أللهم لك الحمد والشكر على كل حال

طال انتظاري..وبعيوني ناري..يمته الي يردون
ظل دمعي جاري..ليلي ونهاري..وبحالي مايدرون
انه العليله
انه العليله
============================
ياوحشه الفارك هله تنشتل روحه ابابه
كلما يحركها الهوه عباله اجو احبابه
عالغايب يخضر جرح كلما يطول اغيابه
المحني ظهره من الهجر منسله عن اسبابه

اعيوني ذبلت ياهلي...مو ذاكه لوني الاولي..مثل المكابر منزلي..والدنيه كلش وحشه

مايحمل الفركه الورد..عن مايه لمن يبتعد..اني اول انسان بلحد.. عايش وما مر نعشه..

ذبلت عيوني..عالفاركوني..جن هيمه روحي تصير
ما تهده روحي..وديرة جروحي..ماتشفه ماي ابير
انه العليله
انه العليله
============================
ازغيره بس دمعي كبر والشيب تارس راسي
ليل البنيه ابلا ابو بارد وكلش قاسي
ظليت ياناس انجرح حته من اشم انفاسي
مابيه واهس للهوه من مشو اهلي وناسي

مجروحه ماصحلي دوه..جن ديره مابيها ضوه..يجرحني لو اشمه الهوه..واحترك مثل الشمعه

اسنيني مو مالت هجر..ترفه اني من كلمة انكسر
الله ومن ليلي يمر..ينكسر كلب الدمعه

اليروح ابوها..وماتلكه اخوها.بكل مغربيه تذوب
من تمشي تعثر..كاع اتفطر..لو حل وكت الغروب
انه العليله
انه العليله
=======================
متعوده جنت ابكل صبح عبد الله اهزن مهده
واشتمه ويفك عينه الي ويبتسم مثل الورده
ذراعنه جنه وتنفتح من اكربله ويفك زنده
منشغل بالي بكربله خوفي انه يبقه لوحده

بجف غيري صدفه ينلزم..مشتاقه اشوفه ويبتسم..مرات احاجيه بالحلم..بس شو مغمض عيونه
عطشان شو جنه شعجب..ومبين بوجهه التعب..ظل يمي كاروكه الخشب..كل ساع انشده شلونه

هو ورقيه..بعدو عليه..خلوني وركَه بريح
طول سفرهم..مارد خبرهم..وليمته دمعي يطيح
انه العليله
انه العليه
========================
المفارك اهله ابلا وطن عايش حياته بغربه
بردان ليله ابلا دفو ومكسور يشعر كلبه
المتاني واحد كل صبح تركض عيونه لدربه
شحال اليعوفونه هله من زغره كلش صعبه

اسم الله ما اسمع صرت..ولوحدي انهض لو طحت..من كد عليكم مانحت..حايط الدار اتفطر

دمعي اليكعدني الصبح..يذكرني بيكم وانجرح..من رحتو ماظلي ربح.. وبكلشي ظليت اخسر

احسب واتاني..وميل الثواني.كل دكَه راسي يشيب
احجي وي روحي.واحسب جروحي.محد اظنه يطيب
انه العليله
انه العليله
============================
طيرة حمام ابلا جنح يكسر الخاطر وضعي
ابجي واعاين للسمه والنار احسها بضلعي
منتظره يرجعلي خبر منكم اناطر وادعي
يا راد يوسف رد الي واحد ينشف دمعي

ذبلانه بس دمعي نهر..طفله وتعبت من السهر..واليكضي ليله ابلا كمر..الوحشه تترس عينه

مهضومه وانفاسي حزن..حيطاني تخشع لو اون..يم اهله حته اليندفن..يتمنه تكضي سنينه

جنت بدلالي..بين الغوالي.....بانفاسي اشتم هيل
سلوة حياتي.من اشبك خواتي..دفيانه يكضي الليل
انه العليله
انه العليله
=====================حسين المحامي

https://www.tg-me.com/ML_mahhde

أنا العبد الذليل الحقير وانت الغفور الرحيم يالله

نعي للام

بجفاج بهم اخلصه وحزن.. يوماي
وبعد ياجف عليه يشير.. يوماي
صدك ظماج عني الگبر ..يوماي
وصدك ظليت بس اصفك بديه


