በመቐለ ዩኒቨርስቲ የማይረሳ አሻራን ያተሙት ፕሮፌሰር ክንደያ ገ/ሂወት

--------

በሞሞና ኤፍ ኤም 96.4 የተዘጋጀ

ፕሮፌሰር ክንደያ ገ/ሂወት ከመጀመሪያ የመቐለ ዩኒቨርሲቲ ፕሬዝዳንት ከፕሮፌሰር ምትኩ ሃይለ እና ከጀርመናዊው ፕሬዝዳንት ፕ/ር ጆአኪን ከርዚግ በመቀጠል ሶስተኛው የመቐለ ዩኒቨርሲቲ ፕሬዝዳንት ናቸው።

የመጀመሪያ ዲግሪያቸውን ከሐረማያ ዩኒቨርሲቲ (ከቀድሞዉ አለማያ) በስነ-እፅዋት (Forestry) በጥቅምት 1985 ዓ/ም የወርቅ ሜዳሊያ በመውሰድ የተመርቁ ሲሆን የማስተረስ ዲግሪያቸውን ደግሞ እንግሊዝ ሀገር ተምረዋል፡፡ መቐለ ዩኒቨርሲቲን በአካዳሚክ ምክትል ፕሬዝዳንትነት ለአምስት ዓመታት ካገለገሉ በኋላ ወደ ጀርመን ሀገር በመሄድ የፒ ኤች ዲ ትምርህታቸውን ተከታትለዋል።

ፕሮፌሰር ክንደያ ገ/ሂወት ዩኒቨርስቲውን ከጥቅምት 1986 ዓ/ም ጀምሮ በመምህርነት፣ በትምህርት ክፍል ሃላፊነት፣ በምርምርና ስርፀት ሃላፊነት፣ በምርምህርና ድህረ ምረቃ ፕሮግራም ተባባሪ ምክትል ፕሬዚዳንትነት፣ በጥናትና ማሕበረሰብ አገልግሎት ምክትል ፕሬዚዳንትን፣ በአካዳሚክ ጉዳዮች ምክትል ፕሬዚዳንትን እንዲሁም ከግንቦት 28/2005 ዓ/ም ጀምሮ የመቐለ ዩኒቨርስቲ ፕሬዚዳንት በመሆን በታታሪነት እና በቁርጥኝነት አገልግለዋል።

ፕሮፌሰር ክንደያ ገ/ሂወት በዓለም አቀፍ መፅሔቶች የታተሙ በርካታ ሳይንሳዊ ፅሑፎችን በመገምገም፣ የማስተርስ እና የፕ ኤች ዲ ተማሪዎችን በማማከር በአካዳሚክ ዘርፉ ከፍተኛ አስተዋፆ ያበረከቱ ሲሆን በተለያዩ ዓለም አቀፍ ጆርናሎች ላይ ከ64 በላይ ሳይንሳዊ ፅሑፎችን አሳትመዋል። በሃምሌ 26/2009 ዓ/ም የመቐለ ዩኒቨርስቲ ሴኔት ባፀደቀው መሰረት የሙሉ ፕሮፌስርሺፕ ማዕረግ አግኝተዋል።

ፕሮፌሰር ክንደያ ገ/ሂወት በምርምህር እና በትምህርት ዘርፍ እንዲሁም በአመራር ክህሎታቸ