تشرّبت السكينه لين توّبت الخصام و لين
‏رزقني ربي في بالٍ طويل و قلب متغاضي

جهلك بما تخفيه الايام نعمه
‏يمكن لو انك تعرف الجاي ما عشت .

ولا عاد لي نفسٍ مع الناس منطَربه .

انتغاضا وانتساما فـ الزمان الجايح
‏وانتبسم للظروف القاسيه والحرجه

‏لو يمشينا كلام الجاي ولا الرايح
‏ما تعلينا مقام وما قطعنا فرجه .

‏" انت يابو نيةٍ ماهي سليمه "
‏عن ظنونك دايماً نفسي تساما

‏كان لك نفسٍ عليها قلّ شيمه
‏لا تقارنها مع نفوس النشاما

و الله أني أقاوم شعور أقوى مني .

غنى النفس بشتٍ ما يعلق على معلاق
‏يشيخك لو تمشي على الارض كعابي .

ايه انا اضيق عن صدر الخوي لا يضيق
‏واتولم لشيل المعضله واستره .

يالله بـ حظٍ يجمل و ذكرٍ ما يغيب
‏مانبي إلا الوجه الابيض و ستر العايبه
‏ٰ
‏دلنا حسن النوايا و توفيق النصيب
‏واكفنا من شر بعض الظنون الخايبه .

الكريم اللي من القل يتجمل
‏حاجةٍ عنده ماهو معيي عليها
‏ٰ
‏لو يحده مايحده بيتحمل
‏سود الله وجه من حده عليها (:

يـارب لا تـحرم عيوني من النور
‏اللي يشعشع كل ما يضحك أُبوي 🤍.

أنا لو ما يشفع لي معك حظي المنحوس
‏شفع لي وفايّ وكبر شاني وثقل أسمي .

كثر خوفي لا أنجرف مع طريق المُغريات
‏صرت أكافح بالهقاوي و أكافح باليدين

‏الحظوظ الماش تغتال حتى الامنيات
‏و طيحة الطيب كبيره و ظلم النفس شين

‏و قربك من الله يعلمك وش معنى الثبات
‏و مست الحاجه تعلمك معنى الطيبين. ‏⠀

‏عسى الله يبعدني عن النجس و المبليّ
‏و انا اللي نقى قلبي من إحساس و حموّه. ‏⠀⠀⠀

عارفه ان اسمي كبير و غلطتي محسوبه
‏و عارفه إن عقلي مهوب معلقٍ فـ لساني
‏ㅤ
‏و السخيف من الحكي مالد سمعي صوبه
‏بس لامني زعلت . . انا مانيب : اياني. ‏⠀⠀