Араваларимиз қийналсада, ҳаёт йўлларида сокин одимламоқдамиз.

@MubashshirAhmad

Тавбани кечиктирган киши дарахтни жойидан суғургани келиб, уни бақувват топган кишига ўхшайди. У бир йилдан кейин келаман, дейди ва шунда келади. Дарахт эса тургани сайин мустаҳкамланиб бораверади. Инсон бўлса умри узайгани сари кучсизланиб бораверади.

Ибн Қудома раҳимаҳуллоҳ

@MubashshirAhmad

Халқ фикрлашга тайёр эмасми?

«Аср шоҳиди» кўрсатуви, 26-қисм

Томоша қилинг 👉 https://youtu.be/ZH4vaCWtHzc

©️Azon Global

Дарҳақиқат.

@MubashshirAhmad

Айтишларича, инсон ҳаётдан кўз юмганда 21 грамм вазнини йўқотар экан. Бизнинг ҳамма қувончу шодлигимиз ва орзу-умидларимиз, бор хотира, фикр ва режаларимиз, биз таниган муҳаббат ва бизни чулғаган чирой, ҳар бир кўз ёш ва ҳар бир табассум сабаби, дўстларимиз, оиламиз, фарзандларимиз ва невараларимизнинг суврату сийрати, буларнинг ҳамма-ҳаммаси ана шу 21 граммда мужассам экан!

@MubashshirAhmad

#ШИА ва #ШИАЛИК

Мустафо Сибоъий айтадилар: "Эллик йиллик тажриба, анжуман, изланиш ва мутолаалардан кейинги хулосам: "Шиалик бошқа диндир!".
Нуқта. Тамом.

✽ ✽ ✽

Мубашшир Аҳмад: «Мен табиатан муросагўй одамман»

