eng katta kuchi nimada?
Bu shunday kuchki, davlat o'z fuqarolarini rivojlantirib boy va farovon mamlakatga aylantirish imkoniyati — o'z qo'lida. Faqat istak va mehnat qilish kifoya. Shundan foydalanishimiz lozim.

Ekologiyani yaxshilash, aholi turmush darajasini oshirishdan boshlash kerak. Odil sudlov, so'z erkinligi, diniy qarashlar uchun taqiqlanmaslik, tolerantlik, bag'rikenglik va bilimga chorlovlar. Bizneslarni shaffof va bir xil standartlar ostida ishlashiga qo'yib berish. Erkin internet makoni yaratish — har qanday ish beruvchilar uchun qulay, sifatli va ommabop qilish.

Men hozirgi o'zbek yoshlarining aqli va talantiga ishonaman. Ularning qilayotgan ishlari va intilishlaridan shunchaki hayratga tushaman. Ular O'zbekistonni yanada kuchliroq, yanada yaxshiroq qilishlariga aminman.

Keyingi 33 yilda hokimiyatning qilishi kerak bo'lgan yagona ishi — ularga xalal bermaslikdir.

@panda_books

#sarhisob #avgust

Oy Sarhisobi.

Avgust oyi men uchun sermahsul o'tdi. Ko'p bitmagan ishlarimni bitirdim, tugatilmay yotgan kitoblarimni tugatdim. Xudoga shukr!

Sizlarga katta bir ishlarni boshlab qo'yganim, hali sentabrda yaxshi xabarlar kelsa, ularni sizlar bilan ham bo'lishishimni aytib qo'ymoqchiman.

Xullas, shunday ekan, biz bilan qoling! Hali ko'p parvozlar bizni kutib turibdi. Quyidagi an'anaviy sarhisoblarim:

O'qilgan kitoblar:
♻️ Sandra Nyuman — "1984: Juliya"
Taqriz 👉 ko'k yozuvni bosing

♻️ Markiz de Sad — "Les 120 journées de Sodome"
Taqriz 👉 ko'k yozuvni bosing

♻️ Robert Grin — "Mahorat"
Taqriz 👉 ko'k yozuvni bosing

♻️ Frenk Gerbert — "Dyuna"
Taqriz 👉 ko'k yozuvni bosing

♻️ Ketrin Paterson — "Terabitiya mamlakati sari"
Taqriz 👉 ko'k yozuvni bosing

♻️ Nikkolo Makiavelli — "Hukmdor"
Taqriz 👉 ko'k yozuvni bosing

♻️ Abdulla Oripov — "Menga xushxabar ayt"
Taqriz 👉 ko'k yozuvni bosing

Oyning eng qiziqarli postlari:
👉 Shaharlar va ambitsiyalar
👉 Avgust oyida mutolaa qilish uchun 8 ta kitob
👉 Sport vs Siyosat
👉 Xotirjam so'radi Dambldor
👉 "Xalqaro kitobsevarlar kuni"!
👉 Matritsada yashashimiz yoxud soxta tarix
👉 AES
👉 Alen Delon, moda va stil
👉 Asosiy tamoyillar
👉 So'z erkinligi
👉 Mustaqillik kuni

Siz-chi, bu oy qaysi kitoblarni mutolaa qildingiz?