شيفيد البجي وشتفيد الدموع
ويالمغرب وشوفن وحشه البيت
اجيت وماشفتهه مگابله الباب
تتانيني وعساني وليه لاجيت
ادور بلغرف شو مالهن صوت
وجن البيت شايل وانه ظليت
يلظمج گبر يلظمج تراب
بنص گلبي جمر بجفاج خليت
امي تروح مني شتسوه دنياي
اهيه الدنيه شالت وانه كفيت
ريت وياج لفوني بجفن كون
وگبلج بلحد يايمه طبيت
ازور المكبره ويمكبرج شلون
اسولف علمظيه وعلجاي مليت
ييمه وداعتج وهواي مشتاك
الخبزتج والحنان البيه حنيت

موش انه ابنهه…. حگي منحن وشتاك
موش انه ابنهه
اشتاك الحظنهه ..امي الحنينه هواي
اشتاك الحظنهه
ياهو الدفنهه… شوصت علي ماكال
ياهو الدفنهه
يختلف ونهه... امي عله باقي الناس
يختلف ونهه
حارمني منهه… وسفه الگبر ياناس
حارمني منهه

ابو سلام الجابريhttps://www.tg-me.com/ML_mahhde

نعي بحق فاطمة العليلة عليها السلام وهي تنتظر اهلها

===================
المفاركَ عزيز الله اليعينة
يسهر ما تنام الليل عينة
شحال اعزاز گلبة مفارگينة
شالوا كل هلي اوحشة المدينة
==================
شالوا كل هلي حتى النساوين
ما ادري بدربهم وين ما وين
متربة او موحشة اعلية الحياطين
انعى المن واونن واحد اثنين
===================
انعى المن واون يعزاز گلبي
اظل وحدي وعليلة موش حسبي
بيدي ارسم صور والعين تربي
اخذ مني الامانة ها يربي
==================
اخذ مني الامانة خلي ارتاح
راح الچنت اشوفة المسه ومصباح
اخذ كلهن خواتي ولية ما صاح
اشو طول سفرهم والعتب طاح
===================

بعد طول انتظار تراكم التراب على جدران المنزل وكأني بها اخذت ترسم بيدها صور للضعن وبدأت تتكلم مع الصور
====================
على الحايط صور ارسم بدية
واتخيل ضعنهم راد لية
احچي وياه واحس النار بية
هلة وكل الهلة بهل الحمية
=================
هلة بردت ابوي ونظر عيني
وهلة بجيت خواتي التداويني
عماتي هذن والكل يجيني
يفز گلبي واظل انة اونيني
==================

العليلة تسمع صوت الهواء مرة كأنه يحمل صوت اهلها ومرة تخاف منه لانه يصدر صوت بالبيت الفارغ

===================
يهب عالي الهوة وصوتك بذاني
اظن اهلي اجوا والهم جزاني
اگوم اركاظ واعثر وابقى اعاني
افك الباب شو محد اجاني
===============
اصفن وحدي وحسرة اجرها
روحي اعله الاهل خلص صبرها
وحشة الدار ما واحد يمرها
يخوفني الهوة يدوي بحجرها
===================
مرعوبة افز من نومي يهلي
اسم الله من افز محد يگلي
الحزن يهلي چبير وموش حلي
چتال الحزن بية شيخلي
===================

أسالكم الدعاء رائد الاسديhttps://www.tg-me.com/ML_mahhde

موال للأمام الحجة ابن الحسن ع

آداء وألحان رووووعه 🕊🎤✨⚡️المبدع الموهوب ملا مهدي العتابي ✨🕊

گالو ما تجي يا سيدي الشمات .
گلتلهم يچي شما طول أفراگه🌞 .

گالولي خرافه العشگ للغياب
گلتلهم دليلي يعيش بشواگه🌞 .

گالولي تحب غايب ابد ميعود
گتلهم يجي وبلهفه نتلاگه🌞 .

گالولي عليك هواي يالمحجوب
برد متلوحه مشراگه🌞.

شما گالو عليك اهواك يا مولاي .
وتظل هالروح مشتاگه🌞

اظل اتناك اظل اهواك اظل وياك
والعاشگ ابد ميعوف عشاگه🌞 .

