#قصیده علی طور عطشان

مذبـوح مذبـوح(3) یاویلی الحسین
مذبـوح مذبـوح(3) یاویلی الحسین
▂  ▂   ▂ ▂  ▂   ▂ ▂
اليوم دگو حیل دگوه الصدر
احسین هذا افدي له كل العمر
فده اولاده    لاجلنه    والنحـر

اشما نقدمله نظل   مقصرین
مقصرین مقصرین کلنه یاحسین

✍#عـلــویــه_ام_فــاضل
▂  ▂   ▂ ▂  ▂   ▂ ▂
نصبو ياشيعة علي مجلس إله
العاري علتربان محد غسله
اشسوت بحاله يويلي كربله

ظل وحيد ولاله ناصر لامعين
ومعین ومعین ومعین ابطول السنین

✍️ #أم نور الزهراء الزينبيه
▂  ▂   ▂ ▂  ▂   ▂ ▂
انت ياعطشان مذبوح النحر
وياك  مولايه اريده انه العمر
بيك كلنه يا امامي نفتخر

انت كعبة ياامامي العاشقين
للموت للموت للموت مجالسک قایمین

✍️ #صوت باسمی ام عون
▂  ▂   ▂ ▂  ▂   ▂ ▂
انصرك يحسين هاذي غايتي
مااعوفك لوخذوهة جنازتي
انت ياكلها حياتي ومهجتي

مابطل اعليك نوحي والونين
وانقیم وانقیم ومجالس صارخین

✍️ #رؤى السلامي
▂  ▂   ▂ ▂  ▂   ▂ ▂
انته روحي ومهجتي يبن البتول
حبنه الك طول العمر لامايزول
بيوم اذا ننساك لزهره شنكول

وانته ابن حيدر أمير المؤمنين
شنگول شنگول لامك ياحسين

✍ #ايمان ناصر الزهيري
▂  ▂   ▂ ▂  ▂   ▂ ▂

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

#بعد المقتل


يعباس . خويه الزلم ضربوني

يعباس .خويه الزلم شتموني


يعباس . تره اعداك يسروني

يعباس خويه الزلم شتموني

يعباس . لليسر هل گادونی

یعباس. بیدی الحبل و چتفونی

یعباس علی الناگه رکبونی

الحگ الی تره اعداکم عذبونی

یعباس الحگ الی خویه یا عیونی

یعباس .. فدوه الک اچفوفی

یعباس ..ریت السهم بعیونی

یعباس . ترضه تره ایضربونی


*((عباس اختک عالو بیها))*

*((الحگ لیها عباس الیله))*


تــمت بعــون اللــہ

✍ #علویه_ ام فاضل_

❌غیرمبری الذمه الیحذف او یغیراسم الشاعره❌

https://www.tg-me.com/OmFadil

#بعد المقتل

یبوفاضل زینبك ضربوها

يبوفاضل زينبك ضربوها


يبوفاضل زينبك مشوها

يبوفاضل .واعداك اذوها

يبوفاضل .بلخيول سحكوها

يبوفاضل . اطفالك رضوها

يبوفاضل و بلحبل جتفوها

يبوفاضل كلنه وياك ونينه

يبوفاضل اختك يسبوها

يبوفاضل . بلحبل من جتفوها

يبوفاضل . ولليسر من گادوها

يبوفاضل . و بلسوط طكوها
🟰🟰🟰🟰🟰🟰🟰
تــمت بعــون اللــہ

✍ #علویه_ ام فاضل_

❌غیرمبری الذمه الیحذف او یغیراسم الشاعره❌

https://www.tg-me.com/OmFadil

.#قصیده الے مولانه الحسین [ع]

نون وانوح للے مات مظلوم
يتجدد مصابه علينه كل يوم
〰➰➰➰➰➰➰➰〰
.الشیعه تون و تنوح هلیله
لمصابك دمعها من دمه اتسیله
تدگ اعلے الصدر حفاے تمشیله
نون علیڪ حيل الگلب مهموم
.〰➰➰➰➰➰➰➰〰
نون علیڪ نندب واحسیناه
ندگ للموت مولانه ماننساه
بعالي الصوت نصرخ واشهيداه
وتبجے ام الحسن والگلب مالوم
.〰➰➰➰➰➰➰➰〰
مانبطل عليك النوح والونه
بس انت الوسيله نصيح كلحنه
دنيا واخرة انت شفيع النه
بجاهك يلي من الماي محروم

