قصيدة " عبد الزجيه "

انا عــبـد الزچية .. سنـــيني فاطــمية
صرت لأجـل العزاء

لطم صدري ونحيبي .. لبو اليمه حبيبي
قِبلــتـي كــربـلاء

لبيگِ يا زَهراء .. لبيگِ يا زَهراء

▪️▪️▫️▪️▪️▫️▪️▪️▫️▪️▪️

يفـاطم .. عزائــي .. بكــائــي
الچ مو للثواب

لمصابچ .. دموعي .. وضلوعي
ردت يلطمها باب

ارزقيني لـِطف و ابقى بحياتي الفاطميه
عزيه اگضيها لمصابچ و اطب ثاني عزيه
امـَـوت امنيتي لـــعيونچ يمحلى هالمنيه
يگولون اعله تاريخي سبب موته الزچيه

قريبه و مو بـعيده .. تموتني القصيدة
و اغمـض بالبكـاء

سَبب نوحي ومشيبي .. لبو اليمه حبيبي
قِبلــتـي كــربـلاء

لبيگِ يا زَهراء .. لبيگِ يا زَهراء

▪️▪️▫️▪️▪️▫️▪️▪️▫️▪️▪️

أضحي .. بحياتي .. و نجاتي
وفده لحسين اصيح

بعزيتي .. اصلي .. علـى اللي
بقى يـگوم و يطيح

عــلى مصــابك يبــو اليمه تمنيته مــماتـي
عهد منـي لجل عيــنك تعب اگضـي حياتي
فده صوتي فده جفني فده نحري و غلاتي
تـِضل يـمي و فــلا تصعد بلا إيــدك صلاتي

حسيني و كـربلائي .. امــوت بلا عزائي
لســيد الشــهداء

رضعت حزني بحليبي .. لبو اليمه حبيبي
قِبلــتـي كــربـلاء

لبيگِ يا زَهراء .. لبيگِ يا زَهراء

▪️▪️▫️▪️▪️▫️▪️▪️▫️▪️▪️

التناسى .. دموعچ .. وضلوعچ
شگو يصلي الصلاة ؟

انخلقنه .. لـعيونچ .. وبدونچ
تره ماكو صلاة

قــياس الغيــره يالزهره على بابــچ مصيره
اليــجامل عــلى ضـلعج اذن مـُاعنده غيــره
شنو إحساسه النگر ضيمچ والضلوع الكسيره
نسه انتِ الاولى والوسطى يفاطم و الاخيره

يسر الله يكبره .. يخيمه وكلشي صحره
يـرافـضة الفــناء

انا عشگي ربيبي .. لبو الــيمه حـبيبي
قِبلــتـي كــربـلاء

لبيگِ يا زَهراء .. لبيگِ يا زَهراء

▪️▪️▫️▪️▪️▫️▪️▪️▫️▪️▪️

حبيبي .. اعله بابك .. و مصابك
ولا تنشـف دموع

الـدنالك .. ترفــعه .. فيــسمـع
صدى كسر الضلوع

يأقرب لي من اوريدي و الي روحگ قريبه
يســاترني بــهدم غيره لـجن جثتك سليبه
مصــابك ياخــذ بگلبي على الاه و يجـيبه
انه عــايش لگي انــت تعـيشني المــصيبه

يكلشي و الله يشهد .. يريحانة محمد
يواســع بالعـطاء

انا اترك قريبي .. لبو الــيمه حبيبي
قِبلــتـي كــربـلاء

لبيگِ يا زَهراء .. لبيگِ يا زَهراء

▪️▪️▫️▪️▪️▫️▪️▪️▫️▪️▪️

لــدماكــم .. اكــابر .. و اناطر
اطالــب بالدمه

اويه ابنكم .. اجاهد .. و تعاود
ابتسامة فاطمه

حــلاة الدنيا من يــرجع ابو صالح يــفاطم
انا البس درع واركض واگله احسبني خادم
متى يگلج بقية الله و كحل عين الهواشـم
امســحيها دمـعتچ انــه بهالجــمعه قــادم

غداً يظهر حفيدچ .. يرجع گلشي بيدچ
يروي حسـينه ماء

ابو صالح طبيبي .. لبو اليــمه حبيبي
قِبلــتـي كــربـلاء

لبيگِ يا زَهراء .. لبيگِ يا زَهراء

▪️▫️▪️▫️▪️▫️▪️▫️▪️▫️▪️▫️▪️▫️

#ميثاق_الحمداني

قصيدة " اميرة الجنان "

إسمهه أميرة الجنان انـخلق كلشي لأجلها
بمدينتها و على الوجود تبث الرحمة كلها

.. لـيش .. ما حفظو حرمتها ..
.. لـيش .. ما نشفت دمعـتها ..

