#الحسن..علحن محمدمادریت شصار

زینب نادت بهلیوم
یاویلی علی المسموم
ــــــــــــــــــــــ
زینب لطمت الخدین
گوم الحگ یخویه حسین
شوفه بس یجر بونین
اظن یلوج من السموم
ــــــــــــــــــــــ
یاخویه  اویای تچیله
شوفه هل ركد حيله
دگومو یاهلی الیله
صیحو البحرالعلوم
ــــــــــــــــــــــ
اصیح ابصوت یازهرا
اخونه چن خلص عمرا
دگومی ساعدی الحرا
گضاه العمر مهموم
ــــــــــــــــــــــ
گام حسین وصفگ ایده
جره دمعه عله خده
  ویلی سمته جعده
انمردة چبدةالمظلوم
ــــــــــــــــــــــ
لعينه جعده  سمته
بلسم مردة جبدته
ابوسکینه من هضمته
علیه یبچی  بگلب مالوم
ــــــــــــــــــــــ

✍ #علویه ام فاضل

❌غیرمبری الذمه الیحذف الاسم اویغیره ❌
https://www.tg-me.com/+Q5NQHnj25ns1MGNk

#الحسن ــ مع هوسه

للمسموم اخته اترید عوانه
گومو لطمی علصدر ویانه
ـــــــــــــــــــــــــــ
گومی اویای وسعی میدانه
علمصابه وا شدی احزانه
تون وتصیح وینه الی عازانه

*انعازیهه والیله احنه انعازیهه*
ـــــــــــــــــــــــــــ
یستاهل ابومحمد شدی دگته
وباچر بلحشر یحضروشیعته
ینطی امراد دوم الی نخته

*یگضیهه والحاجه العندج*
ـــــــــــــــــــــــــــ
گومی اویای و شدیهه الدگه
ویه اخته صیحی صعبه الفرگه
زینب علاخو تلطم ابحرگه

     *یاناره بگلبی لهابه*
ـــــــــــــــــــــــــــ
  گالو مسموم الحسن ویجرونه
صحت بصوت گومو لحگونه
لابو محمد خل یشوفونه

*احو یایوم المیت بسمومه*
ـــــــــــــــــــــــــــ
✍ #علویه ام فاضل

❌غیرمبری الذمه الیحذف الاسم اویغیره ❌

https://www.tg-me.com/+Q5NQHnj25ns1MGNk

#الحسن ـ طور للموت ماننسه الحسین

مسموم الحسن یاویلی
مسموم الحسن یاویلی
ــــــــــ....ـــــــــ....ــــــــــ
شیل الطشت های اجت ام الخدر
صعبه من اتشوف خویه هلامر
لو تشوف الدم گلبها ینکسر
انا بس الها نحل یاحیلی

✍#علویه ام فاضل
ــــــــــ....ـــــــــ....ــــــــــ
خوفی یاخویه تشوف الی جره
صعبه خویه حالتی واهیه مره
ادری مایحمل گلبها مکدره
لاتخلیها تشوفه بوعلی

✍#علویه ام فاضل
ــــــــــ....ـــــــــ....ــــــــــ
کف من البچی لاتشوفک اختک
یاابن امی ولاتجری  دمعتک
های زینب  تدری اهیه اودیعتک
لا تخلیهه تحس ابحالی

✍#علویه ام فاضل
ــــــــــ....ـــــــــ....ــــــــــ
یریت امی الزچیه حاضره الیوم
تشوفک یبو امحمد خویه مسموم
صبح گلبی علیک الیوم مالوم
واعله افراگک یخي ذايب دليلي

✍#ام عدنان سياحي
ــــــــــ....ـــــــــ....ــــــــــ
یویلی یلعقیله اتشوف طشتین
طشت بی چبدتک والثانی لحسین
خلص خویه العمر بلهم والونین
حزینه الروح ابو محمد یغالی

