تاوانبارێکیان بردە لای حاکم.
حاکم کوتی:تۆ لەو سێ سزایە یەکیان
هەڵبژێرە،یا مەنێ (سێ‌کیلۆ)پیواز بخۆ
یان ئاقڵ شەڵاق دە خوا یان پووڵ دەدا؟؟!!
پیوازیان بۆ هێنا دوو پیوازی کە خوارد
تاقەتی نەهێنا و کوتی:ئێشی قامچی،لە دەم سووتانەوەی پیواز کەمترە،قامچیم لێ
دەن،ڴهێشتا دە قامچی وێ نەکەوتبوو،بیری
کردەوە،کوتی:ئینسانی ئاقڵ تاکوو پووڵی
بێ،بۆ قامچی بخوا؟؟
سەت سکەی دا و ئازاد بوو...!!!
حاکم کوتی:کار ئاخریت ئەگەر هەوەڵ جار کردبایە پێویست نەبوو هەم قامچی بخۆی
وهەم پیواز و لە ئاخری دا سکەش بدەی...
هێندێ کەس بیری ئەووەڵ دوای زەرەری
زۆر ئاخر دەکەنەوە،

وە ــ نادرمستەفازادە

کاناڵی ژیان جوانە،گەر چاوەکان جوانی ببینن

@Mostafazadeh2

کە بەهار بێ
ماڵەکان پڕ دەبن لە گوڵ
شەقام جمەی دێ لە ماچ و
دەشت و سارا
دەبنە ژوانگە!

کە بەهار بێ
ڕێبوارەکان دەبنە شاعیر
دێ و شارەکان
دەبنە باخچە
فەلا دەبنە گۆرانیبێژ

کە بەهار بێ
کچان تێکڕا دەبنە ئاسک
کوڕان
دەبن بە شالوور و
باخچەکان دەبن بە ژوانگە!

کە بەهار بێ
دیسان لە سەر لێوی کوێستان
دەڕوێتەوە گوڵی شادی
نیشتمانی کەونارای کورد
دەشنێتەوە بە ئازادی!

#ک_د_ئازاد


کاناڵی ژیان جوانە،گەر چاوەکان جوانی ببینن

@Mostafazadeh2

چاوەکانت
هەر وەک دڕوو
لە نێو دڵم ڕاچوو
ئێستاش
هەر دەیانپەرەستم
تا ئەو ڕۆژەی
خودا بکا
چاوەکانت
بێنە دەستم...


#نادر_مستەفازادە

کاناڵی ژیان جوانە،گەر چاوەکان جوانی ببینن

@Mostafazadeh2

دەستپێکی ڕێوڕەسمی نەورۆزی کوردەواری// هاوکات دەبێ چ شتێک لە یادمان بێت؟


هاوکات لەگەڵ دەستپێکی ڕێورەسمەکانی نەورۆزی کوردەواری پێویستە گرینگی بە چەند خاڵێک بدەین و ڕەچاویان بکەین بۆ ئەوەی وەک هەمیشە ناوبانگی ڕەسەنایەتی کلتوور و فەرهەنگی کوردستان بپارێزن.

یەکەم:
پۆشینی جلوبەرگی ڕەسەنی کوردەواری بۆ نیشاندانی جوانی و کلتووری پڕ شکۆی گەلەکەمان.

دووەم:
بە پاراستنی ژینگە جیلوەی جوانی بە سرووشت ببەخشین و خۆ بپارێزن لە: فڕێدانی زبڵ و پاشماوە لە داوێنی سرووشت، بڕینی دار و نەمام، ڕاگرتنی ماشێن لە زەوی کشتوکاڵ و هێنانی تۆقتۆقە و تەقەمەنی، له یادی نەکەین پاراستنی ژینگە، پاراستنی ژیانە.

سێیەم:
بە ڕەچاوکردنی مافی هاوشاری بوون؛ وەک پابەند بوون بە یاساکان لە کاتی هاتوچۆدا و ڕێزگرتن لە خێزانەکان و بە هوشیاری تەواو بەشداری لە ڕێوڕەسمەکان دەکەین.

چوارەم:
هەندێک لە هاوشاریان خۆبەخشانە وەک چاوەدێر ڕێنوێنی هاووڵاتییان دەکەن، تکایە با هەموومان هاوکاریان بکەین.

