Бугун саҳарликда камроқ суюқлик ичгандим ва кун бўйи ер чопиш, экин экиш, дарахтларни буташ ва оқлаш, ишқилиб, ҳовлини гулдай қилиб қўйиш билан шуғулландим. Натижада шунақанги чанқадимки, ифторликкача ўтаётган ҳар бир минут соатдай туюла бошлади. Чанқаганимдан овқатдан ташқари килолик музқаймоқ, газли минерал сув, фанта, кампот, чалоп, чой каби ичимликларни қаторлаштириб ташладим (алҳамдулиллаҳ, етказган неъматларингга ва уларни олишга қодир қилганингга беадад шукрлар бўлсин, Роббим) ва ифтор бўлиши билан барчасини бир бошдан туширишни режалаштирдим.

Режалаштирдим-у, афсуски ичганим 2 пиёла сув еганим 1 дона хурмо, бирозгина салат бўлди холос. Тўйиб қолдим. Қани очликдаги иштиёқ? Йўқ, ҳеч нарса кетмаяпти. Ҳозир ҳам дастурхонга қараб, ўзимча файласуфона гапларни ўйлаяпман.

Одамзотнинг бутун ҳаёти ҳам рўза тутган одамнинг 1 кунига ўхшайди. Бутун умр йиғиб-теради-ю, оқибатда бир парча латтагина унга кифоя қилади. Худдики, бугун мен бутун бошли ичимликлар қолиб, 2 пиёла сув билан кифояланганимдек. Нимаям қилардим, эртага жиянларим бу нарсаларнинг барини "уйини куйдиради"😁. Нақадар ўхшашлик, сен йиғиб-терасан, сенга теккани кафан, роҳатини бошқалар кўради, мен ҳаммасини йиғдим, насибадор бўладиганлар — жиянларим.

@ManaUyat

O‘zbekiston AESsiz uddalay olmaydi, deb hisoblaydi “O‘zatom” rahbari Azim Axmedxadjayev. Unga ko‘ra, stansiya mamlakatning energiya xavfsizligini mustahkamlaydi. Rossiya ishtirokidagi loyiha O‘zbekistonni qaram qilib qo‘ymaydi, dedi u. “AES mamlakatga tegishli bo‘ladi va uni mahalliy mutaxassislar boshqaradi”.

https://www.gazeta.uz/oz/2025/03/24/uzatom/

Telegram | Instagram | YouTube

Энди ҳар йили гринкард топшираман. Иншааллаҳ, АЭС битгунча чиқиб қолса керак.

Эҳ, биз жуда ноёб авлодмиз. Байрам кунлари ишланадиган кунларниям кўрдик, байрамдан кейин ҳам 2-3 кунлаб дам олинадиган кунларниям кўрдик, мана энди фақат байрамда дам оладиган кунларниям кўрмоқдамиз.

Маълумот учун, 30 март Ийд рамазон ҳайитининг биринчи куни бўлиб, фақатгина бу кун якшанбага тўғри келгани учун якшанбанинг кўчирилиши ҳисобига 30-31 март саналарида дам олиш бўлар экан (6 кунликлар учун).

@ManaUyat

Яна шундай ноёб авлодмизки, ойликлар ошмай туриб нархлар ошадиган замонда яшаяпмиз.

Маълумот учун, 1 апрелдан газ/электр нархлари азоб берадиган даражада ошиши кутилмоқда. Сабзининг килоси 7,5 минг-у, гўштнинг килоси +10² минг бўлганини гапирмай қўяверай.

@ManaUyat

Газ ва свет ҳисобингизни тўлдириб олинг, эски тарифлар 2 ойгача амал қилади

Уч кундан кейин газ ва электр энергияси тарифлари кескин ошади. Ижтимоий норма ва ундан ортиқ илк тижорий шкалада тарифлар газ бўйича 650/1500 сўмдан 1000/1800 сўмгача, электр энергияси бўйича эса 450/900 сўмдан 600/1000 сўмгача қимматлайди.

