كعديه نصف الاولاد مسلم (عليهم السلام)

یمه یازهره لحگی الي
بالهيمه ضاع امدللي
➖➖➖➖➖➖➖
ضاع یيمه اولیدي
ضليت اصفج بیدي
والدمعه تجوي بخدي
محد یدورهم الي
➖➖➖➖➖➖➖
حشمت کلهم نومه
خوانی الجیدومه
لحگی علی مالومه
وبايد عليهم حیلي

✍ #عـلــویــه_ام_فــاضل
➖➖➖➖➖➖➖
ضاع یزهره الزغیر
و اعلیه گلبی حایر
واعله افراگه طاهر
واحشم ماگامولي

✍ #عـلــویــه_مـوسـویـه
➖➖➖➖➖➖➖
ضاعو اطفالي ابكربله
وضليت روحي أمنحله
خواني كلها امجتله
حيرانه بس دمعي ايهلي

✍️ #خادمة اهل البيت ام ابراهيم الحلفي
➖➖➖➖➖➖➖
طاهر ييمه ماترد
والشوفتك كلبي انمرد
مايحمل اكليبي بعد
محد يكلي اختي بلي

✍️خادمة اهل البيت ام ابراهيم الحلفي
➖➖➖➖➖➖➖
طاهر يفتشه عيني
بعدك اضل بونيني
عكبك منو يسليني
اوليدي ضايع بالخلي

✍️ ام حسين الحلفي
➖➖➖➖➖➖➖

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/+Q5NQHnj25ns1MGNk

يَعَبَّاسْ جِيبِ الْمَايْ لَسْكِينَه...

يَعَبَّاسْ شُوفِ الْخِيَمْ مَنْشُوبَه
يَعَبَّاسْ سِكْنَه بِچَتْ مَرْعُوبَه
يَعَبَّاسْ چَانَتْ قَبِلْ مَهْيُوبَه
يَعَبَّاسْ وَسْفَه اصْبَحَتْ مَسْلُوبَه

يَعَبَّاسْ صِدْ طِفْلِتَكْ مِحْتَارَه
يَعَبَّاسْ شَنَّوْ عَلِيهَه الْغَارَه
يَعَبَّاسْ مِنْهَه الدَّمِعْ يِتْجَارَه
يَعَبَّاسْ شُوفِ الضَّرُبْ وَآثَارَه

يَعَبَّاسْ مَا ظَلْ سِتُرْ لَا خِيمَه
يَعَبَّاسْ كِلْ عِيلِتَكْ بِالْهِيمَه
يَعَبَّاسْ جَارِ الزَّمَانِ وْظِيمَه
يَعَبَّاسْ إِنْهَضْ يَرَاعِي الشِّيمَه

يَعَبَّاسْ كِلِّ الْحَرَمْ سِلْبُوهَه
يَعَبَّاسْ مُهْجَةْ عَلِي ضِرْبُوهَه
يَعَبَّاسْ زِينَبْ تِوِنْ سِمْعُوهَه
يَعَبَّاسْ گُومِ الْإِخِتْ شِتْمُوهَه

يَعَبَّاسْ بِينِ الزِّلِمْ مَمْشَاهَه
يَعَبَّاسْ حَبْلِ الشِّمِرْ أَذَّاهَه
يَعَبَّاسْ زِينَبْ تِهِلْ عِينَاهَه
يَعَبَّاسْ مَحَّدْ بُگَه وَيَّاهَه

يَعَبَّاسْ فُوگِ الْهِزِلْ مَچْتُوفَه
يَعَبَّاسْ أُمِّ الْخِدِرْ مَعْرُوفَه
يَعَبَّاسْ كَلْفَه تِطُبْ لِلْكُوفَه
يَعَبَّاسْ تِرْضَه بْوَضِعْهَه تْشُوفَه

يَعَبَّاسْ سُوطِ الْعِدَه أَدْمَاهَه
يَعَبَّاسْ مَنْتَه الْچِنِتْ بِحْمَاهَه
يَعَبَّاسْ زِينَبْ صَعُبْ مَسْرَاهَه
يَعَبَّاسْ مِنْهُو اللِّذِي يِرْعَاهَه

يَعَبَّاسْ إِسْمَعْ أَخِيرِ حْچَايَه
يَعَبَّاسْ زِينَبْ تِرِيدِ الرَّايَه
يَعَبَّاسْ تِسْتُرْ وَجِهْهَه الْغَايَه
يَعَبَّاسْ كَلْفَه الْمُصَايِبْ هَايَه


