طلاب ولو استحي انشر الحذوفات بس بعد لازم انشرها ، هي هاي حذوفات مديرية المناهج الي مجتمعين عليها صار اسبوع ومستحين منكم يكولون هذا الي نكدر عليه ولا يحرجونا اكثر من اللازم فحذف وحذفنالهم بحدود (9) صفحات ووفينه بوعودنا والباقي عليهم خليهم يشدون حيلهم وكافي دلال وتره مايظل حمل مطروح ، وفصل النسبية يكولون احنه كلش مستحين من انشتاين لذلك ماقبلوا يحذفون من هذا الفصل بس الزخم النسبي وهم على عيونهم لان يكولون زحمة من الرجال باجر عكبة شنو نجاوبه اذا عتب علينه، اما النووية لا اطلاقا ما حذفوا منها اخاف باجر عكبة واحد منكم يريد يصنع قنبلة نووية ويظل محتار من وين يجيب المعلومة وخاصة احنه بعصر السرعة والتكنولوجيا وحرب المعلومات فحذف حرف من النووية اضاعة فرصة لصنع قنبلة لذلك الناس راعوا هذا الامر وفكروا بيكم ، بس انواع الليزرات زين اوجروا بيها وماقصروا وتطبيقات الليزر هم خلوا الكم بس (4) من اصل (11) فلا تصيرون طماعين عاد والشيء المهم وما ردته يفوتني خلصوكم من الدوائر المتكاملة بعد شتريدون اكو مثل هيج دلال ، اني بالنسبة الي ونيابة عنكم اطالب بحذف المحذوفات لئلا تؤثر سلبا على العملية التربوية برمتها ونصنع جيلا متخلفا.