#قصيده لفراك مولاتي الزهراء (ع)

تون ام الحسن ونه خفیه
یيمه اصواب ظلعج کون بیه
...........................
تون ام الحسن ما نامت الیل
انه وي ونينج دمعي یسیل
انوح وانتحب ورایح الحیل
اصيح بصوت یمه يالزجیه
..........................
تون الیل کله تصیح ظلعي
وانه وي إلامها يسيل دمعي
بگد اصوابها ايزيد وجعي
وحتاريت بس اصفج بدیه
..........................
تلوج أمن الظلع امي اگبالي
من ننظر حاله شيصير حالي
بس دمعاتي بعيني تلالي
اويلي عليج يمه شلون بيه
..........................
منين ادواج اجيبنه و تطيبين
احس گلبي يتگطع من تونين
يبجي عليج يمه الحسن وحسين
حزينه عليج روحي وباذيه
..........................
من گثر الونين اوياج اون حيل
انشفها دمعتي وترجع اتسيل
من اصواب ظلعج بايد الحيل
زغيره والوكت مارحم بيه
..........................

تمت بعون الله

✍#علویه ام فاضل

❌غیر مبری الذمه یحذف او یغیر الاسم ❌

https://www.tg-me.com/OmFadil

#قصیده الی الزهرا علیه السلام

نایمه ها یزهره مو وکتها نومتچ
نار تجويني ييمه من اشوفن حجرتج
یمه گعدی،،، انا ابنيج حسين
یمه گعدی،،، عني لا ترحوحین
یمه یمه یمه یمه
°°°°°°°°°°°°°°°°°°°°°°°°°°°°
یمه رجعی وردی لية بسلامه
لأن بسمار النبت خله علامه
یمه راح انضل تره بعدچ ایتامه
ما رحم بینه الزمن صوب سهامه

یمه بعدچ ،، دمعه بعیونی بقت
یمه بعدچ ،، بهل زمان تعذبت
یمه یمه یمه یمه

✍#علویـه ام فاضـل
°°°°°°°°°°°°°°°°°°°°°°°°°°°°
يمه فتحي العين یمه بس حاجيني
فدوه الج ياروحي یمه وكل اسنيني
يمه محمل فركتج یمه نار تجويني
لاتعوفيني ييمه هالبعد ياذيني

فدوه ردي ،،،والكلب مني انفطر
فدوه ردي ،،،،عيني رافگها السهر
یمه یمه یمه یمه

✍️ #ام محمد تقي الموسوي
°°°°°°°°°°°°°°°°°°°°°°°°°°°°
یمه گعدی خاف اموت ابدونچ
یمه لیش یازهره امزورگه عیونچ
اجیت اسأل هاییمه فاطمه اشلونچ
مااشوف الراحه بعدچ اذا ماشوفچ

بعد عینچ. گلبی یمه منهظم
بعد عینچ. یمه احس مألم
یمه یمه یمه یمه

✍️#المله شیماء الخنفری
°°°°°°°°°°°°°°°°°°°°°°°°°°°°
یمه اصيح بصوت يمه لا تعوفني
لا تروحين ها يازهره لا تخليني
شلتي ياام الحسن وسفه عفتینی
وشلون ترحين ييمه اناويتمنيني

وينج ييمه،،،صحت ردی علیه
وینچ ییمه ،،، حيل ماضل بيه
یمه یمه یمه یمه

✍️ #حـوراء الـكـنانـي
°°°°°°°°°°°°°°°°°°°°°°°°°°°°
يمة يا ام حسن يمي اليوم ردتج
اباوع كل مكان يمه واذكر كعدتج
بقى تنعى وتبچی یایمه بعدج بتج
مهضومين نعيش احنه تدرين بعدج

ردي لية ،، يمة بعدج حايرة
ردي لية ،، خلصت صبري ترة
یمه یمه یمه یمه

✍️ #زينب المحمداوية
°°°°°°°°°°°°°°°°°°°°°°°°°°°°
اخذيني مااحمل الفركه يالحنينه
يمه اخلافچ ایتام احنه ضلینه
ندور عالحنينه احنه و مالگینه
وینچ یالزچیه یمه شگد بچینه

وينج ييمه.....صحت هایازهره
وينج ييمه.....وانا اهل العبره

✍️ #خادمت الحسين حنين
°°°°°°°°°°°°°°°°°°°°°°°°°°°°
بصوتي صيحن يمه ودموعي تهل
سيفه ويلي البين بضلوعي يسل
سطر خدچ يمه ياوسفه النذل
اخلاف عينج يمه ظل خالي النزل

