#قصیده الطفله رقیـه (ع)


بچت واتریده ابوها
و العده لـووعـوها
وین ابویه ..حسین ..عمه
▂ ▂ ▂ ▂ ▂ ▂ ▂
ويلي ياعمه العدو یرعبینه
عالرمح راس الولی یرعبینه
وینه من گال الشمر یرعبینه
وحنه احجاب الله اعله الوطیه

عمه صار الدنیا لیل
وینه عباس الکفیل
وین ابویه ..حسین ..عمه

✍ #عـلــویــه_ام_فــاضل
▂ ▂ ▂ ▂ ▂ ▂ ▂
کون یا عمه الگمر یاخذ بدينه
بدت قصة سبي ولوعه بدينه
شوفی یعمه الحبل شدو بدينه
ما بیهم رحم ذوله ال امیـه

ناحله ومابيه حيل
ودمي من اذني يسيل
وين ابويه ..حسين ..عمه

✍️ #الشـاعره زهراء الحربي
▂ ▂ ▂ ▂ ▂ ▂ ▂
جزع من عدها الصبر مره بيها
برقـية وسـياط العدو مره بيها
وعلیها العیشه صارت مره بيها
بارض الشام من ونت رقیه

شفت السحگته الخیل
راح من عندی الحیل
وین ابویه ..حسین ..عمه

✍ #عـلــویــه_ام_فــاضل
▂ ▂ ▂ ▂ ▂ ▂ ▂
جزعت من الصبر والهم سباني
شتم جدي الشمر وانه سبــاني
وگتله جدي النبي نسبی اني
بت احسین انه وامی الزچیه

لوعه مالهل مثيل
والگلب اصبح عليل
وین ابویه ..حسین ..عمه

✍️ #الشـاعره زهراء الحربي
▂ ▂ ▂ ▂ ▂ ▂ ▂
العیشه من دون ابویه مردها
روحی من ظیم الدهر مردها
جثته من دون راسه مردها
المدینه جدي وادفنهن سويه

صدرک سحگته الخیل
والناگه بینه اتمیل
وین ابویه ..حسین ..عمه

✍ #عـلــویــه_ام_فــاضل
▂ ▂ ▂ ▂ ▂ ▂ ▂
شوفي بینه الحزن ترابان
و التعب بوجوهنه تره بان
وسفه حسین نایم علی تربان
وعلی راس للابو تموت البنيه

ياحبيبي رد دخيل
تقبل ادموعي تسيل
وین ابویه ..حسین ..عمه

✍️ #الشـاعره زهراء الحربي
▂ ▂ ▂ ▂ ▂ ▂ ▂

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/+Q5NQHnj25ns1MGNk

#قصيده عتاب رقيه (ع)


يالرايحين الكربله احچو مصابي
لحسين ابويه الغالي وصلو عتابي

بين الخرابه/تنادی یا بابه
يبويه هلموقف صعب زود عذابي
--------------------------------
يالرايحين الكربله وصلو هل اعتاب
هلیوم اریدن تاخذو اویاڪم هلكتاب
گولو بتكم حايره مابين الاجناب

کثرت عتابه
تنادی یابابه
ماحضرتو ویلی یاهلي وانه ابعذابي
--------------------------------
يالرايحين الكربله خبرو الغالي
كلولهم من يوم المشو باید حیلی
من ضيعتكم انه و ضاع دلالی

الوالی اتعاتبه
تنادی یابابه
ردت تحضر بالعجل ليه احبابي
--------------------------------
یلرایحین الڪربله اخذو الوصیه
الوالدي ذاڪ الحنین ابن الزچيه
وعمي ابوفاضل بعد ڪله حمیه

دمعی سچابه
تنادی یابابه
عافوني وماڪو چف الی اليدگ بابی
--------------------------------
يلرايحين الكربله وصفوله الحاله
من يوم اهلی من مشو عینی هماله
ظليت انه بلحزن علفاكد عياله

ویلی ابترابه
تنادی یابابه
اتكول خلي يسمع انا اعتابي
--------------------------------
▂ ▂ ▂ ▂ ▂ ▂ ▂
تــمت بعــون اللــہ

✍ #عـلــویــه_ام_فــاضل

❌غیرمبری الذمه الیحذف او یغیراسم الشاعره❌
........................................
https://www.tg-me.com/+Q5NQHnj25ns1MGNk

#قصيده الرقيه ع

عمه زينب  عمه ضميني ابعباتج خاف يضربني الشمر
عمه زينب  حافيه اجدامي يعمه  اوتحترك من الجمر

وين ابوي اويجي لينه
يشوف حالي انه و سُكينه

عمه زينب             عمه زينب
*❈●••┈❁*❈┈❁●••┈❁
عمه شو هذه الشمر طگنه وشتمنه
حرگو الخيمه علينه واشيلمنه
وين كافلنه يجينه يشيل همنه

