#قصیده وفات زینب علیه السلام


لا تانين يعمه لا تانيــن
مايجي حسين يعمه لاتانيــن
الراح ما يرجع بعــد لاتانين
➖➖➖➖➖➖
ما يجي المات شيرجعه لاتونيـن
همه نومه عالترب وانتي تندبين
عمه انتي ام الصبر نشفي العين

ميت حسين يعمه
ميت حسين
لاتونين يعمه لاتونين

✍ #عـلــویــه_ام_فــاضل
➖➖➖➖➖➖➖
عمه صبري عالجره بسچ مناحه
جبتي عمرج هظم ماشفتي راحه
ما اظن گلبج بعد تظمد جراحه

لاتنطرين يعمه
لاتنطريــــــــن
شابحه العين عليمن لاتنطرين

✍️#ام محمد التميميه
➖➖➖➖➖➖➖
مايجي الراح يعمه عالترب طاح
والدج يفجع مصابه زيدي النياح
الف ياحيف معلگيه راسه بلرماح

انضرله بالعين
يعمه انضرله بالعين
ما یجی حسین یعمه مایجی احسین

✍️ #ام زين العابدين الغزي
➖➖➖➖➖➖➖
اه يازينب يعمه بلـــه صبــــري
الراح مايرجع بعد وشنهي عذري
تكله اريده الولي یحفرلی گبري

راح الحنين يعمه
راح الحنيـــن
لاتونين يعمه لاتونين

✍️ #ام احمد الحلاويه
➖➖➖➖➖➖➖
الله ينطيج الصبر عمه وتحملين
والاشد اعليج ادخلتي الدواوين
ويلي عمتي ام الخدر ست النساوين

لاتخافين يعمه
لاتخافين
لاتونين يعمه یزینب لاتونين

✍️ #ام زينب الأسدي
➖➖➖➖➖➖➖
قناة ساقي عطاشي کربلاء
لنشر القصايد الحسینیة ! باشراف الشاعره العلویه ام رقیه الموسوی

https://www.tg-me.com/OmFadil

#قصيده وفات زينب (ع)

ياجناز زينب
( تاني اهاليها)
خل يحظر نعشها
(حسين واليها)
〰️◼️〰️◼️〰️◼️〰️
يجناز العقيله ريض اشويه
ريض خل تجي اهل النموريه
هايه بت علي لا ماهي اشويه
خل اهل العمايم تنحب اعليها

✍️ام محمد التميميه
〰️◼️〰️◼️〰️◼️〰️
يا دفان زينب ريض اشويه
موتج بت علي مكروه طاريه
بت فخر النساءزينب العلويه
رادت بلمنيه كل اهاليها

✍️ #ام زين العابدين
〰️◼️〰️◼️〰️◼️〰️
خل اهل العمایم توصل الیله
يشلون النعش والبیرق اتشیله
خل يوصل اخوها المدمع یسيله
یشیلون النعش و ایصلو اعلیها

✍ #عـلــویــه_ام_فــاضل
〰️◼️〰️◼️〰️◼️〰️
هاي بت علي الكرار احظروها
هيه بت اصل والناس يدروها
تطي مراد هيه بس اندبوها
اريد اليوم تكرمني من ايدها

✍️ #ام احمد الحلاويه
➖〰️➖〰️➖〰️➖
زينب هاي اخت عباس معروفه
لجلها ابو الفضل ضحالها اجفوفه
تسوه يالولي ادموعك المذروفه
اليوم اتريد ابن امها يجي ليها

✍️ #ام سجاد البصرة
➖〰️➖〰️➖〰️➖〰️
اخذ اجنازة الحره ومش بيهه
ويم داحي الباب ياجناز خليهه
هاي ام الخدر وعزيزه تدريهه
يصلي عيها ابوها لاتواريها

✍️ #ام زينب الأسدي
➖〰️➖〰️➖〰️➖
ييشيال النعش ريض باخت عباس
هذي بيت علي للشرف حد مقياس
خل يحضر ابوهه حيدر الفراس
وبديرة غرب اتموت تاليها

✍️ #ام مصطفئ ناصريه
〰️➖〰️➖〰️➖〰️
🏴🏴🏴🏴🏴🏴😭
ـتـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 15/رجب/ 142🌙
لانجيز حذف الاسماء
🙏🏻🙏🏻نسالكم الدعاء🙏🏻
https://www.tg-me.com/OmFadil