ابصوتي اصيحن ،،يمه والدمعة تصب
ابصوتي اصيحن،، بعد مايهدى الگلب

✍️ #ام حيدر الزينبية
°°°°°°°°°°°°°°°°°°°°°°°°°°°°

تمت بعون الله

#💢القصـیـده مشـــ🤝ـتــرکـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌


https://www.tg-me.com/OmFadil

#قصیده الزهرا (س)

نامي نوم العافية      روحي يمج غافية
صفنت اليل             تاخذ الحيل
            نامي نوم العافية
################
يمه ليل اضلم تنام ابوسطه الاعيون
اولادج ابكسر الضلع ضلو يونون
يمه  بس ابحضنج اتعودوا ينامون

انادي الويل            تاخذ الحيل
              نامی نوم العافیه
###############
يمه ادري ابروحتج ضلمه دنيتي
يمه بعدج صاحبتني بس دمعتي
اليله اخلصه ذكريات اويه غربتي
وشاركتني بالحزن يا يمه ونتي

  دمع ايسيل        تاخذ الحيل
              نامی نوم العافیه
###############
اعتب انه اعليج يمه بالزغير عفتيني
وانه خمس اسنين عمري وليش يتمتيني
والله من بعدج ييمه تصعب اني سنيني
ودمعتي ما فاركتني وشاركتني ابعيني

  ظعن لا تشيل       تاخذ الحيل
              نامی نوم العافیه
##############
خل اسولفلج ييمه عن علي وهالصوره
عفتي حيدر وحده يمه او حالته مكسوره
البيت اضلم صار يمه وانطفه كل نوره
واني اعذرج يالزجيه وانتي هم معذوره

من يجي اليل        تاخذ الحيل
                نامي نوم العافيه
##############
السطر امي وعصرها سوه دورين
كسر ضلعج واني افتر بالدوواوين
وباجر اطفالج ييمه بالهموم محيرين
ويمه ببعدج اه يزهره انشب البين

والمداليل          تاخذ الحيل
         نامي نوم العافيه
#################

تـ✍️ـمـ✍️ــت بعــون اللــہ

✍ #عـلــویــه_ام_فــاضل

❌غیرمبری الذمه الیحذف او یغیراسم الشاعره❌

https://www.tg-me.com/OmFadil

#قصيده الاستشهاد الزهراء عليه السلام

عمت عین المنیه    یالماخذه الزچیه
خلت بيه ونات
         بگلبی باقی حسرات
        وماردت علیه
🟰🟰🟰🟰🟰🟰🟰
خلت بيه حسرات نهاري بس انوحن
عني شالت ابليل وجروحي يروفن
سهرانه اليالي بعدج وين اروحن

خانتني اليالي
      صعب يايمه حالي
اون ونه خفيه
🟰🟰🟰🟰🟰🟰🟰
يبجي الحسن وحسين مانام اليالي
يمه رتج اوياي شفتي شلون حالي
ريت انه الميته ولا شفتج اكبالي

تلوج ابهلمسیه
        يمن سوده عليه
صعبه يالزجيه
🟰🟰🟰🟰🟰🟰🟰
ثكلت بيه الهموم بیه الگلب مكسور
ترضين ابقي وحدي چا نمتي بلكبور؟
عليج احزن ليالي حقج یلی مهدور

اظل اصفج بليدين
      يمي الحسن وحسين
او انه اشبيديه
🟰🟰🟰🟰🟰🟰🟰
من بعدج ييمه . يتيمه صار اسمي
عليج آنه انوحن ثكل والله همي
من اتضيج الدنيّه ما الكاج يمي

نمتي ليش بالتراب
      عليج الكلب عطاب
رحتي من اديه
🟰🟰🟰🟰🟰🟰🟰
الزمن غدار  و  خلانی ابیاحاله
دم الدمع منثور وادموعي هماله
عليج الكلب متكطعه اوصاله

