Бухорога келарканман, мени ҳечким кутмаётганини ҳис қилдим - қайнотам энди йўқ. Ўз қизидек кўрадиган, адабиёт ҳақида гаплашадиган, ижодий ютуқларим билан биринчилардан бўлиб қутлайдиган инсон эди раҳматли. Марҳумлардан сўнг юрагимизда қоладигани - улардан кўрган меҳримиз экан.

Баҳри дилингизни очадиган уч нарсани ёзинг.

Мен учун:

денгиз 🌊
музқаймоқ 🍨
мушук 🐈

Бахтнинг манзили

Мен бахтни изладим кўп йиллар абгор
Изладим топай деб бетин, беқарор
Қуш бўлиб осмонга учдим– изладим
Қилай деб йўлига жонимни нисор
Йўқ, топмадим, бариси бекор
   Ҳеч қаерда йўқ!
Шунғидим денгизга бўлиб акваланг
Кавладим тупроқни мисли чувалчанг
Кездим тоғу тошни бирёну гирён
Толиққан вужуддан кўтарилди чанг
     Ҳеч қаерда йўқ!
Қоронғу ғорларга кирдим ўрмалаб
Тотай деб бахт таъмин гоҳо лаб ялаб
Ўйладим дерларку:”Излаган топар”
Йиғладим гоҳида дош бермай асаб.
    Ҳеч қаерда йўқ!
Аммо мен билсангиз кўп тиришқоқ қул
Қўлладим турли йўл, турлича усул
Ва ниҳоят мана, топдим! О, топдим!
Айтаман, манзилин келди фурсати:
“Б” ҳарфи.
55-бет.
41-қатор.
“Имло луғати”.

Неъмат Арслон

#tavsiya

         Yozning issiq kunlari o‘z nihoyasiga yetib, ko‘hna kuz  ostonasida turar ekanmiz, kitobsevarlar hamrohi bo‘lmish  nuktadon bu faslda sizga bilgi sohiblarining yanada foydaliroq kanallar jamlanmasini tavsiya qilamiz

Barcha kanallarga ulanish uchun bosing!

Кузги депрессия, қишги изғирин, баҳорги беҳоллик ўтиб, ҳадемай яна ёрқин ёз келади...

Ҳаёт мени қолдириб кетди.

Қолдириб кетди синглим -
Эрга текканмиш айтишларича.
Қолдириб кетди онам -
Балки қариган, балки унутган.
Отам қолдириб кетди.
Қолдириб кетишди ҳеч қачон бўлмаган дўстларим,
Севгим...
Балким ўзим бормадим
Балки куз...
Сап-сариқ шовур
Кўрсатмади заъфарондек сариқ рангимни
Балки ўткинчилик
Ўрмалаб ерда
Келар оёғидан чалгандир...

Балки, куз...

Энг сўнгги вагоннинг
Ташландиқ ўриндиғида
Ўтирибман кимнингдир келишин кутиб

Тилланисо

Раҳматлини гўри Лос Анжеласда. Америка элчихонасига Чарлз амакини ўзбек тилидаги (ЯАА чиқарса зора) китобини обориб, қабрига битта паркент виносини қўйиб, Буковски таржимонлари - улфатлари Гулноз опа, Алишер ака, Зоирга видеовизов қиламану қайтаман, десам виза берармикин?

КУЗ

дарахт энг баланд шохига илиб қўйди
ягона ёдгорлик —
бевафо баҳорнинг
сарғайган портретини.

Азиз Саид

Анна Серре — замонавий француз адибаси. Ўндан ошиқ китоблари нашр этилган. Бизга ҳали таржима қилинмаган. Канал ботига Сурайё исмли таржимон қиз ушбу ҳикояни йўллабди. Менга европалик замондош ёзувчилар ҳозирда нималарни қаламга олаётгани доим қизиқ бўлган. Ҳикоя қисқа, лўнда, эҳтимол оддийгина, якун кўнгилни чертди.

Ўқиш: https://tarjimalar.uz/?p=539

Каналда кичик конкурс, азизлар.

Шу пост остига севимли китобингиз номини ёзиб кетинг. Комментингизга босилган реакциялар сизни ғолиб қилиши мумкин.

Натижалар реакциялар сонига кўра ҳисобланади:

Форрест Гамп - 👍
Шахсий хона - 🔥
Хотиралар - ❤️

10 сентябр соат 19:00 ҳолатига кўра юқоридаги реакциялардан бирини энг кўп тўплаган уч нафар иштирокчи ғолиб бўлади. Баргача омад!

Кеча @Mirahmedovas_blog менгаям "Қорасуяклар"ни совға қилди, шу китобни излаб юрганимни билиб.

Бир нотаниш мухлисам эса кутилмаганда гул бериб кетди, бағрига босиб қучоқлаб ☺️

СИҒИНДИ

Ўша кун... ортиқчалик қилдим
жаннатга —
Лаш-лушсиз учдим-у,
Машриққа тушдим.
Қирқ йиллик фироқда жоним увишди —
Либосим япроқ эди.

Худо беҳудага бермас қирқта жон,
Кўнглимни кундага қўйиб чопдилар,
Чопқилар гуллади, чопқилар!
Сотдилар...
Қадримга дунё топдилар —
Дунёси қуроқ эди.

Бир кун остонадан ҳайдалди онам,
Вазифасин янглиш уққани —
Ўғил эмас мени туққани
учун.
Ваҳоланки уларга меҳрим
Ўғилдан кўпроқ эди.

Бошқа ҳаётимда очиқ қабрга
Қўғирчоғим билан кўмдилар,
Ўйладим: "Ҳалиям мен билан бирга
Беркинмачоқ ўйнаяпти улар...
Нега ҳалигача топишолмади?"
Қўрқардим, дилдираб совуқда таним.
Охирги нафасда чақирдим зўрға...
Сўнгра
ҳўнграб-ҳўнграб қоришдим гўрга...
Асосим тупроқ эди.

Яширин, — дедилар, — югур, қопга кир,
Беркитгил, — дедилар, — кўзларинг гўзал.
Қуёш олгани чун юзимдан бўса
Тошбўрон остида чайқалиб боқдим,
(гўё)
Илма-тешик мешдан май каби оқдим...
Кайф-у сафосига қон томиб турган
Кўйлагим — байроқ эди.

Ўз уйи бўлмаган ҳеч вақт аёлнинг —
Отаси,
боласи,
эрининг уйи...
Аъвомнинг умрида энг олий ўйи —
Аёлдан қутилишдай
жирканч озодлик!
Бу эрк — чин қамоқ эди.

Одамзот ғажир ўз қовурғасини,
Ишлашга қўймайди,
Тишлашга қўймас,
Миннатга йўяр-у,
Суннатга йўймас,
Мен туққан оломон ҳуркди ўзимдан,
Нақадар қўрқоқ эди.

Томоғимдан ўтган ҳар томчи сувда,
Рақамлар акс этар ҳисобин жамлаб,
Сўнг қоришиб кетар оби дийдам-ла
Шунчаки,
Малолим келмасин ҳеч кимга дедим,
Уволим келмасин ҳеч кимга дедим,
Истагим топ-тоза авлод ўстириш,
Умидим буроқ эди.
Бироқ энди...

Жаннат оёғимнинг остидалиги
Бошидан сўроқ эди.

Нозима Ҳабибуллаева