#قصیده للحسین

بس الك يحسين انصبلك عزاء
وخلي صوت اللطم يوصل كربلاء
@@@@@@@
ما تمسها النار كل عين البچت
هناك يوم الحشر بالزهرة نتخت
لطمو حيل صدوركم ياهل البخت
وبس ابو السجاد يستاهل بكاء
@@@@@@
من علي الكرا ر تاخذلك اجر
وتگر عينك باجر بيوم الحشر
ابچي للمذبوح مكسور الصدر
عاري عالتربان ضل بلا رداء
@@@@@@
ابچو يا شيعة علي عالمنذبح
شافت ام حسين راس اعله الرمح
وبعد نبچي اعله السبي اكبر جرح
شلون طلعن عالهزل ذيچ النساء
@@@@@
خل نواسي المهدي بدموع ولطم
عمت عينه من البچي وذاك الهظم
كون من نلطم الة نكسر عظم
مثل كسر الضلع او ذاك العناء
@@@@@@
تمت بعون الله

✍#علویه ام فاضل

❌غیرمبری الذمه الیـحـذف الاسم او یـغیره

https://www.tg-me.com/OmFadil

#یوم ثانے خروج الحسین


شال الیـوم وین محمل الوالي
خلانے حزینه وبلهظم حالی
▂  ▂   ▂ ▂  ▂   ▂ ▂
خلاني حزينه وتدمع العين
شايل وين ياخويه يلحسين
دگلے بهلسفر جا وين ناوین
من الیوم  خربت انا  احوالی

✍#عـلــویــه_ام_فــاضل
▂  ▂   ▂ ▂  ▂   ▂ ▂
وين ليوم محملهه لضعون
كلبي خاف من هل سفر تدرون
خويه يصير افراك لاتشيلون
واخاف اتيسر اني وعيالي

✍️خــادمــة الزهـــراءالمــله ام احمد
▂  ▂   ▂ ▂  ▂   ▂ ▂
شايل وين قصده للمنييه
رايح بالاهل كلهن. سويه
قصد للموت عايفهه هلدنيه
وبهالسفر. ضاعت اني امالى

✍️ #ام البنين
▂  ▂   ▂ ▂  ▂   ▂ ▂
وين  اليوم   ياعباس  كلي
ماشي للسفر وعايف محملي
طلعو  للحرب ناوين كل اهلي 
وهاي السالفه ماهيه ابالي

✍️ #ام زهراء الفاطميه
▂  ▂   ▂ ▂  ▂   ▂ ▂
ماچان العشم يا كمر عدنان
تخلونه يتامه وبس جمع نسوان
يخوتي الحرم اتريد  وليان
بگينه بلا ولي والدمع هالي

✍️ #علويه ام منتظر الجابري
▂  ▂   ▂ ▂  ▂   ▂ ▂

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبرے الـذمـه الیـحـذف الاسـم الشـاعرات❌❌

https://www.tg-me.com/OmFadil

#قصيده الي ام البنين (س)

ودعيت احباب كلبي و السفر ادري طويل
يمته نتلاكه وياهم ويبطل الدمع اليسيل

راحو ما ظن يرجعون
عليهم عميانه العيون
ودعتهم وما يرجعون الف ياويل
♾️♾️♾️♾️♾️♾️♾️
اشكثر قاسي هلزمن مني خذاهم
وسفه عني الموت ويلي باعداهم
اه كل عمري بقيت انه  ابرجاهم

راحو أولادي ابعجل
ومابقة عندي أمل
مابقه كل حيل والجسد مني نحيل

✍ #عـلــویــه_ام_فــاضل
♾️♾️♾️♾️♾️♾️♾️
شلون حاله الي فگد ويلي أحبابه
يبقه کل عمره يون و مايخلص عذابه
الهوه لو مر علیه يهيج والله اصوابه

الهوه يهيج الجروح
يكظي كل عمره ينوح
روحه من كثر الحزن والهم تميل

✍️ #ام زهراء الزيداويه البصراويه
♾️♾️♾️♾️♾️♾️♾️
شلون حال الفكدت اقمار اربعه
كمر هاشم عالشريعه صار ويلي مصرعه
ونت ابلوعه الحزينه ريت ابنها اتودعه