خانتني اليالي
       عليج انشده بالي
يالكلج حنيه
🟰🟰🟰🟰🟰🟰🟰

تـــــمـت والحمـــــدللـــه

✍#علویه ام فاضل

❌غیرمبری الذمه الیحذف الاسم او یغیره❌

https://www.tg-me.com/OmFadil

قصيدة عن استشهاد الزهراء عليها السلام


ابهيده بهيده من اتهيل التراب
مكسرو الضلع من عصرت الباب
لاتلجم ضلعها
وتهيج وجعها
ابهيده ابهيده من اتهيل التراب
=================
مكسورة ضلع لا تلجم الزهره
ازغيرة امي تراها وگلبي شيصبره
راحت بالغصب وعيونها حمره

مالحگنه الوداع
شالت عنه ابساع
وعافتنه وحدنه اغله. الاحباب
ابهيده ابهيده من اتهيل التراب
=================
بهيده ارجوك لا تلجم ضلعها
وره هلباب هلظالم عصرها
يادفان لا. تلجم. صدرها

جرحها لاتلجمه
ترف خايف تالمه
جرحها امي ترف تدريه ماطاب
ابهيده ابهيده من اتهيل التراب
=================
وسع اوياك گبر امي. الزجيه
ولاتلجم ضلعها ابهل. مسيه
الحنينه من العده شبعت اذيه

هاي أمنه الحبيبه
شافت جم مصيبه
من كثر. الحزن. دلالها. ذاب
ابهيده ابهيده من اتهيل التراب
=================
من كثر الحزن ذايب. گلبها
وبجفه الرجس عالخد ضربها
بنت المصطفى بس مارحمها

بگلبها شبو النار
بِضلعها نبت بسمار
كسروه الضلع والمحسن انصاب
ابهيده ابهيده من اتهيل التراب
=================
كسروه الضلع. منها اولوها
وغصبو حقها منها بعد ابوها
عگب عينه نبينه عذبوها

مهمومه الزجيه
شالت هلمسيه
ودمعها من الألم عالوجنه سجاب
ابهيده ابهيده من اتهيل التراب
=================
شالت امي عنه ابگلب حزنان
ووسط اضلوعها تلتهب نيران
ابهيدة من. تنزلها يدفان

الضلع تدريه مكسور
ونار احزانها اتفور
وبعد هاي المسيه ايطول الغياب
ابهيده ابهيده من اتهيل التراب
=================
تــمت بعــون اللــہ

✍ #علویه_ ام فاضل_
✍️ # ام زهراءالزيداويه البصراويه

💢القصـیـده مشـــ🤝ـتــرڪـه مع الــشــاعــ🤝ـرات💢

#غیرمبری الـذمـه الیـحـذف الاسـم الشـاعرات❌❌

https://www.tg-me.com/OmFadil

#استشهاد الزهرا(ع)

ثگیل ویتعب الحیل یافراگ الزچیه
هاے امے الحنینه بعدها شلون بیه
راحت من أدیه
وآنه اشلون بيه
¶¶¶¶¶¶¶¶¶¶¶¶¶¶¶
ثگیل وصعب یا ناس عمره الیفارگ
گلبه منکسر دوم ودمع العین حارگ
میته ریت ویاچ وجهچ مانفارگ

یا عظم الرزیه
وانه شلون بیه
¶¶¶¶¶¶¶¶¶¶¶¶¶¶¶
صعبه شمعة البیت بظلام الیل تطفه
ومن بعدچ یزهره دمعتے بعینے تغفه
وین الگه حنانچ وتظل ابروحي لهفه

شافت. الأذیه
وأنه شلون بیه
¶¶¶¶¶¶¶¶¶¶¶¶¶¶¶
تون تالے الیل مالومه ام الحسین
تبچے بخافے الصوت نسمع حس الونین
ومن کسرو ظلعهه وسطروها علعین

اه یمے الزچیه
وانه شلون بیه
¶¶¶¶¶¶¶¶¶¶¶¶¶¶¶
خمس اسنین عمرے صعبه تیتمینی
مابیه علے الظیم یا زهرة سنینی
وامعلمه انه اعلیچ یمه انتے تدرینی

موجوعه خطیه
وانه شلون بیه
¶¶¶¶¶¶¶¶¶¶¶¶¶¶¶
حادیهه سره ابلیل وراحت ماتجینه
خذت ویاها کل حیل بعدها شگدبچینه
اخلافچ یلحنینه یمه تلوعینه

