لطمیه للعلیله ع
((الوزن مجرشه))
ـــــــــــــــ😭ــــــــــــــ
عفتونی اهــلن بالدمع
امصابي ابد ما ینجرع

لیش بحـزن عفتونی
چــاویـنـکم یعــیوني
➖➖➖😭➖➖➖
نحلان جسمی بس عظم.و بعیده عني اخوانی

عافوني اهلي وغربو واکثرت بیه احزانی

اتمنیت تحضرنی حین الاجل لو جاني

حان الدفن لحگونی
چاوینکــم یعـیـونی

✍️ #علویه ام فاضل
➖➖➖😭➖➖➖
چنه الاجل مني گرب ظلت عیوني اربیه

لا طارش المنهم رجع لا خبر ودو لیه

ما گال ابوي ابمنزلي ظلت تنوح ابنیه

یمته هلي ايذکروني
چــا وینـکم یعـیوني

✍️ #العلویه ام ضیغم المحنا
➖➖➖😭➖➖➖
لآ خبر من عدکم اجه لآ اجه عمی العباس

ليلي اخلصنه بچی تِشهدلی یا بویه الناس

المرض نَحَلی الجسم ولاشد یا وجع الراس

اتغیرعلیکم لونی
چاوینکم یعیونی

✍️ #یسرا الموسوی
➖➖➖😭➖➖➖
يابويه ما كلت البنت ظلت تناطر الاحباب

بس دمع يهمل يالابو من بعد طول الغياب

ليلي اكضيه بحزن بلكت تدكون الباب

يهلي تغير لوني
جاوينكم يعيوني

✍️ #ام حيدر العباديه عماره
➖➖➖😭➖➖➖
جاوينكم يهل الرحم
ماشفتوا بيه اشسادي

والمرض هدني والقهر
وفراكم مرداني

ياحسين بويه ماكلت ضلت بنيتي تاني

خابت یبویه اظنوني
جــــاوينكم يعــيوني

✍️ #ام احمد الحلاويه
➖➖➖😭➖➖➖
مرسال اريدن ياهلي بلكت يهود وني
طولتو حيل ابهالسفر شنهو المنعكم عني
صبح اومسه اعيوني تهل خاوه الدمع ياجفني

لامااظن تنسوني
چاوينكم يعيوني

✍️ #ام محمد تقي الموسوي
➖➖➖😭➖➖➖
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع
لانجيز حذف الاسماء✋
🙏🏻نسالكم الدعاء🙏🏻
https://www.tg-me.com/OmFadil

قصيدةوزن( الهجري )
لطميه للسيده زينب عليها السلام
====================
يالوعتي     ومصيبتي
خلوني وحدي   بمحنتي
يالوعتي... يالوعتي

❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
راحوا وخلوني وحدي بين نيران     وخيم
وهسه جاني الموت ليه ماحظر راعي العلم
ليش كلي ما اجيتوا حته لو لحظه    بحلم
للنعش شياله رادوا وسفه مابيها  زلم
ياغربتي .. بليه اخوتي
خلوني وحدي بمحنتي

يالوعتي ..... يالوعتي

✍...العلويه ام محمد الخطيب الموسوي
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
وسفه مايمي الاحبهم ولا اخو ايهيل التراب
وين عباس الكفلني  يبچي ويشد النگاب
وحيده وبدارالغرايب يحضر يشوف المصاب
يخبرالزهره الزاجيه ويبعث الحيدر عتاب
   يمصيبتي. وياهظمتي
خلوني وحدي بمحنتي

يالوعتي.... يالوعتي

✍🏻...العلويه ام مصطفى الموسوي
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
بدار غربه  لوحدي والله خويه والموقف صعب
الاخت تنظر لخوها عافها بنص الدرب
الاثر ضل اعله متني اه من كثر الضرب
كون بس واحد يجيني حرمه مابين الغرب