Шиаларга муносабатимни олдинги постимда Мустафо Сибоий сўзлари билан изҳор қилдим. Бу муносабатга келгунча..
Мен табиатан муросагўй одамман. Хусусан мусулмонга нисбатан қалбимда заррача ғашлик йўқ. Жумладан шиаларга муносабатда ҳам мусулмон бирлиги мен учун асосий тушунча бўлган. Мисрда ўқиб юрганда Ал-Азҳар ва Эрон мусулмонлари ташкилоти томонидан таъсис этилган, фаолияти сунний-шиа қаршилигини юмшатишга қаратилган "Рисалатут-тақриб" муассасиси фикрлари ва шайх Юсуф Қарзовийнинг ўша пайтда шиаларга нисбатан мўътадил қарашлари менинг фикр ва тушунчаларимга таъсир қилганди. Кейинчалик, 2004 йил шайх Қарзовий бошчиликларида Мусулмон уламоларнинг бутунжаҳон Иттифоқи таъсис этилган ва иттифоқ раиси этиб шайхнинг ўзлари ва ўринбосарлар сифатида суннийлардан кейинги икки катта йўналиш; шиа ва ибозийлар вакиллари сайланди. Уламолар Иттифоқининг шиаларга бағрикенг бундай муносабати адашмасам, ўн учинчи йилларгача давом этди.
Аммо.. Устозимиз шайх Муҳаммад Содиқ Муҳаммад Юсуф ҳазратлари бир суҳбатимизда шиа олимларнинг Уламолар Иттифоқи ишларини саботаж қилаётгани, кейинги пайтларда улардан сайланган раис ўринбосари аллома Муҳаммад Воиззода Хуросоний мажлисларга келмаётгани, шиалар суннийларга адоват-ла муносабатда бўлаётганлари ҳақида гапириб қолдилар. Шу сабаб шайх Юсуф Қарзовийнинг ҳам шиаларга нисбатан муносабатлари ўзгаргани, диёримизда уларнинг таъсири кучайишининг олдини олиш муҳимлигини таъкидлаганларини айтиб бердилар. Икки-уч дўстларимиз ҳам уларнинг хатаридан безовта эканларини айтишди. Менинг эса ҳануз уларнинг мусулмон бирлигига қайтишидан умидим бор эди.
Лекин.. Олам саҳнида охирги икки-уч йил ичида кечаётган жараёнлар шиаларнинг асл башарасини оча бошлади. Уларнинг аввал Ироқда, кейин Яманда ҳокимиятни эгаллашлари, Сурияда шиа-нусайрий ҳукумати ва руслар билан ҳамкорликда Эроннинг суннийларни қирғинбарот қилишдаги иштироки, Ливан Ҳизбуллоҳининг асосий мақсади - Ливан жанубини Исроил агрессиясидан ҳимоялаш қолиб, Сурияда суннийларга қарши урушнинг олд жабҳасида жавлон ураётгани, Эроннинг Африка ва Осиё мусулмон мамлакатларида шиаликни фаол тарғиб эта бошлагани юқорида устозлар айтган гапларнинг нечоғли тўғрилигини кўрсатди.
Рошид халифалар даврида сиёсий келишмовчиликдан бошланган бу адоват шиалар қалбида ҳали-ҳануз ўчмаганини, балки унинг олови бугунимизда баттар алангалангани ва унда сунний мусулмонлар ёнаётганини кўргач, қарашлар, фикр ва муносабатлар батамом ўзгарди!
Сўзим охирида шайх Ибн Таймиянинг "Минҳожус-суннатин набавийя"сидан айрим сатрларни келтириб ўтсам:
* Улар (шиа-рофизийлар) яҳуд, насоро ва мушрикларни, ҳамда нусайрий, исмоилий каби турли даҳрий тоифаларни дўст тутадилар.
* Яҳудийлар билан ҳамкорликлари ўта машҳурдир.
* Аҳли илм нақл, ривоят ва иснод билан иттифоқ қилганки, рофизийлар энг ёлғончи тоифа. Каззобликлари қадимдан. Шу сабаб ислом имомлари уларнинг ёлғончилик билан ажраб туришларини билишган.
* Муҳожир ва ансорлардан иборат аввалгию собиқларга адоват қиладиган ва кофиру мунофиқларни дўст тутадиганлардан ҳам кўра адашганроқ бўлиши мумкинми?..

@MubashshirAhmad

Бундан олдинги шиалик ҳақидаги постимни қайта улашишимга сабаб Жаноб Каминанинг уни эслатгани бўлса, бошқа томондан Эроннинг минтақага таъсири кучайиб бораётгани эди.

Эрон ўзидан бошланиб, Ироқ, Сурия ва Ливанни бирлаштирган "Шиа яримойи" лойиҳасини (харитада бу лойиҳа яримой шаклини олгани учун шундай номланган) муқаффақиятли амалга ошираётган бўлса, шу билан бирга минтақамизга ғоявий ҳужум қилиш режалари ҳақида ишоралар келмоқда. Эроннинг Ислом оламини шиалаштириш сиёсатидан огоҳ қилиш хусусида олдинги постим муҳим аҳамият касб этади. Мақсад бўлинишга тарғиб эмас.