اتمنت اتودع البطل
من گرب منها الأجل
لچن ياوسفه بقه بالطف قتيل

✍ #عـلــویــه_ام_فــاضل
♾️♾️♾️♾️♾️♾️♾️
اتمنت الاولاد كلهم هلمسه ليها ايتعنون
ابلوعه ودموع ومحنه اعليها کلها یبچون
والنعش فوگ الچتاف أولادها اليشيلون

ليها   يتعنون.  كلهم
ابهيبه ايشيعون امهم
اتمنته هليوم يحضرها الكفيل

✍️ #ام زهراء الزيداويه البصراويه
♾️♾️♾️♾️♾️♾️♾️
اتنوح ام البنین وتصفج الايأدي
وكت موتي اتنزلوني يالولاد ابلحدي
كرب من عندي الأجل لا أهل لا ولد عندي

تصرخ بعالي الصوت
كرب من عندي الموت
ردت كون أولادي يمي النعشي اتشيل

✍ #عـلــویــه_ام_فــاضل
♾️♾️♾️♾️♾️♾️♾️
الحره ظلت تنتحب والونه علت
للولد هليوم     ياهلناس.  حنت
كون كل أولادها. يمها      تمنت

أتمنت يحضرون الاحباب
گبل   لایدفنها     التراب
يريد كل أحبابه تدرون العليل

✍️ #ام زهراء الزيداويه البصراويه
♾️♾️♾️♾️♾️♾️♾️

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

قصيده لسان حال مولاتي ام البنين (( ع))
عندما ودعت اولادها


ودعتهم والاوداع اشگد صعب
ودعتهم وعيني ضلت عالدرب

راحو وماضن يجوني/امن الولد خابت اضنوني
ودعتهم ودعتهم
‏ ●▬▬▬ஜ۩۞۩ஜ▬▬▬●
ودعوني اعزاز گلبي ودمعي مدرار
من مشو عني سويه وماكو اخبار
راحو و عافوني اونن ليل وانهار
ليش عني سافرو /بيه ابد مافكرو

من الجفوني نار....وبكلبي تشب
كلي ياعباس شيصبر الكلب

✍ #ام مهدي الفرطوسيه🔅
‏ ●▬▬▬ஜ۩۞۩ஜ▬▬▬●
حالي اتغير تره او مجروح وضعه
كمت اشوف اوداعهم ما بيه رجعه
ضلت الذكره ابصورهم تحجي دمعه

حالي حال الثاكله .. من تسير القافله
تروح لوعه وعشره .. ويم بالي تطب
كلي يا عباس شيصبر الكلب
✍ #اسيرة الأحزان .مريم العبودديه🔅
‏ ●▬▬▬ஜ۩۞۩ஜ▬▬▬●
شعتب على البين فاركني ويه لولاد
حملو عني ومشوا بدروب البعاد
كلبي ضل ايون عليهم وبد ماهاد

شالو الارض البله / وليهه انوو كربله
والله يمه افراكم ... عندي صعب
كلي ياعباس شيصبر الكلب

✍ #العلويه ام اياد🔅
‏ ●▬▬▬ஜ۩۞۩ஜ▬▬▬●
شالو احباب الكلب واغيابهم طال
واني ضليت ابدمعتي اكسر الحال
والكلب يم الهوادج والحمل مال

باقيه انحب واون .. لايذ بكتري الحزن
ابقه وحدي وبالدمع..وي الغرب
كلي يا عباس شيصبر الكلب
✍ #العلويه ام فاضل🔅
‏ ●▬▬▬ஜ۩۞۩ஜ▬▬▬●
ودعوني عيون قلبي البيها اشوف
وراحوا بنيه يكصدون الطفوف
اسباع ولدي واحد يعادل الوف
وصيت ابني الكمر يضحي لحسين العمر
وحارس الزينب يباريها الدرب
كلي ياعباس شيصبر الكلب

