أللهم صل على محمد وآل محمد وعجل فرجهم ياكريم

وهل يوجد افضل من نعمة خدمة الحسين عليه السلام أللهم انا نتوسل اليك بالحسين ع ان توفقنا وتفتحت لنا باب الرزق من خدمة الحسين ع وهيه رزق الخدمه 😔😔😔

ياللايم ياللايم كف لومك عليه
انه حبي وغرامي..للهادي وصيه
*******
علي شوكي وحياتي
وصف غالي  امنياتي
حبيبي    وانت  ذاتي
.................والغالي  عليه

علي    بالكعبه    نوره
علي  ابكلبي   وازوره
ملك شعري وسطوره
...........يا حامي الحميه

ياللايم ياللايم ....كف لومك عليه
انه حبي وغرامي... للهادي وصيه
*******
علي  شوكي  وحنيني
علي رسمه   ابجبيني
نبض  كلبي  وسنيني
...............للعاشك هويه
علي باب  السفينه
حياة  وبي  نجينه
علي  بعشكه ربينه 
..............منطيني الهديه

ياللايم ياللايم كف لومك عليه
انه حبي وغرامي للهادي وصيه
*******
صرت مصدر  سروري
يقيني  وكل  شعوري
مدح  تكتب  سطوري
................ياروح الزجيه

علي   كلشي   بقراري
حلاته اسمه افتخاري
علي ديني   وشعاري.
..............وبكلشي  اليه

ياللايم ياللايم كف لومك عليه
انه حبي وغرامي للهادي وصيه
*******
علي  نبضي  وهيامي
عجز وصفي وغرامي
اكول  اسمك  قيامي
............حتى بالمنيه

فخر  حب  الصميده
علي عشك القصيده
علي   كلبي   يريده
..............يا خير  البريه

ياللايم ياللايم كف لومك عليه
انه حبي وغرامي للهادي وصيه
*******
علي  اكصدله   ازوره
وشم نسمة   عطوره
علي احضه بحضوره
......................ورفعهن اديه
علي جيت انه ضيفه
ابد     ما  رد  مضيفه
ختم  عمره  بصريفه
...............تسوه الدنيا هيه

ياللايم ياللايم كف لومك عليه
انه حبي وغرامي للهادي وصيه
*******
تمت بعون الله تعالى الشاعر_يوسف_الفتلاوي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

شهر الحزن گرب بالـونين
خدامك انضل طول السنين
####################
بشهر المدامع بي تحزمنه
ونحس ابونه المهدي جن يمنه
نبقه بعزائك هذا كل همـنه

منسولف ابكلمات .. تسولفلك الدمعات
والدمعه تحيينه
نشعلك الشمعات .. نرفعلك الرايـات
والخيمه تروينه

خيمة الخدمه تطفي نـارين
خدامك انضل طول السنين
######################
كل خادم ايعبر عن جروحه
بالخدمة ويضحيلك ابروحه
يخفيلك ودمعاته مفضوحه

اليخدم ابنـوماس .. يتعله بين الناس
يتنوْر ابعشگك
بيك اليعلي الراس .. يتكفلـه العباس
ويحسبه من ولدك

ويخلي اسمه ويه الموالين
خدامك انضل طول السنين
######################
بشهر الخدامه كلمن ودوره
كلمن يخدمك ياخذ ابنـوره
غايتنه كون الزهره مسروره

واحد يوزع ماي .. والثاني وزع چاي
واليقره عالمنبر
واليكتب الابيات .. واليلطم ابحسرات
واليبچي عالمنحر

مقبول كلشي بخدمة حسين
خدامك انضل طول السنين
########################
بهاي السنه يزهره حزمينه
وبكل سنه كونج توفـقينه
عـالدمعه والخدمـه تـربينه

لازم نشد حزام .. بهاي السنه وكل عام
يبقه العزه دائما
عدنه جرح عاشور .. كل سنه بينه يفور
ونـفرح القـائم

