ئاواتی سەحرای عەرەفات

زیبا از صحرای عرفات و سرزمین وحی..👌

تصاویری بسیار زیبا از مدینه منوره و مکە مکرمه ، همراە با صدای عارفانه کاک شهرام منصوری...

باهم ببینیم


@mawlavi_kurd | کاناڵ مەولەوی

هەرساتێ دووریت سەد ساڵەن جەلام
دەردم کارییەن وەسەرگەردت بام

بەزەییت بەیۆ وە جەستە و حاڵم
ڕیشەم بەراما، هەرەس وە ماڵم!

ئازیزم ! ئامای، ئای بێ قەرار ویم
ئای ئای چەمەڕا، ئای ئینتزارم ویم

مەوتەنەکەی چەم دیدەش ها نە ڕێت
غەریبی تاکەی ، بۆوە ماوای وێت

📙هۆنراوە: حەزرەتوو مەولەوی
🎙گۆرانی: سەباح هەورامی

@mawlavi_kurd | کاناڵ مەولەوی

🎙تصنيف:سۆزی دڵ

بە دەنگ : شەهرم مەنسووری و مێهران خالێدی

📚هۆنراوە: حەزرەتوو مەولەوی

ڕیک وستەی: فاضل حاتمي

@mawlavi_kurd | کاناڵ مەولەوی

هامن، ها،من وار گەرمیش جۆش ئاوەرد
فەزای نەزم بەزم نەو وەهاران بەرد

بووڵ وە یانەی جەم نەوگوڵاڵان شەند
چەمەن بێ نەوای ناڵەی بوڵبوڵ مەند

تای بەڕەزای شەنگ نە سای موغاران
شێویا چون زوڵف تازیە داران

ها ، کاوان ، کاوان دڵ چون دڵ ڕێشان
هەڕ دان وە سەردا هەردان پەی وێشان

دووریت ئایر وست وە یانە کەی من
یانێ یانەی دڵ وێرانە کەی من

هەوا ئایرین ، سەروەخت ئایرین
دڵە ئایرین ، بەدبەخت ئایرین

وەی گشت ئایرەوە خەیاڵم خامەن
بەختم ناپۆختەن فامم نەفامەن

وەی بڵێسەوە گەردێم باقییەن
وادەی ئایرین بادەی ساقییەن

بەشق پیاڵەی، مەست چاوە کەت
بەو پەشێوی چین پای کڵاوەکەت

با بەی مەی بەڵکم ئایر مەستی
سۆچنۆ یەکسەر خاشاک هەستی

مامۆسا مەولەوی

@Mawlavi_kurd

قوربان!قوربانەن ، جەژنەن ، شادیەن
دەس نە گەردەنەن ، ڕۆی ئازادیەن

هەی دەس بۆس دەس بۆس وەش نیگارانەن
خەیر ، پا بۆس پا بۆس خاتر دارانەن

کۆن کوشتی و ، باردێ گوڵ جەمینانەن
هەی سەر ، هەی ئەرواح دڵ خەمینانەن

هەرکەس گیان وە کەف پەی نیگارێوەن
هەر یەک قوربانی وەفادارێوەن
@mawlavi_kurd
سیوای سەودایی هەراسانە کەت
مەحرووم جە کەفتەی پای ئاسانە کەت