@panda_books

Instagram | Youtube | Tiktok

Ishni boshlashdan oldin, universitetga kelgan yangi domlalarga bir haftacha oriyentatsiya tadbirlari boʻlib oʻtadi. Universitetni har xil boʻlimlari va maʼmuriyatni har xil qismlaridan universitet haqida, uni falsafasi, talabalari va boshqa narsalari haqida maʼmuriyat, talabalar va anchadan beri ishlayotgan domlalar gapirib berishadi. Oʻsha haftada kunlar odatda yangi kelgan professorlar bilan birga nonushta qilib deyarli soat 5-6gacha birga kun oʻtkazishdan iborat boʻldi. Haftani oxiriga kelib, bir adabiyot professori bilan tanishib qoldim, bir necha yil bu yerda ishlagan, endi esa toʻlaqonli ishni boshlayotgan ekan (visiting boʻlgan, bu yildan esa “full time”), asosan sher yozishi va shoir ekani haqida suhbatlashdik. Oʻzi shu tadbirlarda 5-6ta stol boʻlib, har kuni har xil professorlar bilan oʻtkazishdi, yaʼni nonushta va obedni har xil odamlar bilan qilish maqsadida va fakultetlardagi domlalar bir birini yaxshi tanib olishi uchun qilingan edi bu. Keyin tadbirlar tugagach oʻsha yangi hamkasbim haqida koʻproq bilish uchun google qilsam — u sherlari uchun 2015 yilda Pulitzer sovrindori boʻlgan ekan, ismi Gregori Pardlo. Gregori oʻzi bilan birga Abdulrazak Gurnah ham adabiyot fakultetiga professor boʻlib qoʻshilayotganini aytib oʻtdi. Aytganida, menga bu ism tanish tuyulmaganini sezdi shekilli, keyin men aytdim, toʻgʻrisi Gurnahni oʻqimagan ekanman va kelajakda albatta oʻqiyman dedim, bosh ustiga bir kampusdagi hamkasbim ekan, keyin bilsam u adabiyot boʻyicha Nobel mukofoti sovrindori ekan.

Bugun ertalab NYU prezidenti domlalarga xat yozibdi, unda maʼmuriyatdagi yangiliklar va rejalar ulashgan, va Abu Dabi kampusiga yangi kelgan domlalar haqida ham qismi bor ekan: “NYU Abu Dabi safiga ikkita hurmatli olimlar qoʻshildi: Tunisda plyuralistik demokratiyani yaratishdagi xizmati uchun 2015 yilgi Tinchlik uchun Nobel mukofoti bilan taqdirlangan Tunis Milliy Muloqot Kvartetining arbobi Ouided Bouchamaui va 2021-yilda adabiyot boʻyicha Nobel mukofotini sovrindori jahon adabiyotining taniqli ovozi Abdulrazzak Gurnah. Ular adabiyot giganti, inson huquqlari va ijtimoiy adolat kurashchisi, Nobel mukofoti sovrindori Vole Soyinkaga qoʻshilishdi”. Men shu bir haftalik oriyentatsiyada bir Pulitzer mukofoti sovrindori va ikki Nobel mukofoti sovrindori bilan boʻlgan ekanman va ularni bu yutuqlari haqida bilmay qolibman (adabiyotdan uzoqligim ham pand berdi albatta, oʻzimni aybim), oʻzlari ham shuncha kun ichida mundoq biror marta aytishmabdi ham. Tanishtirganda: “men ismim palonchi, falon masalalarga qiziqaman, falon fanlardan dars berish rejam bor” deb aytishdi xolos. Universitet prezidenti vaqtliroq xat yozganda bilar edimmi deb oʻyladim. Eh mayli.
Bilishimcha, endi adabiyot fakultetida toʻlaqonli ishlaydigan ikki Nobel mukofoti sovrindori va bir Pulitzer sovrindori bor. Toʻgʻrisi, talabalarga havasim keldi, NYU Abu Dhabida haqiqiy “liberal arts” darajasi beriladi. Yaʼni hamma talaba ham adabiyotni ham aniq fanlarni olishi kerak, juda keng maʼnoda har xil fanlar va sohalarni oʻrgatadigan bir joy ekan. Manimcha, Nyu Yorkdagi kampusdan aynan shunisi bilan ajralib turadi. Sinflar kichikligi va har tomonlama keng beriladigan liberal arts darajasi. Sinfni kichikligi esa, domlalar va talabalar orasidagi interaksiyani ancha erkinlashtiradi.

Meni bu yerdagi ikkinchi haftam boshlanyapti. Hayolga shular keldi.

Aytmoqchi, bu yerda 19 ta Oʻzbekistonlik talaba ham tahsil olishar ekan. Kecha birga mustaqillik bayramini nishonladik — kechki ovqatga meni taklif qilishdi. Juda faxrlandim toʻgʻrisi. Juda yorqin talabalar.

