Make Orwell Great Again!

Oruellchilar layklarni bosamiz!

@panda_books

Ekoaktivistlar insoniyat sivilizatsiyasi tarixidagi eng mashhur va 5 ming yillik tarixga ega yodgorliklardan biri - Stounheyjgayam yetib borishibdi.

Bu varvarlar nimaga zamonaviy san'atga yopishmaydi a? Nega Zamonamiz rassomlari yoki illustratsiyalariga tegmaydi? Faqat butun insoniyat tarixiy meroslariga zarar bermoqchi bo'ladi?

@panda_books

#newbook #yangikitob

Anchadan beri olishni o'ylab yurgan kitobimni Hayitdagi Asaxiy chegirmasi bahona xarid qildim. Bugun opkelishdi.

Shayx Muhammad Sodiq Muhammad Yusuf – "Baxtiyor oila".

@panda_books

Lyu Sizinning yana bir mashhur romani – "Chumolilar va dinozavrlar haqida". Qarab chiqdim: taqrizlari yaxshiykan.

Nima qilsam ekan? Ushbu yozuvchining asarlari yoqib qolganidan, buniyam o'qisammikan yoki bu yilga trilogiyasini o'zi yetarlimikan?

@panda_books

#haqida

Paradoks

Insonlar bir vaqtda o'zi erkin bo'lishni, ammo shu bilan birga boshqa insonlarni nazorat qilishni istaydi.

@panda_books

Oramizda tarix, etnografiya va sotsiologiya qiziquvchilar ko'p deb o'ylayman. Sizlar uchun bu sohalarga oid qiziqarli postlar joylab boradigan kanal — "Piramida"ni tavsiya qilmoqchiman.

Bu kanalda siz:

🛋 Tarix
🌐 Siyosat
🗺 Geografiya
🎥 Kino
🎧 Musiqa
🍷Adabiyot
📚 Kitoblar
🎨 Suratlarda aks etgan tarix
📝 Atamalarga

oid ko'plab foydali va manfaatli ma'lumotlarni olishingiz mumkin.

Kanalga a'zo bo'ling👇
https://www.tg-me.com/PiramidaScience

#tavsiya

Zamonaviy xalqaro siyosatga qiziqadiganlar uchun — Anna Arutyunyan va Mark Galeotti tomonidan uzoq kutilgan kitob "Qulash" (Downfall) nashrdan chiqibdi. Unda "Vagner CHVK" rahbari Yevgeniy Prigojin to'liq tarjimai holi keltirilgan. Kitob nomi va muqovadagi Putinning tasviri ko'p narsaga ishora qiladi, albatta:)

Xullas, Rossiyaning siyosiy hayoti haqida ingliz tilida. Qiziqqanlar uchun.

@panda_books

Shrift

Har kuni yozishni sevadigan insonlar uchun matndan kelib chiqib tanlangan shriftlar uning mazmunini yaxshi anglatishda muhim omil hisoblanadi.

Tasavvur qiling, mashhur shriftlar inson bo'lganida, ularning look'i qanday bo'lardi? Qaysi shrift yoqdi?

manba
@panda_books

Times New Roman🔥

Harbiy jinoyatlar tergovchisi va stendap.

Telba-teskari dunyoda yashayapmiz, xullas😢

@panda_books

#iqtibos

"Narkom (Xalq komissari o'sha paytda Timoshenko) menga I.V.Stalinga qo'ng'iroq qilishni buyurdi. Men qo'ng'iroq qilyapman. Telefonga hech kim javob bermaydi. Men uzluksiz qo'ng'iroq qilaverdim. Nihoyat, navbatchi qorovul generalining uyqusiragan ovozini eshitaman. "-Kim gapiryapti?" "-Bosh shtab boshlig'i Jukov. Meni zudlik bilan o'rtoq Stalin bilan bog'lang!" "-Nima? Hozirmi? - xavfsizlik boshlig'i hayratda qoldi. - O'rtoq Stalin uxlab yotibdi" "- Darhol uyg'oting, nemislar shaharlarimizni bombardimon qilmoqda!".