يادمعتي .... ياسلوتي
خلوني وحدي بغربتي

يالوعتي..... يالوعتي

✍️ #علويه ام فاضل
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
يازماني شگد اعاني حتى موتي بيه حزن
جنازتي محد حظرهه ولامراسيم الدفن
مگدره اولام اعلى طولي ادموعي صارنلي چفن
وياحسرتي البيه تسعر ماتخمدهه المزن
ياهظمتي.. بليه اخوتي
عافوني تجري دمعتي

يالوعتي...... يالوعتي

✍وعد الڪفيل
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
گِلت اِنته اِتشیل نعشی عل چتف یا کافلی
وتحضر ابساعت مماتی عيني اِتغمضها الی
حسین اخیی ردته یَمی  بیه اشم ریحت هلی
وین داحی الباب عنی خل یجی ویحضر علي

یا ونتی ...یادمعتی
خلونی وحدی بغربتی

یالوعتی .....یا لوعتی
✍🏻... یسرا الموسوی
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥

تم بعون الله
تمت القصيده باقلام شاعرات رابطة "الطفوف"
https://www.tg-me.com/OmFadil

(الموشح)

••اليــوم زينب مــاتت باأحزانها••
••تريـــد عبــاس الكفــل دفـانها••
----------------------------------
اليوم زينب بلغرب محزونه
وين عنها الكافل ايخبرونه
وعالنعش من دم تصب أعيونه
تريد أبو فاضل يلف أچفانها

✍ #علويه ام فاضل
----------------------------------
تريد أبو فاضل يجيها بالعجل
مــا بقت أيام  ويحين  الأجــل
اليوم زينب مابقى عدها أمل
ريت گبل الدفن تلفي أخوانها

✍#ام زهراء الزيداويه البصراويه
----------------------------------
خل يجيهه حسين وياه الكفيل
يجفنون أم عون والدمعة تسيل
ويدفنوها بنوح وبعبــرة وعــويل
البجه من غربتها حتى آمجانــها

✍#آلّشآعرهً آلــــّعــلّويِـــه آلّمٌوسويِــــۿ
----------------------------------
بدار غربه اليوم زينب بت علي
تلفتت وتصيح وين أمي وهلي
وين أبو جاسم يجي وياه كافلي
هـاي زينب منعرف عنـــــونها

✍ #رماد الخيام
----------------------------------
تريد اهلهه ام الخدر يلفونهه
.وبعراضه زينب  يشيعونهه
موش غربه هم ليزتونهه
لن عظيمة وربنا رافع شانها

✍ #ام مهدي الفرطوسيه
------------------------------
وينهم اهل الشيم والمرجله
يدفنون الحره بت سيد المله
لا اهل عدها باامرها اموجله
عاشت وماتت ابعيده اوطانها

✍ام سيد يعقوب من الكويت
-----------------------------
🤲 نسألكم الدعاء 🤲

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/OmFadil

#قصیده ثگیله مولاتی زینب س


والله دنیا ..  بیهه اهموم وقهر
والله دنيا .. راحه ماكو يالعمر
     
والله دنیا .. والله دنيا
****
کافی یادنیا بعد منی اشتردین
وانطفت منی انا شمعات السنین
بعد مارید العمر يخلص بلونین

عمری خلصته بحزن 
دوم عالغالي اون

والله دنیا .. والله دنیا
****
من الزغر ماشفت راحه بس الاذیه
کله بس دمع وحزن وشصار بیه
تالی ابقی ابغربتي  بديره اجنبیه

بكثر ما شفت العذاب 
راسي من عندي انه شاب

والله دنيا … والله دنيا
****
اه یادنیا شفت بیج المصايب
شفت عالغبر انه كل الحبايب
شفت ابن امي وكع ابن الاطايب

شفت ابن امي ونحت
بويه يا حيدر صحت

والله دنيا … والله دنيا
****
کافی یادنیا بعد وشباقي بيه
اني ودعت ابحزن ابن الزجيه
وسفه هاي الناس تتفرج عليه

