قوربان!قوربانەن ، جەژنەن ، شادیەن
دەس نە گەردەنەن ، ڕۆی ئازادیەن

هەی دەس بۆس دەس بۆس وەش نیگارانەن
خەیر ، پا بۆس پا بۆس خاتر دارانەن

کۆن کوشتی و ، باردێ گوڵ جەمینانەن
هەی سەر ، هەی ئەرواح دڵ خەمینانەن

هەرکەس گیان وە کەف پەی نیگارێوەن
هەر یەک قوربانی وەفادارێوەن
@mawlavi_kurd
سیوای سەودایی هەراسانە کەت
مەحرووم جە کەفتەی پای ئاسانە کەت

نە پەی چەم سورمەی گەرد پاڵاتەن
نە پەی گیان قوربان بەژن باڵاتەن

مەرد پەی "ئۆسا دەی"بێ درێغە کەت
بسم اللە تەکبیر دەس بە تێغە کەت

پەی قوربان کەردەی ناڵە نەی رەنگ بەی
چێش مبۆ ئەر بەی ؟ وەی پەی من ئەر نەی

سا تویچ من بەرە ، وە قوربانی کە
من وە قوربانی ڕای ڕەببانی کە

ئەوسا تویچ پەی وێت خەیرێت کەردە بۆ
منیچ کەم تەر زووخ دەردم وەردە بۆ

مەعدوومی بەدبەخت نا تەمامەنی
ڕاسەن بێ دەوڵەت خەیاڵ خامەنی

قوربانی مشیۆ جە عەیب بەری بۆ
فیدایی پەسەند ڕای دڵبەری بۆ

تۆ پا شکستەی بەرد هەرد دەرد
چەم کۆر مەینەت ، تەن زایف ، ڕەنگ زەرد

خەیاڵێت کەردەن جە ڕووی نادانی
چ لایق وە تۆن روتبەی قوربانی


مامۆسا مەولەوی

@mawlavi_kurd | کاناڵ مەولەوی

هەورەکەی ڕەحمەت ڕووی سەمای کەرەم
سەلات و سەلام کەی کەم ئێستە کەم

بێرێ و بڕێژێ  و بدا وە هەم دا
وە سەر مەزرەعەی  ڕۆحی خاتەمدا

سەرواز کا سەراو وە هەر شـەتاودا
وە سەر سەوزەی پاک ئال و ئەسحاودا

تا بدا پڕتەو  وە سەر وجووددا
ئیمان لە  ئەسرار ئەهل شهـووددا

مامۆسا مەولەوی❤️

وەنای: بیلال کەیوانی

@mawlavi_kurd  کاناڵ مەولەوی

هۆنراوە: حەزرەت مەولەوی گیان

دیکلەمە: کاکە ئارام مستەوفی❤️

ئیحیا نەبوون ، سا نەشوون مەردەن:
نامەکەش ئامان ، گلەییش کـــەردەن

@mawlavi_kurd | کاناڵ مەولەوی