#قصيده نزول الي كربله

ما تضيفيهم اشمالج كربله
اليوم نزلو بيج سادات المله
➖➖➖➖➖➖➖
اليوم نزلو بيج سادات الطهر
وكف بيها بهالارض لنه المهر
صاح ابوالسجاد شنهوهالخبر
حسين اجالج جاب كل العايله

✍️ #علويه ام فاضل
➖➖➖➖➖➖➖
ماتضيفيهم يراضي نينوه
يوم شفتي حسين بعياله نوه
بيج دگ اخيامه وگلبي انچوه
بيها مكتوب النوايب والبله

✍🏻 #_بنت العباس ع ام منتظر الجابري
➖➖➖➖➖➖➖
نزل بيها حسين اربات الزلم
كال يازينب تحضري للهضم
ادخيل رد بيه يشيال العلم
روحي تعبانة يخويه وناحله

✍🏻ام رقية الكناني
➖➖➖➖➖➖➖
خطار اجولج كربله. اتلگيهم
واجب عليج ال النبي اتضيفيهم
ومن غدر هذا الزمان احميهم
وبالج اتفرقين جمع. القافله

✍🏻ام زهراء الزيداويه البصراويه
➖➖➖➖➖➖➖
اليوم نزلو بيج اسياد الشرف
خافن تغدرين بيهم لل اسف
نحر برضج ينكطع ينكطع جف
وتبقى اجساد الهواشم بلفله

✍🏻ام مرتضى الحواسي
➖➖➖➖➖➖➖
ماتضيفيهم هذوله اهل الوفه
همه اعضم همه اطهر طائفة
من مصابج كلب زينب ماشفه
وعلى كاعج ابن حيدرنه انوله

✍🏻ام حسين الابراهيميه ناصرية
➖➖➖➖➖➖➖
حسين اجاج وجاب كل اعياله
هلي بيه ابلا غدر وانضاله
أدري هل جيه تگطع آماله
وتغدر العدوان ابن خير المله

✍🏻ام علي نجف
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/+Q5NQHnj25ns1MGNk

#قصیده مربعه نزول کربله

بهالاراضي يهلي لا تنزلوني
كلبي حس بالشر ينورعيوني
➖➖➖➖➖➖
خويه ذوله الگوم ماعدهم ذمم
والدرب ياابن امي اشوفنه انلزم
وانت جايب كل هلك ويه الحرم
وتالي خاف الوحدي اتخلوني

✍️ #علويه ام فاضل
➖➖➖➖➖➖➖➖
خايفة الوحدي اظلن بالطفوف
والعده عالحرم يالوالي تطوف
بنار وبخيل وخناجر وبسيوف
وعالهزل عگب الخدر يسبوني

✍️ #ام زهراء الزيداويه البصراويه
➖➖➖➖➖➖➖➖
خايفه يحسين منهم هالطغات
وبهل الارض مكتوب نمشي ميسرات
الحرم والاطفال تبجي محسرات
وين ابو فاضل ايحمل اضعوني

✍️ #العلويه ام زين العابدين
➖➖➖➖➖➖➖➖
لاتنزلوني وتنزل دمعتي
اخسر الوليان كلهم واخوتي
ومااضن ترضون خويه بطيحتي
وعل هزيله اركب تشوفوني

✍️ #ام حسين الابراهيميه ناصرية
➖➖➖➖➖➖➖➖
گلبي يوجعني يخوتي ابجيتي
ودري اظلن وحيده ا بغربتي
تروح إخوتي بكربلاء يمصيبتي
امشي وعالهزل ايگيدوني

✍️ #أم علي نجف
➖➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/OmFadil

#قصيده الهلال المحرم


هل محرم هل مسئ بحزانه
بيه تگظي أهل النبي عطشانه
➖➖➖➖➖➖➖
ريت ماهل هالشهر عالعتره
ینفجع گلب النبي و الزهره
حسینهم عدوانه تگطع نحره
بچه افلاك السمه و اكوانه
➖➖➖➖➖➖➖
ريت لا هليت ياشهر الكدر
جم دليل وخاطر اليله انكسر
صورة الاحزان من بين الصور
الدنيه ويه العتره اسف خوانه
➖➖➖➖➖➖➖
ريت شهر الحزن لأهل بالسمه
بيه اشوفن نار وخيول ودمه
وجن اشوف اضلوع بيه امهشمه
وجن اشوف ام الخدر حيرانه
➖➖➖➖➖➖➖➖
جنها حيرانه العقيلة وتنتحب
والدموع انهار عالوجنه تصب
بلايا أهل وحدها مابين الغرب
وابو اليمه اموسد ابميدانه
➖➖➖➖➖➖➖➖
وابو اليمه اموسد ويمه الحرم
ابلا زلم بين العده وبلا خيم
وعالشريعه نام شيال العلم
وبيه نشوف اعله النهر ذرعانه
➖➖➖➖➖➖➖➖
بيه نشوف ايتام ضاعت بالخلي
وبهلشهر تبقى غريبه بت علي
وتفگد اخوتها ومدامعها اتهلي
تصيح ماردوا هلي ويانه
➖➖➖➖➖➖➖➖
تمت بعون الله تعالی