وين عنه راح عمي
خل يجي وايشيل همي
عمه صيحيلي الكفيل وخل يجينه

عمه زينب           عمه زينب
*❈●••┈❁*❈┈❁●••┈❁
الشمر جر ترجيتي مني وشگ آذاني
طكني  بعيني يعمه وروعاني
وين ابونه انصيح كلنه ما اجاني

شوف بويه يضربوني
طفووو الشوف أ بعيوني

عمه زينب             عمه زينب

✍العلويه ام فاضل
*❈●••┈❁*❈┈❁●••┈❁
اانطفه الشوف ابعيوني ما اشوفن
خذيني للوالي يزينب خل اطوفن
خل اشم ريحة ولينه وجرحه اروفن

خل اداوي اجروحه بيدي
وارد انشف دم عضيدي
بلكي لو شافاني إيهود ونينه

عمه زينب        عمه زينب
*❈●••┈❁*❈┈❁●••┈❁
ارد احط خدي اعله نحره وارد اشمه
واحضن الوالي اعله صدره وارد اضمه
تگلها عمه بالمعاره الدنيه ضلمه
وين نلگاه الجسد
بالحوافر منمرد
نعثر ابنص المعاره من اجينه

عمه زينب           عمه زينب
*❈●••┈❁*❈┈❁●••┈❁
نعثر ابنص المعاره ونسمع اونين
چنه صوت الغالي ابونه هذا الحسين
نادته اگعد يبويه يا ضوه العين
بييها دخان الخييم
وينهم اهل الشيم
فرهدو بويه خدرنه وانسبينه

عمه زينب           عمه زينب

✍ الشاعره ام حسين العسكري ناصريه
*❈●••┈❁*❈┈❁●••┈❁
*تمت بحمد الله وتوفيقه بأقلام الشاعرات الشاعره الحاجه ام حسين العسكري ناصريه والشاعره العلويه ام فاضل*

https://www.tg-me.com/+Q5NQHnj25ns1MGNk

#ختم المجلس

نرید امراد من طفله رقیه
نرید امراد من طفله رقیه
❋─❁❃─❋❃─❋
نرید امراد والدمعات بلعین
نرید امراد من طفله رقیه
❋─❁❃─❋❃─❋
انخاج بأسم مولانه الحسین
نرید امراد من طفله رقیه
❋─❁❃─❋❃─❋
واحلفنج اجيت با ام البنین
نرید امراد من طفله رقیه
❋─❁❃─❋❃─❋
الچ اجیت وارفعت هالایدین
نرید امراد من طفله رقیه
❋─❁❃─❋❃─❋
*(هوسه )* *و مرادی منچ انریده*
❋─❁❃─❋❃─❋
نرید امراد بحق الماشرب المای
نرید امراد من طفله رقیه
❋─❁❃─❋❃─❋
انخه الیوم ابوفاضل الروای
نرید امراد من طفله رقیه
❋─❁❃─❋❃─❋
ارید الیوم تسمعینه النخوای
نرید امراد من طفله رقیه
❋─❁❃─❋❃─❋
بجاه عمتج والدمع بعيناي
نرید امراد من طفله رقیه
❋─❁❃─❋❃─❋
کل مهموم فرجي بجاه مولای
نرید امراد من طفله رقیه
❋─❁❃─❋❃─❋
*(هوسه)* *اتفرجینه كل همي الیله*
❋─❁❃─❋❃─❋
تفرجیله کل هم العلیه
نرید امراد من طفله رقیه
❋─❁❃─❋❃─❋
بحق عباس وحسین الشفیه
نرید امراد من طفله رقیه
❋─❁❃─❋❃─❋
طالبتچ انه والعين مجریه
نرید امراد من طفله رقیه
❋─❁❃─❋❃─❋
وبجاه ظلع زهرا الزچیه
نرید امراد من طفله رقیه
❋─❁❃─❋❃─❋
*(هوسه)* *و الحاجه العدنه تگضیها*
❋─❁❃─❋❃─❋

تمت بعون الله

✍#علویه ام فاضل

❌غیرمبری الذمه الیحذف الاسم او یغیره❌

https://www.tg-me.com/+Q5NQHnj25ns1MGNk

#هوسات رقیه ع


اجیتچ یا رقیه یاعلویه
ابحاجه متعنیه والله تدرین
ابحالی وتعرفین النیه
یارقیه علیچ بحسین
الی ماشرب امیه

*واجروحی الیله داویها*
❋─❁(✾ ◕✾ ◕ )❃─❋
من نذکر رقیه اگلهه حضرینه
یم فضل الجبیر وحگج اعلینه
وانگلهه بجاه حسین کل مالوم اتشافینه

