#قصيده الاستشهاد الزهرا ع فزاعيه

دكعدي ياام حسن .. بسج من النومه
┄┉❈❥ًً❀(«»)❀❥❈┉┄
طلعت حافيه وتصيح تانيني
تصيح بصوت يمه ليش عفتيني
ظلت بلحزن ادكول حاجيني
بنتج عليج هليوم مالومه

✍ #علويه ام فاضل
┄┉❈❥ًً❀(«»)❀❥❈┉┄
يا يمه عليج امساهره اليل
واخلافج ييمه ادموعي اتسيل
تميل المصايب وين ما اميل
بعد عينج ييمه انه مظلومه

✍ #ام كرار الزينبيه
┄┉❈❥ًً❀(«»)❀❥❈┉┄
امي معدله وحلوه محاجيهه
من بيت النبوه ولوله مابيهه
رحمه وللشفاعه الله مخليهه
افراك امي ابد ماينحمل يومه

✍ #ام علي المحمداوية
┄┉❈❥ًً❀(«»)❀❥❈┉┄
طلعت مدوهنه وكل حيل مابيه
ردي يم هلا وبشوفتي عليه
عليج معلعله مانمت ليليه
من ريحت حنانج يمه محرومه

✍ #الشاعره ام كنان الهاشمي
┄┉❈❥ًً❀(«»)❀❥❈┉┄
المن اشتكي اخلاف عيناها
وازاها الدهر والبين وازاها
ملعون الضربها وحيل اذاها
اضل طول الوكت علمشت مندومه

✍ #ام نور الزهراء الزينبية
┄┉❈❥ًً❀(«»)❀❥❈┉┄
تمت بعون الله تعالى

بـ✍ــاقـ✍ــلام خـادمـات أهل البيت ع

https://www.tg-me.com/OmFadil

#نوحیـه الے الزهراء علیه السلام


لیش حمره اعیـونچ ـــ یمه اموت ابدونچ
يمه رجعي البيتج ـــ یمه اموت ابدونچ
➖〰️➖〰️➖〰️➖〰️➖
يمه اتمنه اليه الموت يندار
ولا تظل بعدچ خليه وسفه هالدار
تبجي وتسأل عليج ازغار واكبار

يمه وكت موتج// يمه مااسمع صوتج
يمه اموت ابدونج

✍ #عـلــویــه_ام_فــاضل
➖〰️➖〰️➖〰️➖〰️➖
يمه اتمنه تعودي يالنجيبه
ولااظل بعدج اگاسي هالمصيبه
لاتطولي غيبتج يمه الحبيبه

مغمضات اعيونج //اخواني يريدونج
يمه اموت ابدونج

✍️ #سلمى أم جعفر
➖〰️➖〰️➖〰️➖〰️➖
صعبه اشوف البيت خالي من محياچ
كل ركن بيه يمه اتذكر بحجياج
ريت ياخذني الگبر واندفن وياج

ما أمل ارسومچ //طوليتي نومج
يمه اموت ابدونج

✍️ #أم علي دمعة لقاء
➖〰️➖〰️➖〰️➖〰️➖
.اشلون اخلصنه العمر ابلايچ يمه
من بعد عينچ ييمه دنیه ظلمه
رحتي عنه يالحنينه والله هظمه

امغيرات ارسومچ// بيش العده يطلبونچ يمه اموت ابدونچ

✍️ #ام مهدي الفرطوسيه
➖〰️➖〰️➖〰️➖〰️➖
يمه فدوه ردي ليه ولا ترحلين
اتموت روحي. يالزجيه. من. تموتين
شلون يصبر على افراكج حسن وحسين

وسفه ايدفنونج// خاف يتغير لونج
يمه اموت ابدونج

✍️ #ام زهراء الزيداويه البصراويه
➖〰️➖〰️➖〰️➖〰️➖
یمه اخذج الموت مني وضیعاني
ليش رحتے و لیش غاسے یا زماني
فراگچ یالغالیه یایمه اذانی