المهدي حزنه باقي للحين
خدامك انضل طول السنين
#######################
كل سنه لازم هالخدم تكثر
الخدمة نعمه ونعمه من تكبر
نحيه ونمـوت الخدمة المنحر

لو لا الخدامـه انضيع .. لدمعـه لا منبيـع
الزهره تشريها
ام الخدم كل عـام .. اتوسم الـخدام
والخيمه تطفيها

تـطفي جهنـم دمعة العين
خدامك انضل طول السنين
#######################
يبقى الحسين ابكل وكت دائم
هذا شعار الخدمه والـخادم
من المهد خدمتنه للـقائم

الحرگه بينه تزود .. للحجه احنه اجنود
لبن الحسن نهتف
لثار الضلع وحسين .. باجر تطيب العين
ابكلمتنا ما نخلف

ناخـذ ابـثار الضـلع والـدين
خدامك انضل طول السنين

#سيد_محسن_الجابري https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

كلما يمرني غروب -- أتذكــــــرك بالخير
للكوفه أجيلك بيش – ماعدي جنح الطير
--------------------------------------
1= ثاري التفارك أبو يكصر عـــمرهه ** حال ورده وتنسي ذابــل عـطرهه
كاعده بضل شجرتي الميت ثمرهه ** مره أكول تمرهه مره ماتــمرهه
--------------------------------------------
كمل شهر الغــياب ** بحسابي عام يصير
للكوفه أجيلك بيش ** ماعدي جنح الطــير
*******
2= بوست أيد الصبح عــن لا يجيني ** الليل وأنه بهل وضع يعميهه عــــــيني
سنيني وأنته بعيد ماجنهن سنيني ** تبعيعني الصفنه الجروحي وتشتريني
--------------------------------------------
صبرته كلبي وصاح ** ماترهـــم ومتصير
للكوفه أجيلك بيـش ** ماعدي جنح الطير
**********
3= شما تمر نسمه ألتفت حسبالي أنته ** وكلبي من تطلع شمس تبجي أعله ونته
أصعب الأشياء هجرك بويه شفـته ** بلا عمود البيت مــــــــــاترهم وكفته
-------------------------------------------
أكتب رساله بماي ** ماينفع التعــــــبير
للكوفه أجيلك بيش ** ماعدي جنح الطير


4= بخاطر عيوني البجي ماخله دمــعه ** أبجي والخيمه النواعي كليبي تنعه
يبو صوت الشاعري صوتك أسمعه ** ياحميده روحتي مابـــيهه رجعه
--------------------------------------------
حسراتي كلهه تهون ** مادامك أنته بخـير
للكوفه أجيلك بيــش ** ماعدي جنح الطير
********
5= أذكر أسوالف أمس وضحــــك معاهه ** وعتب أعله شموعك الميت ضواهه
عيوني تركض والدمع يركض وراهه ** أخذ روحي الموت كتله وما خــذاهه
---------------------------------------------
يابويه هجرك موت ** هالجلمه موتنضير
للكوفه أجيلك بيش ** ماعدي جنح الطـير
**********
خادم العتره عبد الجليل المالكي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

✨ یحادی النوگ بلله النوگ ونهه

✨ خل روحی تون لحسین ونهه

✨ أمس چنت آمر بعباس ونهه

✨ وهلیوم الشمر یامر علیه

#الشاعر_الکبیر_عزیز_الفیصلی



✨ یحادی الهِزِل ابهونک بیاون

✨ وگلی ابهل فجر گاطع بیاون

✨ ابیا حسره انوح اهلی بیاون

✨ عشیره وگوطرت کلهه من ادیه

#الشاعر_الکبیر_عزیز_الفیصلی https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

يا شيخ الماي لا ترحل يا شيخ الماي
يا راي حسين  بغيابك  يبقه  بلا  راي

شافتني الناس        جيتك عباس
يا شيخ الماي        يا شيخ الماي
……………………………………………..
اجيت  بيا  علي وانگل جدم  گوه
تگعدلي  احلفك  خويه  بالخوه
ما تسوه الشماته تحجي ما تسوه
رجع وحده وعضيده وياه ما هوه