.......
الك روحي شكثر شهگت وحنيت🌺 .
والك چـــم بـــاب دگيتـــه وحنيت🌺 .
كسر گلبي البعد تــدري وحنيت🌺.
لغيابك چم ظهر يبن الزچيه .

🌹🌹🌹🌹🌹🌹
✍🏻 موسى البديري

وين ناوين الاهل بضعونهم

الفركه صعبه وانه اموت بدونهم

انشد عليهم ضليت // ما ينحمل صار البيت

*****

فكري محتار   وبالكلب نار    ليش ولياني بهجرهم عذبوني

ادري بالباب    امضيع احباب   صرت ورده بلا عطر من فاركوني

 

رشيت خدي بدمعتي   واحا ينار الفركه

والباب عكب اهلي بعد    ياجف حنين ايدكه

 

ليش راحو وانتضر خلوني

راح تعمه امن البواجي عيوني

وياهم امشي اتمنيت // ما ينحمل صار البيت

*****

وحشه اليل    تهدم الحيل   وكامت اطيوفي تمر مثل السحابه

اهواي الجروح   وحلمي مذبوح    وكت الغروب اليحن يكثر عذابه

 

كلولي اكطع يا درب   ابعيده الدروب اعليه

وحسين مو طبعه تره    يتركله هيج ابنيه

 

وحدي اسولف والسوالف دافيه

اعليك يابويه مسيت العافيه

الحظنك انه اشتاكيت // ما ينحمل صار البيت

***
انزف الام    واعطش احلام    وروحي يخنكها الهوه امن اشتم عطرهم

لا يمرون     لا يسالون    راحو وعالبال ضلت بس صورهم

 

طفله واعاين عالدرب    هلبت يرد محبوبي

ويه الطيور الهاجرت    ابعث ردت مكتوبي

 

روحي شمعه وذابت بفركاهم

وجانت امنيتي اروح اوياهم

اشكد عليهم ونيت // ما ينحمل صار البيت

****

لمن اشتاك   ايهدني الفراك    واليودعوها اهلها اشيبقه بيها

يازمن وين     عني ماشين   والعليله اتموت اذا محد يجيها

 

بسك كلبي امن العتب    لا تعتب اعله احبابك

واشما تعاني امن الجرح    محد يضمد اصوابك

 

بويه ساعات الهجر تاذيني

امروتك لا تمشي وتخليني

حيره بزماني احتاريت // ما ينحمل صار البيت

*****

امغيمه الاحزان   وجفني سهران   يكتل افراك الحبايب يا مسلمين

دمع الوداع    بلل الكاع   العبره تخنكني امن اباوع عالحياطين

 

يهلي تعالو اشكد صحت    ومحد سمع صيحاتي

ويابويه ما كلت اشعجب    خل احسب ابنياتي

 

ليش عايفلك غصن ريحانه

روحي من كثر العلل خلصانه

من المصايب مليت // ما ينحمل صار البيت

*****

اتشتت البال    والبعد طال    ضاج خلكي والمصايب تعبتني

اتغيرت حيل   ودمعتي اتسيل  الدنيه مدري اشبيها ما مره انصفتني

 

كل ساع اطيح اعله الوجه   وبالكوه اعينن روحي

ومن عندي بويه اكبر عمر    اصغر بجرح بجروحي

 

ابكل مسيه اذكرهم وابجيلهم

وبصلات الليل دوم ادعيلهم

اهواي بهجرهم عانيت // ما ينحمل صار البيت

***

تمت

تحسين الخفاجي

https://www.tg-me.com/ML_mahhde

أللهم صل على محمد وآل محمد

وعليكم السلام ورحمة الله وبركاته

📖 زيارة عاشوراء


السلام عليك يا أبا عبد الله ،السلام عليك يا ابن رسول الله ، السلام عليك يا ا بن أمير المؤمنين وابن سيد الوصيين ، السلام عليك يا ابن فاطمة الزهراء سيدة نساء العالمين ، السلام عليك يا ثار الله وابن ثاره والوتر الموتور ، السلام عليك وعلى الأرواح التي حلت بفنائك ،وأناخت برحلك عليكم مني جميعاسلام الله أبدا ما بقيت وبقي الليل والنهار.يا أبا عبد الله ، لقد عظمت الرزية ، وجلت وعظمت المصيبة بك علينا وعلى جميع أهل الإسلام ، وجلت وعظمت مصيبتك في السموات على جميع أهل السموات ، فلعن الله امة أسست أساس الظلم والجور عليكم أهل البيت ، ولعن الله امة دفعتكم عن مقامكم وأزالتكم عن مراتبكم التي رتبكم الله فيها ، ولعن الله امة قتلتكم ، ولعن الله الممهدين لهم بالتمكين من قتالكم ، برئت إلى الله وإليكم منهم ومن أشياعهم وأتباعهم وأوليائهم .