متغيره الوانچ//بلگبر شلونج
يمه اموت بدونج

✍️ #حوراء الكناني
➖〰️➖〰️➖〰️➖〰️➖
تــمــت بًعٌوٌنِ آلَلَهّ تٌعٌآلَى
بًآقـ✍ـلَآم خادمات شــآعــرآت

آهّلَ آلَبــيــت
بتاريخ ربــيــع آلَآوٌلَ /١٤٤٣هہ‌‏🌙
لآ نجيزِّ حــذف آلَآســمــآء
نــســآلَكــم آلَدعــآء

https://www.tg-me.com/OmFadil

#قصیده الی الزهراء علیه السلام
بطور اجوج ازلام

ندگ ویاج زینب من تدگین
علی کسر الظلع زیدی بلونین
############$#####
علی ام الحسن دگی ولاتفترین
تبچی ام الخدر واخوها الحسین
بغیاب الحنینه الیوم محزنین
کلنه الیوم الج احنه معزین
##################
صعبه ندری آیفراگ الحنین
بغیاب الحنینه بس تونین
علیج الیوم اصعب الاسنین
علی الزجیه الیوم واشتگولین
##################
علی الزهرا بلونه تکثرین
من طاحت امج طاح الجنین
ماجور یاعلی یاابو السبطین
مالومه وحگج لو تلطمین
##################
ومن بعد الدلال تالی تسیبین
صیح ابصوت خویه اه یاحسین
بعدالوالده ام گلب الحنین
ومن بعدج ییمه احزن اسنین
##################
حسن وحسین نادو لا ترحلین
علی مصاب الظلع انجر بلونین
وهای الدنیا علیج اسودبلعین
لمصاب الزچیه الیوم محزنین
##################
تـمـت بعون الله

✍#علویه ام فاضل

لایجیـزحذف الاسـم❌❌

https://www.tg-me.com/OmFadil

*نعي مجاريد*

ادكول زينب


تون بليل امي و حيرتني
ومن گد وجعها آلامتني
وامي بوصيه گلفتني
➖➖➖😭
توصيني وتگلي ابنيتي
تسولف علي وتهل دمعتي
اويه الدمع تطلع حصرتي

✍️ #علويه ام فاضل
➖➖➖😭
توصي ابوصيه وتهمل العين
دكلي بعد اوصيج بحسين
شميه بصدره ومنحره زين
➖➖➖😭
ونات وتونها الزجيه
تندب والعبره جريه
وتكلي نفذي هالوصيه

✍️ #سلمى أم جعفر
➖➖➖😭
اتوصي الحنينه على الاولاد
وتگلي يبنتي ابدمع بداد
عينج اعلى خيچ ابوالسجاد
➖➖➖😭
عينچ عليه الحسن هاليوم
تره چبدته تتگطع بالسموم
وصيحي عليه آحاه يمظلوم
➖➖➖😭
بعدي ينگطع حبل الموده
واذا راح العمر مني شيرده
وصيتي علي يدفني ابوحده

✍️ #هدى المطر ام محمد
➖➖➖😭
من غصبن عليه ودعتهه
ودمعت اعيونهه وامسحته
مكسورت ضلع انه شفتهه
➖➖➖😭
يفراك الحنينه يودر العين
كولي شيوجعج بسلاتونين
بيش يطلبونج كوم الملاعين

✍️ #ام علي البيضانيه
➖➖➖😭
تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

#ابوذيات الزهراء سلام الله عليها

دمع العين كلساعه واهلهه
الدار احزنت عل ونت واهلهه
وين ام حجي الطیب واهلهه
هله اتكلي وترد الروح بيه


علیله امن الالم امی مطابت
وعسه من دونهه العیشه مطابت
بعد بلدار یا وسفه مطابت
اشحلاهه من تطب امی الزچیه
.......................
تـــــمـت والحمـــــدللـــه

✍#علویه ام فاضل

❌غیرمبری الذمه الیحذف الاسم او یغیره❌

https://www.tg-me.com/OmFadil

#فزاعيه للزهراء(ع)

