تضيق الصدور وتحشم البنت ضيقتها
لو ان دمعها همّال من قبل عشر سنين

تشاوت شكاويها الكبيره صديقتها
وقالت لعل الي حصل خير، ما تدرين!

نشف حلقها من كثر ما تسد عبرتها
وطغى دمعها وهي تملك اجمل عينين

عثى الحزن في وجه المليحه وشتتها
م يشفع لها عنده على العتق كثر الزين

ماقد شافها تضعف سوا جدار غرفتها
ولها عند خلق الله مهابة و عز ودين

عسى الظروف تزين ونشوف ضحكتها
ويكتب لها ربي جميل العوض، امييين

العشرة لي صابها قل تقدير
‏نكسي لها ثوب الفراق يحشمها

من عالم التلقرام يراودني الرحيل
‏وسمُوم قيضه تكتويني لفحته

‏ماعاد باقي للصبّر غير القليل
‏وأقفل حسابي واغادر قناته :)

يارب وانت العوين وقاضي الحاجه
‏فزعتك تغني عن الناس وعطاياها .

‏"ما يليّق لـ حفيدة لاطمين العدى
‏غير من يجعل عنان السماء عنانها ".

‏" اتعـب على النادر وهمّـل المعتاد ".

كل ماقلت أبي قال " أبشري والرمّش يامر أمر يالول وجداني ويا دّره" -ياقلبه الملييان حنيّه

تفدى سوالفك و مشاهدك و اسماعك
‏قلوب متغلظه . . و وجيه منبوذة

‏ولا انت لا شفت وجهك اذكر اطباعك
‏ملامحك . . من بياض الروح ماخوذة

ضربٍ على المنكب وضربٍ على الراس
‏وعزّي لراسٍ ما تشلّه .. متونه

‏ولا نبي غير السلامه من الناس
‏والناس منا كل شيٍ .. يبونه

‏- راشد بن قطيما

وش فيك ساكت يا حلم سنيني المقبله
‏اذا انت ساكت وانا ساكت وش بنستفيد ؟

‏عندك حكي ودك تقوله .. تفضل قله
‏رسايل الحب .. ما تحتاج ساعي بريد :)

الكريم اللي على حق وحقيقة ما ينافق
‏لن نصيته في لزوم ولن نصيته في ضيافة

‏يتجود فيك ويجاهدك لين انك توافق
‏ويتسلف دين و يرحب على قلّ الكلافة : )

مالفتني غير وجهك . . وانا ياقل التفاتي
‏وجه يجيب المسره عسى الايام تاتي به .

ناس نشرب قربها و لو كان مرّ و ناس حلوها ما يغري فناجيلي

والله ان تجنابَ بعض الناس يحلالي .

"انّ زعل همالها يضحك بردها
‏وان نشدت لروضها تصدح طيوره".

‏أنا قرم لكن من ظروف الدهر ملهود
كما المسجد الأقصى شريفٍ ومحتلي .

لكن يدكتور جعلك ماتهون
‏ابيك بكلمة راس دامك مابديت
‏
اسمع ولا ابغي الي وزانك يسمعون
‏ربي كتب يكشف لك اسراري وجيت
‏
صورة عديل الروح عندك فالعيون
‏واخاف تقطعها بموسك ما وعيت
‏
ولا عليك امر اطوها تحت الجفون
‏وعقبه لو تقطع عيوني ما شكيت

في مجتمع مملُوء شين و قو عين
‏أنبل ردود الفعل إنك تستحي (:

لي صاحبٍ مسرف فيني ولا له ضمان
‏واسلوبه ازريت اعدل فيه وابدله

‏اذا زعل صار مثل النوم عقب رمضان
‏تاخذ أسبوعين وانت تحاول تعدله :)