اهواي طلبو القصيده
رسلوها للاستفاده👆👆👆

#قصیده العباس ع مع هوسه

ازامط بیش لو عالو العياله
اخوي بکربله عايفها اعياله
~~~~
یحزام الظهر یاماي العیون
چابیمن ازامط اه یالحنون
شدو احزام خویه ولاتبطون

*ایشدونه واحزام الملعب*
~~~
اصيح ابصوت جاوينه والينه
خويه الكوم هل دارو اعلينه
يم المشرعه كالو امصوبينه

*یلکافل ترضه یسبوني*
~~
من بعدك بعد منهو اليباريني
يفراكك يخويه حيل ياذيني
تعال وشوف بلحبال مجتفيني
*واتشوف الطكني وسباني*
~
وين اليوم خل يلحك علينه
بلحبال و مجتفين ايدينه
بعد عباس منهو الي يحامينه

*جاوين الكافل زينب اذوها*
~~~~
زینب نادت چاوین خوتهه
وینه حسین مايسمع ونتهه
عكب عباس يامحنه محنتهه

*خل یلحگ زینب ضربوها*
~~~

✍#علویه ام فاضل

❌غیرمبری الذمه الیحذف الاسم او یغیره❌

https://www.tg-me.com/+Q5NQHnj25ns1MGNk

#قصیده العباس علیه السلام


يا ونه بس علي الكافل تلوگین
دنیه الجابته ما جابت اثنین
➖➖➖➖➖➖➖
نصبی ماتمچ و اقرایه سویله
بطل عباس یستاهل تونین اله
بهدای لو ردتو بصوت تنعوله
گولی علیه اشما ردتی تگولین
➖➖➖➖➖➖➖
عنه سولفی و احچی بعد لیه
هله ابعباس ویاهله ابطاریه
بحر عباس و طیب جاریه
یا قائد شجاع وانته تدرین
➖➖➖➖➖➖➖
قائد والنعم والغیره بوصافه
یحلاله العلم والسیف بچتافه
ضحه اچفوفه لعضیده و ماعافه
بعد یصیح یا زینب تأمرين
➖➖➖➖➖➖➖
يا صاحب لواء احسين حياك
حسافه و حيف طاحت يمناك
ردناه للكفاله اليوم ردناك
علي العباس وني و لا تبخلين
➖➖➖➖➖➖➖
عنايه جيت الك انه عنايه
عندي حاجه واطلب ياوفايه
شمحلا مجلسه لوشلتي الرايه
يمسح دمعتج بجفوفه الاثنين
➖➖➖➖➖➖➖

تــمت بعــون اللــہ

✍ #علویه_ ام فاضل_

❌غیرمبری الذمه الیحذف او یغیراسم الشاعره❌

https://www.tg-me.com/+Q5NQHnj25ns1MGNk

ختم المجلس .

ذوله اخوان زينب يلتلطمين
ذوله اخوان زينب يلتلطمين
~~
عليهم حيل دكي ولاتفترين
ذوله اخوان زينب يلتلطمين
~~
وعلي العباس مگطوع الايدين
ذوله اخوان زينب يلتلطمين
~~
وني عليه وكثري بلونين
ذوله اخوان زينب يلتلطمين
~~
علي الخوان كلبها صار نصين
ذوله اخوان زينب يلتلطمين
~~
علي العباس عازي ام البنين
ذوله اخوان زينب يلتلطمين
~~
اخته بليسر ويه الملاعين
ذوله اخوان زينب يلتلطمين
~~
علي الخوان بس تدمع العين
ذوله اخوان زينب يلتلطمين
~~
افدو ارواحكم دون الحسين
ذوله اخوان زينب يلتلطمين
~~
عيني امه الوفيه يالتعزين
ذوله اخوان زينب يلتلطمين
~~
شدي لطمتج ولاتقصرين
ذوله اخوان زينب يلتلطمين
~~
باجر بلحشر تحضر تدرين
ذوله اخوان زينب يلتلطمين
~~
فدا روحه لا جل الدين
ذوله اخوان زينب يلتلطمين
~~
وعله حسين واخوانه الميامين
ذوله اخوان زينب يلتلطمين
~~
عليهم نحزن طول السنين
ذوله اخوان زينب يلتلطمين
~~
باجر بلحشر جدامج تلكين
ذوله اخوان زينب يلتلطمين
~~
ماجورين يا خدام الحسين
ذوله اخوان زينب يلتلطمين
~~

