‏عسى الله يلعن الشيطان كان القلب ماقهوّاك
‏ تركت الدله وصبيت لك حملي من كتوفي .

نؤكد البير ينعَاف لاكثرو مشاريبه (:

بركت فوق صدرييَ وحلفت م تقوممّ !

"في راسها ماتحط الا طويل الشبور
‏اللي عليه المدايح تكسب رهانها"

والله ان عندي حسابً موّثق ومعروووف
‏بس بعض احياان ودّي بالاسم المستعاار
‏.
‏المشااعر تنفضح بالعيون وبالحرووف
‏لجل ذالك لازم نحط حدً ... للوقاار !!!

مخبل اللي يحسب أن الهقاوي ماتخيب
‏قد هقينا في الثريا وطاحت في الثرى .

كان يكذب على قلبي وانا داري
‏وعديتها من باب قرب ومحبه

‏كنت ارقع له واحد اعتذاري
‏من موقف خايف انه ما يحبه

‏واليوم لا قدر ولا هو يداري
‏ كنه يكسر في غصون المحبه

‏ما كنت اظن لا طرى لي طواري
‏ ان الليالي تخلف اللي نحبه

تميل الدنيا . . . واثبت ولا اميل
ولو كثرت الطعنات ما باح سدي

ربوني اللي من زحول الرياجيل
متوارثين الطيب من طيب جدي

اعطي القفى لملفقين الاقاويل
هرج القفى مايجيب حتى يؤدي

وماهو غريب ان كثرو فيني القيل
لعيون مثلي تقوم ثـورة تحدي

ابقى انا عللـى هامة سهيل
ولابه كفو بالكون اناديه ندي .

‏علميني يا أتلع الجيد وش حنا عليه
‏المزاهب كمّلت صبر والرحله عمر

‏كان في صدرك من الشوق شيً شب فيه
‏وش يقول اللي ضلوعه من اشواقه جمر

‏من فقد مثلك ما يعتاض في باقي الوجيه
‏لو يمرونه هل الارض من بيض وسمر

‏ما على وجه البسيطه من اشباهك شبيه
‏طينتك من مسكً ابيض ومن تُربة قمر .

صعب انك تنساني وانـا غيداً لعوبب
عندي قللوب الاوادم مثل خاتم يدي

وانت لو انك تبي تسج عني او تتوب
ماعاد فالثنتين حيله ما يمدي تهتدي

لاستمالت يـم قلبك ذعاذيع الهبوبب
بتذكر حسن وجهي على وردٍ نـديي

ثـم ععاد الله يعينك ع قطع الدروبب
لا اشتحن صدرك من الشوق ياوين تغدي

كنت ادري ان نهايتك تفري الزور
‏لـن البدايهَ .. كانت اجمل بدايه

‏لذلك المطلوبّ : راقيَ ، ودكتور
‏يشخصونَ الحال ، بعد النهايه

حدتني مقادير الزمن والحظوظ العور
يقيّمني الي ما معه ربع موهبتي
#شاعر_الرايه

" ما فقدت إلا وليفٍ راح متهاون فراقي كني اللي فاقدٍ في موقفه خيرة ربوعه ".
‏ياكبر الخيبة !

العام كنّه طويق في وسط بالي
‏واليوم ؟ مايسوى غسال الفناجيل

من يحاول يوجعني برمي السهام
‏ما احقق له لو ابطى مطمعه
‏ِ
‏عاقله واوزن كلامي والملام
‏لو دموعي بالمعاتب موجعه
‏ِ
‏هاديه من داخلي مثل السلام
‏وخاطري مثل الفصول الاربعه
‏ِ
‏راضيه ومسامحه لاجيت انام
‏للزعل جلباب ماضي وانزعه
‏ِ
‏ما اضر وما احب الانتقام
‏للدعاء بيبان صدر مشرعه.

بنت تشبّ اللهيب من الرماد
‏ماتهاب انسان نيرانه خمدها

‏ماني بحاجة رخا بحاجة عتاد
‏لسنين الحاضرة واللي بعدها :)