@MubashshirAhmad

#телба_хабарлар

Ўзбекистонда ёшларни миллий мафкура асосида, бой маданий меросимиз, тарихий анъаналаримизга, қадриятларга ҳурмат, ватанга муҳаббат руҳида тарбиялаш, ёт ғоялар ва оммавий маданият таъсиридан сақлаш борасида улкан ишлар қилинмоқда.
Хусусан, 5-8 июнь кунлари Мўйноқда “Офат” (“Стихия”) оммавий электрон мусиқа ва санъати фестивали тантанали ўтказилди. 2018 йилдан бери ўтказилиб келинаётган ушбу фестивал ёшларимиз орасида келган рок, поп ва электрон мусиқаси, рақси ва ўзига хос (очиқ) либослари тарғиботи билан машҳур.
20 июнь куни пойтахтимизда илдизи ҳидуийлик ва буддавийлик ғояларига бориб тақалувчи халқаро йога фестивали кенг нишонланди. Унда Ёшлар сиёсати ва спорт вазири Адҳам Икрамов жонбозлик кўрсатиб, йога амалиётини моҳирона бажарган ҳолда ёшларимизга ўрнак бўлди.
29 июнь куни эса, Тошкентнинг марказидаги Magic-city кўнгилочар боғидаги Регистон ансамбли макети қаршисида Кореянинг К-ПОП оммавий маданияти халқаро фестивали бўлиб ўтди. Ўрта асрларда Самарқанд фанлар академияси сифатида танилган Регистон мажмуасидаги мадраса ва масжидлар макети саҳнасида уюштирилган ушбу фестивалда ёшлар бой маданий меросимиз, тарихий анъаналаримизга, қадриятларимизга ўзига хос ҳурмат кўрсатишди.
Бир тарафдан, Улуғбек ва Шердор мадрасалари ва Тиллакори масжиди пештоқидаги Қуръон ва ҳадислардан олинган, инсонларни илм-фанга чорловчи муқаддас илоҳий битиклар ва улуғ аждодлармизнинг коинотни илм билан забт этганини акс эттирувчи нақшинкор рамзлар, иккинчи тарафдан ёшларнинг карисча севги, муҳаббат ва енгил ҳаёт ҳақидаги кўшиқлари ҳамда оммавий акробатик рақслар миллатимизнинг тарихи ва бугунги кундаги мақсадлари ўртасидаги ажойиб контрастни намойиш этди.
Мамлакатимизда ўтказилаётган йога, к-поп, электрон мусиқа каби оммавий маданият фестиваллари мисолида ёшларни миллий мафкурани асосида, бой маданий меросимиз, тарихий анъаналаримизга, қадриятларга ҳурмат, ватанга муҳаббат руҳида тарбиялаш, ёт ғоялар ва оммавий маданият таъсиридан сақлаш ишлари кенг давом этмоқда.

© Тарих ва сиёсат

@MubashshirAhmad

Премьера.
ДУНЁВИЙЛИК НИҚОБИ ОСТИДАГИ БУЗҒУНЧИЛИК!

ДИҚҚАТ! МИЛЛИЙ ДАВЛАТЧИЛИГИМИЗ ХАВФ ОСТИДА!

@MubashshirAhmad

https://youtu.be/VQtUd2praLQ?si=BKsZ4zma1qwfDNk_

"Чаламулла" деган сўзни тўлиқ мулла айтишга ҳақли. Оми-саводсизлар эмас! Чунки талабанинг даражасини устози билади, боғча ё мактаб боласи эмас.

"Кўрмурид" сўзини эса тарафкаш ва аламзада ишлатади. Чунки у ўзига тарафдор ва таскин истайди. Ўзига буларни топмагач, шу иборани ишлатиб, бировга эргашгандан аламини олади.

@MubashshirAhmad

Ҳазрат Ашраф Али Таҳонавий айтдиларки: "Диний маслаҳатнинг (манфаатнинг) тақозоси шуки, уламолар гарчи бадамал (ёмон амалли) бўлсалар ҳам уларнинг тарафини олиш керак. Зеро, авомнинг (ҳалқнинг) қалбидан уламонинг эътибори йўқолса, дин хотима (якун) топади. Чунки натижада улар уламонинг ҳаммаси ҳақида ёмон гумон қилиб, қулоқ солмайдиган бўлиб қоладилар".

Мажолиси Ҳакимул-Умма.(ЁРКИНЖОН ДОМЛА ФОЗИЛОВ таржимаси).

Айтаман:
Бу тўғрида бошқа гаплар тўхташи керак. Христианликни атеизм айнан дин олимларини ёмонлаш, туҳмат қилиш ва обрўсизлантириш орқали бурчакка тиққан, ҳаётдан мосуво қилган. Тажрибадан ўтган бу услубни исломимиз душманлари мусулмонларни йўлбошчисиз қолдириш мақсадида ҳаётга татбиқ этишмоқда. Огоҳ бўлайлик, душманлар чизиб берган йўлда юриб қолмайлик!