(آهات زينبيه)
وزن الميمر
مستفعلن مستفعلن مستفعل
٪٪٪٪٪٪٪٪٪٪٪٪٪٪٪٪٪٪٪
اویلاه.... یزینب المظلومه
اويلاه ...ضلت تون مالومه
•❥❥───✾💠✾───❥❥•
چاوین عباس و علی والیها
زینب تون و اتریده اليحامیها
وکت المنيه مااجوا تاليها
اويلاه .... من شوفته محرومه

✍️ #علويه ام فاضل
•❥❥───✾💠✾───❥❥•
بالغربه زينب محد الوياها
يبچي ويون ابحسرته الفرگاها
بت الزچـيه والدهر اذاها
جتهه المنيه شالت المهظومه

✍️ #علویه ام مصطفی الموسویه
•❥❥───✾💠✾───❥❥•
رادت اِخوها الیوم حاضر ضنها
هوا اِلیغسلهه وهِو اِلیدفنها
وین الکفیل اِلیوم غایب عنها
ابکربله نایم یسبع الحومه

✍️ #یسرا الموسوی
•❥❥───✾💠✾───❥❥•
تدري الاخو ابدا فلا يتجازه
هيبه وكفو ويشيلها الجنازه
خل يحضر اخته اليوم هيه بعازه
سلت لمَن ماتت وهي مهمومه....

☘️✍️ام فراس الساعدي ☘️
•❥❥───✾💠✾───❥❥•
مشتاكه زينب للاخو واحساسه
تذكر وضاك الهوه بانفاسه
ويشيل نعشي وارسي يشتم راسه
اويلاه ....... لا فاتحه لا عزه المهضومه

✍ #العلويه ام محمد الخطيب الموسوي
•❥❥───✾💠✾───❥❥•
مهضومه زينب تبجي الوالي
حسره بكلبهه وشيبت بتالي
ضلت تعالج والدموع اتلالي
تنادي احا يالمالومه

✍️ #ام محمد الحسناوي
•❥❥───✾💠✾───❥❥•
ياروح زينب والمحنه البيهه
محله النواعي لوجبت طاريهه
حملت مصايب كربله ومابيهه
أويلاه... واعباره مسجومه

✍ #وعد الڪفيل
•❥❥───✾💠✾───❥❥•
تمت القصيده باقلام شاعرات رابطة "الطفوف"
https://www.tg-me.com/OmFadil

#نعي للسيدة زينب ع

خال الولد للموت ردته
للضيج والعازه ضخرته
وين اليگوم اليوم لخته
┈┉━━ •• •• ━━┉┈
كون الولي ويه الجنازه
يا عازت الوليان عازه
ون الكلب ليه وتـوازه

✍️ # علويه ام فاضل
┈┉━━ •• •• ━━┉┈
چا وينهم يعزاز گلبی
من البچی ما شوف دربی
لدروبهم و العین تربی

شیعود اهل گلبی علیه
┈┉━━ •• •• ━━┉┈
حنيت اريدالشوف الحنان
ومفارگتهم صارلي أزمان
لحسین اخوی وگمرعدنان
عله ادروبکم عيني ربیه

✍️ #یسرا الموسوی
┈┉━━ •• •• ━━┉┈
ودّيت خطّ وبي وصيه
وكتب وخص لابن الزجيه
ابعازته يلحك عليه
┈┉━━ •• •• ━━┉┈
ولا واحد المنهم اجاني
زاد الهضم والهم علاني
اعتب عليهم لو زماني

✍️ #ام زهراء الفاطميه
┈┉━━ •• •• ━━┉┈
عيني ابدمع تتصبه عالباب
تنحب تون تريد الاحباب
جرح النودهم يدي ماطاب
┈┉━━ •• •• ━━┉┈
يوم العفـتهم حيلي مهدود
وذكر مصاب الضال ممدود
وراسه الكفيل وذيج الاورود

زهراء ام حسين الزيداويه
┈┉━━ •• •• ━━┉┈
بس الجسد والحيل مهدوم
مابيه اشيلن حتى الهدوم
لخواني اون والكلب مالوم
┈┉━━ •• •• ━━┉┈
حكه الكلب فاكد احبابه
ينزف دمه وخزن صوابه
يعتب ولاينفع عتابه