بس گوم وياي يا خويه بس گوم وياي
گدام  الجيش  ويشوفك  لازم  مگفاي

رايدلي انفاس       جيتك عباس
يا شيخ الماي       يا شيخ الماي
…………………………………………….
اگعد فدوه اگعد خويه حاطونه
تره اخلافك اخوك حسين يولونه
جسمك ما يگوم الجيش يردونه
حتى لو متت جسمي يگطعونه

بعيالي اشلون لو  متنا  بعيالي  اشلون
بالخيمه هناك منتضره ‏أنردلها ام عون

امدنگ الراس       جيتك عباس
……………………………………………
ارد  بيا  عذر  و الحره  منتضره
اذ گلها بسفر  مسلم ذبح  سفره
عمت عين النهر ما خله كل عشره
مو شايب  اخيك ‏ونحنا  ضهره

جا حضني شبيه يا خويه جا حضني شبيه
راسك  عل  گاع  يگطر  دم  ليش  مخليه

المثلك ينباس      جيتك عباس
……………………………………………..
عذر ما عندي جيت وتجري الدمعه
العمود الخيمه راحت يمنتي اتوگعه
لجن يا خويه احلفك بأمي البضعه
الطاحت خيمتك لو طاحن السبعه

اتصيح النسوان ‏حاجينا شصاير يحسين
بس  لا  مو  زين  ‏كافلنا بس لا  مو زين

لا درع وطاس       جيتك عباس
……………………………………………
اخوك حسين ما يعرف تره يگابر
گتلهن  يخويه  و  الگلب  حاير
ادعن  مو  گصيره  ليلة  العاشر
كون بطول ابو فاضل تجي باجر

لو  طال  اليل  نتوادع  لو  طال  اليل
باجر من يمجن وامشي تاخذني الخيل

باجر انداس    جيتك عباس
……………………………………..
تمت بفضل أم البنين ع
الخادم مهدي الصالحي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

خاف اموت       وما تشوفك عيني
انته وين                   بياكتردليني
راحت ايام العمر        بعد مااحمل هجر 
*
انه مو يعگوب حته اصبر وتاني
انه خايف ؟تاكل بعمري الثواني
مو دعاء الندبه مافارگ لساني
ريت اشوفك مره ياصاحب زماني
امنيات     والله يبن الزهره
امنيات     كون اشوفك مره
الك مشتاگ اشكثر       بعد مااحمل هجر

صرت اشعل شمعه الك كل مغربيه
يمته تظهر هاالسؤال يعيش بيه
شحسب هوايه جمع ياجمعه هيه!!
خوفي گبل الجمعه تاخذني المنيه
باالدموع    خلصيت ايامي
انته ماي    وانه كلش ضامي
ياوكت فجرك يطر    بعد مااحمل هجر
*
اي وحگ ذاك الغيور وكافل اخته
روحي من دونك يغايب چنها ميته
ادري صعبه من اسألك وينك انته
لكن اليهواك شيبرد لهفته!!
مااريد         عمري انه بدونك
انه اصيح    عاشگك مجنونك
منين اجيبنه الصبر     بعد مااحمل هجر

لو من اخيالك احصل انه نظره
اي وحگك اله اسوي بعيني حظره
جمرة المشتاگ ما تشبها جمره
ياحلم عمري الابد محد يفسره
وين اروح    بيك اسولف اني
انته دوم    تمشي وي شرياني
چني گاعد عاالجمر     بعد مااحمل هجر

چن غريب انه احس روحي بدنيتي
وانتظارك هوه عنواني وقضيتي
انته يامالك حياتي ومرجعيتي
كون اشوفك حتى لو لحظة منيتي
حتى اموت    وانه شايف بدرك
ارد اگول         سيدي منتظرك
بلكت اتردلي العمر      بعد مااحمل هجر

سعد العبودي


قناة أّئمًةّ أّلَبًقُيِّعٌ
یوسف الزهراءع 💔 https://www.tg-me.com/ML_mahhde