— Marshal G.K. Jukovning "Xotiralar"idan

1941-yil 22-iyun soat tonggi 3 da bo'lib o'tgan ushbu voqea keyinchalik butun insoniyat tarixiga o'chmas iz bo'lib kiradigan urushni debochasi edi.

@panda_books

Manipulyatsiya va SSSRdagi "Panorama effekti" haqida.

@panda_books

Hozir qaysi asar(lar) mutolaasi bilan bandsiz?

@panda_books

#haqida

Zamonaviy terrorizm

IQ darajasi 80dan oshmaydigan va istalgan davlatda yashirinib yotgan bir to'da zombilardan tashkil topgan "Mudroq hujralar" (Спящие ячейки) ma'lum bir vaqtda Darknet tarmog'i orqali harakatga o'tish haqidagi signal oladi. Lekin bu signalni kim yubordi, qayerdan keldi, asosiy buyurtmachi kim, ularni kim yolladi - hech kim bilmaydi, jin urgur bu zanjir nihoyatda uzun va chigal.

Biror bir aniq talab, siyosiy dastur yoki yagona tuzilmaning yo'qligi — zamonaviy terrorizmni qandaydir ma'nosiz, oddiy "qonli hammom"ga aylantirib qo'ydi. Bu yerda endi na buyurtmachini, na uning ko'zlagan maqsadini aniqlashning imkoni bor.

Eng kulgilisi, keyin bir vaqtning o‘zida bir nechta "mas’uliyatli" terroristik tashkilotlar go'yo "Buni biz uyushtirgandik!", "Yo'q-yo'q, bu biz edik!" deya bir-biri bilan teraktni kim amalga oshirgani ustidan tortishisb o'tiradi...(

Xullas, biz bilgan xalqaro munosabatlardagi — mustahkam siyosiy harakatlarga asoslangan, kuchli ichki ierarxiyaga ega va terrordan faqat o'z qat'iy talablari vositasi sifatida foydalanilgan Terrorizm, endilikda shunchaki bir guruh noma'lum kuchlarning “terrorizm” brendi ostidagi "otishma o'yini"ga aylanib ketdi.

@panda_books

#haqida

Ideal imperializm

Shu kunlarda Mo'g'uliston prezidenti yurtimizda mehmon bo'lib turibdi. Bu voqea munosabati bilan bitta post esimga tushib qoldi.

So'nggi yillarda ba'zi bir siyosatchilar negadur o'zlarining qadimgi imperiyalarini tiklashni "qo'msab qolishdi". Keling, tiklasak, yaxshisi Mo'g'ullar imperiyasini qayta tiklaylik:)

Xazil-xazil bilan-u, lekin imperiyaning tarixiy chegaralariga qaytishini shunchaki tasavvur qiling:

Bunda G'arb va Sharq o'zaro birlashadi — qadimda Sariq dengizidan to Adriatika dengiziga qadar nihoyatda ulkan sarhadlar mo'g'ullar qo'l ostida bo'lgan. Ushbu imperiya bo'ylab erkin sayohat qilish mumkin edi. Keng hudud, samarali soliq tizimi, savdo-sotiq, mahalliy hokimiyatlarning saylanishi va Chingizxon ilg'or qonunlari ostida yashash..

Eng asosiysi, har kim xohlaganicha yashaydi, xohlaganicha kiyinadi, xohlagan tilida gapiradi va xohlagan diniga e'tiqod qiladi. Muhimi, o'lpon to'lasangiz bas.

Yashasin Mo'g'ul liberalizmi:)!