نە پەی چەم سورمەی گەرد پاڵاتەن
نە پەی گیان قوربان بەژن باڵاتەن

مەرد پەی "ئۆسا دەی"بێ درێغە کەت
بسم اللە تەکبیر دەس بە تێغە کەت

پەی قوربان کەردەی ناڵە نەی رەنگ بەی
چێش مبۆ ئەر بەی ؟ وەی پەی من ئەر نەی

سا تویچ من بەرە ، وە قوربانی کە
من وە قوربانی ڕای ڕەببانی کە

ئەوسا تویچ پەی وێت خەیرێت کەردە بۆ
منیچ کەم تەر زووخ دەردم وەردە بۆ

مەعدوومی بەدبەخت نا تەمامەنی
ڕاسەن بێ دەوڵەت خەیاڵ خامەنی

قوربانی مشیۆ جە عەیب بەری بۆ
فیدایی پەسەند ڕای دڵبەری بۆ

تۆ پا شکستەی بەرد هەرد دەرد
چەم کۆر مەینەت ، تەن زایف ، ڕەنگ زەرد

خەیاڵێت کەردەن جە ڕووی نادانی
چ لایق وە تۆن روتبەی قوربانی


مامۆسا مەولەوی

@mawlavi_kurd | کاناڵ مەولەوی

سەبا خەیر

دنیا فانیەن، هەر مەبۆ مەردەن
لازمەن گەردەن، ئازادی کەردەن


مامۆسا مەولەوی

🌸جەژنەتا موبارەکە بۆ🌸

@mawlavi_kurd | کاناڵ مەولەوی

بێ شەرت و شۆنیت جە حەد ئەو دەرەن
ڕەحمەت ئەو یادٚت ، وەفادار تەرەن

دیدەم ، چوون میقراز بێ شەرتیت تێژ کەرد
دات جە تانتەی وەسڵ جەو پەڕش ویەرد

شەرت بۆ تا جەستەی خەستەی مەهجووریت
پاکتاوش کەرۆ مەردەن جە دووریت

جە شووم پڕ شووم ، ئەڵحەد سەرای خەم
جە سەروازەی هوون جۆی سەرچەمەی چەم

وە بۆی ئەو باڵا و خەت و کوڵم و فەم
سەرو و سەوزە و گوڵ غونچە بدۆ دەم

دڵەی مەینەت گاز سفتەی کۆی قەقنەس
نەبۆ وە وەنیشا تیر موژەی کەس

    
حەزرەت مەولەوی کورد

@mawlavi_kurd | کاناڵ مەولەوی

▫️کاتێ مەولەوی گیان دوای وەفاتی خێزانی(عەنبەر خاتوون) بێتاقەتی ئەبێت، تەشریف ئەباتە سەر گڵکۆکەی بەم شیعرە ئەیلاوێنێتۆ.


سۆچنۆم حەسرەت دەردی جیاییت
نەک چون بڵێسەی یادی تەنیاییت

وە مەرگت، دیدەم، هام نە گوزەردا
منیچ لام لای تۆن ئارۆ یا فەردا

موتریب مەقامێ دەردم ناچارەن
ساقیا جامێ دۆس ئینتیزارەن



▪️ واتە: ئەگەرچی حەسرەت و دەردی جوداییت دەمسووتێنێت، بەڵام بڵێسەی یادی تەنیاییت لە گۆڕدا بەژانترە.
ئازیزم! دوای مەرگت، منیش لەسەر ڕۆیشتنم، ئەمڕۆ بێ یان سبەی، شوێن و مەنزڵم لای تۆیە، ماڵاوایی لە دنیا دەکەم و دێمە لات. کاکەی گۆرانیبێژ! دەنگی مەرگم هەڵدە، چونکە دەردی من بێدەرمانە.
مەیگێڕ! دە تۆیش لوتفێ بکە و جامی شەرابی مەرگم بدەرێ، چونکە یار چاوەڕوانمە با بمرم و بڕۆم بۆ لای.


@mawlavi_kurd | کاناڵ مەولەوی

چەم پەی فەرشی پات، موژەش چوون خارەن
بەڵام چێش کەروو ، چارش ناچارەن

چــەنی تاوۆ تەرک ، پا بۆســت کەردەن
سەوگەندش وە زوڵف سیای تۆ وەردەن

#مەولەوی


واتە: هەر چەن چاوەکانم بۆ ئەوە ناشێن لە بەر پێتا بکەون  چونکە برژانگەکانم وەک دڕکن و قاچت بریندار ئەکەن.
بەڵام چاریان ناچارە چوونکە سوێندیان بە زوڵفی ڕەشی تۆ خواردوە کە ئەبێ قاچت ماچ کەن ، لەبەر ئەوە کە زوڵفەکانت ئەوەندە درێژن گەیشتوونەته قاچت ، وە ناتوانن دەس لەو سوێنەیانە هەڵگرن.