وين شيال العلم
كلبي ناداك ابالم

والله دنیا…  والله دنيا
****
من بعد عباس صرت ادخل دواوين
عالرمح لن انظره راسك يالحسين
عون ما عندي فقط بس النساوين

راس اخوتي عالرمح
خله بكليبي جرح

والله دنیا..  والله دنیا
****
متت وحدی بلوعتی مایمی الاحباب
بعیده کل اخوتی وي داحی الباب
ریت یحضر والدی و یهل التراب

گمت انازع بلاجل
لیه ما واحد وصل
والله دنیا والله دنیا
****

بقلم خادمة اهل البيت

✍ #علویه ام فاضل

❌غیرمبری الذمه الیحذف او یغیر الاسم ❌

https://www.tg-me.com/OmFadil

نعي وفات مولاتي زينب عليه
السلام
-----------
(نصاري مفتوح)
------------------
موتي يروحي وشبعي اونين
ماتو هلج كولي اشتتانين
بضعونهم لازم تلحكين
------------------
موتي يروحي و اتبعيهم
وعزازگلبي لا ترتجيهم
نامو بلگبر خربت معانيهم
------------------
روحي تون اتريد الاحباب
و مناطره و تربي عالباب
تريد الاخو اليهيل الاتراب

✍ #الشاعره علويه
ام فاضل
------------------
وتـريد الاخو  هاللـيله جناز
تدرون الجنازه لوالـي تعـتاز
الليله من لبواجي الدمع ماجاز
------------------
حنيت  لهلي وصبن العينين
مشتاگه لهلي وعباس وحسين
بديار الغرب عني بعيدين
------------------
بعيـدين الاهل لا مايجـوني
موش انه بنتهم شو نسوني
وبديـرة شماته وضيعونــي

✍️ #الشاعره العلويه
ام مصطفى الموسوي
------------------

تمت بعون الله تعالى

بـ✍ــاقـ✍ــلام خـادمـات أهل البيت ع

https://www.tg-me.com/OmFadil

قصيدة لفقد مولاتنا زينب ع

الزهرا بالعزه واترید لطامه
علی زینب نون وتلطم الهامه
➖〰️➖〰️➖〰️➖
نصبنه مجلسج واليوم حضرينه
نلطم عالصدر و الدمعه هلينه
على الحره ننوح وحيل ونينه

*((انكابل والله انكابل زهرا المظلومه))*

✍️ #علويه ام فاضل
➖〰️➖〰️➖〰️➖
الزهره بلمجالس دوم اهي تحضر
وتدك وتنوح عله الايده ابلا خنصر
ماتكدر تدك اولي وبلطم تتحير

*((ولطمه الزينب //عينيهه))*

✍️ #ام علي البيضانيه
➖〰️➖〰️➖〰️➖
نلطم عالصدر ويه ام الحسين
لطمه حاره لااخت الميامين
تستاهل بجينه ونعمي العين

*((فرگاها ام عون ياذيها))*

✍️ #ام حسين الحلفي
➖〰️➖〰️➖〰️➖
الزهره بالعزه وتريد ملايه
على زينب تون وتقره لقرايه
وتستاهل لطمنه ونرفع الرايه

*((نواسيها // باخت العباس))*

✍️ #سلمى أم جعفر
➖〰️➖〰️➖〰️➖
الزهراء بلعزه وتريد عوانه
وين الكابلتها ودكت ويانه
حزنانه عله بتهه اليوم حزنانه

*((وياج الزهراء //عنيها ))*

✍️ #خادمة اهل البيت ام اسعد
➖〰️➖〰️➖〰️➖
ماتت بالغرب مايمهه احبيبات
تنعاها الزجيه وتهمل الدمعات
تمشي ويه النعش مريوده رايات

