#قصيده لهدم قبور البقيع (ع)

الیله جمعه وکلنه الک ندعيلك
تظهر وتبني البقیع  ابحيلك
▂  ▂   ▂ ▂  ▂   ▂ ▂ 
الیله جمعه اوحنه ندعي ابهل الدعاء
وقبل  ماتظهر  الك  نعلن  ولاء
الدنيه ضاگت بينه واشتد البلاء
----وهاك هاي اجروحنه التحچيلك----
----وتظهر وتبني البقيع ابحيلك----
▂  ▂   ▂ ▂  ▂   ▂ ▂ 
والله یامهدينه ندري ابلوعتک
وعالبقيع اتزيد گامت ونتك
يمته ثارك يفرح ابرف رايتك
----وتنجلي هاي الجروح اوليلك---
----وتظهر اوتبني البقيع ابحيلك----
▂  ▂   ▂ ▂  ▂   ▂ ▂ 
اه یاالمهدي دخیلک لا تغيب
يمتى تظهر تاخذ ابثار الحبيب
والجروح اهواي بس انت الطبب
_وحنه ماعدنه صبر ننعيلك__
_وتظهر وتبني البقيع ابحيلك__
▂  ▂   ▂ ▂  ▂   ▂ ▂ 
والله محتارين والمدمع يهل
تدري ثوب اعيونه ظل ينهزل
ياعدل بالگاع غيرك ياعدل
_والچفوف ابكل وكت توميلك_
----وتظهر وتبني البقيع ابحيلك_
▂  ▂   ▂ ▂  ▂   ▂ ▂ 
ياألهي  بالفرج  عجل  نصيح
وحنه صرنه اخيال بفراگك نطيح
چم گلب عالصار من بعدك جريح
_لان گظه العمر بس يبچيلك_
----تظهر وتبني البقيع ابحيلك-----
▂  ▂   ▂ ▂  ▂   ▂ ▂ 
تمت بعون الله

✍ #علویه ام فاضل

❌غیرمبری الذمه الیحذف او یغیراسم الشاعره❌

https://www.tg-me.com/OmFadil

#قصيده هدم القبور البقيع
وزن الفائزي


أبكلبي  مشتعله النار
يمته تجي و تاخذ ثار
يابو صالح       يابو صالح
➖➖➖➖➖➖➖
لثار البقيع بكل وكت    كنه     نطالب
يالمهدي يايوم الفرج   اظهر   يغايب
ننتظر جيتك بلعجل   تنهي المصايب

احنه الك كلنه انصار
                 وبكلبي مشتعله النار

يابو صالح           يابو صالح

✍#علویه_ام_فاضل

┉━━━•🖤•━━━┉
أنصار الك يالمنتضر    نترقب   تعود
يايوم ترفع  رايتك   وترف  ياموعود
وتنبني منارات وقبب  للجبده ممرود

وتنهي الضلم كله الصار

                      وبكلبي مشتعله النار

يابو صالح           يابو صالح

✍العلـويـة ام نـور الميسـانيـة
┉━━━•🖤•━━━┉

نصيح العجل وبكل وجل نترقبك مولانه

ننتظرك بجمرة حزن  تبني   البقيع ويانه

ملينه يلمهدي الصبر  والصبر   هم   ملانه

للحسن ما مش زوار
                وبكلبي مشتعله النار

بيو صالح          بيو صالح

✍🏻 ام حسن البطاط

┉━━━•🖤•━━━┉

ونصير الك فيء وغطه يالمهدي كلنه انصارك
اظهر يمهدي بالعجل   ضاعت علينه   اخبارك
كل جمعه نتوقع تجي  وتطلب يامهدي بثارك

         ثار الضلع والبسمار
                    وبكلبي مشتعله النار

              يبو صالح      يبو صالح

    ام حيدر العباديه عماره
┉━━━•🖤•━━━┉

ملينه أه   يالمنتظر   جور وظلم من اعداك

كل يوم ننطر جيتك وتكسر خشوم العاداك

وينزاح كل هم بالگلب   ياسيدي  نترجاك

     ونصير الك الثوار
                     وبكلبي مشتعله النار
 
              يابو صالح      يابو صالح

إم حيدر العبادي ناصريه
┉━━━•🖤•━━━┉
ملينه من كثر الحزن يمتى تجي وتنجينه
يالمهدي بس ضيم وظلم من هلوضع ملينه
الجيتك احنه ننتظر ونورك يهل اعلينه