✍️ #ام عباس السكيني
┈┉━━ •• •• ━━┉┈
تمت القصيده باقلام شاعرات رابطة "الطفوف"
https://www.tg-me.com/OmFadil

#قصيده استشهاد مولاتي زينب (س)

خلصت روحي ابحزن
وعني ابعاد اخوتي
وابجي وعيوني انعمن
ودنت ساعة موتتي
➖➖➖➖➖➖
راحت ايامي وحلم عندي انعدم
ومن اذكر امصاب الاهل زاد الالم
تهيم روحي من اذكر الطف والخيم

ضايگ بصدري الهوه
ما ينفع الروحي دوه

دنت ساعات الوداع
ونار نزلت دمعتي

خلصت روحي ابحزن
وعني ابعاد اخوتي

✍️ #علويه ام فاضل
➖➖➖➖➖➖
خلصت ايامي بحزن كلهه وسبي
وينه حسين الولي ووينه عباس الأبي
روحي محتامه وحق جدي النبي

صحت بويه ياعلي
راح من عندي الولي

خلصت ايامي بمحن
شوفو بويه حالتي

خلصت روحي ابحزن
وعني ابعاد اخوتي

✍️ #العلويه ام زين العابدين
➖➖➖➖➖➖
حان موتي ودنت ساعات الاجل
وانه وحدي بدار غربه ابلا أهل
ماظن يجوني ايست ماظل أمل

عمري خلصته ابالم
بحالي ماواحد علم

لا اخو لا اخت يمي
ودمعي صاير سلوتي

خلصت روحي ابحزن
وعني ابعاد اخوتي

✍️ #ام زهراء الزيداويه البصراويه
➖➖➖➖➖➖
لااخو يمي ويلفي ليه ابهالمسيه
يغمض اعيوني و يجي ينحب عليه
انه زينب والدهر مارحم بيه

اليله انه بلا كفيل
والدمع مني يسيل

مرت اعليه مصايب
والله بجت ناگتي

خلصت روحي ابحزن
وعني ابعاد اخوتي

✍️ #ام حسين الحلفي
➖➖➖➖➖➖
خلصت روحي ابحزن وانه انتظر
وخلص بس حسرات واهات العمر
ردت. اخوتي ايشيعوني. للگبر

ردت خواني يجون
نعشي كون يشيعون

حيل ياخواني كلفه
الغربه تحمل جثتي

خلصت روحي ابحزن
وعني ابعاد اخوتي

✍🏻ام زهراء الزيداويه البصراويه
➖➖➖➖➖➖➖➖
تمت باقلام خادمات اهل البيت ع في رابطة دموع الاقلام
🤲🏻 نسألكم الدعاء 🤲🏻

https://www.tg-me.com/OmFadil

لطمیه للعلیله ع
((الوزن مجرشه))
ـــــــــــــــ😭ــــــــــــــ
عفتونی اهــلن بالدمع
امصابي ابد ما ینجرع

لیش بحـزن عفتونی
چــاویـنـکم یعــیوني
➖➖➖😭➖➖➖
نحلان جسمی بس عظم.و بعیده عني اخوانی

