يم منــارات العــشگ ليش بالعبره اختنگ
ينرسم مشهد حــرگ وانظر لمصابه

****

منْ أگصد الحضره وأصد صوب المناير
أبّـالي تتزحــام صـوَر وابقـه آنــه حاير
طفلــه اذكــر عالــدرب ظلــت تنــاطــر
چنـي اسمــع حمزه مــن يقــره يجــابر
مـــا دريت بكــربلــه مـن سبــوها العايله
صوت بالعبره اعتله سَلبّوا ثيــابــه

****
بگلب كــل مــؤمـن لبو اليمه حراره
ﭽــن مخيّمْ مشتعـل مــا تطْفـه نـاره
شگـد مشاهـد تنــرسم وي الـزياره
أيتــام فـرّت تصـرخ وكلهـا حيّــاره
منْ بعِـد نهر الدمّـه استمع صوت الضمه
واصل لسابع سمه وأوگف اعلى بابه

****


من امشي يم حسين بأرض الغاضريه
مــاي اسمــع چنـــي لاطفــال الزچيـه
أمشـي چنــي واستمــع صـرخة رقيه
عــمّــه وينَــه كافلـــﭺ يالهــاشميــه
خويه أطفال وحرم تنادي حرگوها الخيم
وينــه شيّـال العَـلمْ طوّل بغيـــابه

****

يم ضريحه ظاگــت بعيني الوسيعه
تنــرسم لو شاهــدت گبره الفجيعه
چنهه نبلــة حرملــه ذبحة رضيعه
طفل ظامي ومنعو أعليـه الشريعه
بيـن طفلــه ونبلـته حسين حيره حيرته
سهم نحره وﭽبدته والدمه خضابه

****


بعبـرتــي اتعنيــت تـلْ الــزينـبيــه
كلـت أزوره والحـزن خـيّــم علـيـه
صـوت اسمعه چني من تل الرزيه
رغم كــل الصـار ابقــى انـه الأبيه
انــه قــراني العبي حتى لو اروحن سبي
النصر باﭽر زينبي ورايتي المهابه

****

مــن ازور الكــافـل ودمعـي اسيله
صفنتي أبابـه تظـل كلـش طـويلـه
أحــس صـوت بمرقـده آ يالعقيـله
آه مـن الشــام وهمـومــه الثجيله
خويه يا بت فاطمه طاغي شخصج يشتمه
يا ستر كـل السمه وتگعد بخرابه

****
الشاعر
موسى البديري https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

""عگيلي.الحر الرياحي مخاطب الحسين ع"""

بروحي افديلك يبن الزهره
..............................
انه الجعجع ظعنك بيده
مذنب غيرك ياهو يفيده
خبرني المثلي الله يريده
لو مايقبل ربك عذره ؟
..........................
ادعي الباري عليك بنوحي
بجنه ونار مخير روحي
بس وياك تطيب جروحي
يبن الهادي لحرك نظره
..............................
من مولاه تقبل منه
ولحر أدرك درب الجنه
گام وللميدان اتعنه
يرشدها المافهمت فكره
........................
المافهمت فهمها بسيفه
ولحر منهم طلع حيفه
خافته الغايتها تخيفه
الاف الهم حارت بامره
..............................
عجزت من زوده الفراسه
ياهو ليوصل يم نوماسه
عطر حسين يشمه براسه
جف عشگه المارايح عطره
...............................
العسكر ظل محتار بحاله
يمناه مگلوب ويشماله
وتترادم بيه الخياله
ولاطاح الحر لومه الكثره
...............................
حسين تعنه بجبده المسعر
وناده ودمع العين محدر
صدگت من سمتك ياحر
وياحر الجابتك حره
.............................
خادمكم قاسم المالكي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