آه آيـا زهــراء .. آه آيـا زهــراء

▪️▫️▫️▪️▪️▫️▫️▪️▪️▫️▫️▪️

الله مــا گالــلها گوني
گلها أحبچ هي صارت

إلها و اعله مـعرفتها
القرون الاولى دارت

ليش بخدها سطروها و تراچــيها نثروها
بباب ونار عصروها يعني الزهره خنگوها

و بيها تون .. عالمحسن .. و سطره ترن
على خدها

.. أبــوهـا ســيــد انبيــاء ..
.. و يجــي يقبــل إديـها ..

.. الگبل ماسامعه الصوت ..
.. اجـــو صــرخو عليــهـا ..

آه .. من شـدة عصرها
آه .. ما نشفت دمعتها

آه آيـا زهــراء .. آه آيـا زهــراء

▪️▫️▫️▪️▪️▫️▫️▪️▪️▫️▫️▪️

كل أميــرات العوالم
لو قَرن للزهره سيره

جاريات يگولن احنه
و فاطمه هي الاميره

حرگو بيتها عليها يعني احتــرگت ايـديها
الباب شما قرب ليها بوجه الزهره يچويها

تتــچوه .. و تتــلوه .. و بقــوه
يدفعوها

.. آميـــرات البـــرايه ويـــن ..
.. عـــن الزهـــره و قدرهــا ..

.. استراحن من أذى الضلوع ..
.. وهــــي تلـــوچ بكـــسرها ..

وين .. ما وحده شــبهتها
ليش .. ما نشفت دمعـتها

آه آيـا زهــراء .. آه آيـا زهــراء

▪️▫️▫️▪️▪️▫️▫️▪️▪️▫️▫️▪️

مو عرش تهوى الحصيره
و عالــيتامى مـــو بعيـده

تلــبس ثيـــاب القــديمه
و تنطي للفقره الجديـده

بسوط انضربت وطاحت من گد الالم صاحت
چم لسعه متن لاحت متون ام الحسن راحت

ضربوها .. عصروها .. رفسوها .. و بچوها
و هي الزه‍ره

.. المثلها تنخــدم يناس ..
.. لچن فــاطــم حــزينه ..

.. اذا تبچي البشر تصيح ..
.. اطــلعي مـِــن المـدينه ..

چروح .. و تشيب قصتها
ليش .. ما نشفت دمعـتها

آه آيـا زهــراء .. آه آيـا زهــراء

▪️▫️▫️▪️▪️▫️▫️▪️▪️▫️▫️▪️


هي أمــيره و هـُل حقيقه
مــو خـَـيال و لا احــاجي

مــن الذهب تــاج الاميره
و كالت انه حجابي تاجي

حگها الدمعه من تنزل الگسره البالضلع تگتل
يا ســامعني متــخيل بسمــار بعظم يــدخل

آذاهـــا .. و چواهـــا .. خلاهــا
تون سگته

.. المصيبه من يچي الحُسين ..
.. بــوضعها وياهــا يحــجي ..

.. الـــه تتــبســــم بحنـــان ..
.. لچـــن داخلــها تبـــچــي ..

حسين .. خايف من غيبتها
ليــش .. ما نشفت دمعـتها

آه آيـا زهــراء .. آه آيـا زهــراء

▪️▫️▫️▪️▪️▫️▫️▪️▪️▫️▫️▪️

مارضت أن يحــملوها
مثـل أمــيرات البـــريه

و گوه من ماتت حملها
عالمتن حامي الـحميـه

من كسر الضلع تدعي يارب ارحم بوضعي
والله تعــبت من ضلعي ثوبي تبلل بدمعي

شيعوها .. و دفنوها .. و دعوها
و بعدها تون

.. أميرة سـائر الوجود ..
.. مــن توسـدت ثراها ..