عافوني اهلي وغربو واکثرت بیه احزانی

اتمنیت تحضرنی حین الاجل لو جاني

حان الدفن لحگونی
چاوینکــم یعـیـونی

✍️ #علویه ام فاضل
➖➖➖😭➖➖➖
چنه الاجل مني گرب ظلت عیوني اربیه

لا طارش المنهم رجع لا خبر ودو لیه

ما گال ابوي ابمنزلي ظلت تنوح ابنیه

یمته هلي ايذکروني
چــا وینـکم یعـیوني

✍️ #العلویه ام ضیغم المحنا
➖➖➖😭➖➖➖
لآ خبر من عدکم اجه لآ اجه عمی العباس

ليلي اخلصنه بچی تِشهدلی یا بویه الناس

المرض نَحَلی الجسم ولاشد یا وجع الراس

اتغیرعلیکم لونی
چاوینکم یعیونی

✍️ #یسرا الموسوی
➖➖➖😭➖➖➖
يابويه ما كلت البنت ظلت تناطر الاحباب

بس دمع يهمل يالابو من بعد طول الغياب

ليلي اكضيه بحزن بلكت تدكون الباب

يهلي تغير لوني
جاوينكم يعيوني

✍️ #ام حيدر العباديه عماره
➖➖➖😭➖➖➖
جاوينكم يهل الرحم
ماشفتوا بيه اشسادي

والمرض هدني والقهر
وفراكم مرداني

ياحسين بويه ماكلت ضلت بنيتي تاني

خابت یبویه اظنوني
جــــاوينكم يعــيوني

✍️ #ام احمد الحلاويه
➖➖➖😭➖➖➖
مرسال اريدن ياهلي بلكت يهود وني
طولتو حيل ابهالسفر شنهو المنعكم عني
صبح اومسه اعيوني تهل خاوه الدمع ياجفني

لامااظن تنسوني
چاوينكم يعيوني

✍️ #ام محمد تقي الموسوي
➖➖➖😭➖➖➖
تـــمـ بعون الله تعالى ـــت
بقلم شاعرات اهل البیت ع
في رابطة دموع العقیله ع
لانجيز حذف الاسماء✋
🙏🏻نسالكم الدعاء🙏🏻
https://www.tg-me.com/OmFadil

قصيدةوزن( الهجري )
لطميه للسيده زينب عليها السلام
====================
يالوعتي     ومصيبتي
خلوني وحدي   بمحنتي
يالوعتي... يالوعتي

❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
راحوا وخلوني وحدي بين نيران     وخيم
وهسه جاني الموت ليه ماحظر راعي العلم
ليش كلي ما اجيتوا حته لو لحظه    بحلم
للنعش شياله رادوا وسفه مابيها  زلم
ياغربتي .. بليه اخوتي
خلوني وحدي بمحنتي

يالوعتي ..... يالوعتي

✍...العلويه ام محمد الخطيب الموسوي
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
وسفه مايمي الاحبهم ولا اخو ايهيل التراب
وين عباس الكفلني  يبچي ويشد النگاب
وحيده وبدارالغرايب يحضر يشوف المصاب
يخبرالزهره الزاجيه ويبعث الحيدر عتاب
   يمصيبتي. وياهظمتي
خلوني وحدي بمحنتي

يالوعتي.... يالوعتي

✍🏻...العلويه ام مصطفى الموسوي
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
بدار غربه  لوحدي والله خويه والموقف صعب
الاخت تنظر لخوها عافها بنص الدرب
الاثر ضل اعله متني اه من كثر الضرب
كون بس واحد يجيني حرمه مابين الغرب

يادمعتي .... ياسلوتي
خلوني وحدي بغربتي

يالوعتي..... يالوعتي

✍️ #علويه ام فاضل
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
يازماني شگد اعاني حتى موتي بيه حزن
جنازتي محد حظرهه ولامراسيم الدفن
مگدره اولام اعلى طولي ادموعي صارنلي چفن
وياحسرتي البيه تسعر ماتخمدهه المزن
ياهظمتي.. بليه اخوتي
عافوني تجري دمعتي

يالوعتي...... يالوعتي

✍وعد الڪفيل
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥
گِلت اِنته اِتشیل نعشی عل چتف یا کافلی
وتحضر ابساعت مماتی عيني اِتغمضها الی
حسین اخیی ردته یَمی  بیه اشم ریحت هلی
وین داحی الباب عنی خل یجی ویحضر علي

یا ونتی ...یادمعتی
خلونی وحدی بغربتی

یالوعتی .....یا لوعتی
✍🏻... یسرا الموسوی
❥ــ˖𝆺˖ــــ˖𝆺˖ــ❁💠❁ــ˖𝆺˖ــــ˖𝆺˖ــ❥

تم بعون الله
تمت القصيده باقلام شاعرات رابطة "الطفوف"
https://www.tg-me.com/OmFadil

(الموشح)

••اليــوم زينب مــاتت باأحزانها••
••تريـــد عبــاس الكفــل دفـانها••
----------------------------------
اليوم زينب بلغرب محزونه
وين عنها الكافل ايخبرونه
وعالنعش من دم تصب أعيونه
تريد أبو فاضل يلف أچفانها

✍ #علويه ام فاضل
----------------------------------
تريد أبو فاضل يجيها بالعجل
مــا بقت أيام  ويحين  الأجــل
اليوم زينب مابقى عدها أمل
ريت گبل الدفن تلفي أخوانها