✍#ام عدنان سیاحی
ــــــــــ....ـــــــــ....ــــــــــ

تـــمـــت بــعـــون الله

#قـصـیـده مـشـتـرکـه

✍ #علویه ام فاضل
✍ #ام عدنان سیاحي

❌غـیـرمـبـری الـذمـه الـیـحـذف الاسـم اویـغـیـره❌

https://www.tg-me.com/+Q5NQHnj25ns1MGNk

#الحسن ـ مع الهوسات

امشنه البت علی  خل نلطم اویاها
مسموم الحسن وایتامه  خلاها
ــــ ـــــ  ــــ ـــــ ــــ ــــ
امشنه انروح علامسموم نعازیهه
ومصاب الاخو صعبه و يأذيها
من شال الولی محد یمر بیها

(*مسموم وجینه انعازیها*)
ــــ ـــــ  ــــ ـــــ ــــ ــــ
یاحیف ابومحمد جعده سمته
انهدم رکن الدیانه واخته شافته
ریت امی الزچیه تحضر دفنته

(*هدحیلی من شال الولی*)
ــــ ـــــ  ــــ ـــــ ــــ ــــ
الیوم اشحالهه زینب دعینیهه
سموه بلبن یاویلی والیهه
وعلیهه صعب افراگه ماذیهه

(*والزینب گومی عینیهه*)
ــــ ـــــ  ــــ ـــــ ــــ ــــ
یاحال الفرگه والبعدیاحال
وضلیت انا اون من حمل وشال
ودمعی اعله الوجن للوالي  همال

(*هدحیلی من گد الفرگه*)
ــــ ـــــ  ــــ ـــــ ــــ ــــ
امشنه انروح کلنه خل نلاگیها
ماینحمل تدری افراگ والیها
وعلی الخوان ماجورالیعازیها

(*ماذیها وافراگ الوالی*)
ــــ ـــــ  ــــ ـــــ ــــ ــــ

تـــــمـت والحمـــــدللـــه

✍علویه ام فاضل

❌غیرمبری الذمه الیحذف الاسم او یغیره❌
https://www.tg-me.com/+Q5NQHnj25ns1MGNk

#قصیده الحسن (ع)

اعمامته الحسن زينب دشیلیها 
والجسام ابنه خويه ضميها
▂  ▂   ▂ ▂  ▂   ▂ ▂
ضمیها یخویه اعمامة المظلوم
ايلوج  الحسن يازينب او مسموم
حكنه لوبجينه عليه خويه دموم
تگله اعمامته  بعيني.اخليها
▂  ▂   ▂ ▂  ▂   ▂ ▂
ضميها یزینب وعلى النوح
سموه العده وطلعت الروح
ماعدهم رحم  و وین انروح
دلطمی حیل ولونه عليها
▂  ▂   ▂ ▂  ▂   ▂ ▂
السم گطع  الجبده یاخویه
ویلی ما عدهم رحم ال امیه
تون واتنوح للیله الزجیـه
بلگبر الزهرا تنصب تعازیها

✍️ #علویه ام فاضل
▂  ▂   ▂ ▂  ▂   ▂ ▂
يگلها يخويه.اوهاجت الأمه
ضميها  يازينب هاي العمامه
بگلبي.يخويه امصوبه اسهامه
  يحاجيها وادموع العين يجريها
▂  ▂   ▂ ▂  ▂   ▂ ▂
يحجي اويهل الدمعه بعيونه
  ضمي اعمامته خويه يمحزونه
يخويه  حسين گلبي دوه.جانون
اضمهنه  يخويه اوبجيها اعليها

✍️ #زهره شريف الكناني
▂  ▂   ▂ ▂  ▂   ▂ ▂ 

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌
https://www.tg-me.com/+Q5NQHnj25ns1MGNk

نصبت فاتحه    زینب ابهلیله
مسموم الحسن والمدمع اتسیله
**
امشنه انروح والزینب نعازیها
بشيخ الكرم كلحنه   نواسیها
یستاهل لطمنه و دمعه نجریها
یستاهل اخو زینب تلطمیله

✍️ #علویه ام فاضل
**
نصبت  فاتحه  زينب  لواليها
تصيح بصوت خويه ومايحاجيها
مهضومه  العقيله  لا تخليها
صيحي وياها ياشيعيه ونيله

