"Merey Omonboyeva ishi"dagi jabrlanuvchi firibgar bo‘lib chiqmoqda

Bir muddat avval Navoiyda bir uyni bir nechta fuqaroga sotgani va uylar o‘z vaqtida topshirilmayotganidan norozi fuqarolarni eshitishga borgan jurnalistlarga bosim qilingani haqida xabarlar chiqdi.

Jurnalistlarga bosim qilganlar "BRIGHT INDUSTRY BUILDINGS THE FUTURE" MCHJ vakillari bo‘lgan.

Fuqarolar o‘z intervyularida quruvchi tomonidan aldangani, ularga va’da qilingan uylar o‘z vaqtida topshirilmayotgani, ayrimlari esa bir xonadon boshqa fuqarolarga ham sotilganini bildirishgan.

Sal narsaga xozir-u nozir hokimlik va boshqa mas’ul idoralar negadir bu holatga uzoq vaqtdan buyon ko‘z yumib kelishgan.

Biroq nihoyat fuqarolarning murojaatlariga asosan "BRIGHT INDUSTRY BUILDINGS THE FUTURE" MCHJ mansabdor shaxslariga JKning 168-moddasi 4-qismi a-bandi (firibgarlik) bilan jinoyat ishi qo‘zg‘atilib, tergov tergov harakatlari boshlanibdi.

Ushbu jamiyat mansabdorlari Navoiy shahrida qurilayotgan ko‘p qavatli uydagi 140 ta xonadonni sotish bo‘yicha fuqarolar bilan 374 ta shartnoma tuzib, ushbu xonadonlarning 32 tasini 68 nafar fuqaroga sotib, tushgan pul mablag‘larini o‘z shaxsiy ehtiyojlariga ishlatib, talon-taroj qilishgani keltirilgan.

Ochiq manbalarga ko‘ra, "BRIGHT INDUSTRY BUILDINGS THE FUTURE" MCHJning yagona ta’sischisi Mehroj Samatovich Raxmatov.

Qizig‘i Mehroj Raxmatov Savdo-sanoat palatasining Navoiy viloyati boshqarmasi boshlig‘i Merey Omonboyevaga
doir jinoyat ishida jabrlanuvchi sifatida qayd etilgan.

Jabrlanuvchining o‘zi firibgar bo‘lib chiqayotgani juda qiziq...

👉 @Navoiy