✍ #الشاعره ازهارجبار الجياشي🔅
‏ ●▬▬▬ஜ۩۞۩ஜ▬▬▬●
واني نار الحزن بيه الضارمه اتهيج
ابهم عشت وحدي وانوح ابساعة الضيج
جن بحر حزني عكبكم صاير اغميج

وحدي اعالج بالصبر..انتضر جيت كبر
وحدي واتخيل خيم..وانتضر راعي العلم
انتضر يرجعلي من ذيج الحرب
كلي يا عباس شيصبر الكلب
✍ #الشاعره ذبح الطفوف🔅
‏ ●▬▬▬ஜ۩۞۩ஜ▬▬▬●
ابفكدكم يا الغوالي انمرد حالي
وابنزلكم من جيفتوا باقي خالي
اني اتمنه وفيت حسين غالي

كلهم افديهم اله .. اشعدني غير العايله
للبنين اشكرلي ربي…الكمر ليه وهب
كلي يا عباس شيصبر الكلب
✍ #الشاعره ايمان ناصرالزهيري🔅
‏ ●▬▬▬ஜ۩۞۩ஜ▬▬▬●

تمت بعون الله تعالى

بـ✍ــاقـ✍ــلام خـادمـات أهل البيت ع

https://www.tg-me.com/OmFadil

#وداع ام البنین ع ویه الخروج الحسین ع

اوداعت الله یاابن حامی الحمیه
بروحتک ادری بعد ما اکو جیه
▂  ▂   ▂ ▂  ▂   ▂ ▂  ▂
بروحتک یحسین یبنی یمه راحت روحی 
ودمعتی علیک یمه و زیدت ابنوحی
من البجی زادت بیه تدری هایه اجروحی
وداعت الله صحت یاابن زهرا الزچیه

✍ #علویه ام فاضل
▂  ▂   ▂ ▂  ▂   ▂ ▂  ▂
اوداعت الله يالرحت يحسين عني
یمه من عفتني و والهم كتلني
اعليك يبني وياعزيزي الظهر محني
صعبه یایمه علیه ابهلمسیه

✍️ #ام مهدي  الفرطوسيه
▂  ▂   ▂ ▂  ▂   ▂ ▂  ▂
انا ام البنين رحتو من ادیه
خوفی علیک یبن الزهره الزجیه
یمه یاعباس  دیر البال  لیه
افدی اجفوفک لابن الزهرا هدیه

✍️ #زهراء موسوي ام عون
▂  ▂   ▂ ▂  ▂   ▂ ▂  ▂
وداعت الله يابن فحل الفحول
ذاب دلالى مشه ابن البتول
وانممرد گلبی علی ابن الرسول
من رحت یبنی بعد مالی تچيه

✍️ #ام البنين
▂  ▂   ▂ ▂  ▂   ▂ ▂  ▂
كللبي ظل ممرود یمه بروحتك
لا تطول یحسین  بغيبتك
لاتخليني دخیله حايره . بفركتك
ابقی اتانی والله الحد المنیه

✍️ #الشاعره ام كرار الزينبيه
▂  ▂   ▂ ▂  ▂   ▂ ▂  ▂
ودعتهم وجرت یولاد عینی
اوداعکم یصعب علیه یا بنینی
یمه ماابطل اعلیکم  ونینی
اوداعت الله یاابن خیرالبریه

✍️ #زینب البصراویه
▂  ▂   ▂ ▂  ▂   ▂ ▂  ▂

تــمت بعــون اللــہ

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

فزاعيه للمسير
۞۞۞✍۞۞۞
حمل اضعونه ابو علي
               يا كربله الخوانه
۞۞۞✍۞۞۞
حمل جميع ارجاله
          وسار الضعن بعياله
والوالي يصعب حاله
           خايف على شبانه
يا كربله الخوانه

✍ #ام سجاد العسكري
۞۞۞✍۞۞۞
حمل وگاصدکربله
        زینب تنادی معوله
منها المدامع هامله
       واتخون بیه دنیانه
يا كربله الخوانه