وتنهزم كل الاشرار
          بگلبي مشتعله النار
يابو صالح. يابو صالح

✍🏻 ام زهراء الزيداويه البصراويه

┉━━━•🖤•━━━┉

تمــ بعون الله تعالى
✍️بقلم شاعرات اهل البیت ع
في رابطة دموع العقیله ع 
لانجيز حذف الاسماء✋
☘️نسالكم الدعاء☘️
https://www.tg-me.com/OmFadil

#قصيدة الى الإمام المهدي ( عج )
____

      صوره مرسومه وخيال ابالنه
       يظهر المهدي ويزيل آلامنه
الرايه بيده ترتفع … وينجبر كسر الضلع
          آ يمهدي  …  آ يمهدي
.❥✿┈┈• {🥀} • ┈•✿❥
جمره تحرگ بینه ظلت والگلب مابے قرار
بس مدامعنه اعله خدنه عبره اتزیح الحصار
نندب ابدمع الحنین  وطال بينه الانتظار
رجعتڪ یل مهدي یمته تدرے نطلب عدنه ثار
  ننتظر نورڪ یشع  ...  وينجبر كسر الضلع
             آ يمهدي  … آ يمهدي

✍ #عـلــویــه_ام_فــاضل
.❥✿┈┈• {🥀} • ┈•✿❥
طال يالمهدي انتظارك يمته تظهر سيدي
ورحلة الآلام تخلص والعداله تبتدي
تشيد اگبور البقيع  لگبر امك نهتدي
ونورك ايشع عالبريه وبيك كلنه نقتدي
وبينه اتصلي جمع ...  وينجبر كسر الضلع
             آ يمهدي … آ يمهدي

✍️ #أم_محمد_علي_الشيباني
.❥✿┈┈• {🥀} • ┈•✿❥
يمته ويمته ويمته العمر خلص امنيات
تروح جمعه بأثر جمعه وما يجي سر الحيات
طالت اعلينه الليالي البالحزن والهم نبات
خاف ما تظهر يغالي واحنه يلفينه الممات
اظهر وغيّر الوضع ...  وينجبر كسر الضلع
           آ يمهدي … آ يمهدي

✍ #أزهار_جبار_الجياشي
.❥✿┈┈• {🥀} • ┈•✿❥
الدنيه شاخت بالمصايب وامتله جور الزمن
انتظرنه  يابو صالح لجيتك يا لمؤتمن
ندعي تعجيل  الظهور  شبعت احبابك محن
هالنواظر  من غيابك تدري  بالمدمع بچن
عليك نحر المنگطع ... وينجبر كسر الضلع
             آ يمهدي … آ يمهدي

✍️ #_مريم_ العبوديه اسيرة الاحزان
.❥✿┈┈• {🥀} • ┈•✿❥
شوكت يالغايب علينه تهل مثل هل الشهر
خاف مانگدر نشوفك ويخلص بسرعه العمر
ارواحنه بدربك نثرنه وبلكت اعليها تمر
سنينه  ليل بغيابك وطلعتك  هيه الفجر
يافجر صافي ونبع ...  وينجبر كسر الضلع
                 آ يمهدي … آ يمهدي

✍️ #اسيل_الذهبي
.❥✿┈┈• {🥀} • ┈•✿❥
گلوب حيرها إنتظارك غيايك اليمته يطول
ننطر الجيتك يغالي  إظهر بجاه البتول
اتعبنه من غدر البواغي كل مصايبنه هطول
ذابت گلوب الحيارى لطَلِتَك يبن الرسول
لأمرك وثارك نِطع  ... و ينجبر كسر الضلع
             آ يمهدي … آ يمهدي

✍ #خادمة_أبي_الفضل
.❥✿┈┈• {🥀} • ┈•✿❥
قد يكون السبب احنه علينه طولت الغياب
وطالت الغفله يغالي منه اويلي من العتاب
ذنوبنه كثره وثجيله ومِلنه وي هوه الشباب
ومرت الايام بينه والشعر من عدنه شاب
نندب بفيض الدمع...  وينجبر كسر الضلع
               آ يمهدي … آ يمهدي

✍️ #نبضي_حسين
.❥✿┈┈• {🥀} • ┈•✿❥
يالحبيب ذنوب عدنه  جينه ماخذنه ندم
مهبطين الروس كلنه ارواح تارسها الالم
التوبه يم بابك يمهدي عدنه هذا اغلى حلم
لاتردنه يابو صالح طبعك احساس وكرم
نظره يالگلبك وسع  ... وينجبر كسر الضلع
             آ يمهدي … آ يمهدي

