https://youtu.be/w8z-YXnFSAo?si=iw3RRTWsFbN4BhQ_

قصيدة :_الليله الاخيره
اداء الرادود :_ :_ #علي_الساعدي
كلمات الشاعر :_ #ميثاق_الحمداني

للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه


فيـس بـوك
https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

https://youtu.be/B2QxiPeBiWE?si=CxgA-IO1oaY26HYw


قصيدة :_ بيت الحسين
اداء الرادود :_ #محمد_باقر_قحطان
كلمات الشاعر :_ #ميثاق_الحمداني


للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه

فيـس بـوك
https://www.facebook.com/profile.php?id=61553547113067&mibextid=ZbWKwL


إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

https://youtu.be/-tNqPfu_PMI?si=xCBM-hWOCY1NSfli

قصيدة :_ ام الابطال
اداء الرادود :_ #علي_الساعدي
كلمات الشاعر :_ #ميثاق_الحمداني


للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه

فيـس بـوك
https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

https://youtu.be/RwsIuMzx-hg?si=KFUT5nPPxYvubfgf

قصيدة :_ المذبوح الأجمل
اداء الرادود :_ #مصطفى_السوداني
كلمات الشاعر :_ #ميثاق_الحمداني


للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه


فيـس بـوك
https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

https://youtu.be/N1wpxqVK1r0?si=f36mERvTmWgzGZbZ

قصيدة :_مقارنه
اداء الرادود :_ #علي_الساعدي
كلمات الشاعر :_ #ميثاق_الحمداني


للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه


فيـس بـوك
https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

https://youtu.be/tcplJjwEjeU?si=hVzgI_Ao77kBjvog


قصيدة :_ يوم العاشر
اداء الرادود:_ #علي_الساعدي
كلمات الشاعر :_ #ميثاق_الحمداني


للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه

فيـس بـوك

https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

https://youtu.be/0aHajzdCxj0?si=83Ai5r5VcMhTX7Dk


قصيدة :_ ابن العم
اداء الرادود :_ #مصطفى_السوداني
كلمات الشاعر :_ #ميثاق_الحمداني

للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه


فيـس بـوك
https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

قصيدة ليلة الدفن

يالنساوين . دفنوا حسين
وحصيره نعشه
سووا الاعمال . صلوا بحبال
صلاة الوحشه
ادعن بلكي يرتاح . راسه من الرماح
يالنساوين
.......
ابو طول الهيبه لموه بالحصيره
انگطع راسه وحفرته صارت گصيره
علي ايشلع اسهام ويحط بالحفيره
الهيبه من لموه صفت جثته زغيره

ثوبه يا ويل . بيه طبع خيل
كثر ما يُرفس
خنصره الضاع . انلگه اعله الگاع
بدون المحبس
يدور ارقيه من طاح . راسه من الرماح
يالنساوين
.........
خلي ندعي لجسمه يبرد كاتله الحر
الشمس فوگاه ثلثتيام تفتر
اليستحي . عريان صار الله اكبر
أنعم الله اعله الگبر ظم ابو الاكبر

تهون عطشان . الصعبه عريان
وتغطه بدمه
ادعوا بدموع . تهدا الضلوع
بعد لتلجمه
بجرحه امن الألم صاح . راسه من الرماح
يالنساوين
......
اسكينه صليله قبل طلعة الغبشه
بلكي يسمع صوتج وما تبقى وحشه
والهضيمه الهدّمت للصبر عرشه
حسين ما بيه گومه والشمر ايتمشه

من صحت اه . واه حسيناه
دخيلك إفزع
امن القهر مات . وثلث مرات
يگوم ويوگع
غيور وفاكد سلاح . راسه من الرماح
يالنساوين
......
يا رباب وانتي الاقرب بين ناسه
ادعي من رمحه بعد ميطيح راسه
شهزنان وليلى اقرن شنو احساسه
يغار من يشاهد اعليجن حراسه