@mawlavi_kurd | کاناڵ مەولەوی

گیان وە بێتاقەت ، مەوینوون ئارۆ
زاهیرەن هەوای ، لای ئازیز دارۆ

✓ مەولەوی

ئیسە کێ تاقەت دووری تۆ دارۆ؟
دەک بەرق غەزەب وە جەسەم وارۆ!

مەولەوی گیان

نە تاقەت مەندەن، نە تۆی دەروون‌دا
نەلەیلێ مدیۆ، وەلای مەجنووندا

مەولەوی جان❤️

هەی هوو..! هــای، چەندەن نامان خەبەرێ

تای تاقەت بڕیان، نه‌سیم سه‌فه‌رێ



حه‌زره‌توو مه‌وله‌وی

وەسێن؟😃

هەر وە زۆۆۆر مەندەن، ڕای ئامای نەفەس
تای ڕیشەی تاقەت، شییەنم جە دەس

سەرقافڵەی عاشقان(مەولەوی)

هانا هامدەردان چێش مەکەردێ پێم
من دیام نە ڕووی تەقسیم نامەی وێم

ژاری دووری دۆس، ئازیزەن نۆشم
نمەیۆ ڕازان، شیرین نە گۆشم

یانێ جە شووومی، بەختی سیای من
ئیمشەو لەرزان تووڵ، تووڵی تاڵای من

وەڵگی زیندەگیم، ها وە هەواوە
دیمادیمشەن ، وە بای فەناوە

ئیتر هیوام وەشیتان

یاخوا هیچکەس بێتاقەت نەبۆ😃❤️

🎧 گۆرانی
هۆنراوە: مەولەوی

دەنگ: موبین سەعیدی

کلارینت: کامران نادری

گیتار: داود کەرەمی

@mawlavi_kurd | کاناڵ مەولەوی

ئیسە کێ تاقەت دووری تۆ دارۆ....

دەنگ: فەرشاد ئەمینی

@mawlavi_kurd | کاناڵ مەولەوی

قیبلەم تۆم نە دڵ ،قیبلەم تۆم نە دڵ
تا ڕۆی قیامەت هەر تۆم ها نە دڵ
فیدای شێوەت بام جەمین پەڕەی گوڵ
دڵ جە تاسەی تۆ دایم مدۆ چڵ
ماتم وێنەی سەنگ، زەردم چون خەزان
دایم پێچ مدەو، چوون ماران گەزان
گەستەی مار خاسەن ساتێ دوو ساتەن
ئەر نەمرۆ زیندەی ڕووی سەربساتەن
ئەمما من دەردم چون دەردەداران
دایم هەر وە سۆن چون گەستەی ماران
جە هیجران تۆ هەر سات مەرگمەن
قەترە قەترەی زووخ نە ڕووی جەرگمەن
کاشکی هەر ڕۆ، یەک سیامارێ
هەر دوو پام مەگەست، چەند جار نەک جارێ
سەر مینام وە سای گڵکۆی تازەوە
چەنی حەسرەتان بێ ئەندازەوە
نەک بەی تەور دیدەم مەردەی زیندە ڕەنگ
هەر ساتێ سەد جار سەر مدۆم وە سەنگ
پەشێو و مەلوول ئیمان هەردەنان
ڕۆیێ تا سەد جار پەی تۆ مەردەنان
فیدای وەفات بام یا وەفات نییەن
یا خود بەدکاران مانیعت بییەن
قیبلەم تۆ خودا و گشت پێغەمبەران
ئەگەر مەیلت هەن وێنەی دڵبەران
بکیانە پەرێم گاهێ پەیامێ
بنویسە وە لام دوعا و سەلامێ
با وەس بنیشوو مات و پەشێو حاڵ
یا وەس بکێشوو هەناسان کاڵ
پەی چێش بێ مەیلیت کەردەن وە پیشە
گاهێ تویچ پەی من ئاهێ بکێشە
باقی والسلام ، قیبلەی میحرابم
بڵێسەش بەرزەن جەرگ کەبابم


مامۆستا مه‌وله‌وی

@mawlavi_kurd