Лекин сизда агар газ ва свет ҳисобингизда 2 ойлик истеъмолга етарли маблағ бўлса ёки 1 апрелгача ҳисобингизни тўлдириб олсангиз, камида 2 ой (1 июнгача) эски тарифларда пул ушланади.

Чунки электр энергияси ва табиий газдан фойдаланиш қоидаларига кўра, Тарифлар ўзгарган ҳолларда табиий газ ҳажми ва электр энергияси учун аванс тариқасида тўловни амалга оширган истеъмолчи икки ойдан ортиқ бўлмаган муддатга қўшимча тўловларни амалга оширишдан озод қилинади.

Ўта таъсирли. Кўзда ёшсиз кўриб бўлмайди😢😢😢.

@ManaUyat

Бугун 1 апреллигиям эсдан чиқибди)))

Soxta ish o‘rinlari, sizdirilayotgan shaxsiy maʼlumotlar va yolg‘on hisobotlar: Bandlik vazirligi kimni aldamoqchi?

“Ikki xodimni ishga oldik. Ularni portalda ro‘yxatdan o‘tkazishimiz kerak edi. Ikkalasi ham avval hech qayerda ishlamagan, ammo JSHSHIR bo‘yicha tekshirsak, ikkalasi ham o‘zi bilmagan holda boshqa tashkilotlarda ishlab kelayotgani maʼlum bo‘ldi. Mehnat vazirligi inspeksiyasiga murojaat qilib, holatni o‘rganishni so‘rasak, ular bu holatni tabiiy holdek, ajablanmay qarshi olishdi”, deydi ish beruvchi.

Batafsil — https://daryo.uz/gqtuxpBX

👉 Obuna bo‘ling - @daryo

Хабарларга кўра, энди Ўзбекистонда ишга жойланмаган битирувчилари кўп бўлган ОТМ фаолияти тугатилиши мумкин. Шахсий фикримча бу амалиётга жорий қилинса, жуда катта хато иш бўлади.

Чунки, ОТМ билим бериши, иш бозорини эса давлат кафолатлаши зарур (адашмасам, иш ўрни яратиш бўйича қанақадир номи узууун вазирлигимиз ҳам бор-а?). Шу нуқтаи назардан ОТМлардан билимни талаб қилиш, ҳамда ОТМнинг келгуси фаолияти у етказиб берган битирувчиларнинг илмий салоҳиятига қараб белгиланиши лозим. Бунинг учун эса битирувчиларнинг якуний давлат имтиҳонларининг топшириши жараёнини назоратга олиш етарли — шунда ғалвир сувдан кўтарилиб, ОТМдан қай даражада билим олинганлиги маълум бўлади. Фақатгина шу йўлни қўллашни таклиф қиламан.

Бундан ташқари, ОТМ фаолиятини ишга кирганларга боғлаб қўйиш фақат ва фақат ёлғон шиширилган маълумотлар-у, бир талай қоғозбозликларни келтириб чиқазади. Раҳбарият ОТМ келажагини ўйлаб талабаларга мажбуран ишга жойлашганлиги ҳақидаги қоғозни "печатлатиб" келишни топширади, акс ҳолда диплом ололмаслигини айтади. Қарабсизки, бутун гуруҳ қоғозда "ишли" бўлиб қолаверади. Амалда эса аксарият талаба бекорчи бўлиб етишади (битиришим олдидан менгаям шунақа қоғоз берилган эди ва бир курсдошимнинг фермер хўжалигида "сувчи бўлиб ишга кирганман"))). Бу юқорида айтганимдек, кўзбўямачиликларни кўпайтиради холос, бошқа ҳеч нарса бўлмайди.