✍ #عـلــویــه_ام_فــاضل
.〰➰➰➰➰➰➰➰〰
نصرخ ياحسين ونلطم عالراس
لحسين العزه واللطم للعباس
مُـحرٓمكم عدل تتساوه بيه الناس
خُدام إلك كلها يصير هالمفهوم
.〰➰➰➰➰➰➰➰〰
ماننسه الحسين وغربة عياله
للدوم ودمعتي عليه هماله
روحي تروح من اذكر الخياله
على صدره تجول خيولها الگوم
.〰➰➰➰➰➰➰➰〰
تبچي الزهرة عالمظلوم وتنادي
لمصايب كربله متفسر افادي
ياربي اريدن ثار ويلادي
تعجلنه بفرج القائم المعلوم

✍ #ام محمد علي الشيباني
.〰➰➰➰➰➰➰➰〰


تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبرے الـذمـه الیـحـذف الاسـم الشـاعرات❌❌

https://www.tg-me.com/OmFadil

#نعي الخروج الحسين ع والمسير

من ودعينه ابلاد جدنه
وبليلنه سرنه وحدنه
ظلت خليه اديار اهلنه
""""""""""""""""""""""""""""""
من المدينه سرنه. هاليوم
وكلبي رجف من عاين الكوم
ودرب الشريعه اعلينه ملزوم

✍️ #علويه ام فاضل
🟰🟰🟰🟰🟰🟰🟰🟰
طلعنه شلون طلعه من الولايه
انه وخوتي وكل الصبايه
لرض الكدر ورض المنايه
"""""""""""""""""""""""""""""""""""
لرض المنايه اليوم جينه
اوكل الزلم يحدون بينه
يخافون من الهوه علينه

✍️ #ام احمد المنصوريه
🟰🟰🟰🟰🟰🟰🟰🟰
يخافون من الريح لومر
اويبرا الضعن جاسم والاكبر
للطف ضعنه حين سدر
"""""""""""""""""""""""""""""""""""
عباس بيه الضعن يحدي
شحد الهوى يوصل الحدي
اويكل لشمس لوجتني ردي

✍️ #ام مرتضى الحواسي
🟰🟰🟰🟰🟰🟰🟰🟰
سار الضعن بينه يلعضيد
وحفوا المحمل امنين ماريد
يسير الضعن والروح ماتهيد
"""""""""""""""""""""""""""""""""""
لاوين خويه تحدون بينه
وطلعيتوا بينه من المدينه
ويحدي بالحرم حادي الضعينه

✍️ #ام حسين الابراهيميه ناصرية
🟰🟰🟰🟰🟰🟰🟰🟰
تكله لاوين بهل حرم ماشين
انه اخاف تروح مني شياهين
يا خويه و بس تهمل العين
"""""""""""""""""""""""""""""""""""
ياعباس خويه ابونه شوصاك
من حط يمنتي بيمناك
و كتله يبويه عد عيناك

✍️خادمة اهل البيت ام اسعد
🟰🟰🟰🟰🟰🟰🟰🟰
ودعنه المدينه و ماشين
ويانه العليل واخوتي وحسين
ويحدي الضعن عباس الحنين

وياي اخوتي الحنان
خايفه عليهم من هذا الزمان
أظل وحيده من غير وليان

العلويه ام زين العابدين
🟰🟰🟰🟰🟰🟰🟰🟰
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻

https://www.tg-me.com/OmFadil

#نعي الاولاد مسلم ابن عقيل ع

ضاعو اولادي مدري وين
و بلميادين خالهم حسين
عليهم بس اصفج الايدين
"""""""""""""""""""""""""""""""
بصحره فكدت اعيالي
وانه تره تصعب احوالي
ما ظل اليه بعد غالي
"""""""""""""""""""""""""""""""
ياهو يكعد يدور اوياي
وانه الي فكدت ولياي
من الرعب تتراجف اجلاي

✍️ #علويه ام فاضل
🟰🟰🟰🟰🟰🟰🟰
ضليت انحب اعليهم
واخاف العدو ايعيل بيهم
أنه منين اجيب العباس ليهم
"""""""""""""""""""""""""""""""
اخافن لا سحگتهم الخيل
تراني باد مني الحيل
والدمع من عيني يسيل