.. بوقتـها الامه بالالوف ..
.. و علي لوحده بعزاها ..

اوياه .. صحبه و ذريتهــا
ليش .. ما نشفت دمعـتها

آه آيـا زهــراء .. آه آيـا زهــراء

▪️▫️▫️▪️▪️▫️▫️▪️▪️▫️▫️▪️
#ميثاق_الحمداني

https://youtu.be/ik9H7hkYQUc

قصيدة: - الزم گلبك
اداء الرادود :_ هاشم الساعدي
كلمات :_ #ميثاق_الحمداني


لتواصل مع الشاعر #ميثاق_الحمداني
عبر مواقع التواصل الاجتماعي ادناه👇




{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/R2K8mSEcNAg


قصيدة:_ يا نعش يحملة
اداء الرادود :_ #حيدر_البياتي
كلمات الشاعر :_ #ميثاق_الحمداني




لتواصل مع الشاعر #ميثاق_الحمداني
عبر مواقع التواصل الاجتماعي ادناه👇



{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/UpDNEP6GYFQ


قصيدة :_ اريد احضن ترابك
اداء الرادود :_ علاء الغريباوي
كلمات الشاعر :_ #ميثاق_الحمداني



لتواصل مع الشاعر #ميثاق_الحمداني
عبر مواقع التواصل الاجتماعي ادناه👇




{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/90kpuAAGV1o


قصيدة :_ يا عقيل اختار الية
اداء الرادود :_ #حيدر_البياتي
كلمات الشاعر :_ #ميثاق_الحمداني


لتواصل مع الشاعر #ميثاق_الحمداني
عبر مواقع التواصل الاجتماعي ادناه👇


{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

قصيدة " ماعرفتينه "

ما عرفتينه .. للــدفن چينه .. بـدمع هــامل
انتو يا همه .. احنه ابو اليمه .. و ابو فاضل

صاحت اخواني الغريبه
وهمه صــاحو يالحبيبه

چينه .. چينه

▪️▫️▪️▪️▫️▪️▪️▫️▪️▪️▫️▪️

واخــيراً من بعـد فــرگه التقـو
زينب تمنت يجوها و همه اچو
وصلو لنعش العقيله و ما حچو
ها يخــوتي گالت وهـمـه بچـو

صاح ابو اليمه و نحب
جــينه ننســيج التـعب
عتبي جـرحج بالــعتب .. يطيب

من الــهزل طـولج وگع
من السبي چدمج جزع
وچــهج من الطف طلع .. تريب

ميته متعوبه .. گلشي مسلوبه .. تغــيرتـي
ميته محـنيه .. مبينه مسبيه .. وغريبه انتي

نزلت دمــوع المــصيبه
وهمه صــاحو يالحبيبه

چينه .. چينه

▪️▫️▪️▪️▫️▪️▪️▫️▪️▪️▫️▪️

انشــالت اجنـازتها بمتـون الثنين
ولنها زينب گالت شلونك حسـين
و نادت العباس شايل نعشي وين
ليــش اجيت وانت ماعندك أديـن

مــتونهم شــبعت دمـع
تحاچي الحسين بفجع
خاف ثگلي اعله الضلع .. يقين

المنطبر نحـره اثنعش
يحمل شلــون النعش
بعدك تحس بالعطش .. حسين

كافلي وابنـي .. هاكـد يحــبني .. و تعناني
متعبه كاهلكم .. فدوه اروحلكم .. يخواني

الگــلـب زاد بــنحــيــبه
وهمه صــاحو يالحبيبه

چينه .. چينه

▪️▫️▪️▪️▫️▪️▪️▫️▪️▪️▫️▪️

للگـــبر من گربوا بمدمع يسيل
بالجـــنازه صار ممشاهم ثگيل
حسين گَل للشَيعوا مابيه حيل
من انزلها احس تسحگني خيل

حسين بالدفنه يـِهم
خايف بحمل الجسم
لا متـــنـها ينــلجـــم .. بديه ( إيديه )

وسد اخته و منفجع
خدها الأيمن منصفع
و الگمر هـــل الدمـع .. عليه

ويا نعش زينب .. من النقل ينحب .. أمر يقهر
ثـــلاثه نقــلاته .. و ذني وگعاتـــه .. ابو الاكبر