✍️ #ام زينب المواليه
.❥✿┈┈• {🥀} • ┈•✿❥
تمت بحمد الله بأقلام شاعرات مهدويات الهوى
حقوق النشر محفوظة عند سيد الشهداء ع

الموافق : الخميس : 21/10/2021

https://www.tg-me.com/OmFadil

#قصیده الی قبور البقیع


شوکت ننصب بلبقیع اقرایه
یم گببهم   تنحب     الملايه
➖➖➖➖➖➖➖
شوکت ننصب هلعزه لال الرسول
ونعتني الفاطمه الزهره البتول
واليضدهم صوله اعليهم نصول
وكلنه نمشي انزورهم عنایه

✍️ #عـلــویــه_ام_فــاضل
➖➖➖➖➖➖➖
نعتني   الگبره   ونسويله   عزاء
ننعى احنه ابصوت ويزيد  البكاء
نظره منه انريد  يسمع  هل  نداء
يقضي  حاجات  الاجت مشايه

✍️ #الشاعره_ غدير الباهلي
➖➖➖➖➖➖➖
نلتم و نلطم  سويه  اعله الصدر
نبجي و انعازي امام المنتظر
يمته و انشوف الگبب الخظر
واحنه انصاره ونحامی الثایه

✍️ #علویه الموسویه
➖➖➖➖➖➖➖
انريد   نتعنه   ونزور   اكبورهم
بالبقيع     وننصب    لعاشورهم 
والنواصب  ما  تدوم  اقصورهم
ابجيته   المهدي    يعلي    الرايه

✍️ #ام ابراهيم الحلفي
➖➖➖➖➖➖➖
انريد ننصب العزى  بارض  البقيع
ونلطم اعله صدورناابكلب وجيع
نواسي الزهره ورسول الله الشفيع
واحنه شيعتهم بعد وفايه

✍️ #سلمى أم جعفر
➖➖➖➖➖➖➖
نعتني مشايه ونجر  الونين
هوايه عذبنه البعد طول السنين
للبقيع اليوم هزانه الحنين
نزوركم نتمنه هاي الغايه

✍️ #ام زهراء الزيداويه البصراويه
➖➖➖➖➖➖➖
تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

لسان حال الزهرا تنعی لهدم البقیع

جرحی ظل ینزف دمه
یوم شفت الگبورمهدمه
علیکم یهل البقیع متالمه
###############
یمه موجنه الگبور هدموها
جن احس ظلوعی هشموها
و اگبورکم والنذال طیحوها
###############
اویلی علیک یابنی الحسن
وگلبی علیک صایر ابمحن
وبگبری سویت الک صحن
###############
ابجی وعاتب صاحب الثار
اونن الیمته وخلص الانتظار
الیمته اشوف الحسن عنده زوار
###############
یبنی الحسن موتنی الی صار
ومصیبتک شيبت اكلوب الزغار
گبوركم لاالها صحن ولا دار
###############
اتمنه یظهر ابنی الغایب
ویشوف شصایر من عجایب
لاتبطی یمهدي وشوف المصایب
###############

تمت بعون الله

✍ #علویه ام فاضل

❌غیرمبری الذمه الیحذف او یغیراسم الشاعره❌

https://www.tg-me.com/OmFadil

#قصیده الى قبور البقيع


لا ضريح ولا صحن
        كثرو اصحاب الفتن
يمته يالمهدي تجي 
              وگبره تبنيه الحسن
♾️♾️♾️♾️♾️♾️
يا ابوصالح اسمع الشيعه تندبك
اعله ثار الزهره والطبره تطلبك
الياوكت مولاي گلي يبقى.صبرك

يمته  مولانه   تثور
وتبني يالمهدي القبور
وسيفك اتسله عليهم  وعله عدوانك تدور
اجروح بينه اتكاثرن
لا ضريح ولاصحن

✍ #عـلــویــه_ام_فــاضل
♾️♾️♾️♾️♾️♾️
جروح بينه اتكاثرن جايمته تشفه
امصاب فوگ امصاب حيل الدنيا كلفه
بجيتك يالمهدي هاي الناس تصفه

يمته تتعنه البقيع
وتبني اگبور الجميع
وكلها هاي الناس. بس امرك تطيع
وتمحي آثار المحن
لا ضريح ولا صحن

✍️ #ام زهراء الزيداويه البصراويه
♾️♾️♾️♾️♾️♾️
بهمنه باجر نعتني والدمعه بالعين
والبقيع اگبورها اطوف الملايين
تعتني الزوار کلها مثل یوم الاربعین