اخذني اوياك يالماشي للكبور
على افراك الزجيه كلبي مكسور
┄┉❈❥ًً🛑●🛑❥❈┉┄
اخذني اوياك يلماخذ الحبابه
عليها محزنه والدمعه سجابه
نار افراكها بالكلب لهابه
نيران الكلب هلظلت اتفور

✍ #علويه ام فاضل
┄┉❈❥ًً🛑●🛑❥❈┉┄
اخذني اوياك مااحمل حزن تدري
من بعد الزجيه دمعتي تجري
يتيمه شلون اخلص ياخلك عمري
الدنيه اعله اليتيم اهوايه ادور

✍ #ام زهرا الزيداويه البصراويه
┄┉❈❥ًً🛑●🛑❥❈┉┄
تاني اوياك ريض ها يدفان
عكب الحنينه الكلب لهفان
عليها اون وكثرن الاحزان
شالت وخلت خاليه الدور

✍ #علويه ام فاضل
┄┉❈❥ًً🛑●🛑❥❈┉┄
يومج يالزجيه شلون احملنه
بعد بالدار شخصج مااشوفنه
أظل طول العمر مابطل الونه
لوينحب عليها الكلب معذور

✍ #ام زهرا الزيداويه البصراويه
┄┉❈❥ًً🛑●🛑❥❈┉┄
نيران الكلب يايمه سعريه
على فراكج يشفجه حيل مابيه
ليل نهار أون والدمعه مجريه

دليلي اعله المشت مشتعل شاجور

✍ #أم نور الزهراء الزينبية
┄┉❈❥ًً🛑●🛑❥❈┉┄
على غياب الحنينه مابطل وني
فركاها كلف بالكلب صوبني
ماعندي حبايب من تكابلني
هاي الوالدة خيمة الي وسور

✍ #أم نور الزهراء الزينبية
┄┉❈❥ًً🛑●🛑❥❈┉┄

تمت بعون الله

#💢القصـیـده مشـــ🤝ـتــرکـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

#قصیده علی طور کلما زرت گبرج ییمه

منج ییمه فاطمه انكطعت اضنونی
لمن شفت کسر الضلع هدل متوني

تدمع العينين
وينك يبو حسين
يايمه هالموقف تره يعمي عيوني
➖➖⚫🔘⚫➖➖
یایمه بعدج كل بجي انه ادری میفید
تدرین بينه يم حسن لحظينج نريد
ولفكدج انه ولروحتج انه احزن العيد
وین انتی یازهره ییمه گلبی میهید
.
وابقه بالونين
وينك يبو حسين
.يصبن دموعي اعله الوجن للضيعوني

✍️ #الشاعره علویه ام فاضل
➖➖⚫🔘⚫➖➖
يصبن دموعي يم حسن والون كتلني
من شفت خدج والضلع والله عمني
يا حرك بابج يم حسن زيدلي لوني

واحزن انه سنين
وينك يبو حسين
انه زغيره اعله اليتم لاتخلوني

✍️ #الشاعره.ام علي البابلي
➖➖⚫🔘⚫➖➖
ميهيد كلبي فاطمه يانور العيون
كدام عيني يم حسن نعشج يطلعون
شلون هان الكم كلب امي تدفنون

موديها لاوين
وينك يبو حسين
من امي مااشبع انه لا تحرموني

✍️ #ام عباس العامري
➖➖⚫🔘⚫➖➖
ازغيره بعدني يم حسن لاتيتميني
من بعدج اني بالحزن اكضي اسنيني
يايمه صعبه فركتج لا تعوفيني

يم الحسن وين
وينك يبو حسين
وياج يحبيبه ييمه حملي ضعوني

✍️ #ام سجاد الصبيحاوي
➖➖⚫🔘⚫➖➖
.چانون یسعر بلگلب والروح ذابت
اتمنیت روحی گبل امی لون
مارید عمری،من عگبها اضنوني خابت
هلوکت مو زین
وينك يبو حسين
طفله وزغیره ابعایله لاتکلفونی