ذكــرت الچثــه السليبه
وهمه صــاحو يالحبيبه

چينه .. چينه

▪️▫️▪️▪️▫️▪️▪️▫️▪️▪️▫️▪️

ليلة الوحــشه بچوا يمها شگثر
ومــن دمع عــباس مبتل الگــبر
طيــبوا خاطرها بس ظل اليسر
تگلهم يشوفوني و أنه ام الخدر

تـــشگي و المدمع يهل
شسوه بچفوفي الحبل
وســفه اصــعد عالهزل .. و اميل

الشـــام جـَــرعني قهر
سوط و يلحگه الحجر
انســـبي ولــيــه الگمر .. گفيل

اليشگي من ضيمه . لا بقت خيمه . ولا والي
انـــــه عــلــــويــه . تالي مــسبيه . يكفــالي

خدري راح ومن يجيبه
وهمه صــاحو يالحبيبه

چينه .. چينه

▪️▫️▪️▪️▫️▪️▪️▫️▪️▪️▫️▪️

انــدفنت و نــادتهم بـوكت الدفن
يم رقية امشو عسى يخف الحزن
بالخــرابه هـَـسه تلــگوهــا تـــون
خـل تســـولف الكم شبــيها الإذن

والسبلها شگد جـِسر
چر إذنها گــبالي چر
طفله خاطرها انكسر .. حرام

الشام هدها و كربله
گصرت أمن السلسله
ما تــرگــها حـــرمله .. تنام

مروا مثواها .. سولفو وياها .. حچي عدها
تگثر آلامه .. وهسـه محتامه .. اعله والدها

كل جـــرح هو طبــيبـه
وهمه صــاحو يالحبيبه

چينه .. چينه

▪️▫️▪️▪️▫️▪️▪️▫️▪️▪️▫️▪️
#ميثاق_الحمداني

https://youtu.be/Cf5nlVGhoLc

قصيدة ام البنين الاربعة
اداء الرادود القدير # كرار_ابو_غنيم
اداء الرادود الموفق :_ #حيدر_البياتي
كلمات الشاعر:_ #ميثاق_الحمداني


للتواصل مع الشاعر #ميثاق_الحمداني
عبر مواقع التواصل الاجتماعي ادناه👇





{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/R34ECEmNq-M


قصيدة :_ جيت اخدمهم
اداء الرادود :_ #حيدر_البياتي
كلمات الشاعر :_ #ميثاق_الحمداني




للتواصل مع الشاعر #ميثاق_الحمداني
عبر مواقع التواصل الاجتماعي ادناه👇




{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/RVyW06HXwJo


قصيدة ؛_ انه علي الهادي
اداء الردود :_ #حيدر_البياتي
كلمات الشاعر:_ #ميثاق_الحمداني



للتواصل مع الشاعر #ميثاق_الحمداني
عبر مواقع التواصل الاجتماعي ادناه👇




{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/v_Ok2azWxJk


قصيدة :_ حروف فاطمة
اداء الرادود :_ #علي_الوائلي_الكربلائي
كلمات الشاعر:_ #ميثاق_الحمداني


للتواصل مع الشاعر #ميثاق_الحمداني
عبر مواقع التواصل الاجتماعي ادناه👇



{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/--NPO7GICNc


قصيدة:_ يسيد محمد يباب الحاجة
اداء الرادود :_ #حيدر_البياتي
كلمات الشاعر :_ #ميثاق_الحمداني



للتواصل مع الشاعر #ميثاق_الحمداني
عبر مواقع التواصل الاجتماعي ادناه👇




{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

قصيدة : حروف فاطمة

فاءٌ .. فاطم واندبج
الفٌ .. الله يحـــبـج
طاءٌ ..طيب يكــلبج

معنى هالميم البسمج .. ملــكة كلــشي
تـــائج هنـــا تــرتيلــة .. تكعد المـغشي
من الله هالدنيا بإيدج .. توكف وتمشي

.. فـــــاطم . فـــــاطم ..

▪️▫️▪️▫️▪️▫️▪️▫️▪️▫️▪️▫️

حرف فاء فرحة فقره في فطر عيد
فراشه فنزلت فرحى فجأه فوك ايد
فـــجر فتــلاوة فـــاطـر فتـــغاريــد
.. فراتٌ فضائل .. فوفرة فسائل ..