✍️ #العلويه ام زين العابدين
🟰🟰🟰🟰🟰🟰🟰
طاهر ييمه جلجل الليل
وأخافن عليكم يلمداليل
خالك علثرى ودموعي اتسيل
"""""""""""""""""""""""""""""""
يطاهر يمطهر وين صرتو
شكلتو يمه وشربتو
وظلمه الليل وخاف خفتو
"""""""""""""""""""""""""""""""
مطهر زغير ابحظنك تخليه
غطيه يبني وعينك عليه
تعبان اخيك ومورمه رجليه

✍️ #أم علي نجف
🟰🟰🟰🟰🟰🟰🟰
دورت الولد بس مالكيته
جلجل الليل وتيهيته
ولون عباس يمي تمنيته
"""""""""""""""""""""""""""""""
يدور الولد عباس اليه
وخلافكم بس مهضميه
وازلامهم داروا عليه
"""""""""""""""""""""""""""""""
دوريتكم من جلجل الليل
ضلمه واتعثر بالمجاتيل
ردوا ييمه خافن انشيل

✍️ #ام حسين الابراهيميه ناصرية
🟰🟰🟰🟰🟰🟰🟰
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/OmFadil

#نعي القاسم ابن الحسن ع

عريس للحرب يزفونه
ما شفنه بدمه يحنونه
عليه امه تبجي محزونه
""""""""""""""""""""""""""""""
تبجي ام الولد عليه هاليوم
وكلبها عليه صبح ملجوم
ويلي العريس اليها مايدوم
""""""""""""""""""""""""""""""
ما دام العرس والحنه
وعليه تجذب الونه
غمض عيونه المچنه

✍️ #علويه ام فاضل
🟰🟰🟰🟰🟰🟰🟰🟰
يلولد يانور عيناي
يمه من اذكرك اغص بالماي
ياضنوتي ويارفت اجلاي
""""""""""""""""""""""""""""""
من ضيعيتك طار عكلي
جرحك نشف وجروحي تدي
راح الولد وحرت بامري
""""""""""""""""""""""""""""""
ندبت الولد ما كام ليه
ينايم بالترابه هاي هيه
كون من الولد عندي انه ميه
،
✍️ #أم حسين الابراهيميه ناصرية
🟰🟰🟰🟰🟰🟰🟰🟰
اويلي على القاسم يرمله
لاشاف حنه اولا الكله
نوحي عليه النوح يحله
""""""""""""""""""""""""""""""
نوحي على ابنچ لا تبطلين
من البواچي اومن الاونين
ابدم هامته حنى الچفين

✍️ #ام احمد المنصوريه
🟰🟰🟰🟰🟰🟰🟰🟰
غمض اعيونه وجفاني
ولاكايل امي جن نساني
ويومك يبعد أمك عماني
""""""""""""""""""""""""""""""
يومك يلمحسر مالي حيله
وايامي المجبله ثجيله
وحملي اخلافك من يشله
""""""""""""""""""""""""""""""
تفرح الوالده ابعرس ابنها
وكل الحبايب يهننها
ورمله عل ابنه يعازنها

✍️ #أم علي نجف
🟰🟰🟰🟰🟰🟰🟰🟰
عريس من دمه تحنه
يمه تمنيتك تضل يمنه
تفرح الگلب وتزيل همنه
""""""""""""""""""""""""""""""
يالولد يا بعد هالروح
طول العمر لفراكك انوح
اغيابك يهيج يمه الجروح

✍️ #العلويه ام زين العابدين
🟰🟰🟰🟰🟰🟰🟰🟰
تمت بااقلام خادمات اهل البيت ع
🤲🏻 نسألكم الدعاء 🤲🏻
https://www.tg-me.com/OmFadil

#نعی العبدلله الرضیع علیه السلام

شاف الطفل یابس السانه
خذه وتعنه صوب میدانه
ویلی العطش غیرله الوانه
""""""""""""""""""""""""""""""""
ویلی العده صوبو وریده
تنعی ام الولد ویلی وتریده
ليها الدهر ماظن يعيده
""""""""""""""""""""""""""""""""
اجت فاره وشبگت ابنها
گعدت وحطته بحضنها
عله ولد تره زایدحزنها
""""""""""""""""""""""""""""""""
تلولی عالمهد والمهد خالی
وحس الولد چنه ابالی
راح الولد خربت احوالی