✍#علویه ام فاضل

❌غیرمبری الذمه الیحذف الاسم او یغیره❌

https://www.tg-me.com/+Q5NQHnj25ns1MGNk

#قصيده العباس (س)


دنیا ظلمه وین اروحن وین عباس الکفیل
من بعد خدری یخویه انادمعاتی تسیل
ــــــــــــــــــــــــــــــ
زينب تناشد اخوهه  حچيلي عن راعي العلم
بداعت امي حسين جاوب وبضلعهه الي نهشم
وينه عباس الكفلني ليش مـارد للخيم
وهايه ياخويه صعبه تدري ومحروك الدليل
ــــــــــــــــــــــــــــــ
من وصلت آنه الشريعه چفوف شفت امبتره
شفت جود وچف عضيدي يلملم الماي الجره
وچفه الاخر هايزينـب بسيفه متوسد الثره
حرت الزينب شكلهه وشابحه وتبدي العويل

✍ #علويه ام فاضل
ــــــــــــــــــــــــــــــ
دنيا ظلمه وآنه حرمه ما بقالي والي
من بعد عين ابو فاضل الشمر يبرالي
كاطع راس ابو اليمه صعبه اشوفه كبالي
كام يتمرجل عليه وآنه بت حامي دخيل

✍#أزهار جبار الجياشي
ــــــــــــــــــــــــــــــ
بس عليل البقه يمي وحرم يا خويه وايتام
وانا وحدي وغريبه الدنيه يخويه ابضلام
ليلي كله امساهره خويه عيني ماتنام
تهيت دربي وما عندي الدليل

✍ #ايمان ناصر الزهيري
ــــــــــــــــــــــــــــــ
يالجبتني كوم ردني ليش نايم عالنهر
والعده تشمتوا بيه من طحت آ يالكمر
ترضه يا كافل خدره تنسبي وتمشي بيسر
صحت يا عباس وينك يالبدر نور الليل

✍ #أزهار جبار الجياشي
ــــــــــــــــــــــــــــــ


تمت بعون الله

مشتـ🤝ــركة بـ✍ـأقـ✍ـلام خادمات اهل البيت

✍ #علويه ام فاضل
✍ #ازهار جبار الجياشي
✍ #ایمان ناصر الزهیری

     ❌لانجيز حذف الأسماء❌


https://www.tg-me.com/+Q5NQHnj25ns1MGNk

#قصیده الابالفضل العباس ع

اعله النهر عباس دگ الثايه
وعتنى الجيش الكفر عنايه
➖➖➖➖➖➖➖
ارتجت الحومه دخل کفالها
بسيفه من هد زلزلاها اركانها
وجيوش اميه حيراها إرجالها
الجود بيده وسيفه ويه الرايه

✍️ #علويه ام فاضل
➖➖➖➖➖➖➖
الجود بيده وعتنى مثل الأسد
واعد  ولازم.   يوفيه.  الوعد
بدون ماي  العيلته.   لا مايرد
يروي العطاشى هاي هيه الغايه

✍🏻 ام زهراء الزيداويه البصراويه
➖➖➖➖➖➖➖
دگ ثايته العباس والملعب شهد
صاح بيهم صوت وبسيفه حصد
انه خلفت حيدره وارعد رعد
ابچفي اشيل العلگمي وي مايه

✍🏻 #_بنت العباس ع ام منتظر الجابري
➖➖➖➖➖➖➖
يرعد رعد   هيبه منه والنعم
هذا  اخو زينب عباس الشهم
للمشرعه صال اوطشرها الزلم
المشرعه الساجي اله مسمايه

✍️ #ام مرتضى الحواسي
➖➖➖➖➖➖➖
هذا صگار الزلم لمن يصول
امه اكحيله ابن فحل الفحول
مااوصف انا واعليه اشكول
كافل الحره هوه وحمايه

✍️ #خادمه ام البنين ام رضا
➖➖➖➖➖➖➖
من نزل عباس للحومه رهب
جندل الفرسان وبسيفه لعب
وبعد تدرون ابو فاضل لو غضب
الجثث سطرها اعله المسنايه

✍️ #ام حسين الابراهيميه ناصرية
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/+Q5NQHnj25ns1MGNk

#قصيده للعباس عليه السلام

صال صوله النهر يحجي اخبارها
بيهم اشسوه  البطل صگارها
➖➖➖➖➖➖➖
صاحت الحومه يسبع الگنطره
هذا المعروف  عنده الزمجره
اگباله فروا جن دخلهم حيدره
دخل صگار  الزلم.   مغوارها