مرات احســــاس البينه يكبر
ونشوف اللغه كـــدامه تصغر
بيا ماي احجيلج وانتي كوثر
.. فاطم يا كبيره ..

امن النار تفـــطمين البرايه
يجبيره و سمه الله العبايه
انتي البــــاء بكلمة بدايــة
.. والتاء الاخيره ..

انتي علة وجود الـ .. مصطفى
ولــــــو لا وجودج .. جا طفــه
هــــذا الوجـــود و .. جا صفــه
.. ضلمه ..

الله كلج جناب الــ .. السيدة
كلـــشي لـعــيونج .. أوجـده
كـــلتــيلــه ابــــدأ .. وابتـده
.. العـــالم ..

انــتِ .. من اين جئتِ ؟
حتى .. الكـــلَ صـرتِ
كـنّــا .. من انتي جنتي

الله كــلج يــــا فـاطم . هذا الج كلشي
من الله هالدنيا بإيدج . توكف وتمشي

.. فـــــاطم . فـــــاطم ..

▪️▫️▪️▫️▪️▫️▪️▫️▪️▫️▪️▫️

الالـــف أن أعلم اقرأ أنتي آيـه
أفاطـــم أأمٌ؟ أم أصـل البدايـه
أشـــــوفج أول آخر ألحــكايـه
.. أحبج أودج .. أخدمج أعبدج ..

شــكراً يــــا سيـــدة العوالم
من جـــيتج واقبلتيني خادم
بسوق الرق و تشريني فـاطم
.. مولاتي ام الحسين ..

نلوذ بضلج وانتي القديره
الكــون باسره جفج يديره
انتي هـــناك بشبه الجزيره
.. وعيونج على الصين ..

خدمتج عالاماني .. امـــقدمه
يــــا ام حــيـــاتي .. فـــاطمه
وانتي الرســمــتي .. المرحمه
.. بيدج ..

لا تحرميني اسكن .. خيمتج
انـــــه الاجــــــدي .. رحمتج
والعـــــايش بظــل .. نعمـتج
.. خـادم ..


انــي .. سمــعا وطـاعه
خادم .. دونــج ضياعه
قارب .. الخدمه شراعه

خدمتج تمشي بروحي . وساريه بهرشي
امن الله هالدنيا بإيدج . تــوكف وتمشي

.. فـــــاطم . فـــــاطم ..

▪️▫️▪️▫️▪️▫️▪️▫️▪️▫️▪️▫️

حرف طاء طهرٌ طبعج طَيبة احساس
طــبيــبة طائر طــــايح طعنته الناس
طقوس الطـــاعه طور و طِيبة انفاس
.. طهوره وطليعه . طلوع وطبيعه ..

يا خيمه وكل الدنيا صحره
يا لون الجنه الچنها خضره
واحد كلنا وكون الله عشره
.. وانتي التسعه كلها ..

العـــــايش دونج مولاتي دوره
مــثل القــصيده بلايــه صــوره
الكون انتي اللي تسهلين أموره
.. وللحاجه أهلها ..

انتي عين الحقيقه .. والزمن
يــثـــــبت بـــأنــج .. كالوطن
ليــش امن اوصفج .. احجي عن .. الله

يغضب الله لعيونج .. يم حسن
ويرضى لـــرضــاها .. واقـــترن
الكــــون بقــضيتج .. ممتـــحَن
.. ناجح . راسب ..

شـــكرا .. كلمه بـدمعنه
بــوادي .. حبــج وكعنه
لضـلعج .. نكسر ضلعنه

يا دمع طــــــاهر باقي . يسرح برمشي
امن الله هالدنيا بإيدج . توكف وتمشي

.. فـــــاطم . فـــــاطم ..

▪️▫️▪️▫️▪️▫️▪️▫️▪️▫️▪️▫️

حرف ميم اسمج من مجده محمد
مهمــين مـؤمن مغني مبدئ المجد
ملك متعــــالي محيي محصي العد
.. مقدم مدبر .. معز متكبر ..

باجر كـــلنا نسمعج تكولين
ربي انطيني خدام الحسين
انتي البــــاجر بينه ترحبين
.. باليمه وملحها ..

باجر فـــاز الشافج عقيده
اليتــــصنع حبج ما نريده
مبيّن مثل السارق قصيده
.. ميحس بجرحها ..