✍️ علویه ام فاضل
🟰🟰🟰🟰🟰🟰🟰🟰
خالي المهد وعميه عيوني
عل الولد لاتلوموني
عبدالله يمه خابت اضنوني
،،،،،،،،،،،،،،،،،،،،،،،،،،،،،،،،،،،،،،،،
اون عليك ونظر للمهد
اللولي الليل كله وماهو الولد
يعبدالله ييمه ماضلي سند
،،،،،،،،،،،،،،،،،،،،،،،،،،،،،،،،،،،،،،،،،
بهدومك اشمن ساعه انعيك
حسبالي عدل يبني واناغيك
ودمعي يهل مابطل عليك
،،،،،،،،،،،،،،،،،،،،،،،،،،،،،،،،،،،،،،،،
عبدالله بحظاني ربيته وشلته
ونبلة حرمله طفت شمعته
اصدن للمهد مابيه أنته
،،،،،،،،،،،،،،،،،،،،،،،،،،،،،،،،،،،،،،،
تسع اشهور شلتك مني تروح
ياوسفه ابسهم يجنيني مذبوح
دللول يبني وكلبي مجروح
،،،،،،،،،،،،،،،،،،،،،،،،،،،،،،،،،،،،،
لجرح الكلب مايرهم اخياط
يذبحون الطفل بعده بلكماط
عبدالله دلالي بهظم شاط

✍️ #أم علي نجف
🟰🟰🟰🟰🟰🟰🟰🟰
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/OmFadil

#نعي الوداع الحسين عليه السلام

صار الوداع و هلت العين
و اوداع اخوتي الطيبين
شيصير باجر خويه يحسين
"""""""""""""""""""""""""""""
شيصبر الكلب كلي يخويه
شيصير بيه يبن الزجيه
باجر اشوفك عالوطيه
"""""""""""""""""""""""""""""
حاجيني يبعد العمر والروح
شلون انظرك يالوالي مذبوح
بعدك اخلص العمر بالنوح
"""""""""""""""""""""""""""""
طول ياليل الوداع
باجر يطيحون عالكاع
اوداعكم يالغالي ابساع

✍️ #علويه ام فاضل
🟰🟰🟰🟰🟰🟰🟰
شلون العزيز يودعونه
وخافن مايرد وتغمض اعيونه
ابن امي الحنين وتعرفونه
"""""""""""""""""""""""""""""
يكون الوداع ايصير سنتين
واشبع موادع وي الحسين
طولي ياليله وموش تكضين
"""""""""""""""""""""""""""""
ودعته وصحت يمه يزهره
باجر أخي ينكطع نحره
واليوم أودعه وجذب الحسره
"""""""""""""""""""""""""""""
يودعني ويوصني عل بزره
يحسين كلبي شيصبره
واشلون اظل مابين غربه
"""""""""""""""""""""""""""""
صاح حسين تعالن ودعني
وباجر علثره وماتشوفني
ولخيل ابحوافرهن يسحكني

✍️ #ام علي نجف
🟰🟰🟰🟰🟰🟰🟰
تمت بااقلام خادمات اهل البيت ع في رابطة دموع الأقلام
🤲🏻 نسألكم الدعاء 🤲🏻
https://www.tg-me.com/OmFadil

#قصيده حضور الزهراء (ع)

سمعنه اونین بالمجلس اویانه
چنها ام الحسن حضرت عزانه
____
جنها ام الحسن و اتجر بالونین
علی الضلو عرایه ابغیر تچفین
احسین او کل عمامه یا محبین
علی السجاد ما غمض اجفانه
____
یلكاعده اويانه وهم و تونين
نوحي مكان امه ولا تبطلين
صواب الصابهه مأثر علي العين
مصايبها كثيره وحيل نحلانه
_
انوح اوياج يا سيدت النسوان
علي ذاك الذبيح المات عطشان
بني اميه فزعت بسيوف واسنان
جرسيفه الضبابي و ذبح مولانه
_
نون كلنه بحزن والدمعه نجريها
علي مصاب الذبيح احنه نعازيها
نحلانه و تون وحيل مابيها
علي مصابه تون الزهرا حزنانه
_
تدور بلمجالس فاطمه اليله
تهل اعيونها والمدمع اتسيله
عل حزو وريده بحسره تبجيله
هليوم ام الحسن ياناس حيرانه
__

✍ #عـلــویــه_ام_فــاضل

✍ #ام زهرا البصراويه الزيداوي

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil