🥰 Барчамизга Рамазон ҳайити муборак бўлсин!

@Musimaatuz

Азиза опа-сингилларимиз, севимли мухлисларимиз!!!

Сизларни Рамазон ҳайити билан табриклаймиз!

Меҳрибон Аллоҳ моҳи Рамазондан покланиб чиқишни насиб қилсин ва хайрли ишларда пешқадам қилсин!

Кейинги йилги Рамазонга тинчлик ва офиятда,  соғ-саломатликда етишни насиб қилсин!

Рамазон ҳайитини барчамизга муборак айласин ва ушбу ойда амалга оширган ибодатларимиз, Қуръон тиловатларимиз ва эҳсон-садақотларимизни Ўзи ҳусни қабул этсин.

Ҳайитингиз муборак бўлсин! 💐

Muslimaat.uz жамоаси

@Muslimaatuz

Ассалому алайкум ва раҳматуллоҳи ва барoкaтуҳ.

Рамазон ҳайити муборак бўлсин💐 якшанба
— 30 март 2025
— 1 шаввол 1446

🤲Аллоҳим, диёримизга, бутун олам мўмин-мусулмонларига Рамазон ҳайитини муборак қилгин. Ушбу ойдан улуғ-улуғ ажру савобларга эга ҳолда, хатою нуқсонлардан покланиб, ҳузурингда даражаларимиз юксалиб чиқмоқни насиб эт, муяссар эт!

@Muslimaatuz

Диёримизга, бутун олам мўмин-мусулмонларига Рамазон ҳайити муборак бўлсин 💐

Бу ойдан улуғ-улуғ ажру савобларга эга ҳолда, хатою нуқсонлардан покланиб, ҳузурингда даражаларимиз юксалиб чиқмоқни насиб этсин 🤲

Рамазон ҳайити муборак бўлсин! 💐

@Muslimaatuz

❔Рамазон ҳайитини дунё халқлари қандай қаршилайди?

Бу сизга ҳам қизиқ бўлса, видеони томоша қилмасдан ўтказиб юборманг!

🌹 Рамазон ҳайити барчамизга муборак бўлсин!

@Muslimaatuz

Шаввол ойидамиз

👉 Пайғамбаримиз соллаллоҳу алайҳи васаллам: «Рамазон ойи рўзасини тутиб, унга қўшимча тарзда шаввол ойида олти кун рўза тутган киши йил бўйи рўзадор бўлган кабидир» (Муслим, Абу Довуд, Термизий ривояти),

Ҳадиси шарифда берилган тавсияга ҳар йили амал қилган одам умр бўйи рўза тутганлик савобига эга бўлади. Рамазон рўзасидан кейин шавволда олти кун рўза тутган кишига бир йил давомида рўза тутганликнинг мукофоти берилиши, қилинган ибодат ва тоатларнинг савоби ўн мисл қилиб белгиланганлиги учундир.

👉 30 кун Рамазон рўзаси 10 ой, яъни, 300 кун ўрнига ўтади. Олти куннинг ўн баробари эса олтмиш кун, яъни, икки ой бўлади. Демак, уларни қўшиб ҳисоблаганда мусулмон киши бутун йилни рўза тутиш билан ўтказган бўлади.

Рамазондан кейин шавволда тутиладиган рўзанинг мисоли фарз намозлар ортидан ўқилган суннат намози кабидир. Ушбу суннатлар фарздаги эҳтимолли камчиликларни бартараф қилиш учун бўлганидек, шаввол рўзаси рамазон рўзасида йўл қўйилган айрим хатоликларнинг ўрнини тўлдириш учундир. Яна бир томони, бу ўз моҳияти билан мусулмон кишининг рўзадан зерикмаганини ҳам ифода этади.

👉 Шаввол ойида 6 кун рўза тутиш мустаҳаб амал бўлиб, Пайғамбаримиз соллаллоҳу алайҳи васаллам ўзлари рўза тутиб, бошқаларга ҳам шуни тавсия қилганлар. Бу рўзани байрамдан кейин пешма-пеш тутишда фазилат бисёр, шу билан бирга, ойнинг бошқа кунларида адо этиш ҳам мумкин. Қазо бўлган рўзаларни мазкур кунларда тутиш билан ҳам айни савобга эришилади.

@Muslimaatuz

Шавволда 6⃣ кун рўза тутсам, Рамазоннинг қазосига ўтадими?

❓ Мен ҳам шаввол ойида олти кун рўза тутмоқчи эдим. Аммо Рамазон ойида ҳам олти кун сабабли тута олмаганман. Энди мен шаввол ойида 6 кун рўза тутсам Рамазоннинг қазосини тутиб берган ҳисобланаманми?

💬 Бисмиллаҳир Роҳманир Роҳим. Шаввол ойидаги олти кунлик рўза қазо рўзалар ўрнига ўтмайди. Шунинг учун зиммасида Рамазон ойи рўзасидан қарзи бор бўлган киши аввало қазо рўзасини тутиши мақсадга мувофиқ. Чунки қазо рўзаларни нафллардан аввал тутилгани афзал саналади. Қазо рўзасини тутаётган киши бомдод намозининг вақти (субҳи содиқ) кирмасидан аввал "Рамазон ойидан тута олмаган қазо рўзани тутиш"ни ният қилиши керак бўлади. Агар ният қилолмай субҳи содиқдан кейин ният қилса, нияти эътиборли бўлмайди.

Шаввол ойидаги олти кунлик рўза нафл ибодат бўлиб, уни шаввол ойи давомида тутса ҳам бўлади. Шунинг учун Сиз аввал қазо рўзаларни мукаммал тутиб олиб, кейин шаввол ойи давомида олти кун рўза тутишингиз мақсадга мувофиқ. Валлоҳу аълам.

Ўзбекистон мусулмонлари идораси
Фатво ҳайъати

@Muslimaatuz