قصيده تراث

ريض بنعش والينه  والشوفته تعنينه
هذا النعش  نعش حسين
ابن  امي  وماي  العين

ريض بنعش والينه

**
يانعش ريض يانعش خذني وياك
وين  انت  رايح  يانعش  تانيني

اختك  ذهيله  وبلنعش  هم  تبراك
دسمع الصايح  تكعد وحاجيني

ياخويه  ترضه  محيره  بين  اعداك
والحمل طايح  والهضم  ياذيني

ماتكعد  اتحاجينه   واخلافك تاذينه
هاي   الحرم   والأطفال
من الهضم تشجي الحال

  ريض بنعش والينه

**

يانعش  عنه  شلسبب  عنه  تروح
اختك غريبه  والعده ميسريها

يانعش  ريض  هاك اخذ مني الروح
ويامن الليله  تحجي ويحاجيها

تكعد  يخويه للحمل ضل مطروح
ياهو للعيله من  عكب واليها

بطف  كربله  ضلينه
من  عكبك  ايبارينه

جور  العده  جار  هواي
منها  الحرم  من  الماي

ريض بنعش والينه

*

ياخويه  دنهض  للعده  شوف  الصار
نعافت شيمنه مطشره بلحومه

ياخويه  وايتامك  بكت  بين  أشرار
حركو  خيمنه  وعيلتك  مالومه

ياخويه  وبحر  الشمس  مامش  دار
تلملم  حرمنه  بلغرب مهضومه

ياخويه  و شسوينه
وفكدنه عم  سكينه

راعي  الفخر  و النوماس
مطبر  صبح   منه  الراس

ريض بنعش والينه

**

عاين  يخويه  على الحرم  والرضعان
فكدت صبرها والعسر المها

كامت  تطيح  من  العطش  علتربان
حرت بأمرها والنوايب همها

ياهو  الاشوفه  من العطش  شو ذبلان
والعطش ضرها لعيلتك وحرمها

خويه  العطش  حل  بينه
بات   الهضم   يسكينه

شوف  اشكصت  بيه  اعداك
يل  بلنعش  خذني  وياك

ريض بنعش والينه

**

الشاعر المرحوم  نجم عبد اللامي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

ظايع انه بلا مجلسك... تدريني يحسين
يل كل حياتي اتنفسك.. تدريني يحسين

****_

يحسين تدري بمجلسك.... بي راحتي النفسيه
شمحلاتي من اكصد انه... للمجلس ويوميه
مهموم اطب لمجلسك...واطلع مرض مابيه
يعني طبيبي مجلسك... صدكني يابو رقيه

اتشافه اني بهالعزه... تدريني يحسين
مجلسك اكبر معجزه... تدريني يحسين

****_

اليوم اليمرني بلا عزه... ما ينحسب من عمري
جفي يعاتبني عجب  ... من ما يدك بصدري
بيتي وحياتي مجلسك... يحسين بيه تدري
بطن امي من اني جنت... سلمت بيدك امري

اسمك لفظته اول اسم... تدريني يحسين
خدمتك بس عندي المهم... تدريني يحسين

****_

خليني دوم بمجلسك... وبخدمتك خليني
خادم لخدامك بعد... وبكيفك تسميني
امسح نعل افرش بسط... ماريدن تعليني
عالصح يمولايه انه.... محتاجك تدليني

ثابت اريد بخدمتك... تدريني يحسين
مغركني انت بنعمتك... تدريني يحسين

****_

بنتك رقيه محلفك... بالخدمه اثبت رايد
الزلمه مو كول وفعل... بالخدمه وانت الشاهد
نعمه المجالس سيدي... والكلب ناوي يعاهد
الكلب واحد بس يحب.... وهوه انت هذا الواحد

من رحمتك ما انحرم... تدريني يحسين
بهالخدمه رايد التزم... تدريني يحسين

****_

جم يوم مرني بلا عزه... وبلا لطم لا دمعه
اصبر شلون واحتمل ومحمبوبي منرض ظلعه
الخادم الصدكي بخدمتك.... يوميه مجلس طبعه
اليخدمك عنده طبع... ربع المجالس ربعه

واظح انه عندي طبع.... تدريني يحسين
صدقاني همه احسن ربع... تدريني يحسين

****_

اتمنه اموت بمجلسك... وبمنبر يشيعوني
محلاها هاي الامنيه... وساداتي الا يحظروني
وشكبره حظي سيدي... شباجك يزوروني
وزيارتك يقروها الي... لو رادو يدفنوني

تحظرني أريدك بالكبر... تدريني يحسين
تعبرني بيدك بالحشر... تدريني يحسين

****_

منتظر صالح الكعبي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

مجموعة ابوذيات
اترجم حزن الأمام المهدي (عج)


