أحس اني بديت أتثاقل الخطوة
‏كأن الارض ما تتحمّل اقدامي

‏تسيّرني مقاديري على القسوة
‏مع إني ما قسيت الا على أحلامي

‏مثل ما الموت له سكرة وله سطوة
‏يمر الحزن له سطوة على ايامي

‏من بغانا لاصبح الصبح جينا له
‏لين كبده من مرضها يداويها (:

من دونها قوم سباع مغاوير
‏ومن دونها عود كفى الله شرّه (:

عقليّ اللي سابقٍ عمري بعشرين عام
‏ردني عن طرقة الهون واللي دلها .

قبل أشوف النور بحضورك و أنا مظلم زماني
جابك الله و المكان اليوم في زاهي فصوله

وقفتك هاذي شموخ و فرحتك مسرح غواني
و غرهدة يدك جابت لحظة الصمت الخجوله

ساعة إحساسك خذت قلبي على تَّك الثواني
ما بقى عرق بزفيره ، ما تنفسك بميوله

هذي الليلة أعيش الحب معك بشكل ثاني
كنّ قلبي سامري و النبض من رجفة طبوله

ذابت اللحظة على سحر المحبة بالتفاني
و أقتبس وجه السحاب العشب و أحيّا له ذبوله .

‏احتاج شي مو بس يجبر خاطري يجبرني انا بـ كبري.

اتعزوا باسم اخوي يوم تشهد له فعول
وانا أخت من يرخص لي الغالي ويبيعه

‏على درب شيباني ولاأخلف مباديهُم .

‏وانا من الناس يا سهلي و يا صعبي
‏ بحرٍ تشوفه و لا تقدر على علومه.

‏يا حبيبي وانت عُمر وسعة صدر وهَنا
‏وحبّك اسما من خرافات ربعي ياهلي

‏واحدٍ روحه وروحك على الوِد اخدنا
‏لا تذوّقه العزاير وهو ماهو شلي .

جعل ترويك السحايب ويرضيك الربيع
‏ياديارٍ مبطي البرق فيها ماشعى

‏وتصبح فياضك مثل راعي الصدر الوسيع
‏واحدٍ ماغيّر الوقت ساسه من وعى .

رافعه نفسي عن أطراف الحديث الخالي
‏كيف أنزل مستواي و هامتي مرفوعه ؟

‏⁦ والله⁩ ⁦ إن⁩ ⁦ طيبي⁩ ماهو بالمرتبط بـ أحوالي
‏و ضحكتي بوجيه ربعي ماهي بـ مصنوعه

‏نضحك أحجاج الرفيق و يستغيض التالي
‏ولا درينا عن هوى داره ولا موضوعه

‏محبتي لك عشانك من سلالة قروم
‏ماهو على شان زينك يالقوام الحسين

‏يا بنت عودٍ اليا كبرت كبار العلوم
‏يحلّها ويدحم العالم بجنبن متين

‏يافارعٍ عندك مقامع وملاطم خشوم
‏وعيال عمك من أدنى كلهم حاجرين

‏ كنا سوى و أفترقنا بين ليله ويوم
‏ وشلون مدري لكن ياجعل ربي يعين

"سم على قلبي اللي طاح و أقرى عليه
‏و أن قالها الله عيونك سحرها ينجلي

‏كم مرني من وجيه ، و تعدي وجيه
‏ولا شفت وجهٍ يضاهي وجهك المخملي".

ماينافس وسِاع صدورنا الا مجِالسنا.
لاقلط فيها الاجنِـبي غدا راعي محُـل.

ترا التغابي ينتج من الشر خير
‏و ايجرّد الغلطات من مفعولها

‏مايستلذّ العيش ابو عقلً كبير
‏مصايب العقّال كبر عقولها .

‏ولا عاد ياسعني من أصحابي صدور
‏حتى أهلي . . ملّوا جمود اعتيادي :)

‏أصخيت لك قلبٍ معاييره من النوع الفريد
‏لكن مواري صدتك ياصاحبي قد ريتها

‏حتى لو أن محبتك تجري معي مجرى الوريد
‏كرامتي للي يزل الدرب ماوطيتها .

عن مناكيف الهموم ومراويح الصبر
‏كل يوم أودّع الهم وأجلس وأحتريه
‏ㅤㅤ
‏أثر لي نفسٍ جموحه ولي صدرٍ ضجر
‏وجد حالي وجد من صكت الدنيا عليه
‏ㅤㅤ
‏أتوزع بين الأفكار ويجف الحبر
‏صرت مثل المال لامن تولاه السفيه
‏ㅤㅤ
‏لاعرفت أرضى بواقع ولا أزعل من قدر
‏مشكله لاصدّت النفس عن ماتشتهيه 👩🏻‍🦯