@MubashshirAhmad

Шифокорлар Босния президенти Али Иззатбегович тўшаги қатидан, вафотидан олдин ўз қўли билан ёзган мактубни топиб олишди. Қоғозга бўшноқ тилида қуйидаги мазмунли байт ёзилганди:

"Ўзингга насиҳат.. Агар бошинг осмонларга етган бўлсада, барибир ниҳоянг ўлимдир. Агар шарқу ғарбни кезган бўлсангда, ибтидойинг сокинликдир.

Ҳаётингда кўп меҳмонларга пешвоз чиққан бўлсангда, сен хоҳламаганинг бир меҳмон ҳам қўноғинг бўлур. Ўлимдан кейинги ҳаётингни бошлашингчун, ҳамма нарса тугайди. Бу олам ҳам ўлади.. Шунинг учун тўғри йўлда юр!!".

@MubashshirAhmad

Тошкентнинг Қўйлиқ бозорида зийрак ППХ ходимлари томонидан аёл кишининг кийимини кийиб олган эркак киши ушланди.

Дунёвий қонунчилигимизга кўра аёлларнинг эркаклар кийимини кийиши ва эркакларнинг аёлларнинг кийимини кийиши тақиқланмагани маълум. Аксинча, театр ва кинола эркакларнинг аёллар кийимини кийиши, кўчада эса аёлларнинг эркак кийимини кийиб, ёки деярли кийим киймай юриши бугун табиий ҳолга айланган.

Бироқ, қўштирноқ ичидаги айбдорнинг қайси айби зийрак ходимларнинг эътиборини тортгани ҳозирча бизга қоронғу. Умуман олганда, бугунги кунда жамоат жойларида юзни танимайдиган даражада тўсиб юриш қоидабузарлик деб ҳисобланса, аслида аёлларнинг деярли аксари, таниб бўлмайдиган даражадаги макияж учун, қоидабузар деб топилган бўлиши керак эди. Лекин, зийрак ходимларимиз бу қадар зиёрак эмас ёхуд муаммо юзнинг танилишида ҳам эмас.

Бугун жамиятдаги исломофоблар томонидан ҳижобга қарши ҳаракатлар бошланган даврда, маъсума ўзбек қизларининг либосига беркинган эркак кишининг “топилиши” алоҳида аҳамиятга оид кейс ҳисобланади. Воқеалар ривожи ҳудди ҳужранинг совуқлиги учун Қуръони каримни ўргатишни буткул тақиқлаш йўлидан кетиб, битта лаънати* эркак кишининг ҳижоблангани учун ҳижобни тақиқлаш сценарийси ўйналадими ёки эркакни бу лаънати ишдан қайтариб, аёлларнинг аёллар либосини кийиб юришига қўйиб бериладими, ҳозирча номаълум.

Зийрак ППХ ходимлари, гарчи дунёвий қонунчиликда бирор нарса дейилмаган бўлсада, ушбу ишлари билан охират ўлчовида савоб олганини умид қилишимиз мумкин. Зеро, аёл кишининг либосини кийгани инсон Расулуллоҳ соллаллоҳу алайҳи васалламнинг ҳадисларига биноан лаънати инсон ҳисобланади. Ҳозироқ бу ишни тарк қилмаса охирати ўта аянчли бўлади.
Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам аёлларга ўхшаб либос кийган эркакни ва эркакларга ўхшаб либос кийган аёлни лаънатладилар».

Бизни яратган, Улуғ ҳикмат эгаси бўлган Аллоҳ таоло либос ҳақида: «Эй Набий, жуфтларингга, қизларингга ва мўминларнинг аёлларига айт: жилбобларини ўзларига яқин қилсинлар. Ана ўша уларнинг танилмоқлари ва озорга учрамасликлари учун яқинроқдир. Аллоҳ ўта мағфиратли ва раҳмли зотдир», деган (Аҳзоб, 59).