✍️ #ام عدنان سیاحی
➖➖⚫🔘⚫➖➖
زينب تنادي يم الحسن ضلعج عماني
ونج ييمه شكد كلف كلش كتلني
وناتج بوسط الكلب والله سبني

ها يم هلاوين
وينك يبو حسين
منج ييمه ورجعتج خابت اضنوني

✍️ #زهره
➖➖⚫🔘⚫➖➖
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
24ربیع الاول 1442هـــ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://www.tg-me.com/OmFadil

#قصیده الزهرا علیه السلام

اجينه ابشوگنه الام المحنه
شفناه النزل خالي ورجعنه
┄┉❈❥🖤❥❈┉┄
اجيت بشوك لامي واعتب عليها
لكيت الدار ظلمه وامي مو بيها
صحت ابصوت روحي من يسليها
ونينه ابحزن محد سمعنه

✍️ #علويه ام فاضل
┄┉❈❥🖤❥❈┉┄
ونينه ابحزن من فارگيناها
ريت الروح راحت كون وياها
هاي امعدله وتعجب حجاياها
من الوالده مگطوع املنه

✍ #ام ســجـاد العسكري
┄┉❈❥🖤❥❈┉┄
ريت العمر يخلص كون وياها
هاي أمي الزجيه بروحي فداها
عمت عين الزمان العيب خلاها
مصابج يالعزيزه حيل هدنه

✍ #أم عباس العطواني
┄┉❈❥🖤❥❈┉┄
ريت الروح راحت يمه يا زهره
دلالي ابغيابج كتلته الحسره
ابويه حيدره بعد امي شيصبره
او بعد الوالده سدو نزلنه

✍ #ام عباس العامري
┄┉❈❥🖤❥❈┉┄
ييمه اوياج اروحن لا تخليني
ياشمعت حياتي اويانضر عيني
يازهره العمر يفداج وسنيني
بعد الوالده اطشر شملنه

✍ #ام احمد المنصوريه
┄┉❈❥🖤❥❈┉┄
شمعة بیتنه اهیه وللگلب سلوه
شالت یاحسافه ام چلمة الحلوه
غیر امنه الحنینه روحي ماتهوه
یخلص هلعمر ویاها ودنه

✍️ #ام عدنان سیاحي
┄┉❈❥🖤❥❈┉┄
رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 24 ربیع الاول 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://www.tg-me.com/OmFadil

★•• نخوة للزهراء لشفاء المرضى وتفريج الكرب ••★

»« ندگ باب الزچيه وننتخيها »«
»« متخيب مُحب من يعتنيها »«
✺✺—————✺✺—————✺✺
ندگ بابچ يزهره ونشتكي الحال
عدنه هموم والله بثگل لجبال
ملاذ انتي اليگصدچ حتماً اينال
وهل جينه بشددنه فرجيها

✍🏻 #ولائـية_وافتـخر (دعاء العامري)
✺✺—————✺✺—————✺✺
نخيناچ ودمعنه يفيض بالخد
غيرچ يم حسن مانگصد احد
نريد مرادنه يابت محمد
والليله العطايا نرتجيها

✍🏻 #ام_محمد_الحجاج/ العبادي
✺✺—————✺✺—————✺✺
باب الله الچبير انتي وگصدناچ
بالحاجات یاام حسین ردناچ
طبيبة الكل عليل احنه لگيناچ
لفضلچ هالخلگ مدت أيديها

✍🏻 #علویـه_ام_فاضل
✺✺—————✺✺—————✺✺
بحوايجنه أجينه المجلس نريد
باسمچ يالوديعة نرفع الأيد
يازهراء خلي گلوبنه تهيد
عدنه احباب مرضى عاينيها

✍🏻 #ام_عباس_العبادي
✺✺—————✺✺—————✺✺
ننخي دوم باسمچ يالزچيه
يافخر النبي وحامي الحميه
يبــاب مــراد لـــلأمّه الأبيـه
تنادي الغوث من هم العليها

