"Siyosatchi ayol kundaligi" turkumidan

Halima Yoqub*

Otam o‘lganda sakkiz yoshda edim.
O‘n yoshdan boshlab onamga tirikchilik uchun
qarasha boshladim.

Onam mendan tashqari yana to‘rt qorinni
to‘ydirishi kerak edi.
Men ham onam kabi hayotga
tarmasha boshladim.
Maktab atrofini aylanib
yegulik sotdik.
Shunda tushundimki,
onamning biron kasbi yo‘qligi,
ma’lumoti yo‘qligi
bizga pand berdi.
Men endi qattiqroq o‘qishim kerak edi.
Xarxasha boshladim.

Men siyosatga kimningdir ayoli
yoki qizi bo‘lganim uchun
adashib kirib qolmadim.
Men faoliyatimning har bir bosqichida
ayollar huquqi uchun kurashdim,
teng mehnat sharoiti uchun kurashdim,
barcha ishchilarga yaxshi bo‘lsin deb kurashdim.
Ular menga qarab kuldi,
ular mening orzularimning ustidan kulmoqda edi.
Tomosha boshladim:

Men barini qanday uddalaganim haqidagi
tomosha.
Men tashrif buyurgan mamlakatlar
jurnalistlari yozadi:
“Bugun davlatimiz rahbari ilk marta
Ro‘molli prezident bilan uchrashdi”.
Ular uchun
olib borayotgan siyosatimdan,
islohotlarimdan,
millatimdan,
dinimdan,
hatto vatanimdan ham
ro‘molim qiziqroq.
Onam otam o‘lganda
moliyaviy mustaqil bo‘lmagani uchun
afsuslanganini bilaman.
Onam otam o‘lgandan keyingina
ozod bo‘lganini bilaman.

Men barcha ayollarga
erlari tirikligidayoq
ozod bo‘lishni tilayman.

*Singapurning sakkizinchi prezidenti va ilk ayol rahbari.

Kumush Abdusalomova

@kumush_abdusalomova

Иккита роман.

Иккита ҳикоялар тўплами.

Иккита шеърий тўплам.

Сиз кутаётган китоб қайси?

MUHABBAT MAKTUBLARI

Rashod Nuri Guntegin

Otam juda asabiy, jahldor. Ko’chaga chiqishimga ruxsat bermaydilar. Balki biror kun ozgina vaqtga bo’lsa-da ko’risha olarmiz. O’zimni hozirdanoq sizni sevgilingiz va qallig’ingizdek his qilyapman. Uyda, yolg’izlikdan juda ham diqqat bo’laman. Maktublaringizni esa bu zerikarli hayotimning tasallisi deya qabul qilaman”.

Guli Nigor AVAZOVA tarjimasi: https://tarjimalar.uz/?p=542

Mutolaada guvoh bo‘lasizki, o‘tgan asrda ingliz ayollarini imkoniyatlari cheklangan, qo‘lida o‘z puli bo‘lishi mumkin bo‘lmagan, otasi kimga desa shunga majbur erga teggan, erkin kasb tanlay olmagan. Mana, bir asr o‘tib hozirgi ingliz xonimlari shaxsiy uyi, shaxsiy daromadi, shaxsiy hududi, erkinligiga ega.

O'qish: https://book.uz/news/virjiniyaning-anglami-ijodi-va-erki

Азизлар, конкурсимиз якунига етди. Учта китоб учун белгиланган реакцияларни энг кўп тўплаган иштирокчиларимиз:

👍 - 262 та Рухшонага Форрест Гамп
🔥 - 288 та 💚 га Шахсий хона
❤️ - 247 та Кактусга Хотиралар китоби совға қилинади.

Қолган барча иштирокчиларга ҳам раҳмат! Китобларингиз мўл бўлсин.

Vulf asarini o'qigan bir-ikki o'zbek o'quvchilar (afsuski ular ayollarning o'zi) asarni noto'g'ri talqin qilib, nima ayollar erkaklar bilan kurashga kirishmoqchimi debdi. Yo'q, aslo. Bu asarning eng noto'g'ri talqini bo'lardi agar shunday tushinsak. Ayollar ham oliy haqiqatlar uchun yashamoqchi, ayollar ham hayotning Oliy mohiyatidan o'z nasibasi bo'lishini istaydi.