Panda, nimaga haliyam NYU Abu-Dhabi Kampusiga o'qishga topshirmayapsan😳😢

#newbook #yangikitob

Uni uzoq vaqt kutdim. Tarjima qilinishidan. Chop etilishidan. Sovg'a qilishlarini kutdim. Hammadan. Yaqinlarimdan, do'stlarimdan, tanishlarimdan, mahallamdagi Qosim akadan.

Ammo bo'lmadi. Oxir-oqibat o'zim borib sotib oldim.

@panda_books

Xudo hamma narsani oqilona yaratgan. U yo‘lda bo‘lish vaqtini chekladi, ammo yo‘lning o‘zini emas. Hayotimiz chegaralangan, biroq yashash istagi cheksizdir.

Imkoniyatlar bepoyon, jon esa abadiydir. Bor va izla! Shuni ham yodda qo‘y: maqsadga erishish ma’nosizdir. Chunki u yo‘l nihoyasini anglatadi. Maqsad sari intilishning o‘zi — hayotdir.

Bu havo xalaqit beryaptimi — boshqasidan nafas ol. Bu odamlar yoqmayaptimi — unda yaxshilarini ko‘paytir. Mexanizm ishlamayaptimi — unda otni qo‘sh, oting yo‘q bo‘lsa — o‘zing qo‘shil. Aravani xursandlik bilan tort. Zarur va yaxshi narsalarni ol — og‘irlik qilmaydi.

Maqsading tomon intil. Ammo unga yetib borma. Hech bo‘lmaganda yana bir yil. Hech bo‘lmaganda bir kun...

— Yuriy Rost

@panda_books

#newbook #yangikitob

Andrey Platonovni ilk bor bundan bir necha yil avval "Jon" romanini o'qiganimda yoqtirib qolgandim. Juda murakkab tilda yozilgan yana bir kitobi “Xandaq” ilk bor o'zbek tilida taqdim etilgandi. U janr jihatidan ham falsafiy, ham antiutopik romandir. Va albatta, o'zining zarbdor fikrlari va og'irgina muhiti bilan allaqachon meni qiziqtirib qo'ydi.

Bahonada asta-sekin mening kutubxonamda ham "akadem-nasr" turkumi to'planib boryapti.

@panda_books

Turgenev men uchun barcha zamonlarning eng buyuk adibidir. U eng ulug' kitoblarni yozmagan bo‘lsa-da, eng buyuk yozuvchi edi. Albatta, bu mening shaxsiy fikrim. Uning "Стучит!" hikoyasini o‘qiganmisan? Bu "Ovchining maktublari"ning ikkinchi jildidan. "Urush va tinchlik" men bilgan eng yaxshi asar, ammo uni Turgenev yozganida qanday bo‘lishini tasavvur qil. Chexov oltita yaxshi hikoyasi bor, ammo u havaskor yozuvchi edi. Tolstoy esa payg‘ambar edi. Mopassan ham, Balzak ham professional yozuvchi, Turgenev esa rassom edi.

— Ernest Xeminguey

@panda_books

#newbook #yangikitob

Doktor Adham Bakar - "Iroda tarbiyasi"

Aslida hamishayam faqat o'zimga kitob olavermayman. Masalan, rafiqam yaqinda shu kitobni olib berishimni so'ragandi. Hadyamdan juda xursand bo'ldi. Keyin o'zim ham ozroq varaqlasam, yaxshiga o'xshayapti. Balki undan so'ng men ham mutolaa qilarman.

O'qiganmisiz?

@panda_books

Sevimli amerikan yozuvchi(lar)ingiz qaysi?

@panda_books

Har yili shu filmni bir necha marta ko'rish uchun masalan menga sabab kerak emas.😢

@panda_books

"Farengeyt bo‘yicha qanchadur daraja," - deb javob berdi bloger qiz sevimli kitobi haqidagi savolga.

Izohlarda esa haqiqiy tresh boshlangan va unda barcha kitoblarga o‘z nomlarini o‘ylab topishgan.

Menga yoqqanlari: "Sasha Grey portreti", Oruellning "Qaysidir yillari":)

@panda_books