✍🏻 #ام_عباس_الحسيني
✺✺—————✺✺—————✺✺
قسم نقسم عليچ بنحر الحسين
والچ مدينه ادينه وتهمل العين
طيبي كل مريض بحاله تدرين
نخينه وننتظر هاا يالوجيهه

✍🏻 #أم_باقر_الشويلي
✺✺—————✺✺—————✺✺
ياسر الإله الما عرفناه
چفچ بالكرم معروف شفناه
الليله بالدمع أسمچ ندبناه
خدامچ تون نظري عليها

✍🏻 #أم_حسين_الأسدي
✺✺—————✺✺—————✺✺
بجاه المحسن احنه اليوم ننخاچ
بكل شده نندبچ لا مننساچ
تكرمينه يزهره بجود يمناچ
و كل اللي تندبچ تحضريها

✍🏻 #رؤى_السلامي
✺✺—————✺✺—————✺✺
تمت بـ✍🏻ـأقـ✍🏻ـلام خادمات أهل البيت
8/11/2020
اللهم شافي وعافي كل مريض وفرج كرب كل مكروب بحق الزهراء وماجرى عليها🤲🏻

https://www.tg-me.com/OmFadil

#استشهاد الزهرا (ع)
ــــــــــــــــــــــــــــــــــــــــــــــــــ
هلي ياعين الدمع...هلي لمصاب الضلع
دولبني كسره.//ضلـعـچ یزهـره
هلي ياعيني الدمع
┉❈❥ًً🔹(🔵)🔹 ❥❈┉
هلی یاعین الدمع ع البعدها الزمن
امی من کسرالضلع ما غمض منها الجفن
لیلی وانهاري ابحزن لضلوع امي اون
واشلون اجبره//ضلـعـچ یزهره
هلي ياعيني الدمع

✍ #علویه ام فاضل
┉❈❥ًً🔹(🔵)🔹 ❥❈┉
آه یا کسر الضلع. اشلون اجبره اتحیرت
اسمع الونه الخفیه. لا یفضه اتصوبت
ومحسن اگبالي نظرته یا الف وسفه صحت
وبگلبي حسره//ضلعچ یزهره
هلي ياعيني الدمع

✍ #العلویه ام ضیغم المحنا
┉❈❥ًً🔹(🔵)🔹 ❥❈┉
امي سطراها النذل ويلي ضلت حايره
سگط من عدها الطفل والدمه منها جره
تنادي يافضه بعجل والضلوع مكسره
وشلونه كسره //ضلعج يزهره
هلي ياعيني الدمع

✍️ #زينب خضر
┉❈❥ًً🔹(🔵)🔹 ❥❈┉
اه من كسرضلع اسجب العبره
ماتت ويلي ام الحسن ظليت بحسره
بيت منها فرغ زاد الكلب الكسره
اشلون اجبره // ظلعج يزهره
هلي ياعيني الدمع

✍️ #زهره
┉❈❥ًً🔹(🔵)🔹 ❥❈┉
اه يازينب ييمه ودمع يجري الدمع
محسنج طايح ييمه ونار بابي وضلع
نوبة اتذكر ركظتج يالعقيله والوجع
وشلون انظره//ضلعج يزهره
هلي ياعيني الدمع

✍️ #رماد الخيام
┉❈❥ًً🔹(🔵)🔹 ❥❈┉
هلي ياعيني الدمع لمي الزجيه
من الزغز انه مرمره واصفج بديه
حسرات اهات وقهر التمت عليه
وبكلبي حسره// ضلعج يزهره
هلي ياعيني الدمع

✍️ #ام انور الواسطي
┉❈❥ًً🔹(🔵)🔹 ❥❈┉
اه ياعيني لدمـع مايكـفي لمــي
كون من دم لدمع يايمه يجــري
بعدج يضيع لعمر يابعد عمـــري
ولعين حمره//ضلعـــج يزهـــره
هلي ياعيني الدمع

✍ #ام نور الزهراء العبوديه
┉❈❥ًً🔹(🔵)🔹 ❥❈┉
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 23 ربیع الاول 1442هــ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://www.tg-me.com/OmFadil