*((وتنعاهه الزهره بحسره))*

✍️ #العلويه ام زين العابدين
➖〰️➖〰️➖〰️➖
تمت بفضل الله باقلام خادمات ربطة دموع الاقلام غير مبري الذمه من يحذف الاسماء وينسبه له ونسالكم الدعاء

https://www.tg-me.com/OmFadil

(آهات زينبيه)

(التجليبه)

--------------
تون بتك ياحيدر ترهن الحيل
ماتت بالغرب والمدمع يسيل
****
تون بتك تريد اليوم الاحباب
عفتـوها يهلـها بديــرة اجناب
محد نشد عنها الدمع سجاب
يرافگها بالمها بس العليل

الشاعره ام حيدر
العباديه عماره
***
بــس عـليـل ماواحد حظر ليهه
وينك ياعلــي تريدك تباريهه
تعدلهه الوسـاده انت التـواريهـه
ياسبع الشدايد وحامي الدخيل

الشاعره العلويه ام
مصطفى الموسوي
┈┉━━ •• ✵ •• ━━┉┈
ياهارون من طه عجب هايه
يبن عم الرسول وبيك الكفايه
سلمان النخاك ورحت عنايه
نعش بتك يبچي ويركد الحيل
✍وعد الڪفيل
┈┉━━ •• ✵ •• ━━┉┈
ياسبع الشدايـد تـربــي الحره
نفسها بالغرب بالگــــوه اتجره
عيشتها عگبكم ماحلـــت مره
محنيه بقة وتــــردد الياويل
✍️ام عدنان سياحي
┈┉━━ •• ✵ •• ━━┉┈

شافت ظيم ما يخطر وسف عالبال
صبرت والصبرها اتزول منه اجبال
من ماتت وحدها و الدمع همال
تبجي بت علي اليله ضعنها ايشيل

✍️ #علويه ام فاضل

┈┉━━ •• ✵ •• ━━┉┈

تمت بعون الله
وبأقلام شاعرات رابطة الطفوف

❌❌غير مبري الذمه اليحذف الاسماء او يغيرهن

https://www.tg-me.com/OmFadil

(زينب ام المصايب)

( النصاري. )

++++++++++

اون علــيج يالمــالج حـبايـب
تبجي عليــج وتهيل الترايب
〰️➖〰️➖〰️
اجيب منين للحره اختهه
سفـرة موت زينـب فاركـتـهه
ما ناحــت عليـها وغسلتـهه
اسـف ياحـيـف غسلنهه الغرايب

الشاعره ام فاضل
الموسوي
〰️➖〰️➖〰️
الف يـاحـيف يـابـت السلاطين
ماتـت بالغـرب عنـهه بعيـدين
لاعبـاس حاضرهه ولاحسـين
غريبه بت علي وام المصايب

الشاعره العلويه ام
مصطفى الموسوي
****
اشلون اتنام عينج واهلج ابعيد
يالشـوفتـهم لگـلبـج مثـل عيــد
جا وين البطل يحضر الصنديد
يشوف اخته الغريبه الكلب ذايب

الشاعره م حيدر
العباديه عماره
***
.اريد ابچي وانوحن واچذب الاه
وفوخ الروح فوگ الاه ويلاه
يومچ. عذباني. وگلبي خلاه
يذب حسرات لمصابچ وعايب

الشاعره وعد الڪفيل
****
بفراش المنيه تنازع ام عون
تريد من الاحباب اليوم يلفون
برض الشام والغربه اليشيعون
يگلبي من الدهر شاف العجايب

بنت العباس ع ام منتظر الجابري
******
اون عليج زينب ياغريبه
صارت موتتج والله عجيبه
بديار الغرب انت وحيده