انزور کل احنه ونطوف
والعدو خله يشوف

تعتني الزوار كلها اصفوف تتبعها الصفوف

مهمه يطول الزمن
لا ضريح ولاصحن

✍️ #علويه الموسويه
♾️♾️♾️♾️♾️♾️
يمته تتعنه وتجينه بيدك اتشيد القبور
واحنه كلنه وياك نمشي نبچي وندگ الصدور
سعود وال اسعود كلهم ثورة اعليهم نثور

ناخذ ابثار الضلع
وخلها كلها تستمع
نهدم أسوار الکفر وچف الیضدهم ينگطع

ونمسح ادموع البچن
لا ضريح ولا صحن

✍️ #خادمه الزهراء غدير الباهلي
♾️♾️♾️♾️♾️♾️
سيدي يبن النبي اثكيل المصاب
لحظرتك يالغايب انوجه العتاب
امن الگلوب المفجعه هذا الخطاب

هل الوضع ماينجرع
بمحنه ونسيل الدمع

امصابنه كلش كلف. الكون اله مايتسع

نيران بينه اتوجرن
لاضريح ولاصحن

✍🏻#ام ابراهيم الحلفي
♾️♾️♾️♾️♾️♾️

تمت بـحٍمَدٍ للـّہ تعالى بقلم
خادمات نحر الحسين عليها السلام
        وسئلكم الدعاء 🙏
        غير مبري الذمه
   من يمسح اسم الشاعرات
   او ينسب الكلمات لنفسه
https://www.tg-me.com/OmFadil

لطميه لهدم قبور ائئمه البقيع عليهم السلام


گلبي ابحزن يشكیلك
وامنين انه ابديلك
ليل ونهاري انعيلك
عن البقيع احجيلك

ابني الگبور يغايب..ابني الگبور
➖➖➖➖➖➖
احجي ابحزن انه واون
لا صخره عدهم لا صحن
ترضه الزجيه ام الحسن
ليهسه تبجي وبس تحن

انهض ابنيها ابحيلك
عن البقيع احجيلك
ابني الگبور يغايب..ابني الگبور
➖➖➖➖➖➖
تبجي بحزن واتنادي
يايمه ذاب افادي
ابني قبور اولادي
غصبن على الاعادي

يالمهدي انه اشكيلك
وعن البقيع احجيلك
ابني الگبور يغايب ابني الگبور
➖➖➖➖➖➖
منتظره گلها الثارك
اضهر وسل  فقارك
رب  البريه اختارك
ماتطفه ابد يا نارك

ومجلس عزه سويلك
وعن البقيع احجيلك
ابني الگبور يغايب ابني الگبور
➖➖➖➖➖➖
اضهر يامهدي اعلينه
ابنيها  و  افزع لينه
من   الظلم   ملينه
و لاام الگمر حنينه

يلهب لهب دليلك
وعن البقيع احجيلك
ابني الگبور يغايب ابني الگبور
➖➖➖➖➖➖
گبور النشامه ابنيها
وگبت الحسن عليها
و  رأيه ترف اعليها
اصحاب السقيفه افنيها

كل يوم انه ادعيلك
وعن البقيع احجيلك
ابني الگبور يغايب.. ابني الگبور
➖➖➖➖➖➖
وتقره دعاء الندبه
وتبنيها مثل الكعبه
وتبني الصحن والگبه
وبالضيج كلها اتندبه

أرض وسمه اتحيلك
و عن البقيع احجيلك
ابني الگبور يغايب ابني الگبور
➖➖➖➖➖➖
تــمت بعــون اللــہ

بقلم الشاعرات

✍ #علویه_ ام فاضل_

✍️ #ام حسين الحلفي

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

لطميه لهدم قبور ائئمه البقيع عليهم السلام

ابني الگبور يغايب ابني الگبور

گلبي ابحزن يشكیلك
وامنين انه ابديلك
ليل ونهاري انعيلك
عن البقيع احجيلك

ابني الگبور يغايب..ابني الگبور
➖➖➖➖➖➖
احجي ابحزن انه واون
لا صخره عدهم لا صحن
ترضه الزجيه ام الحسن
ليهسه تبجي وبس تحن

انهض ابنيها ابحيلك
عن البقيع احجيلك
ابني الگبور يغايب..ابني الگبور
➖➖➖➖➖➖
تبجي بحزن واتنادي
يايمه ذاب افادي
ابني قبور اولادي
غصبن على الاعادي