وانتي يم عون . بحالج شلون
ويشوفج روحه
بهزله تمشين . والدواوين
تهيج جروحه
لرقيه كاسر جناح . راسه من الرماح
يالنساوين
.....
ادعوا عالآذوه والگطعوله الانفاس
وعالشماته البالحجاره تضرب الراس
وحشته مو من گبر من خلصت الناس
وبدت من رد الحسين بلايه عباس

شيّب الراس . بموت عباس
ولزم خاصرته
تغير حسين . شفته بالعين
وصحت منهو انته
گلي حسين بس راح . راسه من الرماح
يالنساوين

كلمات #الشاعر_ميثاق_الحمداني

هذه القناة صدقة جارية في خدمة الخطباء والرواديد.


انشر الرابط  ع حب اهل البيت عليهم السلام
https://www.tg-me.com/yasa7ebannahreddami


قناة خدام سيد الشهداء ( عليه السلام )

رايد أقرالك مقتل ثاني
ومو عبد الزهره الكعبي آني
بوجهك اتأمل
المذبوح الأجمل
گلت اقرالك مقتل وجداني
......
ممكن اسأل . ليش تذبل . وتغمض العين
يا هظمنه . الطف حرمنه . ضحكة حسين

الصوره العدنه هاي حسين قبل الطف
بعد لحجاره ما ضن وجهه يتوصف
فتحتله جبينه فتحة المصحف
قبل كربله تمنيت الزمن يوگف

حسين المدينه بخير عيونه
بس بالطف ظامي وما يروونه
وشفاه ما تبتل
المذبوح الأجمل
گلت اقرالك مقتل وجداني
.......
طحت مايل . اعله ابو فاضل . وگلت بحساس
شراح نتعب . انه و زينب . مات عباس

ردت ترجع ولكن گومتك تصعب
بعد ماكو اخو يسندك لمن تتعب
الزمت ظهرك وگلت لروحك وتنحب
يلا حسين گوم بعازتك زينب

امشي اعله خيامي ودمّه بإيدي
واصرخ يا زينب مات اعضيدي
مات اليتكفّل
المذبوح الأجمل
گلت اقرالك مقتل وجداني
.......
وموقف اخر . وي الاكبر . بأوّل وداع
گتله يبني . شگد تحبني . ارجع بساع

ورجع وانت اركضتله وگمت تتعثر
هوّ حسيني صاح وانت يالاكبر
شبگته وگلت بويه ليش تتأخر
اشتاگيتك يگلك گتله انه أكثر

بتوديعه الثاني ابچيت بسرعه
تعرف بالعسكر راح يگطعه
وبدر الحب يأفَل
المذبوح الأجمل
گلت اقرالك مقتل وجداني
.......
فطر چبدك . صغير ولدك . من بچه هواي
تسمعه يبچي . يعني يحچي . يا أبي ماي

عبد الله الربيع اليشبه الورده
اذا قسنه السهم يطلع على گده
انصاب وطلّع إيده يحضِنَك قصده
وراس النبله دگ بصدرك وردّه

وي صوت النبله وسيلة دمّه
چانت مغميّه وفزّت أمه
فگدت لمدلّل
المذبوح الأجمل
گلت اقرالك مقتل وجداني
......
وداعك يضل . وحده مقتل . عالنساوين
انت توگع . وهي تطلع . للدواوين

وبقيت تواسي زينب يبو الحنيه
ديري بالج اعليچ وعلى ارقيه
وانتي اختي العظيمه وازكى علويه
ليهمچ إذا يصيحون مسبيه

لا ما نتفارگ يختي الاغله
باچر نتلاگه برمح وهزله
صيحيلي اعله التل
المذبوح الأجمل
گلت اقرالك مقتل وجداني

كلمات #الشاعر_ميثاق_الحمداني

مو بس نخدم . كون نقدم
منهو البينه . يتبع مسلم
اذا ثق بيه ابو سكينه . متى المهدي يثق بينه
منهو البينه . يتبع مسلم
......
طبع اليحب تلگه الإخلاص بحبه
وتسهل عليه لجل الحبيب الصعبه
المهدي اليحبه كون يسلك دربه
ميصير احبه وفعلي سهم بگلبه