يـمـهـدي الـلـيـلـه اذكـرَنّـك .. وَعينـك
ونــوح ويــاك بـمـصـابــك .. وعينـك
مــحـــرم بــيّــن اهـلالـــه .. وعينـك

تـشـوفـه وتـذكـر الـراحـت سـبـيـه

*---------------------*------------------*

جـره دمـعـك يـبـو صـالـح .. وَهل لك
وهـلال الــحـزن شــفــتـه ..  وَهل لك
انـشـدك يـا وگــت تـظـهـر .. وَهل لك

طـلـعـه وتـنـصـب الـجـدك عَـزيـه

*------------------------*-------------------*

هـلـك شـدوا يـبـو صـالـح  .. رحـلـهـم
وبـحـمـول الـحـزن تـفـتـر ..  رحلـهـم
شـبـاب وچـن ورد بالـطـف .. رحلـهـم

وصـبـغ دمـهـم تـراب الـغـاضـريـه

*-----------------*--------------------*

عَـفـه گـلـبـي الـمـصـايـب ..  ماتـسـلـه
وتــرانــي بـغـيــر ذچـرك  ..  ماتـسـلـه
يـراعــي الـثــار سـيـفــك ..  ماتِـسـلـه

وتـطـفّـي الـنـار الـبـگـلـبـك سـريـه

*-----------------*---------------------*

يَـمـن دمـعـك طـريـج الـصـبـر .. يـداك
ومـتـانـي تــســـل الــســيــف .. يـداك
يمهدي بخيل صدره انـسـحـگ .. يـداك

وتـوزّع جـسـمـه بـكـتـار الـوطـيـه

*-------------------*-------------------*

✍خادم الحسين ع
الشاعر رعد الجريخي

                       https://www.tg-me.com/ML_mahhde       

أللهم صل على محمد وآل محمد وعجل فرجهم ياكريم

ملجأ .. أرواح المــلا
قبله .. صــار ابكربله
أيــه .. والكــل رتلــه حسيناه حسيناه

****

حسين يا روح الشريعه يا نبض دين الإله
مـات يـوم الطف ولكن دمــه الطـاهر حياه
بكل عصر الحسين ثوره باقي ويرفف لواه
دمه احياها الشرائــع هيچ بــارينا اجتـباه
رايه .. تعله بكل عصر
ثوره .. بـاقي ويستمر
أسمه .. دومه منتصر حسيناه حسيناه

****

جـاذبية حبــه جذبــت والله اقـطـاب الأرض
بكربله كلها جمعها الطول صار وي العرض
حسين قانون وعقيده بكيف اليحبه وفـرض
حسين دين الباري هـوه ما يهمنا اليعترض
اصبــح .. ديـن الله هــوه
يا سر .. ســورة قل هوه
ظلمه .. وشع نحره ضوه حسيناه حسيناه

****

فلسفه بدمـه عجيبه حيّرت كــل المــلا
ســال لكن للخليقه خضـرت عــز كربله
اسم الحسين وكيانه اليوم بالعالم عـلا
ينذكر اسمه عجيبه مثل ذكر البسمله
دمّـه .. أعظــم فلســفه
ربنا .. حسين مشــرفه
نوره .. ما لحظه اختفه حسيناه حسيناه

****

قبلـه أصبــح للضمائر احيا صوتــه العالمين
سيف رب العَـزه اسمه حــز نحـور الظالمين
ثـوره مــا تبــرد جمرها ظلت ابطول السنين
والشعوب الحره تهتف من يمر بيها الحسين
دمّــه .. وصلت فكرته
ربــه .. أيــد ثــورتـه
بأمره .. عــلّا رايتــه حسيناه حسيناه

****

شگد دول لليوم ضـده حشدت عـده وعديد
باقــي للعالـم منـاره وللنصـر رافعـله أيــد
حسين اول نحر صامد دمه حز ذاك الحديد
حسين قبله وباقي بالطف وينه دليني يزيد
دمــه .. خط اعظم درس
نحره .. ثبتـها الأســس
باقي .. للعـالم شـمس حسيناه حسيناه

****
الشاعر
موسى البديري https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

اسئلكم الدعاء الجميع ألتوفيق في خدمة الحسين ع