✍️ #ام عباس
**
یستاهل لطمنه اونوح والونات
ابو محمد رحل و زيدت الاهات
مسموم الامام البيه    المروات 
صيحي بصوت هاليله ونوحيله

✍️ #ام حمزه الکعبیه
**
اليله شلون حالج بت علي اليله
من شفتي الولي ينازع بحيله
جبده بالطشت ممرود ياويله
وين امه العزيز  اليله تنعيله

✍️ #ام نور الزهراء  العبوديه
**
لطمي ويه ام حسن واليوم عينيها
على المسموم دمع العين  نجريها
وين  التطلم  وياها    وتعازيها
وخلاف الولد روحي ترة نحيلة

✍️ #زينب المحمداوية
**
نعازيها اعله اخوها المات مسموم
والجبده بطشت ياويلي  مالوم
ونعزي  الزاجيه  على الولد اليوم
صيحي بصوت يلغالي وابجيله

✍️ #المله والشاعره ام حمودي
**
نصبت فاتحه بت علي محشومه
   لبن امها الحسن ياويلي مهظومه
ويلي وجبدته.هالليله مسمومه
  تنادي بت.علي ياحامي ادخيله

✍️ #زهره
**
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://www.tg-me.com/+Q5NQHnj25ns1MGNk

https://www.tg-me.com/+Q5NQHnj25ns1MGNk

عظم الله اجورنا واجورکم

نشرو الرابط  اخواتی

ماجورين

بسم الله الرحمن الرحيم


{{ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ}} 

🔸القران الكريم يحث على الشعائر إنسان يعظم الشعيرة
يعني الإنسان لازم يربي روحه يهذب نفسه ،
وهذه التوفيق الي الله رزقج بيه.. لا تضيعينه
تعرفين. الزهراء اذا ما توقع الج اتكونين خادمة الحسين عليه السلام
اخواتي... تره الحسين سفينة النجاة.
فلا تغرقون. بحب الدنيه و لواضتها
شكد اتريد اتعيش تاليتك تموم
كل يوم الي يعبر هذه من عمرج
فلا تضيعينه....
خليج. خادمه. خليج محبه. خليج بين الناس الج اسم
ف هاي الفرصه الربج انطاج. صونيها
و انطي مجال الغيرج
اليوم كضي ايدي. باجر يجي احد يكض ايدج
لا يغلبج الشيطان. و ينسيج. انتي منو..
و الي تابعو الشيطان. هسه وينهم
لا تصيرين مغروره خليج بكلام يسر القلب
ببتسامه. احجي و هاي هله و ذيج هله
خلي الحب والموده..
واليوم قصتنه و محاظرتنه. علي التوفيق في هذه الطريق الحسين عليه السلام