والينتظره . كون يسره
ويوصل فعله . نسمه لصدره
اذا احنه ذكره ناسينه . متى المهدي يثق بينه
منهو البينه . يتبع مسلم
......
كوفه الوضع والزمن ليله معتم
وكم مسلم احنه وماكو واحد مسلم
منهو استعد للمهدي لمن يقدم
ويگدر يمد ايده وعليه يسلّم

التانه الجيه . يصفي النيه
خل يصبح ذو . مسؤوليه
اذا ما نخلص لدينه . متى المهدي يثق بينه
منهو البينه . يتبع مسلم
......
امن اختار مسلم مو لأن بن عمه
شاف الحسين الوفه يجري بدمه
المهدي غدًا يختار منهو يخدمه
ويخسر المو خادم ويمشي بإسمه

اليخدم لازم . يرضي القائم
مو غاياته . تشوفه الوادم
اذا هذي امانينه . متى المهدي يثق بينه
منهو البينه . يتبع مسلم
......
يا من المهدي بشوگ منتظرينه
خلي بورع وبإجتهاد نعينه
علّ وعسى يرضى الإمام اعلينه
والله يعجل في فرج مهدينه

وندعي بهظمه . اللهم
گلب المهدي . فرج همه
اذا ما ندعي ونعينه . متى المهدي يثق بينه
منهو البينه . يتبع مسلم
..........
عاشور اجه والمهدي بعده مسافر
والله اليعينه اعله المصايب باچر
ينكسر ظهر المهدي يوم العاشر
لمن يشوف حسين داسه الحافر

الله يصبره . قادم شهره
ومثل اهلاله . يصبح ظهره
اذا ما نبچي وي عينه . متى المهدي يثق بينه
منهو البينه . يتبع مسلم
..

#الشاعر_ميثاق_الحمداني

https://youtube.com/post/UgkxQEkewA92Tw-duH46aLTjKRuMguyv9hhA?si=bAQeOQS0PJ0OHYme



صوتوا لقصيدة حكاية عشق
للشاعر ميثاق الحمداني

https://youtu.be/yKjSdW48-kE?si=TZv3c3Vi1BTsddWT


قصيدة :_ ركضة حسين
اداء الرادود :_ #مصطفى_السوداني
كلمات الشاعر :_ #ميثاق_الحمداني




للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه


فيـس بـوك
https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

ركضة الخمسين العمره . تبچي كل عين
هيچ چانت على الاكبر . ركضة حسين
يصيح وبركضه ايتعثر . كافي لتضربون الاكبر
ركضة حسين
......
سمع ابنه علي
يگله افزع إلي
وركضله حسين يصرخ بويه الوليد
يشوف ابنه انوله
ضرب طاحوا إله
رفع إيده لأبوه وگطعوا الإيد

لأبوه ينظر و واحد صكّه عالعين
واحد گال ديروا اعليه صوبين
گطعوه هذا حيل يحبه الحسين
وذر خل يشوفه

واحد ايأذيه يگله . حسين ما جاي
واحد يسأله انت ضامي ؟ . وبدّه بالماي
حسين صاح الله أكبر . كافي لتضربون الاكبر
ركضة حسين
.......
وصل بس من وصل
لگه اوليده وصل
وتمدد فوگه متعوب اعله متعوب
يشمه وشاوره
اموت انه تره
شنو اوليدي علي عالوجه مگلوب

بده يلم بيه والكسره چبيره
يشلع اسهام ويحط بالحصيره
يهيبه وجثّته صارت صغيره
بكثرما تگطّع

بعد ما يشبه لجده . بوجهه طعنات
وجامد الدم بعيونه . العزيزات
يعاينه وگلبه تفطّر . كافي لتضربون الاكبر
ركضة حسين
........
اطلعت ام الحزن
من الخيمه تون
راح يموت اخوي شهالمصيبه
وصرخ الها بألم
ارجعي للخيم
خدرچ أغلى منه يالحبيبه