✍#ام زهراء الزيداويه البصراويه
----------------------------------
خل يجيهه حسين وياه الكفيل
يجفنون أم عون والدمعة تسيل
ويدفنوها بنوح وبعبــرة وعــويل
البجه من غربتها حتى آمجانــها

✍#آلّشآعرهً آلــــّعــلّويِـــه آلّمٌوسويِــــۿ
----------------------------------
بدار غربه اليوم زينب بت علي
تلفتت وتصيح وين أمي وهلي
وين أبو جاسم يجي وياه كافلي
هـاي زينب منعرف عنـــــونها

✍ #رماد الخيام
----------------------------------
تريد اهلهه ام الخدر يلفونهه
.وبعراضه زينب  يشيعونهه
موش غربه هم ليزتونهه
لن عظيمة وربنا رافع شانها

✍ #ام مهدي الفرطوسيه
------------------------------
وينهم اهل الشيم والمرجله
يدفنون الحره بت سيد المله
لا اهل عدها باامرها اموجله
عاشت وماتت ابعيده اوطانها

✍ام سيد يعقوب من الكويت
-----------------------------
🤲 نسألكم الدعاء 🤲

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
https://www.tg-me.com/OmFadil

#قصیده ثگیله مولاتی زینب س


والله دنیا ..  بیهه اهموم وقهر
والله دنيا .. راحه ماكو يالعمر
     
والله دنیا .. والله دنيا
****
کافی یادنیا بعد منی اشتردین
وانطفت منی انا شمعات السنین
بعد مارید العمر يخلص بلونین

عمری خلصته بحزن 
دوم عالغالي اون

والله دنیا .. والله دنیا
****
من الزغر ماشفت راحه بس الاذیه
کله بس دمع وحزن وشصار بیه
تالی ابقی ابغربتي  بديره اجنبیه

بكثر ما شفت العذاب 
راسي من عندي انه شاب

والله دنيا … والله دنيا
****
اه یادنیا شفت بیج المصايب
شفت عالغبر انه كل الحبايب
شفت ابن امي وكع ابن الاطايب

شفت ابن امي ونحت
بويه يا حيدر صحت

والله دنيا … والله دنيا
****
کافی یادنیا بعد وشباقي بيه
اني ودعت ابحزن ابن الزجيه
وسفه هاي الناس تتفرج عليه

وين شيال العلم
كلبي ناداك ابالم

والله دنیا…  والله دنيا
****
من بعد عباس صرت ادخل دواوين
عالرمح لن انظره راسك يالحسين
عون ما عندي فقط بس النساوين

راس اخوتي عالرمح
خله بكليبي جرح

والله دنیا..  والله دنیا
****
متت وحدی بلوعتی مایمی الاحباب
بعیده کل اخوتی وي داحی الباب
ریت یحضر والدی و یهل التراب

گمت انازع بلاجل
لیه ما واحد وصل
والله دنیا والله دنیا
****

بقلم خادمة اهل البيت

✍ #علویه ام فاضل

❌غیرمبری الذمه الیحذف او یغیر الاسم ❌

https://www.tg-me.com/OmFadil

نعي وفات مولاتي زينب عليه
السلام
-----------
(نصاري مفتوح)
------------------
موتي يروحي وشبعي اونين
ماتو هلج كولي اشتتانين
بضعونهم لازم تلحكين
------------------
موتي يروحي و اتبعيهم
وعزازگلبي لا ترتجيهم
نامو بلگبر خربت معانيهم
------------------
روحي تون اتريد الاحباب
و مناطره و تربي عالباب
تريد الاخو اليهيل الاتراب

✍ #الشاعره علويه
ام فاضل
------------------
وتـريد الاخو  هاللـيله جناز
تدرون الجنازه لوالـي تعـتاز
الليله من لبواجي الدمع ماجاز
------------------
حنيت  لهلي وصبن العينين
مشتاگه لهلي وعباس وحسين
بديار الغرب عني بعيدين
------------------
بعيـدين الاهل لا مايجـوني
موش انه بنتهم شو نسوني
وبديـرة شماته وضيعونــي

✍️ #الشاعره العلويه
ام مصطفى الموسوي
------------------

تمت بعون الله تعالى

بـ✍ــاقـ✍ــلام خـادمـات أهل البيت ع

https://www.tg-me.com/OmFadil