Tillaniso NURYOG'DI: https://tarjimalar.uz/?p=546

“Улисс”ни охиригача ўқиб чиқдим ва ўйлашимча, муаллиф мақсадига эришолмаган. Иқтидор бор, албатта, лекин ҳаминқадар. Сўз ҳаддан зиёд кўп. Ёқимсиз. Даъво катта. Одобсизларча ёзилган, нафақат умумий, балки адабий маънода ҳам шундай. Менимча, юқори савияли насрий асарда услублар қалашиб кетмаслиги керак; нағмаларни меъёридан ошириш хавфли. Кўз олдимга мактабнинг ғўр бир ўқувчиси келди, унинг ғоялари ҳам, қуввати ҳам бор, аммо ўзига ишонмаслиги ва худбинлиги сабаб чегарадан чиқиб, олифта, нозиктаъб, сершовқин, қўпол кимсага айланиб, меҳрибон инсонларни ачинишга, бефарқларни эса, ғижинишга ундайди; ёши улғайгач унинг ўзгаришига ҳамма умид қилади; аммо Жойс аллақачон қирққа кирганини инобатга олсак, умидларнинг ушалишига кўзим етмайди. Мен эътиборсизлик билан бир мартагина ўқидим ва бу етарли эмас, албатта; виждонимга қарши бориб, асарнинг яхши жиҳатларига керагича аҳамият бермадим. Беҳисоб майда ўқларнинг тегиб куйдирганини ҳис қилдим, лекин бу, масалан, Толстойнинг тўғри юзингга берган қақшатқич зарбасига тенглашолмайди; барибир уни Толстой билан қиёслаш кулгили.

Виржиния Вулф кундалигидан

Опамиз жааа қаттим тарсаки урган экан Жойс акага 😵‍💫

Вулф ва Жойс тенгдош бўлган, 1882 йилда туғилишган — бири Лондонда, бири Дублинда. Жойс асарини ўшанда кам сонлилар тушунган, улар орасида Вулф ҳам бор эди, гарчи уни танқид қилган бўлса ҳам. Жойс эса аксинча, Вулф мухлиси бўлган ва адиба ижоди унга таъсир кўрсатганини айтган.

Улар ҳаётда учрашишганми? Ҳа! Илк учрашувни Вулф шундай хотирлайди: бу оддий учрашув эмасди, иккимизда қўрқув, ҳайрат, ҳатто ҳасад ҳам мужассам эди.

Айфонлар ўша пайтда бўлганда эди, уларни биргаликдаги селфисини жойлаган бўлардик )

Олдос Хакслининг хаёлий асарлари фалсафий ва интеллектуал. "Орол" романи таржимасини июлдан бери қиляпман — матн қийин. Шу билан бирга роҳатланяпман теран фикрлардан. Бизнинг дунё тузалмас касаллиги, даволаш учун бузиб қайта қуриш кераклигини Хаксли ҳам истаган экан. Азбаройи истак ўтида шу утопик Оролни орзусидек жамият сифатида романида битди.
Асар бошидан бери бош қаҳрамон битта жойда ўтириб фақат бошқа образлар гаплашяпти — мана 180 бетга келиб ниҳоят, у хонадан чиқди — сюжетда ҳаракат пайдо бўлди. Диққинафас бўп кетгандим ўзимни ўша кулбада тасаввур қилиб. "Орол" 2024 йилдаги охирги таржимам бўлади.
Кейин анча танаффус қилиб, бошқа йиғилиб қолган муҳим ишларим билан банд бўламан. Бу йил ўзимни фақат таржимага бағишладим. Жуда чарчоқли. Яна таржима қилишни жуда истаётган бир нечта яхши асарлар бор эди, келгуси йилларга қолди.

Куз оқшоми, сокин хиёбон,
Учраштирди мутлақ тасодиф,
Кутмагандим қолишим омон,
Нигоҳларинг ҳар нега қодир.

Бу гал бошқа эди ҳаммаси,
Туйғуларим қилмади исён.
Унутибман, сени, чамаси,
Қаршимдаги бегона инсон.

Қайноқ қаҳва ичдиг-у, аммо
Совуқ бўлди ўртада суҳбат.
"Гўзалсан", - деб айтдинг, ажабо,
Ўхшамади қуруқ хушомад.

"Мен билан қол", - дегим келмади,
Ҳиссиз сўзлар чиқди майдонга.
Қандай илож топдим, билмадим,
Қарамадим сенинг томонга.

Пайқамадим кўзингда бахтни,
Иккимизга малол келди кун.
Бўлишармиз балки пойтахтни,
Кўришиблар қолмаслик учун.

Нигора Ғаниева