*بدواج الیشفه الوجعانه*
❋─❁(✾ ◕✾ ◕ )❃─❋
عدنه اهوای مرضه ورایدین ادواج
وانتی امجربه ومایفشل الی ینخاج
ولاتنسین ابوج بشیعته اشوصاج

*انریدج همنه اتشیلینه*
❋─❁(✾ ◕✾ ◕ )❃─❋
زاد الهم علینه وثگل میزانه
بجاهج ماتضل الیله وجعانه
انرید امراد یاخیمته الحیرانه

*تنطینه والیطلب منج*
❋─❁(✾ ◕✾ ◕ )❃─❋

تمت بعون الله

✍#علویه ام فاضل

❌غیرمبری الذمه الیحذف الاسم او یغیره❌


https://www.tg-me.com/+Q5NQHnj25ns1MGNk

لطميه للسيده رقيه عليها السلام

تجويني چوي نار الزغيرونه
اسم الله صبحيتي اليوم مدفونه
ـــــــــــــــــــــــــــــــــــــــــــــ
اسم الله عليج يبنيتي يحوريه
صبحتي اليوم عن الدار مخفيه
كثر.  همي  يعمه اعليج يرقيه
ماعندچ اهل كبرج يحفرونه

‌✍️⁩ #ام عبد الله العابدي
ـــــــــــــــــــــــــــــــــــــــــــــ
اسم الله علیچ یا یمه یلبنیه
تحضرچ جدتچ زهره الزچیه
اون علیچ اه يبنيتي  يرقيه
وین اهلچ نعشچ خل ایحضرونه

✍ #علویه ام فاضل
ـــــــــــــــــــــــــــــــــــــــــــــ
صحت ابصوت اسمله عليج يرقيه
نمتي بلترب وسفات يبنيه
ماتدرين عمه اشصار انه  بيه
سوه تمنيت عمه لو يدفنونه

✍ #ام عمار الصائغ
ـــــــــــــــــــــــــــــــــــــــــــــ
هدومج والتراجي وين اوديها
انطيهن رقيه لو اخليها
عمه ونتج للروح  تاذيها
يعونه الشاف طولج بالف عونه


✍ #ام روكان الشمريه
ـــــــــــــــــــــــــــــــــــــــــــــ
كثر همي عليج وروحي مالومه
رحتي من وكت يحبيبه مهمومه
گلبي عليج خزن  تجري ادمومه
تون الروح دوم اعليج محزونه

✍️ #ام محمد تقي الموسوي
ــــــــــــــــــــــــــــــــــــــــــــــــــــــــــــــــــــــــــــــــــــــــــ
بت احسين ونته تهد حيلي
اسمعه وتشب نيران بدلليلي
محتاره بجاها مانمت لليلي
يمته حسين ياعمه تجيبونه

✍️ #العلويه ام رقيه
ـــــــــــــــــــــــــــــــــــــــــــــ
✍✍ #تمت بعون الله تعالى

بأقلام الشاعرات المبدعات في رابطة الامام الحسن عليه السلام
https://www.tg-me.com/+Q5NQHnj25ns1MGNk

قصيدة مولاتنا زينب عليها السلام تخاطب الخيول الاعوجيه


زينب صاحت اعلى الخيل بسجن لاتدوسنه

هاجن صدري اسحكن بيه وصدر حسين عوفنه
================
اخذن صدري ابهليوم عوفن صدر ابو اليمه

فوك اجروحه والطعنات الخيل اتعنته ابهمه

شلون امشي واعوفنه ابن امي غارگ ابدمه

من بعد الولي ضليت وحدي بس اجر ونه

✍ #عـلــویــه_ام_فــاضل
================
عوفنه اخوي حسين شوفن بيه جرح صدره

ماكفه الشمر ويلاه من عنده گطع نحره

وروحه من العطش والضيم ويه الچبد متفطره

اجروحه الف وتسع ميه صدن ليه شوفنه

✍🏻ام زهراء الزيداويه البصراويه
البصراويه
================
جروحه الف وتسع ميه وگلبي الفگده اتچوه