اصیحن ردے لیه
وانه شلون بیه
¶¶¶¶¶¶¶¶¶¶¶¶¶¶¶

تـ✍️ـمـ✍️ــت

✍ #علویه_ ام فاضل_

❌غیرمبرے الذمه الیحذف الاسم او یغیره❌

https://www.tg-me.com/OmFadil

مولاتنا زينب عليها السلام وحالها بعد مرور اسبوع لرحيل امها سلام الله عليها

دارمي

🏴

يايمه صار اسبوع وعيوني للباب
اتصوّر اتعودين لينه امن الغياب
--------------------------

مرن سبع تيام والليله جمعه
صوتچ بكل مچان بالبيت اسمعه
ثوبچ يبعد الروح ليليه اطلعه 
واشتم ينور العين عطرچ بلثياب

✍#ام_محمد_الحجاج
✦════◐•⊰•❉•⊱•◑════✦

يمه ينـورالعــين يام المــــحنه
مظلم ییمه الدار  من غبتي عنه
من رحتي بالـدلال  خليـتي ونـه
بعدچ يبعد الروح گلبي احس ذاب

✍#ام_عباس_الحسیني
✦════◐•⊰•❉•⊱•◑════✦

أتخايلچ بالبيت ودموعي تجري
أفديهه ألچ هالروح يابعد عمري
خان الوكت وياي كاسرلي ظهري
حبيبة بچفن لفوج غطاچ التراب

✍#آلّشآعرهً آلــــّعــلّويِـــه آلّمٌوسويِــــۿ
✦════◐•⊰•❉•⊱•◑════✦

يايمه صار اسبوع مشتاگه عيني
كل مايمر اغروب يكثر حنيني
مابطّلت بجفاچ نوحي او ونيني
والدمع بالوجنات يايمه سچاب

✍#علويه_ام_فاضل
✦════◐•⊰•❉•⊱•◑════✦

صِحْت ابألم وب اه يا سلوة الروح
ظلمه وخليّه الدار شيداوي الجروح
والتفگد امها انوب بعد إلمن اتروح
عشت بيتم من يوم وجهچ عَلَي غاب

✍#_ام_سيد_يعقوب
✦════◐•⊰•❉•⊱•◑════✦

دارچ ييمة عليچ ظلمة وحزينة
واليفگد امه زغير بس تجري عينه
بعدچ ترى الأيام جارت علينا
وعطرچ يطيبة يفوح وية الهوى الهاب

✍#ام_سيد_علي_الموسوي
✦════◐•⊰•❉•⊱•◑════✦

يايمه صار البيت أظلم علية
بالوجنة هالدمعات كل مغربية
نيراني من فرگاچ ظلت سرية
مني خذاچ الموت ياأغلى الاحباب

✍#ولائـية_وافتـخر (دعاء العامري)
✦════◐•⊰•❉•⊱•◑════✦
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

https://www.tg-me.com/OmFadil

مخاطبین عزیز ☺️کاروان زیارتی کربلا ب مناسبت وفات حضرت فاطمه ی الزهراء ۱۰ نفر کم داریم کسی قصد رفتن داره لطفا پی وی مراجعه کنید🙏✅
0939 911 6170

قصيده للزهراء ع
.......................

واویلاه عل الزهراء

واویلاه عل الزهراء

★★–★★-★★-
من دفع بابي العدو وسبانی

کسر ظلعی ماگمت خلانی

بعتبت الباب النذل عصراني

جرت من ظلعی الدماء

واویلاه عل الزهراء

✍ #علویه ام فاضل
★★–★★-★★-
اه واويلا على مصاب البتول

ليش مكسورة ظلع بنت الرسول

نلطم على الراس مولاتي ونكول

كسر ظلعج شعل نارج كربلاء

واويلاه عل الزهراء

✍ #الحجیه ام علی البصره
★★–★★-★★-
طاحت الزهره وسقط منها الطفل

وزینب علیها مدامعها تهل

وصاحت لفضه الحكيني بعجل

والعرش اهتزعلیها بلسماء

واویلاه عل الزهراء

✍ #علويه ام فاضل
★★–★★-★★-

طاحت على العتبه تصرخ ياعلي

الحكنه ياولي ونعم الولي

انكسر ظلعي وطاح من مدللي

وعلى المحسن دوم اقيمنه العزاء

واويلاه عل الزهراء

✍ #الحجيه ام علي البصره
➖➖➖➖➖
✍ #قصيده مشتركه بين
العلويه ام فاضل والحجيه ام علي البصره
غیرمبری الذمه الیحذف الاسم❌❌

https://www.tg-me.com/OmFadil