(Аввалроқ президент талабаларни ишли қилиш бўйича топшириқ берган эди. Ўшанда кўплаб ОТМларда "Меҳнат ярмаркаси" деб аталмиш спектакллар уюштирилувди. Қолганларни билмадим-у, бир нечта танишим ўша спектаклда сохта шартнома имзолаб, сохта ишли бўлгани, кейинроқ у шартномалар бир тийинга қиммат қоғоз бўлиб чиққани-ю, ОТМ статистикасида жуда кўп талаба "меҳнат ярмаркасидан иш топгани" ёзилгани эсимда).

@ManaUyat

2 йил олдинги постим. Бу кетишда ҳали бир неча ўнлаб йиллар давомида шу постни қайта-қайта жойлайвераман. Чунки яқиндагина ўқишни битираётган танишим ОТМдан берилган шартномага иш берувчи топиб, ишга кириши кераклиги, акс ҳолда якуний имтиҳонларга киритилмаслиги ва диплом берилмаслиги ҳақида огоҳлантирилганини айтиб, мендан нима қилиш кераклиги ҳақида маслаҳат сўраган эди. Мен унга ҳеч иккиланмай истаган битта муҳрни топиб бостириб олаверишини, жуда тополмаса ўзи битта ном ўйлаб топиб, ўшанга муҳрнинг расмини ясаб, босиб ташлайверишини маслаҳат бердим, Ростиямда, қоғозга сал сиёҳ тегиб, бироз чатилса бўлди, қолгани билан ҳеч кимнинг иши йўқ.

@ManaUyat

Бу қиз Сожида Самандарова эди. Супер қиз бугун таваллуд айёмини нишонлаяпти. Шу баҳона табрикласам, аллақачон ПиэйчДи ни ҳам олиб бўлибди (насиб Тошкентга борсам, 2 марта тизза бўйи еб-ичар қилиб беришга ваъда берди😁). Чин юракдан табриклайман, Аллоҳ илмини янада зиёда қилсин. Дангасалик қилмаса, бунданда юксак марраларга интилса етадиган салоҳиятли бу қиз (бундай дўстим борлигидан фахрланаман). Илоҳим Сожида каби илмли қизлар кўп бўлсин. Қадрли ота-оналар, сизларга жонли мисол шу қиз. Сиз ҳам фарзандларингизни ўқитинг!!!

@ManaUyat

Адойинг бўлгаймиз сени, Ўзбекистон!
Патент олишда навбатда турган мигрантларимиз трентга чиқазиб юборишибдия😁.

@ManaUyat

Адабий ўзбек тилида гапиролмайдиган, тарихни билмайдиган ёшларимиз Россия тарихи ва рус тилидан сертификатга тест топшириб, тестдан ўтганига қувонамиз. Зўр-а?😊😊😊.

@ManaUyat

Бугуннинг гапи кечага, эртанинг гапи бугунга, соатнинг гапи дақиқага тўғри келмайдиган замонда яшаймиз. Шунинг учун тавсиям, узоқ муддатли режа тузманг. Бугунингиз ўтсин, эртага Худо подшо.

@ManaUyat

Кеча электр ва газ бўйича янгиликларни ўқиган бўлсангиз керак. Қисқача мазмунини айтадиган бўлсам, 200 квт, 500 квт бла-бла-бла, ҳеч балога тушунмадим, тушунганим энди ҳар йил 10 фоиздан кам бўлмаган миқдорда нархлар ошади. Бунга на мен, на сиз ва ҳукуматнинг 2024 йил 15 июндаги белгиланган тартибда тасдиқланган электр энергияси ва табиий газ тарифлари 2026 йилдан бошлаб камида уч йил амал қилиши, яъни 2026 йилдан кейин камида уч йил ўзгаришсиз қолиши ҳақидаги қарори таъсир ўтказа олади (балки ўтказар ҳам, ХЗ).

Бугуннинг гапи кечага,
Ачанинг гапи поччага тўғри келмайди😐

@ManaUyat

Ҳожи бобо барибир зўр одамдаааа

@ManaUyat