تعالوا لا اموتن فوگه حرگه
تعالوا لا تجي الخيل وتسحگه
وامه تصيح جيبوه خل اشبگه
علي ابني اريده

طايحه وتنعه بحزنها . عالتوذر
يمه الاكبر يمه الاكبر . يمه الاكبر
سمعت الصيحات بالبر . كافي لتضربون الاكبر
ركضة حسين
.......
خذوه صوب الخيم
بحصيره تجري دم
وليلى تصيح ويلطمن خواته
علي يمه علي
توذر يا هلي
تگلهن ميّت وبعده شحلاته

عن المشهد يغمضون برقيه
وتگول شبيه علي ردوا عليه
صدگ ليش الصبح يبچي اعله اديّه
ويقبّل بذاني

وين الاكبر يمه زينب . يمه ليله
وين الاكبر شنهو راجع . للعليله ؟
ما اجاها صوت منحر . كافي لتضربون الاكبر
ركضة حسين
.......
عله اوليده انكسر
واجه يحضنه الگمر
ويگله لا تون گلبي مردته
ونينه هنا عله
التفتله وگال اله
شراح تسوي بيه اليوم انت ؟

بوگعتك تلتم الوادم عليه
ويحتارون شيگطعون بيه
ويسحگوني بخيول الاعوجيّه
واختنه سبيه

باچر اختك عالهزيله . مصعديها
وزينب الوادم الغربه . تصد عليها
تصيح بالهم عالمعسكر . كافي لتضربون الاكبر
ركضة حسين

#الشاعر_ميثاق_الحمداني

https://youtu.be/a1PBQlKgbGI?si=xLk-gJZ9xKzoE63t

قصيدة :- شلون برمحه ينام
اداء الرادود :_ #مصطفى_السوداني
كلمات الشاعر :_ #ميثاق_الحمداني

للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه


فيـس بـوك


https://www.facebook.com/profile.php?id=61553547113067&mibextid=ZbWKwL


إنستـگـرام


https://instagram.com/mithaq.al.hamadani?igshid=OGQ5ZDc2ODk2ZA==

إلستشهر . نحره صغيّر . شلون برمحه ينام
آه يا رمحه . شگد مطيحه . وامه تگلهم حرام
........
الطفل كلمه تجرحه . شنو واحد يذبحه
ويجي وگبال امه . يحط راسه اعله رمحه
الرمح راواه مصايب . رضيع وصار شايب الرمح من راسه أكبر . ويطيحه اعله الترايب

اويلاه . امه من تشوفه برمحه شتگول
اويلاه . دللوه يالولد يبني دللول
اويلاه . راسك للرمح جسمك للخيول

گلبي تگطع . گدما توگع . يا مدلول الخيام
ويطيحونه . ويتعبونه . وامه تگلهم حرام
....
اويلي شلون غالي . صغير ورمحه عالي
وتگله امه بحزنها . كبر ابني وحلالي
كبر عبد الله اليه . اشوفه بطول ابيّه
بعد ماحمله بيدي . اويه ابوه يمشي سويه

حلم چان . عبد الله يصير بگد عمامه
حلم چان . حسين يلبسه گدامي العمامه
حلم چان . ما ينذبح ويعيش بسلامه

راح اوليدي . طير امن ايدي . وأصبح عمري ضلام
شخلوا منّه . طير الجنة . وامه تگلهم حرام
...
مثل عيسى ابنَ مريم . بوسط مهده تكلم
ينادي يابو فاضل . اريدن ماي يا عم
طفل متفطره شفته . عطش بيها صرخته
اعله ايد حسين يبچي . واجت نبله برگبته

صرخ آه . وغص بالنبله من گطعتله منحر
صرخ آه . وطلّع إيده يحضن ابو الاكبر
صرخ آه . اول طفل لون گماطه احمر

ينزف دمه . ورفرف جسمه . مثل جناح الحمام
اوليد الزهره . گطعوا نحره . وامه تگلهم حرام
....
بقت ذكرى بغيابه . مهد طافي ولعابه
اندفن بگماطه هوّ . وبقت لُمه ثيابه
ورسم ما بيه رزيه . انرسم بالغاضريه
الرضيع وماي يشرب . والتشربه رقيه