✍ #علویه ام فاضل
۞۞۞✍۞۞۞
حزنانه والمدمع جره
          كربلا خافن تغدره
ونيران كلبي موجره
        على ابو علي ورضعانه

✍ #ام ساره ناصريه
۞۞۞✍۞۞۞
كالته والمدمع يصب
           من عدهه مالوم الكلب
ياخويه يكلف هالدرب
            بي تنجتل وليانه
۞۞۞✍۞۞۞
حمل ضعونه  وارتحل 
         ولقصد  یوصل بالعجل
وانگطع من عنده الامل
        ايخونه الدعي واعوانه

✍ #ام حسن سلیمانی
۞۞۞✍۞۞۞
حمل جميع اظعونهم
          تهمل  تظل عيونهم
والموت غير لونهم
          شبت  صدك  نيرانه

✍ #ام زهراء الفاطميه
۞۞۞✍۞۞۞
خافن تخونين ابهلي
          ونضل حريم بلاولي
شبان ارضج تنملي
        وانضل محد يحمانه

✍️ #المله والشاعره ام حمودي

۞۞۞✍۞۞۞

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسم
https://www.tg-me.com/OmFadil

#قصیده ام البنین

شلون اودعك   كلبي ماينطيني
شلون اودعك  ياحسين يابنيني

كلبي مايحمل     وداع 
والامل من عندي  ضاع
شلون اودعك ياحسين يابنيني
┉❈❥ًً❀(💚)❀ ❥❈┉
.شلون كلي اه ياابني  من اودعك
جرح فركاك بدليلي    و نار بعدك.
تروح روحي لو عفتني ريت اتبعك
اموت انه بس تروح
هيجت    كل      الجروح
شلون اودعك ياحسين يابنيني

✍ #علويه ام فاضل
┉❈❥ًً❀(💚)❀ ❥❈┉
شلون اودعك ايغالي وانت لجروحي  دوه
ياضوه عيناي انته شلون   لو غاب  الضوه
ريت اني وانت يبني    تصير موتتنه سوه
ابقى انه بالونين
مني لو راح الحسين
شلون اودعك  ياحسين يابنيني

✍ #متيمة عبدالله الرضيع
┉❈❥ًً❀(💚)❀ ❥❈┉
تبجي ام عباس والله   والدمع منها يسيل
يوم شافت ابن حيدر  يريد ناوي علرحيل
نادت العباس يبني    انت لزينب .  كفيل
بيه ناره ومسعره
اعليك تبقى اموجره
شلون اودعك ياحسين يابنيني

✍ #زهره.
┉❈❥ًً❀(💚)❀ ❥❈┉
يمه روحي الغيبتك   والله      تعبها الحزن
عمري كله خلصيته بهظم واهات    ومحن
انت ياسلوة حياتي وانت شمعات الطفن
عيني تجري بس دمع
خلص كلبي بس سمع
شلون اودعك  ياحسين يابنيني

✍ #علويه ام حسن البدري
┉❈❥ًً❀(💚)❀ ❥❈┉
اه يايبني ياضنتوتي تعوفني شلون وتروح
اذكرمصابك ييمه       والكلب كله جروح
شلون نايم عالتراب    هذا كثرلي النوح
ريت ترجع يالولد
تدري مااحمل بعد
شلون اودعك ياحسين يابنيني

✍ #ياسمين شموسي (الاهوازيه)
┉❈❥ًً❀(💚)❀ ❥❈┉
بروحتك.ضيعت عمري     زيدلتي العذاب
صرت انوحن ليلي كله  كلبي من الالم شاب
يامصابك طر دليلي   وفركتك اعظم مصاب
والله صعبه فركتك
جنت ارجه جيتك 
شلون اودعك ياحسين يابنيني

✍ #المله والشاعره ام حمودي
┉❈❥ًً❀(💚)❀ ❥❈┉
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء

https://www.tg-me.com/OmFadil

لما ارد الخروج الحسين ع ..
حمل النساء والاطفال واخوانه
وعمامه واولاد اخي ..
من المدينه الي العراق ..
ثم اتي الي قبر جده رسول الله(ص) ..
قائلا ياجد ها انه عزيزك الحسين ع .
ها انا خارج الي القتل والقتال ..
فظمني عندك يا جد في هذه الضريح ..