يالمهدي انه اشكيلك
وعن البقيع احجيلك
ابني الگبور يغايب ابني الگبور
➖➖➖➖➖➖
منتظره گلها الثارك
اضهر وسل  فقارك
رب  البريه اختارك
ماتطفه ابد يا نارك

ومجلس عزه سويلك
وعن البقيع احجيلك
ابني الگبور يغايب ابني الگبور
➖➖➖➖➖➖
اضهر يامهدي اعلينه
ابنيها  و  افزع لينه
من   الظلم   ملينه
و لاام الگمر حنينه

يلهب لهب دليلك
وعن البقيع احجيلك
ابني الگبور يغايب ابني الگبور
➖➖➖➖➖➖
گبور النشامه ابنيها
وگبت الحسن عليها
و  رأيه ترف اعليها
اصحاب السقيفه افنيها

كل يوم انه ادعيلك
وعن البقيع احجيلك
ابني الگبور يغايب.. ابني الگبور
➖➖➖➖➖➖
وتقره دعاء الندبه
وتبنيها مثل الكعبه
وتبني الصحن والگبه
وبالضيج كلها اتندبه

أرض وسمه اتحيلك
و عن البقيع احجيلك
ابني الگبور يغايب ابني الگبور
➖➖➖➖➖➖
تــمت بعــون اللــہ

بقلم الشاعرات

✍ #علویه_ ام فاضل_

✍️ #ام حسين الحلفي

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

#قصیده الهدم قبور البقيع والزهراء(ع)

للموت ماننسه الظلع
او گبر مخفي بالبقيع
ـــــ@ــ*ــ@ـــ*ــ@ــ*ــ@ـــــ
مااظن ننسه مصیبة فاطمه
والحزن بينه يخيّم للسمه
وهاي العيون اتهلي دمع اودمه
والدمع ندري شفيع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
وین گبر أُم  الحسن یامسلمین
بلنجف موجود لو یم الحسین
علی کل باب ابحزن ارسملی عين
ومهدخالی من الرضیع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
یاهجوم الناصبه وكل الجره
یامصیبه شلون نار اموجره
ونوح جبريل احنه نسمع بيه تره
والحاقدأبحقده المنيع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
للبقیع من انظر الگه اچم مصاب
الگه بس أكبورهم صخره وتراب
همه نفس الحرگو  من الزهره باب
ودمهه باجرمایضیع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
ابد ما خافو ولا  راعو نبي
شنّو احقادالحرب كل ناصبي
بالقيامه تنتفض حتى العبي
ليش هالحقد الشنيع
للموت ماننسه الظلع
ـــــ@ــ*ــ@ـــ*ــ@ــ*ــ@ـــــ
تمت بعون الله
.
✍ #علویه ام فاضل

❌غیرمبری الذمه الیحذف او یغیراسم الشاعره❌

https://www.tg-me.com/OmFadil

علصادق نون هالیوم
ونسوي عراضات
➖➖➖➖➖➖➖
نون ونعازي الزهره
وتلهب بالگلب جمره
لمصابه نبجي ونقره

*والزهره الیوم انعازیها*

✍️ #علویه ام فاضل

➖➖➖➖➖➖
نبجي وننعه للمسموم
ونهل الدموع ادموم
وكل شيعي عليه مهموم

( يشيعونه// السادات اليوم)

✍🏻العلويه ام زين العابدين
➖➖➖➖➖➖
‏ ابو الكاظم صعب يومه
بلسم روحه معدومه
اگلوب الساده مالومه

،((وسفه يسمونه// ،،عود الكاظم.))

✍🏻أم علي نجف
➖➖➖➖➖
صعب يايوم مولانه
نون ونوح خلانــــه
ظلمه اعليه دنيانه

((المنصور وكومه// ابنار يحرگونه))

✍🏻خادمة اهل البيت ام ابراهيم الحلفي
➖➖➖➖➖➖
تصعب فرگته اعلينه
بچبدته نار تچوينيه
للكاضم. تعازينه

((محزونه اعليه/ كل الساده))

✍🏻ام علي البيضانيه
➖➖➖➖➖➖
گلبنه اعليك مكسور
ونهل الدمع. منثور
دليل المحب مفطور

((تستاهل ون لو ونينه))

✍️خادمة اهل البيت ام اسعد

➖➖➖➖➖➖
تمت بفضل من الله باقلام خادمات رابطة دموع الاقلام
غير مبري الذمه من يحذف الاسماء وينسبه له
https://www.tg-me.com/OmFadil