➖ بەيەکەوە هەموومان هەوڵ دەدەین شکۆی هەزاران ساڵەی نەورۆزی کوردەواری بپارێزن و ببین بە هێمایەک بۆ هەموو ڕێوڕەسمەکانی نەورۆز.

کاناڵی ژیان جوانە،
@Mostafazadeh2

.
ﺷەوێک
خەونی بەهارم دی
کاتێ هەستام
سەرینەکەم
پڕ بوو لە گوڵ

شەوێک کە خەونی دەریام دی
کە بەیان هات
جێ وبانەکەم
پڕ بوو
لە مرواری و پوڵەکەی ماسی

بەڵام
ئەو کاتەی کە
خەونی ئازادیم دی
سەرنێزەکان
لە دەوری ملم دەگەڕان
وەک تەم و مژی بەڕ بەیان
لێم ببوونە داسی

لەو ڕۆژەوە ئیتر
من لە
لەنگەرگاکان
یا لە ویستگەی
شەمەندەفەڕی
چاوەڕۆانی
نابینێوە
بەڵکوو
لە کتێبخانە گشتییەکان
دەمبینی
کە وا لە سەر نەقشەی
ئووڕوپا
وەک هەتیوێ
لە پێڕەووی شەقام
خەوتووم
زارم
گەورەتر لە چۆمێک
کە وا سێڵاوی فرمێسکم
لەو قاڕڕەوە
بو قاڕڕەی تری فڕێ دام


#محمد #ﺍﻟﻤﺎﻏﻮﻁ

وە ــ نادرمستەفازادە

کاناڵی ژیان جوانە،گەر چاوەکان جوانی ببینن

@Mostafazadeh2

🟣 «نا» بۆ کڕینی ماسیی سوور؛

🔻لە ساڵانی #ڕابردوودا بە هۆی هەژموونی فەرهەنگی بێگانە و بە تایبەت هاتنی لافاوی کاڵای چینی، کۆمەڵێک دیاردەی سەیروسەمەرە خۆیان خزاندووەتە ژیانمانەوە و تەنانەت بۆنەیەکی ڕەسەنی وەک #نەورۆزی_کوردییشیان بەخەتەر نەداوە. یەکێک لەو دیاردە پووچ و بێبنەمایانە، کڕینی #ماسیی_سوورە بۆ سەر خوانی نەورۆز!

🔻ڕەنگە کەم کەس ئاگادار بێت کە ماسیی سوور، ماسیی ڕەسەنی وڵاتی چینە و لەوێوە تەشەنەی کردووەتە ناوچەکانی تری دنیاوە؛ بەڵام لە ڕاستیدا ئەو دیاردەیە، نەک هیچ پێوەندییەکی بە فەلسەفەی بۆنەی نەورۆزەوە نییە، بەڵکوو ڕێک پێچەوانەیەتی! #نەورۆز سەرەتای ژیانەوەی سروشتە و هێمای بووژانەوە و سەوزاییە؛ بەڵام ماسیی سوور ماسییەکی بێگانە بە سروشت و فەرهەنگی ئێمەیە و شتێکی کاتییە و هەمووان دەزانن دەبێت چەند ڕۆژ دواتر بمرێت و لەناو بچێت. لەو نێوەدا چونکە ئێمەی #کورد هەمیشە لایەنگری ژیان و ژیاندنەوەین، دڵمان بۆیان دەسووتێ و ڕەنگە بیانخەینە #ڕووبار و جۆگە و گۆلەکانی ناوچەکەمانەوە و لە ڕووی نەزانینەوە بەڵایەک ئاوقای ژینگەی ئاویی وڵاتەکەمان بکەین.

🔻هەر بۆیە لێرەدا پێویستە کۆمەڵێک لە #کێشە و #مەترسییەکانی ئەو جۆرە ماسییە ئاماژە بکەین، بەڵکوو لەو عادەتە بێبنەما و قێزەونە دووری بکەین:

1⃣ ماسیی سوور توانایەکی لەڕادەبەدەری هەیە بۆ خۆگونجاندن لەگەڵ هەموو هەل‌ومەرجێکی ژینگەیی و بە ماسییەکی #هێرشبەری_ژینگە دەناسرێت. ئەو جۆرە ماسییە لە چڵکاو و ئاوی سوێر و تەنانەت زۆر پیسیشدا تا ڕادەیەکی زۆر توانای مانەوەی هەیە و بە خێراییەکی سەرسووڕهێنەر زاوزێ دەکات و هەموو ژینگەکە #قۆرغ دەکات.