انتي يوم القيامه .. وكفتج
للجــــنه تدخـــل .. شيعتج
والله يــــكَــــلـج .. جنــتج .. هايه

يا عظيمة الفضائل .. تنـــذكر
نحـجــــي بمقامج .. للحــشر
ونكــــول اخــــيرا .. انتي سر
.. كبرى ..

اعـظم .. كـــــل البريــه
بقدرج .. وانتي الزجيه
الـدنيا .. والاخــــريـــه

فاطمه واســمج يحيي . لو انا بنعشي
امن الله هالدنيا بإيدج . توكف وتمشي

.. فـــــاطم . فـــــاطم ..

▪️▫️▪️▫️▪️▫️▪️▫️▪️▫️▪️▫️

اعله اخر اسمج تاء تعني تهجد
تــولي تـــبري تســـليمٌ تشـــهد
تـــلاوة تايه تحمي تدلي ترشد
.. توكل تقدم .. ترفع تعظم ..

ما نتـــــرك دربـــج يالاميره
ونـــدافع للحلــــقه الاخيره
الشكك بمصابج خالي غيره
.. باجر منهو يندب ..

والحـــــاربنه بهاي الشعيره
عــــاندنه وسوينــاها سيره
الجانت العنده تكيه صغيره
.. سواها احلى موكب ..

انتي اصل العقيده .. والشرع
فصـــل الحــــكايه .. بالـضلع
خلــــي العــــوالــم .. تستـمع .. ضلعج

ننسى كلشي ونذكرج .. لـــلابد
يــــــــا حــــــاضرتنه .. بالشدد
والعـــنـــج بيــــــوم .. ابتـــعد
.. خاسر ..

بضلعج .. لا ما نجـامل
الخدمه .. الـــها كــــوافل
الجامل .. يأدبه ابو فاضل

واليحب حمزه شلون بـ . داخله وحشي
امن الله هالدنيا بإيدج . توكف وتمشي

.. فـــــاطم . فـــــاطم ..
____
#ميثاق_الحمداني

https://youtu.be/jZ0Gn2xnVwc

قصيدة :_ هنا صارت المنية
اداء الرادود :_ #حيدر_البياتي
كلمات الشاعر:_ #ميثاق_الحمداني



للتواصل مع الشاعر #ميثاق_الحمداني
عبر مواقع التواصل الاجتماعي ادناه👇



{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

https://youtu.be/1slOc0hmF8k

قصيدة :_ الخادم لو غمض العين
اداء الرادود:_ حيدر العطار الكاظمي
كلمات الشاعر :_ #ميثاق_الحمداني


للتواصل مع الشاعر #ميثاق_الحمداني
عبر مواقع التواصل الاجتماعي ادناه👇



{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

قصيدة " هنا صارت المنية "

هنــا صــارت المـنية
مـن كتلي مالي جية

والــزَمت آنه يمينك
وأنت إغمَضت عينك

مـن گتلي مالي جية

▪️▫️▪️▫️▪️▫️▪️▫️▪️▫️▪️

انترست الـدنيا جروح
مــن كلتـلي راح اروح
طحت كدامك وانـوح .. يـمه اريدك

وين اروحن لو مشيت
بيـــدك الزمت وبجيت
وانغمه اعـليه وكضيت .. بجرة ايدك

انت تمشي وطولي مال
روحـــي كــلتلك تعـــال
انــه بـس اســـأل سؤال .. ما ازيدك

ليش اشوف مـخضبيك
وخيل شو تسحك عليك
وواحــد بخنجر يجــيك .. يحز وريدك

من كتلي هذا دربي .. كتـلك ييــمـه كلــبي
يبنــي گـــرب بينك .. وانت اغمضت عينك

.. من گتلي مالي چيه ..

▪️▫️▪️▫️▪️▫️▪️▫️▪️▫️▪️

يــا گـــلب ام البــنين
من درت وجهك يقين
كمـت تبجي يا حسين .. ودمعتلي

وارجـــعت وانت وراي
امشي عالكيف بخطاي
رايــــده تكــلي تعـــاي .. وما كلتلي

هنـــا متت موتــة عذاب
هنا حـــرك كلبي الغيــاب
كمت احجي اويه الثياب .. ودمي يغلي

البـاب يلجــملي جروح
الهوا يحركه وانه انوح
وفـــاطمه تــكلي نروح .. بلكي اهلي

كل ليله دمعي اسيله .. ومكابله العلـيله
بجم اه متانينك .. وانت اغمضت عينك

.. من كتلي مالي چية ..