♦️يكول الخطيب بأحد المجالس اجاني شاب اسمه رضا كالي شيخنه أنه عندي سالفه وياك ..اريد اسولفلك قصتي ...يكول كعدنه ، كالي شيخنه شنو تشوفني ..كتله انسان مهذب مؤمن خوما اعلم الغيب ،، فهذا رضا بجه ولطم وجه وصرخ يا زهراء
شيخ اتعجب ،،، كاله شيخنه انه اقل ذنب اسوية يوميه اضرب امي وابوي * كاله انه عاصي واصدقائي منحرفين مثلي وعنده شقة نخلص وقتنه بالمعاصي بيه
،، كاله ذاك ليوم ليلة العاشر من محرم انه رايح للشقة ما لكيت اصدقائي نزلت افتر بسيارتي بالشوارع صادفت ابنية شابة كتله وين ترحين تعاي اوصلج ، كالت شكرا رايحة للحسينية ،،، هو اصلاً مو يَمه القضية ما يعرف شنو ليلة عاشر... فيكول قنعته اوصله للحسينية ،،صعدت اخذته للشقة ، كامت ترجف وتبجي ،، كالت انت شنو من بشر الليلة الحسين ينقتل 😭
ما عندك غيرة !! كالله ما عندي،، كامت تبجي كالتله انه علوية بت الزهراء استحي لمرة وحدة من الزهراء وخلي املك بيه وهي الي تاخذ بيدك وتخلصك من واقعك ،، اتركني واحسب هل موقف للزهراء ...كالله زين بلا نشوف الزهراء مالتج توكفلي يولا !!! يكول رجعت وصلته للحسينية ، نزلت تبجي كالتلي مثل ما مسيت عفتي اريد من امي الزهراء تاخذ بيدك ،،،؛رجع لبيتهم رضا متأذي يلوم على نفسه ليش انه هيج ما اعرف شنو عاشور ليش حالي هيج ناس وين وانه وين ،،، لكه محد بالبيت شغل لتلفزيون شاف نقل مباشر من كربلاء ليلة عاشور والإضاءة حمرة بين الحرمين شاف تشابيه طفلة يضربوه الشمر واعوانه بالسياط كام يبجي،،، رجع لذكرياته كاله انه هيج تاذيت مولاتي لزهراء شلون ...😭دخلت امه شاف امه بجه كاللتله يمه رضا اشم بيك ريحة الحسين دنك على اقدام امه وابوه يقبلهن كالهم انه مو رضا الاولي تغيرت ..صبح لصبح راح لبس اسود راح للموكب ...زين لناس تعرف رضا سمعته سيئة شافوه كاله ابو لموكب تعال بابا رضا حبيبي ...كاله اريد اخدم الحسين تلكوه اهل الموكب كاللوله تعال اللطم على الحسين تعال ابجي ... واذا رضا قبل الاربعين هو يم الحسين هاي الالطاف الزهراء شاف القبة صرخ ياحسين 😭كاله مولاتي زهراء شسويتي بيه شنهي هل لرحمة والعطف ...فترة واذا ام رضا كاللتله يمه رضا انت تغيرت والحمد لله تعال ازوجك شفتلك ابنية.حلوه و مستوره و خادمة الحسين عليه السلام...راحو.لاهل البنت..
ف ابو البنت .كال الرضا يوليدي انا اشما جنت و شما سويت بحياتك.ما يهمني
المهم الحمدلله اجيت للطريق الصح.. يباه يوليدي اريدك تحافظ علي بنتي و اتكون الها سند ... كاله رضا ان شاءالله باذن الله

ف الابو رخص للبنيه . اتجيب العصير.. ف اجت البنيه و دخلت و اشوف البنيه بس شافتني وكعت الصينية العصير و صرخت. و فقدت. و كلها ركضو عليها. يكول رضا انا مااكدرت اطلع .
فاسمعهم يصرخون يازهراء ..يازهراء
فصاح يمه شنهي لسالفة ...
فكالت امه يمه رضا.
كالت لبنية امس بليل اجتي برؤيا اجت امرأة بيده صورة و كالتلي يمه اجيت اخطبج لوليدي. كان عاصي كان خاطي. يمه و هاي صورة و هوه خادم اوليدي الحسين .. يمه مااريدج ترفضينه .. رضا

الله موقف الزهراء
انتي شايفة الزهراء تخطب
اذن..
دعونه نخلص النية نعظم شعائر الله هاي المجالس عظيمة ،، اهل البيت يحضروه الزهراء تحضرها مثل ما كلنه ،، بلبدايه

ف كوني من تدخلين المجلس خليج حزينه .. و متربه و الحزن كاتلج
ف لا تروحي و انتي متبرجه او لابسه خفيف

لان الزهراء تحضر المجالس عزه ولدها الحسين عليه السلام

...................
تــمت بعــون اللــہ

✍ #علویه_ ام فاضل_

❌غیرمبری الذمه الیحذف او یغیراسم الشاعره❌
https://www.tg-me.com/+Q5NQHnj25ns1MGNk

#قصيده فزاعيه مع هوسه الاربعين الحسين ع

زینب اجت الکربلا
تدفن راس والیهه
ـــــــــــــــــــــــــــــــــــــــــــــــــــ
رجعت الیوم من السبی
تنادی وینک یاولی
ظلیت انه بالخلی