شنو يصير . لو شارب وما خلوه عطشان
شنو يصير . لو عبد الله يرجع لمه فرحان
شنو يصير . لو رد لحلاته الوجهه ذبلان

الحلوه عيونه . بدم يروونه . اعليهم دعوة إمام
مات بحسره . ويابس ثغره . وامه تگلهم حرام
....
مشه وي امه دربه . ودمع همها تصبه
تخاف امن الشامته . بالحجاره تضربه
وابو اليمه بحنينه . على ابنه تجري عينه
يقرب راسه يمه . ويشم ابنه بونينه

يحاميه . ايباري راس إبنه امن الهوا الحار
يحاميه . ويفييله الشمس صعبه اعله الصغار
يحاميه . براسه اولا اوليده ضرب الحجار

صغير العتره . طفوا عمره . منها ومات السلام
راح لأمه . شارب دمه . وامه تگلهم حرام

#الشاعر_ميثاق_الحمداني

https://youtu.be/QuKUp70BvPE?si=HcX0-Ly3rtYc8wfF


قصيدة :_ من الخرايب
اداء الرادود :_ #حيدر_العطار
كلمات الشاعر :_ #ميثاق_الحمداني


للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه

فيـس بـوك

https://www.facebook.com/profile.php?id=61553547113067&mibextid=ZbWKwL


إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

https://youtu.be/LXxrNsGTyAg?si=MpfJIQP6p8DyA3Bs

قصيدة :_ اجيت اركض
اداء الرادود :_ #علي_الساعدي
كلمات الشاعر :_ #ميثاق_الحمداني

للتواصل مع#الشاعر_ميثاق_الحمداني
عبر مواقع التواصل الاجتماعي الروابط ادناه


فيـس بـوك
https://www.facebook.com/profile.php?id=61553547113067&mibextid=ZbWKwL

إنستـگـرام

https://instagram.com/mithaq.al.hamadani?igshid=OGQ5ZDc2ODk2ZA==

الاربعين ( المشاية )
بين الماضي والحاضر
  لسان حال السيدة زينب ع

من الخرايب ... والمتاعب
جيت للطف  ... والدرب مابي مواكب
محد جاب إلي ماي . إسمعها يمشاي
__

زوار اخوية اذكر قبل ... يوم اربعين اخواني
لمّن اجيت لكربله .. محد اجه تلكاني
ماشفت موكب بالدرب ... عن الشمس غطاني
ماچنت احتاج الغرب ... بس الوكت وازاني

الم   .  سهم  . ماشفت خيم  . تستر الحرم
ولا شفت يعين . كتابه ياحسين

الدرب هيمة . وماكو خيمة
ولا علم رف .... والدرب مابي مواكب
ابچي وضعني وياي . اسمعها يمشاي
____

يا شيعتي جيت بعطش ... للطف انه والوياي
بثواب اخوي اعلى الدرب ... ماكو اليوزعلنه الماي
مرينه بديار شكثر ... منهم ولا شفنه فياي
تعبانة زينب من مشت ... احچولة عني المشاي

حزن  . واون .  وسايل الجفن . وينزف المتن
انه شكثر مشيت ... خدمنه مالگيت

ماكو زاير  ... لا مناير
  النه تصطف ... والدرب مابي مواكب
اسهام همومي بحشاي . اسمعها يمشاي
___

يصيحون اسمها وتنلگي ... الطفلة التضيع شويه
الرقيه ما صاحو قبل ... ياهو المضيع بنيه
يامن تداوون المشه ... اذكر هذيج الجيه
ماكو دوه لرگبة علي ... و وصله لجرح رجليه

دمه . وضمه . متوني وارمة . ودنية مضلمه
على المتن خضاب . مشيتي عالتراب .
امس ضلمه  ... اليوم نعمه
جرحي  اكلف ... والدرب مابي مواكب
من دم تجري عيناي . اسمعها يمشاي
__