ثم لسان الحال

ايكول

اوداعة الله يا جدي بهالمسيه
انا رايح للقتل واخواتي سبيه
وهذه امرالله واليجري عليه
...................
يجدي صعب الفراك وانته تدري
انا طالع من بلد اه يا جدي
وعيوني تهمل ودمعتي ابخدي
...................
ثم قام من قبر جده ثم راح الي قبر امه فاطمة الزهرا (ع)وانكب علي قبرها
منادي ها انه خارجن من جوارك يااماه ..

اجيتج اودعج يايمه الزجيه
ودمعاتي علي الخد يزهرا جريه
اريدج ييمه كون ترضين عليه
............................
طالع يا زهرا  وهاي هيه
من المدينه الي الغاضريه
واخواتي يظلن يايمه سبايه
......................

✍ #علويه ام فاضل

❌غيرمبري الذمه اليحذف الاسم ❌


https://www.tg-me.com/OmFadil

#قصیده الیوم الثاني من محرم


باشهرصارن یومین   یهل المجد
نَبهوالکلب بالونین    خل یستعد
@@@@@@@@@
بالشهرصارن یومین وانه اعلمت
اتروح مني ولیاي جني شفت
روحي استعدت للظیم ماحَسبت
عباس یرحل وحسین//  هم یبتعد

✍#ام یاس الساعدیه
@@@@@@@@@
كلبي صاير نصين  شفت الهلال
باجر اخوتي مذبحه وتتيتم أطفال
اضل انا بلا ولي ويصعب الحال
عكب اخوي الحنين// خاف انفكد

✍ #علويه ام فاضل
@@@@@@@@@
بالشهرعدّن یومین عیني بجت
والدنیه صارت بالظیم لاماحِلت
حسیت روحي الیوم جنهه انحنت
والکلب صایرنصین//یروح ویرد

✍#ام یاس الساعدیه
@@@@@@@@@
بلشهر صارن یومین یهلی خفت
وروحی علی الخوان شو الزمت
یرحون منی اخاف و انحبت
ویلچم بیه البین//دمعه بلخد

✍ #علويه ام فاضل
@@@@@@@@@
ياخوتي بهلال الشهر گلبي انلچم
ونصاب گلبي يحسين خويه بسهم
ادري انسبي بعاشور اني والحرم
انطي الوجه لاوين//. گلبي انمرد

✍ #خادمة النور المقدس
@@@@@@@@@
واخاف اعوف علنهر اخوی الغالی
وانا سبيه لو رحت يصعب حالي
اشبع هضم ياناس عكب الوالي
ودموم  تبجي هالعين//طول البعد

✍ #ايمان ناصر الزهيري
@@@@@@@@@

تمت بعون الله

مشتـ🤝ــركة بـ✍ـأقـ✍ـلام خادمات اهل البيت


     ❌لانجيز حذف الأسماء❌

https://www.tg-me.com/OmFadil

#محرم یوم ثانی

گلبی من امس والیوم خایف
واخاف بینه الحمل عایف
وعنه ایروح شیال الکلایف
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
گلبی من امس والیوم محزون
وعلیهم دمعت عینی شلون
وهس جدامی بلظعن یحدون
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
هس مسعده وکلها ویای
والبین ماینصف ابدنیای
گلبی گرصنی یمه تعای
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
یمه یزهرا صحت تعای لیه
واهلال محرم بین علیه
واتروح خوانی کلهم سویه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
سویه کلهم یروحون عنی
ومصایب البین ایدوهننی
وعلی المصایب یفرنی
٪٪٪٪٪٪٪٪٪٪٪٪٪٪٪٪٪٪٪٪٪٪٪٪
خویه دخیلک ردنه الوطنه
مابیه علی الون والونه
علیکم لیلی ماانامنه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪

تمت بعون الله

✍ #علویه ام فاضل

❌غیرمبری الذمه الیحذف او یغیراسم الشاعره❌

https://www.tg-me.com/OmFadil