▪️▫️▪️▫️▪️▫️▪️▫️▪️▫️▪️

و ابــتده موتي هذاك
من بـقيت ابجي وراك
ومن بشر جاني ونعاك .. والطمت عين

بــولدي مــا كتله ســؤال
حسين كتله ودمعي سال
وبــِـشر مــا بشرني كــال .. راح الحسين

راح ابــنج كـلي راح
وراسه يفتر عالرماح
مــره يثبت مره طاح .. لا تسألين

وزينب اسروها ليزيد
وجان عند الشام عيد
دخلت ومجـتوفه ايد .. للدواوين

يا كــلبي يا مصابه .. زينب تــطب خرابه
يابو الفضل وينك .. وانت اغمضت عينك

.. من كتلي مالي چية ..

▪️▫️▪️▫️▪️▫️▪️▫️▪️▫️▪️

كمت اودي اويه الحمام
لــكبر ابــو الــيمه سـلام
امــــنيـة عــمــري انـــام .. فوك كبره

والله عذبني الغيـاب
رايـــده مــنه جـواب
هو يدري الفركه باب .. وبيها عصره

ارد انوحـن عالخضيب
صــاحب الــخد التريب
صاحب الجسم السليب .. الدامي نحره

على عطشــان الغريب
على مذبوحي الحبيب
اللــحيته كلــها شــيب .. وصفت حمره

يحسين اريد احضنك .. محتاجه يمه منك
بيني حجي وبينك .. وانت اغمضت عينك

.. من كتلي مالي جية ..

▪️▫️▪️▫️▪️▫️▪️▫️▪️▫️▪️

هذا تـابوتي وحيد
وانـــه اولادي اريد
كلبي والله ما يهيد .. وي جفوني

ناطره حسين يعود
وين مكطوع الزنود
ويـن الثلاثه الحيود .. ما اجوني

ها يزينب انتي وين
والله مشتاكه تجين
هـــاي اني ام البنين .. يشيعوني

وين شمل البيت ذاك
حسين ضيعنـا جفاك
كــلشي ضيعنه وراك .. يا عيوني

محد اجــه بوفاتي .. ابــجي وانـه بمماتي
يبني صحت وينك .. وانت اغمضت عينك

.. من كتلي مالي جية ..

▪️▫️▪️▫️▪️▫️▪️▫️▪️▫️▪️▫️▪️
#ميثاق_الحمداني

https://youtu.be/BGXlgX96oFY


قصيدة :_ ما نحب غيرك
اداء الرادود :_ #حيدر_البياتي
كلمات :_ #ميثاق_الحمداني




للتواصل مع الشاعر #ميثاق_الحمداني
عبر مواقع التواصل الاجتماعي ادناه👇



{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4

في الطريق الى مولاتي عقيلة بني هاشم ع
ولن انساكم بالدعاء احبتي الكرام

اخوكم #الشاعر_ميثاق_الحمداني
الرادود :__ حيدر العطار الكاظمي

قصيدة " ام البنين الاربعه "

ام البـنين الاربـــعه مــاتــت غريبة
وهو الحبيب بشدته يحضره حبيبه

.. أمن يجيب .. دمع الحبيب ..

▪️▫️▪️▫️▪️▫️▪️▫️▪️▫️▪️

كــامل ابـــو اليمه يجي لو منحره مكطوع
من يلطــملها بياكتر و بصدره ماكو ضلوع
بعينه جرح من كربله مايبجي يعني دموع

.. دم تكطر عيونه ..

حسين .. صاحت ام عباس
بـلوعه و حسـرة و هضمه

حسين .. لحــك يمكن
ازعل منك يا بو اليمه

حسين .. والله محتاجة
اســمع منــك كلــمة يمه

انه ادري ماتكدر تجي گطعو وريدك
مااغــمض عـيوني ابد الا اعله ايدك

.. وانت المجيب .. دمع الحبيب ..