بقلام الشاعرات المبدعات

✍️ #علویه ام فاضل
✍️ #ام زهرا الزیداویه البصراویه
✍️ #ام حسین الحلفي


غير مبري الذمه اليحذف اسماء الشاعراات❌

https://www.tg-me.com/OmFadil

#قصیده الهلال المحرم


هل الهلال يشيعة ..هل الهلال
الدمع سال نظرته والدمع سال
➖➖➖➖➖➖➖
لبسو اهدوم الحزن اليوم لجل حسينكم
هذا الضحه ابولده ودمه وظهر دينكم
لا تقصرون ابخدمته حسين هو ايعينكم
يومه چتال. ولينه يومه چتال

✍️ #علویه ام فاضل
➖➖➖➖➖➖➖
هل الهلال ومدامعنه تهل وي فاطمه
لجل ابو اليمه نهلها بس دمه
لمصيبه المظلوم حزنانه السمه
تبجي العيال حزينه تبجي العيال

✍️ #الشاعره كريمه البو حلوه
➖➖➖➖➖➖➖
هليت يهلال الكدر بيك الحزن والنوح
وحسين رايح للذبح والكلب مجروح
وعباس الشهم أعلى النهر ظل مطروح
شلون ينشال طريح شلون ينشال

✍️ #العلويه ام زين العابدين
➖➖➖➖➖➖➖
نضرته زينب وصاحت آه ياحامي الحمه
بهل الشهر الهل عليه اتروح أهل الموزمه
إخوتي اتروح عني وإني ضل امالمه

البعد طال. علينه البعد طال

✍️ #خادمه الحسين ع أم علي نجف
➖➖➖➖➖➖➖
نشروا اعلام السواد هذا شهر احزانكم
المحنة حسين وذبيحة حضروها ارواحكم
والمجالس حضروها الزهره اجت گدامكم
ابدمع همال. تنادي بدمع همال

✍️ #ام زهراء الزيداويه البصراويه
➖➖➖➖➖➖➖
هل شهر الاحزان والعين ادمعت
اه واويلاه جن صوت اسمعت
صوت ناده من العرش ويا صحت
حسينكم شال احزنوا حسينكم شال

✍️ #الحاجه نجاة ام كرار
➖➖➖➖➖➖➖
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/OmFadil

#للهلال ((موشح))
لسان حال مولاتي العقيلة عليهاالسلام


سال دمع العين من شفت السمه
والهلال امگبّع.   بلون     الدمه
::::::::::::::::::::::::::::::::::::::::::

انجرح خدي وماگطع جاري الدمع
واحس نيران اسعرت حدر الضلع
بشهر الاحزان اعرفت روحي انفجع
وافگد بعاشور مهجة فاطمه

✍#ام_محمد_الحجاج
••❥••━━━━━━━━━━━━••❥••

أفگد بعاشور ذخري وهيبتي
وبـحرگ الخيام تكــبر لوعتي
بس ونين ونوح تبقى حصتي
وأعله دمع العين دوم امعلمه

✍🏻#آلّشآعرهً آلــــّعــلّويِـــه آلّمٌوسويِــــۿ
••❥••━━━━━━━━━━━━••❥••

يا شهر عاشور بي دمعي  نزل
هالشهر افگد احسيني والكفل
خايفه من اليوم يلفيني الوجل
روحي عالخوان تبقى هايمه

✍#علويه_ام_فاضل
••❥••━━━━━━━━━━━━••❥••

شگد مواجع بيك اشوف آنه ومِحَن
عالوجن نزلن دموعي كالمِزَن
فكري والدلال وياهن نِعَن
چم نوايب بيها أبقى امألمة

✍🏻#ولائـية_وافتـخر (دعاء العامري)
••❥••━━━━━━━━━━━━••❥••

چم نوايب بيك   اشوف وچم الم
الحزن وي هلَّتَك   چنه   انرسم
عاينتلك  واحس كل حيلي  انهدم
چم طفل   ياشهر    گلي    اتيتمه

