الفلاتي ...

الفلاتة هم قبائل سودانية عريقة جزورهم من جمهورية مالي و النيجر و ولايات كردفان ودارفور بالسودان...

مع مرور الوقت قبيلة ( الفلاتة ) كبرت و إتفرعت و بقت خشم بيوت و إنتشرت في باقي السودان . أشهر و أجملهم الفلاتة ( المواليد و الفلاتة تُلس ) .
ديل إتزوجوا من قبائل عربية و خالطو الانساب و حسنو النسل 🧬 يعني بالدراجــي كدة لعبوها ✔️ ..
بس فقدو ميزة البشرة السمراء الكانت بتميزهم عن غيرهم ، حتي جزء كبير منهم بدأ تدريجياً يتناسي ( الرطانة 😨) و هي اللغة الأم في القبيلة وطبعاً لكل قبيلة ( رطانتها المختلفة 👨‍💻) ؛ فلاتة تُلس إكتسبو الشعر الُحر الأسود الناعم و اللون القمحي الفاتح و فصاحة اللسان .
أما بناتهم ديل احيييييي انا ناااار منقد 🤤 و أرجع اقول ( اللهم إني صائم 😂) .
_

أها عندنا صاحبنا إسمه ( حيدر ) من أيام الثانوي و ( البارقيت ) و دا كان الزي الوطني المُوحد لكل مدارس البلاد ، زي أخضر بأسود زي أم أربعين دي 🐛.

( حيدور ) كان بتحرحر 🥲 و يتمسح و يفلفل شعره ، و يومياً ماخد ليه ( علقة ) في طابور الصباح لأنو ما منضبط بالزي ، قال اللبس بشبة ( كاكي ) العساكر 🇷🇺و صدق القول والله ..
_

دارت السنين و بعد سنوات صادفت ( حيدر ) في ( الحوش ) ، الحوش المامعروف حتي الأن هو باركـن ولا كـرين عربات 🚖 .
ناس الحديد بقوا ينافسو ( ستات الباكمبا ) غرف و قرف ( إنت فهمتنـــي 🔞)

المهم أخدنا ونسة مطولة و باغتة لك بالسؤال : لسه في دروبك البنعرفا ولا جافيتها 😏؟ إبستم كدة 😄 و قال : " الكلام دا عايز ليهو كباية قهوة مزبووووطة كدة ، قهوة ☕️ بجنزبيل بس 🍃 ، و طلبت ليه القهوة..

" إنت عارف يا ( بلاااك ) أول سنة دي كانت عجيبة خلاص فردت ليك أولاد الجلابة والراحات و الشهادات العربية و أبداً ما كنت بجتهد في معرفتهم ، بلقاهم مطرفين في البينشات فا بقعد معاهم و بخلق لي موضوع و عشرة ونسة كدة و بجدع رقمي و بكسر كل الحواجز 🚧 🇷🇺 في مكالمات الليل😺..

عملت لي شلة كاربة و راكبة حديد بالموديل والله 🚙 ، إلا أنا الاغبش ( نصيبي من الحديد اكلتو ملاح رجلة 🥬 )
بقينا داخلين ومارقين سوا و عملت قروب واتس و ضفت ناسي و أخوك المشرف 💻 ، حتي دفتر الفطور مسجل بإسمي 😀.

طبعا أولاد الراحات و اي زول زول ساكن في الخرطوم جواه فضول لازم يسألو اي زول يتعرف علية عن قبيلتو قانون ثابت ، ياخ نحن ما كفانا قانون ( فيثاغورت🔺) تصدق و تآمن للأن ما فاهمة و ماعارف نجحت كيف !!.
أنا : اها قلت ليهم أنك ( فلاتي ) ؟!
ديل لو سمعوا كلمة ( فلاتي ) بفتكروها أكلة وبقولي نهاية الاسبوع تعزمنا ليها 😆
ياخ ضحكت ضحك لما إتشرقت 😆😂😂
_

" أنا جعلي أماً و أباً " و الشريحة قرت و أضاف لي ( الفلاتي ) لفظ لا ( يليق ) بمكانتي الاجتماعية وسط الشهادات العربية و اللفظ دا ( نووي ) بهدد بخسارتي للمزز ، فا عليك الله إنت لو جيتني في الجامعة ما تجلط ☢️ ناديني ( بالجعلـي الجعلــي😌 😎) ..

بحكي وهو مبسوط وما عارف إنو الزوط جاي بالمزبوط 😂...
_

بتتذكر ود عمي ( عبد الحفيظ ) بعد إتخرج و إشتغل يوم طلَّ علي زيارة مفاجأة بالجامعة ، وسأل عني ، بعد عّنا ومشقة الجماعة عرفو قاصدني و قالوا ليه إنت قاصد ( الجعلي ) ..
هو إتخلع و رد عليهم : ياناس ود عمي دا ما جعلي ولا شيء أظنكم شبهتو ساي ..
واحد منهم رد برضو : يازول ود عمك دا هنا معروف ( بالجعلي ) أمشي النشاط و أسأل عن الجعلي إذا لقيتو دا هو يبقي مبروووك و إذا بقي زول تاني الله معاك وربنا يجمعك بيه.

زولك مشي ( تنقش تنقش 😂) و وصل و فصل 😂 ... وقف قدامي و نظراتة ما بتتفسر😀😳.
عرفت أنو لا اللمة ولا شكلي عجبة ، الأيام ديك كنت مُربي ( تِفة شعر 🦸‍♂️) و جادع لي شعرتين في جبهتي و قاعد وسط شلتي الفي البلد تصنف تحت مسمي ( بني لوط 😀) ، جراني من يدي لطرف كدة و ( شلتي ) تتابع عن كثب😀 ..
( حفوظي ) مطرني بالأسئلة
ديل شنو القاعد معام ديل 😠 ؟ و قصة الجعلي دي شنو كمان ؟!
الناس ديل لو ماعارفين أنا بوريهم هسي إنك ( فلاتــي 📢 ) ومشي عليهم إلا مسكتو 🥲 .

كشفت للفِرد بالرقراق و رديت ( فلاتي شنو يا ود العم إنت عايز تخرب سوقي ولا شنو 😅؟ فلاتي دا في البلد بس هنا أنا ( الجعلي ) و أمور القبلية والعنصرية دي سيبها إنت زول خريج يابيبي وماقاعد في البلد ومعاها ضحكة عشان ألطف الجو 😮‍💨💧.

سكت مسافة وقالي سمح يا ( أبن عمي ) الكلام دا لما يوصل ( الفريق ) نتفاهم بعدها و مشي خلاني ...

#يتبع...
#يومياتي...