@panda_books

#iqtibos

Qadim zamonlardan beri Ossuriyadan Xitoy Sin imperiyasigacha bo'lgan buyuk davlatlar urushlar sabab yaralgan. 1914-yilda mavjud bo'lgan barcha buyuk davlatlar ham muvaffaqiyatli urushlar natijasida o'z maqomiga ega bo'lgan edilar.

Hatto Qo'shma Shtatlar ham nafaqat iqtisodiy tadbirkorlik, balki harbiy harakatlar tufayli ham buyuk davlat maqomiga erishdi. 1846-yilda AQSh qo'shinlari Meksikaga bostirib kirdi va Kaliforniya, Nevada, Yuta, Arizona, Nyu-Meksiko, Kolorado, Kanzas, Vayoming va Oklaxoma shtatlarining bir qismini egallab oldi. Tinchlik shartnomasi orqali esa Texasning anneksiya qilinishini ham muhrladi. Ushbu urushda 13 mingga yaqin amerikalik askarlar halok bo'ldi va mamlakat o'z hududini 2,3 million kvadrat kilometrga oshirdi (bu Fransiya, Buyuk Britaniya, Germaniya, Ispaniya va Italiyaning umumiy maydonidan ko'proq). Bu ming yillikning kelishuvi edi.

Harari, "XXI asr uchun 21 ta saboq"

@panda_books

#iqtibos

Ammo 2018-yilda global elitada bu turdagi urushlar o'tmishda qolib ketganiga ishonish uchun yaxshi asoslar bor. Albatta, ba'zi uchinchi dunyo diktatorlari va nodavlat aktorlar hali ham urushlardan foyda ko'rishadi, ammo yirik davlatlar bu mahoratni "yo'qotganga o'xshaydi".

Isroil haqida ham shunday deyish mumkin. Mamlakat oxirgi muvaffaqiyatli urushini 1967-yilda olib bordi. Bundan keyin Isroil ko'p urushlar tufayli emas, balki ulardan qochib gullab-yashnadi. Bosib olingan hududlarning aksariyati mamlakat uchun og'ir iqtisodiy yuk bo'lib chiqdi va unga imkonsizs siyosiy majburiyatlarni yukladi. Eron kabi Isroil ham so‘nggi paytlarda urushda g‘alaba qozonish orqali emas, balki harbiy avantyurlardan voz kechish orqali o‘zining geosiyosiy mavqeini yaxshiladi.

Isroilning eng ashaddiy dushmanlari Iroq, Suriya va Liviyada urush olib borishdi, biroq Isroil sovuqqonlikni saqladi. Netanyaxuning asosiy siyosiy yutug‘i (2018 yil mart oyi holatiga ko‘ra) u mamlakatni Suriyadagi fuqarolar urushiga jalb qilishga yo‘l qo‘ymadi. Agar xohlasa, Isroil Mudofaa kuchlari Damashqni bir hafta ichida egallab olishlari mumkin edi, lekin nimaga kerak? Isroil armiyasi uchun G'azo sektorini qo'lga kiritish va XAMAS rejimini ag'darish yanada oson bo'lardi, biroq Isroil bu qadamni qo'yishni bir necha bor rad etgan.

Harbiy qudrati va tajovuzkor siyosatchilarning qat'iy ritorikasiga qaramay, Isroil urush orqali hech narsaga erishmasligini yaxshi biladi. AQSh, Xitoy, Germaniya, Yaponiya va Eron kabi Isroil ham 21-asrdagi eng muvaffaqiyatli strategiya - bu kutish va boshqalarga sizning manfaatlaringiz uchun kurashishga manipulyatsiya qilish ekanligini biladi.

Harari, "XXI asr uchun 21 ta saboq"

@panda_books

Ehh, Harari, Harari, oxirgi fikrlaring borasida oradan 6 yil o'tib qanchalik yanglishding. Netanyaxu siyosiy portretiga to'g'ri baho bera olmading.

Aslida bu ham Yaqin Sharqda uzoq yillik aniq siyosiy prognozlar qilish imkonsizligini bildiradi, xolos.