2⃣ ئەو چەشنە ماسییە هەڵگری دەیان جۆر نەخۆشیی بەکتریایی و قارچی و مایکرۆبیی جۆراوجۆرن و ئەو نەخۆشییانە لەگەڵ خۆیان دەبەنە ناو #چۆم و #گۆل و #بەنداوەکان.

3⃣ ئەوانە #گەرا و #هێلکەی ماسییە خۆجێیی و ڕەسەنەکانی ناوچەی خۆمان دەخۆن و هەڵبەت هیچ قازانجێکی خۆراکی و شتی واشیان بۆ #کۆمەڵگە نییە.

4⃣ توانای زاوزێکردنی ئەو ماسییانە سەڵسووڕهێنەرە بە جۆرێک کە بەبێ هەبوونی ڕەگەزی #نێرەکەیان، مێیەکان بەتەنیا دەتوانن بە هەزاران #گەرا دابنێن و ژینگەی ئاوی یەکسەر #داگیر بکەن. بەوجۆرە ئەگەری هەیە ماسییە خۆجێییەکان بخەنە مەترسیی پاکتاوبوونەوە؛ مەترسییەک کە هەر ئێستاکە داوێنی ژینگەی گۆل و بەنداوەکانی پارێزگای #گیلان و #ئەردەبیلی گرتووە.

5⃣ بەشێکی زۆر لە خەڵکی ئێمە بژێوی ژیانیان لە ڕێی #ماسیگرتن و #ماسیفرۆشتن دابین دەکەن و ئەو ماسییە بە ڕواڵەت بچووکانە دەتوانن وردەوردە بژێوی ژیانی ئەوان و خۆشمان ببڕن.

6⃣ گەشەکردنی ژینگە بۆ ماوەی ملیۆنان ساڵ بۆتە هۆی ئەوەی ئەو ماسییانەی ئێستاکە لە چۆم و بەنداوەکانماندا بەرهەم بێن. بە دڵنیاییەوە ڕەوتی پەرەسەندنی ژینگە زۆر عاقڵانەتر هەڵی بژاردووە کام ماسی بۆ کام #ژینگە باشە؛ کەوابوو با دەستێوەردانی نەرێنیی ئەو پەرەسەندنە نەکەین.

7⃣ ئەو ماسییە سوورانە یەکێک لە تایبەتمەندییەکانیان ئەوەیە کە ئاوی ژینگەکەیان #لێڵ و #پیس دەکەن، بە جۆرێک کە تەنیا خۆیان دەتوانن تێیدا بژین و ژینگەی ژیان و زاوزێکردنی #ماسییەکانی_تر یەکسەر لەناو دەبەن.

🔻کەوابوو خۆشک و برای بەڕێز، لە هەنگاوی یەکەمدا تکایە تا ئەو جێیەی دەتوانن ئەو دیاردە #فەرهەنگییە_نامۆ و #قێزەونە با نەهێنینە ناو فەرهەنگی کوردییەوە و گەشە و درێژەی پێ نەدەین. ئەگەریش بە هەر هۆکارێک هێناتان، تکایە بە هیچ شێوەیەک مەیانخەنە #چۆم و #گۆل و #بەنداوەکانی_کوردەوارییەوە با نەبنە مەترسی بۆ سەر ژینگەی خۆمان. فەلسەفەی #نەورۆزی_کوردی، ژیان و ژیانەوەیە، نەک ئەوەی ماسییەک بێنین بۆ کوشتن و چوار ڕۆژ دواتر فڕێی بدەینە زبڵەوە. هەرچەند فڕێدانی بۆ ناو #زبڵوزاڵ زۆر باشترە لەوەی بیانخەنە چۆم و گۆلەکانەوە.

▪️هەر بژین و نەورۆزتان پیرۆز.

✍ شۆڕش فەرامەرزی

کاناڵی ژیان جوانە،گەر چاوەکان جوانی ببینن

@Mostafazadeh2