عوفن صدر اخوي حسين شنهو ذنبه وشسوه

لاشاف الغسل لااجفان غصبن عفته اوگوه

كمت امشي وادير العين بسجن لاتسحكنه

✍️ام حسين الحلفي
================
ظليت انتحب وبجي ميته ولاني ناظرته

ولا عيني تشوف الخيل فوگ الصدر ساحگته

منه اشچم ضلع ويلاه هاي الخيل كاسرته

يابس ضلعه من الحر بذني كسره اسمعنه

✍🏻العلويه ام فاضل
♾️♾️♾️♾️♾️♾️♾️
يا خيل العده ادخيلج هذا جده محمد

شلون تسحكي صدره شلون مثله بالخلك محد

صدره لاتسگونه بس چثه بقئ امدد

وگلبه بيه.   سهم ثابت.   فدوه لا تلچمنه

✍ #عـلــویــه_الموسـویـه
♾️♾️♾️♾️♾️♾️
فدوة لاتلجمنه جبده امن العطش ممرود

عوفن جسم اخوي حسين حيله من الذبح مهدود

ميته ولاشفت طوله وجسمه عالارض ممدود

ماظل ضلع  سالم بيه عوفن صدر المجنه

✍ #عـلــویــه_ام_فــاضل
♾️♾️♾️♾️♾️♾️

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/+Q5NQHnj25ns1MGNk

# قصیده الی مولاتی اه یازینب

یلتکتبون علی زینب لاتكتبون
الشمر جر بيده العبایه لاتگولون
+++++++++-++++++++++
یالتکتبون علی زینب أم المصاب
لاتکتبون الشمرجر بيده الاحجاب
هاي زینب های بت دحاي لابواب
الهسه منه اليل يرچف لابس أنگاب
لاتلچمونه جرحهه  أبشوف العيون
والله متهون علی أخوها والله متهون
الشمر جربيده العبايه لا تكتبون
--------------------------------
خلی بالک یاموالی بل التکتبه
بالک اتذلهه ابقصيده وهيه كعبه
أبد مایرضه اخوها وتدري صعبه
الجرح لمن يلچم بچفوف غربه
يبقى عايش بالألم مطيب الاظنون
واخو زينب يلچم من يقبل أتهون
الشمر جربيده العبايه لاتكتبون
---------------------------------
هایه زینب والخدرهه هم تعرفو
هاي محد شاف ظلهه ومايشوفو
الخدر بمها الزهره انتم من  توصفو
ابدماترضه ابشعركم ذل  تكتبو
يلچم خاطر ظلعهه العاش مدفون
ويحترگ چف الوصيه أبنار الاظعون
الشمر جر بيده العبايه  لاتكتبون
---------------------------------
هایه زینب وانت تعرف جل خدرهه
والله حتی الدمعه متحزمه ابسترهه
حتى نص الیل تبجي ويبچي ظلهه
واحجابها عاش اويطفهه اوهوه املهه
هیه فخر البني هاشم مايدنگون
هيه رفعة راس للغيرتهم امتون
الشمر جربيده العبايه لاتكتبون
--------------------------------

تمت بعون الله

✍🏼#علویه ام فاضل

❌غیرمبری الذمه الیحذف اویغیرالاسم ❌

https://www.tg-me.com/+Q5NQHnj25ns1MGNk

#قصیده الرقیـه (ع)

اشتاگ انام ابحضن ابویه حتی لو ساعه
اغفه احط راسی عله صدره والزم اذراعه
یمرالیل****بالف یاویل
○~○~~○~~
●~●~~●~~
مامثل بويه ابحنانه لا ولا ابعطفه
راح ابويه اللي ابعيونه ومهجته اغفه
شلون هسه ايروح عني وموته يخطفه
ما بقه شي ابحياتي امصيبتي كلفه
هسّه من اغفه ،، اغفه باهمومي
من گبل یومه ..ریته حل یومی
یمرالیل*** بالف یاویل
○~○~~○~~
●~●~~●~~
من زغرسنی اعرفت ایامی صعبه
الدنیا من تبدی بجرح تالیها غربه
والیفارگله ابو والله شکثرصعبه
والدی راح وچنت مرتاحه گربه
بويه جاوينك ..ارد اشمنك
ياعطر طيبه ..بروحي اضمنك
یمرالیل***بالف یاویل
○~○~~○~~
●~●~~●~~
علمتنی ابحضنک اغفه یاریحتک جنه
من عفتنی یبویه والعدو یضربنه
علرمح راسک شفته بدی احضننه
کل ما تمیل الناگه عینک تصدالنه
وينج ابنيتي.. جن تحاجيني
حيل مشتاكه.. يانظر عيني
یمرالیل***بالف یاویل
○~○~~○~~
●~●~~●~~
بويه اشكي من السياط الی اذاني
بلارحم جر التراجي وجرح آذاني
ترفه يابويه اديه والجمر جواني
من الزغر مكتوب اليه ابقه بحزاني
لا تيتمني.. وحدي ابحزاني
الدمع هامل... وجرحي اذاني
یمرالیل***بالف یاویل
○~○~~○~~
●~●~~●~~
تمت بعون الله نسالکم الدعاء

✍ #علویه ام فاضل

❌غیرمبری الذمه یحذف الاسم او یغیره ❌

https://www.tg-me.com/+Q5NQHnj25ns1MGNk