✍#ام_زهراء_الزيداويه_البصراويه
••❥••━━━━━━━━━━━━••❥••

آه یالوعت مصابي ابهالشهر
والحسین ایموت مذبوح النحر
وعله شاطي العلگمي يبقى الگمر
وآنه أندب یاعلي حامي الحمه

✍🏻#الفاطمية_رافضية_وافتخر
••❥••━━━━━━━━━━━━••❥••
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/OmFadil

#للمسير من المدينة إلى كربلاء
((لسان حال مولاتنا الحوراء زينب "ع"))

على درب النوايب هل نوينة
شد ارحالنة حامي الضعينة
°°°°°°°°°°°°°°°°°°°°°°°°°°°°

حَمَّل بالضعن بدر العشيرة
بظلام الليل نمشي لغير ديرة
كل واحد عرف گًرَّب مصيرة
وعيون الحزن تشرح حچينة

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦

ناشر رايته بدر الهواشم
اخونه اعله المسير الليله عازم
تلطم من درت طلعت الوادم
وضجّوا بل عويل اهل المدينه

✍#ام_محمد_الحجاج
✦════◐•⊰•❉•⊱•◑════✦

ضجوا بالعويل وروحي راحت
أجت أم البنين بحسرة صاحت
آه يبن الزچيه ودمعة طاحت
هم ترجع بعد وترد علينه

✍🏻#آلّشآعرهً آلــــّعــلّويِـــه آلّمٌوسويِــــۿ
✦════◐•⊰•❉•⊱•◑════✦

على درب المنايا. اليوم    ماشين
رحلنه والدمع يسچب من  العين
ويحف بالضعن عباس.   وحسين
سرينه    وتلتهب.   نيران.    بينه

✍#ام_زهراء_الزيداويه_البصراويه
✦════◐•⊰•❉•⊱•◑════✦

مشينه الكربله و حملنه الضعون
ودعنه الأحبة بدمع العيون
واعاين للعليله وحالها  شلون
تصد لضعونه وتنحب  حزينه

✍#علويه_ام_فاضل
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/OmFadil

أبوذيات ونواعي متعددة لـ المسير

ابو السجاد شد اليوم.    رحله
وعنده الكربله المظلوم.  رحله
لأن مكتوب من الكوفه.     رحله
((يريدونه  يجي.  للغاضريه ))

يدور  هل   دهر.  يحسين.     حجه
وانت.اعله.الخلگ.  مولاي  حجه
شخصك بالطفوف يصير   حجه
((وتطوف ابنحرك اسيوف المنيه))
✍#ام_زهراء_الزيداويه_البصراويه

سچ ظعن الفواطم والهواشم
وعساني ماصل الطف والهواشم
السيوف اتّاني اخيي والهواشم
تطحن جثته بالغاضرية...
✍🏻#ام_محمد_الحجاج

حده حادي الضعن بينه . وسرنه
بليل وماكشف همنه . وسرنه
حزنه ولاخبر جانه . وسرنه
وطلعنه من الوطن لارض المنيه.
✍🏻#ام_فاطمة_الزهراء

وحي الله  لبــــــو الـیمه   وحاله
الحــرم عافــه واطاع الرب   وحاله
ومن طیبـه الأرض الطف  وحاله
و لجل دینه وصل ارض المنیه
✍🏻#ام_عباس_الحسيني
✦════◐•⊰•❉•⊱•◑════✦

★ نعي نصاري زريجي عاشوري جنوبي مُلائي ★

حده حادي ضعنهم هالمسيه
وجدّوا سيرهم للغاضريه
عيني تصد لخوتي اهل الحميه
والنيران بضلوعي سريّه...
✍#ام_محمد_الحجاج

حدينه وهلت اعيوني للديار.
طلعنه من نزلنه وبالگلب نار.
محتاره بشباب اهلي والزغار.
ودري بهل الوكت ياوسفه غدار.
✍🏻#ام_فاطمة_الزهراء
✦════◐•⊰•❉•⊱•◑════✦

★ طور الحدي الركباني.. طور الحدي البدوي.. طور الفائزي القطيفي.. طورالفائزي البحراني العراقي.. طور تراث البحراني القديم.. ★
#وداع قبر الرسول ص والسيدة الزهراء ع

حسين السبط تعبان وانفاسه حرّه
عِد جده طاح وصاح عيشتي مُره

قبل اليشيل بليل من ارض المدينه
لقبر امه يشكي الآه وخيّه ونبينه
ضميني يُمّه الساع تسمع ونينه
موت الولد يشتاق لأمه الحنينه
بضلوعه تسري النار وبخده عبره
✍🏻#خادمة_أبي_الفضل