گواكم الله اعلى التعب ... گالو الك ياللي امشيت
بممشاي ماچنت استمع  ... گواكم الله اهل البيت
يالبيك هلّو بالدرب ...بممشاي انه انسبيت
من الشام ضعني من طلع  ... من الحجار اتاذيت

ضعن . شجن  . والحرم بچن . بالقهر اجن
النظر عالحرم . مثل رمي السهم

بطولي ادفن ... واللي يسكن
النجف لشرف ... والدرب مابي مواكب
دربي فاگد فياي . اسمعها يمشاي
_

وحّدنه خلصنه الدرب ... ممشانه چان من الشام لا ناعي واسانه بنعي  ... ولا شاعر يطفي خيام
رحنه بضعينه ياوطن  ... ردناها ذيچ الايام
صوت العواذل بالدرب  ... مانسمع ايام ايام

قهر . دهر .  منحني الضهر . حمزه ماحظر
يسامعي گبل ... السمعته بس  طبل

ماكو ياسين ... يقره يحسين
الرده مصحف ...  والدرب مابي مواكب
مغيمه احزاني فوگاي . اسمعها يمشاي


#الشاعر_ميثاق_الحمداني

امنيتي اموت و عالگبر أطيح
و نندفن مسبيه يم ذبيح
بعد ماعوفك . خويه كافي اتعب
عالاقل يمك . تندفن زينب
يا حُسين
.......
من شكو آه اجيتك
و انتَ نايم لگيتك
رايده يمك گبر
اوصلت للغاضريه
اعذرني ما شلت اديه
يمكن بإيدي كسر
الله لا يراوي الناس الحجار
بالحجاره الثگيله الوجه يندار
انه حاولت اصدهن لكن اكثار

اكو شي لا كافي ما اگول
المهم بيك شسوت الخيول ؟!
خويه ادعيلي . موتي وانه انحب
عالاقل يمك . تندفن زينب
يا حُسين
.......
خويه تدري الخرابه
فراشها امن الترابه
و الوسادات الحجر
وسگف ماكو عليها
گعدتي ونومي بيها
امن الشمس وجهي انگشر

الشمر يدبچ اگبالي بخيله ويگول
هيچ ابصدر اخوچ تدوس الخيول
تعبت من المصيبه وعقلي مذهول

بحقد صدلي و بالترب يطش
حسينج اذبحته ذبح كبش
يگلي سمعيني . حسينچ مسلّب
عالاقل يمك . تندفن زينب
يا حُسين
....
رايحه يم كفيلي
عندي كلمه بدليلي
انه زينب لو منو ؟!
لو انه زينب ادري
ليش مسلوبه خدري
ليش ما عندي اخو ؟!

اذا آنه العزيزه ليش أنعاف
اذا اخت ابو فاضل ليش انشاف
من السلسله ما ضلت اجتاف

الچان ما يعرف الك اخت
بأمره مسبيه بهزل رحت
خويه سبّوني . وانه صعبه انسب
عالاقل يمك . تندفن زينب
يا حُسين
......
جيتك بلا سلاسل
لكن بلا ابو فاضل !!
مارتاح ابالي شام
حسين افتحلي گبرك
ارد اغمض اعله صدرك
حتى اموتن مو انام

الهوى بالشام هذا ما ادري منين
اريد اشتم هوه بس ريحة حسين
شهر واكثر وانه ما غامضه العين

هذا گلبي شگد يحب سكوت
تعبوني والله اريد اموت
تدري عيشتها . التنسبي تصعب
عالاقل يمك . تندفن زينب
يا حُسين
......
راح اودعك حزينه
گاصده للمدينه
ما يعرفوني هلي
بضعن خالي اوصل الهم
امن التعب ادخللهم
بيدي عكازة علي

نعم ام الصبر بس عوزي ايدك
اكو مدري شنو بگلبي يريدك
يحسين الدهر ريته يعيدك

بيتك شلون امن اطب عليه
لا حسين ولا كفيلي بيه
بموتي يم گبرك . يا حسين ارغب
عالاقل يمك . تندفن زينب
يا حُسين


#الشاعر_ميثاق_الحمداني