▪️▫️▪️▫️▪️▫️▪️▫️▪️▫️▪️

ما ضل وكت عـن الدفن خل يحضر العباس
لمـن يجي راســه انهشم لا يلطم اعله الراس
لايبجي وبعينه سهم خل يبجي بس احساس

.. ويحملني بزنوده ..

هنا .. عباس امك ماتت
وينــك مـــالـك جيــه

هنا .. بس ردت تشيعني
الليــله وتبــجي اعلـيه

هنا .. صاحت وين وليدي
الغـــالي اليــهتم بيــه

عبــاس اريــدنك تجــي تنـــزلي كــبري
محتاجه ابن يحضر الي ودموعه تجري

.. يطفي الهيب .. دمع الحبيب ..

▪️▫️▪️▫️▪️▫️▪️▫️▪️▫️▪️

مـاتت قبل هذا المسه بهضمه و گلب لهفان
من گالو حسين انذبح واخته دخلت ديوان
مــا ضلت چفوفه و طفت عينه گمر عدنان

.. عالمشرعه موذر ..

طاح .. عباس اعله ماي
اهنـــاك و طـيح كلشي

طاح .. ورد لخيامه حسين
بكـــسرة يطيح و يمـشي

طاح .. ما يحضر مهما
گــلتيله إحــمل نعشي

هاي المصيبه الموتت هاي الوفيه
من عرفت براس الابو ماتت رقيه

.. حزنه عجيب .. دمع الحبيب ..

▪️▫️▪️▫️▪️▫️▪️▫️▪️▫️▪️

مشتـــاكه ابــو اليمه يجي وتكله يا مولاي
جانت تعرفه لو ضمه وتركض تجيب الماي
بظهريه لــو يطلع دعت يارب ارزقه فـياي

.. مشتاكه اله تخدمه ..

ليش .. ميته ام العباس
وحيده وتبجي الليله

ليش .. فكدت كل ايام
الحــلوه وذيج العيله

ليش .. ماتت ما يحضر
إلها حسين وتحجيله

امن يجيب التنتحب برض المدينه
محد حضرها وبالكبر ضلت حزينه

.. لذاك التريب .. دمع الحبيب ..

▪️▫️▪️▫️▪️▫️▪️▫️▪️▫️▪️

شتذكرت من كربله و ماتت هذاك الليل
يمكن لمن شمرو على زينب حجر ثكيل
يمكن من حسين انطرح وبگلبه داست خيل

.. لو ركضت سكينه ..

آه .. يمكن ذكرت زينب
بالطف وكت المصرع

آه .. من كام حسين الها
و صار يكوم و يوگع

آه .. يمكن ضلع حسين
بهـــاي تكسر تسـمع


ما ماتت براحه وگضت وي دمعة العين
أم البنين مـــن القهر ماتت على حسين

.. ضامي و سليب .. دمع الحبيب ..

▪️▫️▪️▫️▪️▫️▪️▫️▪️▫️▪️

ماجوها واندفنت تون والدمعه عالخدين
اتــمنت تــموت بكربله وتشم عطر كبرين
من جــهة اليسار الكمر من اليمين حسين

.. بس ماتت بغربه ..

صوت .. منها لكل زاير
يمهم ويـــاك ادعيلي

صوت .. الزم شباك حسين
بإيـــدك و ابــجيــلي

صوت . سلم عالعباس
واذكـر وحشة ليلي

يا زائـــري طــف كـــربله زوروا نيابه
عن البقت تبجي على حسين ومصابه

.. بدمه خضيب .. دمع الحبيب ..

▫️▪️▫️▪️▫️▪️▫️▪️▫️▪️▫️
#ميثاق_الحمداني

https://youtu.be/o9Mt7q3c_E4


قصيدة:_ سبع اصوات سمعت زينب
اداء الرادود :_ #حيدر_البياتي
كلماتةالشاعر :_ #ميثاق_الحمداني


للتواصل مع الشاعر #ميثاق_الحمداني
عبر مواقع التواصل الاجتماعي ادناه👇






{الحسابات الرسميّة للشاعر :ميثاق الحمداني}

فيـس بـوك Facebook

https://www.facebook.com/mithaq.alhamadni/

إنستـگـرام Instagram

https://instagram.com/mithaq_alhamadani

تـيـلـيـگـرام Telegram

https://www.tg-me.com/MRHR4