✍️ #علويه ام فاضل
➖➖➖➖➖➖➖
ياهلا بخيالها وليث الحرب
اخو زينب هد لعب بيهم لعب
جيوش اميه اليوم راعبهم رعب
بسيفه اخو زينب فناها اشرارها

✍🏻الحاجه نجاة ام كرار اللامي
➖➖➖➖➖➖➖➖
صال بيهم صاح ادگ الثايه
ساتر الزينب وبيدي الرايه
الصولتي يشهد الشط ومايه
جيوش عدواني اشبن نارها

✍🏻 #_بنت العباس ع ام منتظر الجابري
➖➖➖➖➖➖➖
الطف اريدنها تشاهد صولتي
ابو فاضل ماادنگ.   هامتي
عالنهر تذكار تبقى.  وگفتي
والطفوف ادموم اخلي انهارها

✍🏻 ام زهراء الزيداويه البصراويه
➖➖➖➖➖➖➖➖
والنعم من عنده ابن خير العمل
شوف بالطف ويلي بيهم اشعمل
ما يهاب ولا عرف شنهو الملل
الحومه كلها بچف يمينه دارها

✍️ #ام حسين الابراهيميه ناصرية
➖➖➖➖➖➖➖➖
هذا اخو زينب المامثله  مثيل
لويهد الحومه بچفوفه تميل
قاتل الفرسان عباس الاصيل
والشهادة ابكيفه هو اختارها

✍️ #العلويه ام زين العابدين
➖➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/+Q5NQHnj25ns1MGNk

#قصيده مربعه ابالفضل العباس ع

فرس عباس مهضومه عله راعیهه
طاح وبالسهم عينه امصوبيهه
➖➖➖➖➖➖➖➖
طایح عالنهر واطفاله عطشانه
تبچی ام الخدر والروح خلصانه
وحسین الشفیه عیونه عمیانه
وچفوفه يویلي العده مشمریهه

✍️ #علويه ام فاضل
➖➖➖➖➖➖➖➖
يويلي اعله النهر مرميه اچفوفه
ابعامود الغدر  هامته  مخسوفه
وزينب تنتحب والروح. ملهوفه
راح الكافل  وعدمن.   امخليهه

✍🏻ام زهراء الزيداويه البصراويه
➖➖➖➖➖➖➖➖
نايم عل النهر وبدون زندين
والرايه بكتره تعمي العين
شمالك يادهر تاخذ الحنين
حزنانه عل فكده وحيل مابيهه

✍️ #خادمه ام البنين ام رضا
➖➖➖➖➖➖➖➖
طاح وطيحته كلش ترى امجيده
ولمن طاح عينه اصد على عضيده
يريد حسين مايكدر يشيل ايده
والجربه يخويه ماي مابيهه

✍️ # ام حسين الابراهيميه ناصرية
➖➖➖➖➖➖➖➖
زينب تنتحب وتنادي عباس
خالي المهر رد منك ينوماس
ياحامي الضعينه اشلون تنجاس
وأطفال ونسه منتضره ترويهه

✍️ #العلوية ام زين العابدين
➖➖➖➖➖➖➖➖
طاح الکافل وروحه  خلصانه
وعينه من السهم ويلاه  عمیانه
يجري الماي يمه ويابس السانه
وروحه العطش والقهر عاليهه

✍️ #ام علی باپیروند
➖➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/+Q5NQHnj25ns1MGNk

#ختم المجلس

دكي حيل للعباس
وجروحج يشافيها
❈◐❃❂❃◑❈
حلو لطمت العباس
والزهرا تدك علراس
يستاهل ابونوماس
لطمي واخته عازيها
❈◐❃❂❃◑❈
حلو لطمت المضلوم
كلنه انوح هذا اليوم
هظيمه يوكع الجيدوم
دكي حيل والطمه دشديها
❈◐❃❂❃◑❈
للعباس عازوها
اختهم ليش عافوها
وحيده بضيم خلوها
والعدوان سابيها
❈◐❃❂❃◑❈
وحدي ليش خلوني
ع الخوان عازوني
من ابجي لاتلوموني
عيوني اليوم اعميها
❈◐❃❂❃◑❈
عفتو ليش اخيتكم
والعدوان ذبحتكم
وعل التربان نومتكم
وجثثكم مامغسليها
❈◐❃❂❃◑❈
✍ #علویه ام فاضل

❌غیرمبری الذمه الیحذف او یغیراسم الشاعره❌

https://www.tg-me.com/+Q5NQHnj25ns1MGNk