شال العزيز حسين عايفها دياره
متعني لأرضچ كربله وماطفت ناره
راح وأخذ كل أخوته وأهله الغيارى
ينهج نهج جده النبى واضح مساره
✍🏻#آلــــّعــلّويِـــه آلّمٌوسويِــــۿ

واضح مساره ابو علي ماهبط الراس
هيهات صاح وللظلم ماضل اله اساس
لمن وصل طف كربله فوگ الزلم داس
وبدمه ضحه ابن النبي وضل دمه نبراس
✍🏻#خادمة_اهل_البيت_ام_ابراهيم_الحلفي
✦════◐•⊰•❉•⊱•◑════✦

★مجاريد أو عاشوري★
ودع گبر جده وهلت العين
اوداعت الله ياهلي الطيبين
لارض بيها النوايب هل مرحلين

ماشين و دعناهه الگبور
يهلي وعليكم گلبي مفطور
عفناها ظلمه وخاليه الدور
✍#علويه_ام_فاضل
✦════◐•⊰•❉•⊱•◑════✦

★طور ( الجفيري.. الحدي السريع.. يم الولد راح الولد.. )★
ودعو مدينة جدهم
ضلت خلية ديارهم
وحشة بقت وتحن لهم
شگد صعبة ياساع الوداع...

متوجهين لكربله
واخذوها كل العايله
هذا الدرب بيه البله
تتوسد بدمهم بقاع...

درب المنايا والأجل
ينگطع من عنده الأمل
لهاي الأرض كلمن وصل
ميضل احد بيها صراع...
✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/+Q5NQHnj25ns1MGNk

#للمسير من المدينة إلى كربلاء
((لسان حال مولاتنا الحوراء زينب "ع"))

على درب النوايب هل نوينة
شد ارحالنة حامي الضعينة
°°°°°°°°°°°°°°°°°°°°°°°°°°°°

حَمَّل بالضعن بدر العشيرة
بظلام الليل نمشي لغير ديرة
كل واحد عرف گًرَّب مصيرة
وعيون الحزن تشرح حچينة

✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦

ناشر رايته بدر الهواشم
اخونه اعله المسير الليله عازم
تلطم من درت طلعت الوادم
وضجّوا بل عويل اهل المدينه

✍#ام_محمد_الحجاج
✦════◐•⊰•❉•⊱•◑════✦

ضجوا بالعويل وروحي راحت
أجت أم البنين بحسرة صاحت
آه يبن الزچيه ودمعة طاحت
هم ترجع بعد وترد علينه

✍🏻#آلّشآعرهً آلــــّعــلّويِـــه آلّمٌوسويِــــۿ
✦════◐•⊰•❉•⊱•◑════✦

على درب المنايا. اليوم    ماشين
رحلنه والدمع يسچب من  العين
ويحف بالضعن عباس.   وحسين
سرينه    وتلتهب.   نيران.    بينه

✍#ام_زهراء_الزيداويه_البصراويه
✦════◐•⊰•❉•⊱•◑════✦

مشينه الكربله و حملنه الضعون
ودعنه الأحبة بدمع العيون
واعاين للعليله وحالها  شلون
تصد لضعونه وتنحب  حزينه

✍#علويه_ام_فاضل
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/+Q5NQHnj25ns1MGNk

#قصیده للحسین

بس الك يحسين انصبلك عزاء
وخلي صوت اللطم يوصل كربلاء
@@@@@@@
ما تمسها النار كل عين البچت
هناك يوم الحشر بالزهرة نتخت
لطمو حيل صدوركم ياهل البخت
وبس ابو السجاد يستاهل بكاء
@@@@@@
من علي الكرا ر تاخذلك اجر
وتگر عينك باجر بيوم الحشر
ابچي للمذبوح مكسور الصدر
عاري عالتربان ضل بلا رداء
@@@@@@
ابچو يا شيعة علي عالمنذبح
شافت ام حسين راس اعله الرمح
وبعد نبچي اعله السبي اكبر جرح
شلون طلعن عالهزل ذيچ النساء
@@@@@
خل نواسي المهدي بدموع ولطم
عمت عينه من البچي وذاك الهظم
كون من نلطم الة نكسر عظم
مثل كسر الضلع او ذاك العناء
@@@@@@
تمت بعون الله

✍#علویه ام فاضل

❌غیرمبری الذمه الیـحـذف الاسم او یـغیره

https://www.tg-me.com/+Q5NQHnj25ns1MGNk