شوفوا احجيلكم تجربة صغيرة
انا مُنتظر جربت هوايَ حاجات في سبيل ان أوصل لسلام نفسي ملحوظ او على الأقل أحس بي،جربت مليون طريقة حتى أخلص من موضوع مضايقني او قالقني او فترة سيئة مرّت على روحي ومن ضمن إلي جربته، غنيّت وكتبت وتمشيت وانعزلت وحزنت وسافرت وألحدت وفضفضت وانكسرت وجذبت وتكاسلت وهربت بأفلام ومسلسلات وموسيقى، صرفت فلوس، بقيت بالبيت، تعلمت مهارات جديدة، قرأت ونمت وسويت كل شيء يخطر على بالكم، ما أبالغ من اكول كل شيء وبالأخير ما لگيت أي حاجة توصلني لدائرة الراحة او لسلام نفسي سوى "التأمّل برحمة الله إلي مالها حّد والحديث وياه..

هذا مو معناه انهُ انا ملتزم أشد إلتزام او إنتوا لازم تكونوا مُتزمتين حتى توصلون لهذا الشعور اللطيف، لا ابداً الموضوع أبسط من هيج بهوايَ، والدليل أسمعوا هالسالفة إلي كلّش أثرت بيّه وخلتني أصفن صفنة طويلة..

يروى انهُ لما النبي موسى "ع" لما الله مكنّه ان يشق البحر ويهلك فرعون وقومه، بهذه الأثناء فرعون الطاغية بقى يصيح على موسى يا موسى قد آمنت بربك ويستنجد بي ويتوسل لموسى ان ينقذه او مجرد يمد له يد العون، هنا موسى لما سمع فرعون يصيح عليه التفت ونظر اله بطرف عينه وكمّل طريقه، بعد أيام الله سبحانه عاتب موسى بهالطريقة، گال إله يا موسى هذا فرعون مو جان يتوسل بيك حتى تنقذه ليش ما مديت له إيدك او رجعت إله او على الأقل حاولت تنقذه، هنا موسى تعجب، ياربّ هذا فرعون الطاغية الي يگول انا ربكم الأعلى الي آذى مصر وأهلها وعمل كذا وكذا شلون تريديني أساعده؟! ، رح أكتب الكم جواب الله عز وجل بالحديث القدسي شنو رد على موسى بس أمانة اقرأوه بقلوبكم قبل عيونكم گال اله
"يا موسى وعزتّي وجلالي لو إنّ فرعون ناداني لأجبته"
فرعون لو بس صايح بأسمي وطالبني جان ما رجعته خالي، وهو فرعون الي ينضرب بي المثل بالظلم والطغيان، تخيلوا رحمته وسلامه ولُطفه وصلوا لـفرعون، تتوقعون ما رح يوصل أمانه ألكم وما يسمعكم؟!

ماكو شيء مجرد الذكرى السنوية الأولى لهالصورة ألي ما عاجبه أبن أختي..

ان توگفون جوّه المطر وتدعون من لبّة گلوبكم، هذا الاطمئنان ألي ما تگدر تشتريه بفلوس الدنيا كلها..🤍

وبيني وبينكم
انا اعلمُ ان اللهَ سيُجبر بخواطرنا، لاننا تحملنا ورَضينا بوقتٍ لم يكن فيه الرضا امراً سهلًا، لذلك ‏﴿ وَلَسَوْفَ يُعْطِيكَ رَبُّكَ فَتَرْضَىٰ ﴾..

كسروا خبز واعجنوه بمي المطر
وأحلى غده لعيون العصافير 😁🤍

عمار فحطتني لك بطني نشگت 😂😂😂

✨وين وين إنته✨

إلي يسلمون عليه بالشارع ويگولون أسمي أتمنى أعرف اسمائهم..

هالشيء يخليني أحس نفسي مو وفي إتجاه ذكرياتي وياهم..

انا آسف والله كلّش آسف

عندي لعبة راح أروح أصير ميسي لمدة ساعة واجي ✨

انا مفطوم بـسموم العرابيد
ويعلمني الغشيم إعلى الحياية..

خاتم اليّد 🤍

كل يوم عصر اذا تگدرون صوروا الغيوم ودزوهن على السايت، أعتبره فضّل جبير من عدكم..🤍

يمكن حاليًا وصلتني 20 صورة بالقليل من نشرت لحّد هسه، لو بس أعرف شلون اردّلكم هذا الفضل جان ارتاحيت، جبرتوا خاطري وصنعتوا يومي

صباح خير لو مو صباح خير؟