بطلته العتب ما بعد اعاتب

خادمه ام البنين ام رضا
***

تمت بعون الله

وبأقلام شاعرات رابطة الطفوف

❌❌ غير مبري الذمه اليحذف الاسماء او يغيرهن

https://www.tg-me.com/OmFadil

قصيده للسيده زينب ع
💔💔💔
يمن ريت الحبايب تحظر اليله
يعدلن معصبي  ويلفن  الشيله
😭
ونت بت علي  وطلبت حبايبها
مابين الغرب وسفه الوكت ذبها
تدير  بعينها    والموت   طالبها
بأيد    حيلها   والمدمع   تسيله

✍️ام محمد التميميه
😭
يمن ريت الحبايب تحظر وياي
يسمعني اون   متفطره  حشاي
يعدللي  الغطئ  وينگطن  الماي
وين  الي تجيني  وتعدل  الميله

✍️ام احمد خدمة العقيله
😭
اريد الي  تجي وتغمض العين
عد راسي تصير ام گلب الحنين
تقرالي  العديله  تسبل  الادين
اوياهن وداعي ايصر هل اليله

✍️العلويه ام فاظل
😭
ونت بت علي ورادت حبايبه
تنعه  بصوت  وتعدد  مصايبه
ذباه     الوكت  وحيل   دولبه
وتتنخه  الولي  النعش يشيله
✍️# ام محمد الساري
😭
أدير   بعينه  رادت  يجنها
وكت الموت كون يجا بلنها
عند  المغتسل     ويجلبنها
من كثر المصايب غاديه نحيله

✍️ام زينب الأسدي
😭
من كثر المصاب وشدة الوعه
خلصت كل عمرها حيل مفجوعه
گطعت راس اخوها وكسرت اظلوعه
دمعتها  بجفنها  ودوم   تبجيله

✍️ام زين العابدين الغزي
😭

تمت والحمدلله
➖➖➖➖
https://www.tg-me.com/OmFadil

يا هاي الهاشميه ماتـــت الــيله
نلطم  والطم  مـــيدان سويــله
🍂🍂🍂🍂🍂🍂🍂
نلطم  والطم  روجات سوينه
بالماتم اجينه و كلنه حضرينه
تسجلها  الزجيه  كل   تعازينه

*((سجلينه يا زهراءدخيلج ))*

✍ #عـلــویــه_ام_فــاضل

🍂🍂🍂🍂🍂🍂
اجينه المجلسج بدموع مجريه
تستاهل عراضه وبجي العلويه
هاي   ام الخدر  والأهل  دهريه

((نجريها الدمعه الزينب))

✍️ #ام محمد الساري
🍂🍂🍂🍂🍂🍂
اجینه ابهم نواسی الیمه الاطياب
اتشارک ابألم اشیعـه ابهل الـمصاب
وماننسه الزجية وعصرتهه بــلباب

((نواسيها وامشن للزهرة ))

✍️ #خادمة العقيلة ام احمد
🍂🍂🍂🍂🍂🍂
يحله البچی للعقیله او یحله  النوح
گظت كل عمر ویلی الگلب مجروح
مسجل ظيمها ومخطوط خط بلوح
 
(شما نلطم عليه مانوافيه)

    ✍️ #ام محمد التميميه
🍂🍂🍂🍂🍂🍂
نواسيها الزجيه وادموعنه البتها
ونلطم عالبراضي الشام موتتـها
غريبه ولا اهل حضرو الدفنـتها

(احاه يالماتت مظلومه)

ام زين العابدين الغزي✍🏻
🍂🍂🍂🍂🍂🍂
تستاهل لطمنه ولو بچینه ام عون
اندگ علصدر وانطیح الـهه مــتون
مصاب الشافته هیهات ننسه اشلون

(ینسانی الموت و ماانساها)


✍ #عـلــویــه_ام_فــاضل

🍂🍂🍂🍂🍂🍂

تٌمًتٌ بًعٌوٌنِ آلَلَهّ
.قناة ساقي عطاشي کربلاء
لنشر القصايد الحسینیة ! باشراف الشاعره العلویه ام رقیه الموسوی

https://www.tg-me.com/OmFadil