Маълумки, соғлом эътиқод ва соғлом ақл Аллоҳ таолонинг илми, оқибатни кўра билиши, яхши ва ёмоннинг ажратиши бутун оламдаги олиму, фузалолари, замонавий экспертларининг барчасининг фикрларидан ўлчаб бўлмас даражада устун ва тўғри ҳисобланади.

Юқоридаги оятдан, исломда одат бўлган либослар аёлларнинг озорга учрамаслиги учун хизмат қилади. Яъни, ҳақиқий аёллар либосигина аёлларимизга тўлақонли эмин-эркинликнинг, зулмга учрамасликнинг кафолатини беради.

Умид қиламизки, мутасаддилар “ҳижоб кийиб олган эркак” воқеасидан аёлларимизнинг эмин-эркинлигига қарши сиёсатга, яъни хотин кийимини кийган эркакни топиш учун хотинларни ечинтириш ҳаракатига ўтиб кетмайди. Зеро, зукко ва зийрак посбонларимиз Пайғамбар алайҳиссалом лаънатлаган эркакларни топишнинг эркакча усулини билади ва ана шуни қилади.

© Тарих ва сиёсат

@MubashshirAhmad

#Комментлардан
Энг кизиги аёлларнинг кийимига кизикадиган эркек соколини хам, муйловини хам олмагани 😂😂А бундооо чироооойли булиб ,кейин румол урийдиде жаааа кизикаркан аёллани кийимига😂😂Товба килдим !

© Аёл киши

@MubashshirAhmad

— Ғўза нобуд бўлса, мен жавоб бераман, агроном жавоб беради, — деб бақириб юбордим тўсатдан. — Ширага қарши курашишнинг янги методи бўлади бу. Тушундингми? Замондан орқада қолибсан, каллаварам…

Худойберди Тўхтабоев. “Сариқ девни миниб”.

Ўзбекистон маданий жиҳатдан ислом дунёсининг ажралмас таркибий қисми ҳисобланади. Буюк ўзбек миллатининг қадимги ютуқларининг қарийб барчаси ислом дини билан боғлиқ. Исломсиз ўзбек миллатчилиги йўқ.

Шу сабабдан ҳам, исломнинг бугун глобал миқёсда юз бераётган қайта жонланиши Ўзбекистонда ҳам яққол кузатилмоқда. Мустақилликдан кейинги даврда юртимизда исломий эътиқоднинг тобора мустаҳкамланиб бораётгани, миллий маданиятда исломий расм-русумларнинг ўрни тобора ортиб бораётгани кузатилмоқда.

Шу сабабдан ҳам, жамиятда ислом дини нуфузининг ортишининг оқибатлари, хусусан унинг сиёсий элитанинг яшовчанлигига таъсири ҳақида қайғурмоқдалар. Бир томондан, хорижий сиёсий кучлар, иккинчи томондан ички сиёсий элита, ҳар бири ўз манфаатларидан келиб чиққан ҳолда, ислом динининг ривожланиши, бугунги сиёсий тил билан айтганда “диний фоннинг ортиши” мамлакатимизда сиёсий барқарорликни таъминлаши, ёки аксинча, сиёсий инқирозни келтириб чиқариши эҳтимолини баҳолашга уринмоқдалар.

Батафсил ўқиш: 👉 https://telegra.ph/YAngicha-metod-07-24

@MubashshirAhmad

Сардорнинг айби яхши мусулмон бўлганида.

Тамом.

@MubashshirAhmad

Diktaturial arab davlatlarida "qora burqa bu O‘rta Osiyolik turkiy halqlarining paranji degan milliy kiyimidan kelib chiqqan, bizning yurtlarda to‘ğri kelmaydi" deyishar ekan.😂😂😀

© Begi Turkiston

@MubashshirAhmad