*((تلگانی یالبیک الغیره))*

✍ #زهرا ثامری
ـــــــــــــــــــــــــــــــــــــــــــــــــــ
اليوم اجيت الكربله
واياي جبت القافله
من الهضم خويه ناحله

*((مالومه من ضيم الشفته ))*

✍ #علویه ام ایاد
ـــــــــــــــــــــــــــــــــــــــــــــــــــ
تشكي اجتي من اليسر
وتصيح عذبنه الشمر
ترضاهه ياخويه الكمر

*((مهضومه جيتك يالكافل))*

✍#خادمة الزهراءع ام حسين الفريداوي
ـــــــــــــــــــــــــــــــــــــــــــــــــــ
جيت وآثار السياط اعله المتن
والحريم اتلوع من كثر الحزن
صحت يمه بساع احضري يم حسن

*(( متغيره اهواي اتيهيني ))*

✍#أم نور الزهراء
ـــــــــــــــــــــــــــــــــــــــــــــــــــ
ياخويه جيت من اليسر
لوتدري اشسوه الشمر
ومن البجي عيوني حمر

*((ما اريده /العمر اخلافك ))*

✍#ندى ام محمد
ـــــــــــــــــــــــــــــــــــــــــــــــــــ
جبت النحر يالوالي
اشكيله هظمي وحالي
رديت الك يالغالي

*((ردينه والمدمع يهمل))*

✍#ام زينب السعداوي
ـــــــــــــــــــــــــــــــــــــــــــــــــــ
جايه اقيم اعزانه
علي احسين واخوانه
رجعت اليوم حزنانه

*((دفانه //جاوين اليحضر دفانه))*

✍ #علويه ام فاضل
ـــــــــــــــــــــــــــــــــــــــــــــــــــ

تمت بعون الله تعالى

بـ✍ــاقـ✍ــلام خـادمـات أهل البيت ع

https://www.tg-me.com/+Q5NQHnj25ns1MGNk

#هوسات الاربعين الحسين ع

احضر اربعينك اضل طول العمر
والرايه بيدي مااطيح وحق الكمر
انطيهه لحسين باجر بالحشر

*( انعليها والرايه /اباسمه انعليها)*
❈┉┄✦✦❈┉┄✦✦❈┉┄✦
مشاي للموت اجي يبن النبي
واعاهدزينب ومايهمني الناصبي
امشي مثل زينب بضعن المنسبي

*(منهج زينبي //واعيشن ايامي)*
❈┉┄✦✦❈┉┄✦✦❈┉┄✦
هاي الكل من ديار اجتلك يالولي
كلها اسمع تصيح نفديلك انه وهلي
صرختنه يحسين والله دووم تعتلي

*(مولاي انته //تاج الهامه)*

✍ #علويه ام فاضل
❈┉┄✦✦❈┉┄✦✦❈┉┄✦
عهد وحق الزهرامانكطع هلدرب
والله غيرك ماكو ابد واحدبلكلب
انته جنه واليوصل ليهه يطب

*( حسين ادخيلك //من النار اتنجينه)*
❈┉┄✦✦❈┉┄✦✦❈┉┄✦
عهد والله وباقي يامولاي العهد
وحبك انزرع ابكلبي جنت بلمهد
بسمك ينادي الكل وبحروفك اردد

*( حسين انريدك //تحضر لشيعه )*
❈┉┄✦✦❈┉┄✦✦❈┉┄✦
رايتنه باسمك مرفوعه صدك
وبسمك يمولاي كلنه ايدبايد ندك
مولاي خسران مايعرفك و يعشكك

*( مولاي اسمك// يشفي جروحي )*

✍ #ايمان ناصر الزهيري
❈┉┄✦✦❈┉┄✦✦❈┉┄✦
تمت بعون الله تعالى

بـ✍ــاقـ✍ــلام خـادمـات أهل البيت ع

https://www.tg-me.com/+Q5NQHnj25ns1MGNk