- يا أبا عبد الله ، إني سلم لمن سالمكم ، وحرب لمن حاربكم وولي لمن والاكم وعدو لمن عاداكم إلى يوم القيامة ، ولعن الله آل زياد وآل مروان ، ولعن الله بني امية قاطبة ، ولعن الله ابن مرجانة ، ولعن الله عمر بن سعد ، ولعن الله شمرا ، ولعن الله امة أسرجت وألجمت وتهيأت وتنقبت لقتالك ، بأبي أنت وامي لقد عظم مصابي بك ، فأسال الله الذي أكرم مقامك ، وأكرمني بك ، أن يرزقني طلب ثارك مع إمام منصور من أهل بيت محمد صلى الله عليه وآله. اللهم اجعلني عندك وجيها بالحسين عليه السلام في الدنيا والآخرة من المقربين . يا أبا عبد الله ، إني أتقرب إلى الله تعالى ، وإلى رسوله ، وإلى أمير المؤمنين ، وإلى فاطمة ، وإلى الحسن وإليك بموالاتك ، وموالاة أوليائك وبالبراءة ممن قاتلك ونصب لك الحرب ، وبالبراءة ممن أسس أساس الظلم والجور عليكم ، وعلى أشياعكم وأبرأ إلى الله وإلى رسوله وبالبراءة ممن أسس أساس ذلك ، وبنى عليه بنيانه ، وجرى في ظلمه وجوره عليكم وعلى أشياعكم ، برئت إلى الله وإليكم منهم ، وأتقرب إلى الله وإلى رسوله ثم إليكم بموالاتكم وموالاة وليكم ، وبالبراءة من أعدائكم ،والناصبين لكم الحرب ، وبالبراءة من أشياعهم وأتباعهم .

- يا أبا عبد الله إني سلم لمن سالمكم ، وحرب لمن حاربكم ، وولي لمن والاكم ، وعدو لمن عاداكم ، فأسأل الله الذي أكرمني بمعرفتكم ، ومعرفة أوليائكم ، ورزقني البراءة من أعدائكم ، أن يجعلني معكم في الدنيا والآخرة ، وأن يثبت لي عندكم قدم صدق في الدنيا والآخرة ، وأسأله أن يبلغني المقام المحمود لكم عند الله ، وأن يرزقني طلب ثاري مع إمام مهدي ظاهر ناطق بالحق منكم ، وأسأل الله بحقكم وبالشأن الذي لكم عنده أن يعطيني بمصابي بكم أفضل ما يعطي مصابا بمصيبته ، يا لها من مصيبة ما أعظمها وأعظم رزيتها في الإسلام وفي جميع أهل السموات والارض .

- اللهم اجعلني في مقامي هذا ممن تناله منك صلوات ورحمة ومغفرة . اللهم اجعل محياي محيا محمد وآل محمد ، ومماتي ممات محمد وآل محمد . اللهم إن هذا يوم تبركت به بنو امية وابن آكلة الاكباد ، اللعين بن اللعين على لسانك ولسان نبيك صلى الله عليه وآله في كل موطن وموقف وقف فيه نبيك - صلى الله عليه وآله - . اللهم العن أبا سفيان ومعاوية ويزيد بن معاوية وآل مروان عليهم منك اللعنة أبد الآبدين ، وهذا يوم فرحت به آل زياد وآل مروان عليهم اللعنة بقتلهم الحسين عليه السلام ، اللهم فضاعف عليهم اللعن والعذاب الأليم .

- اللهم إني أتقرب إليك في هذا اليوم ، وفي موقفي هذا ، وأيام حياتي بالبراءة منهم، واللعنة عليهم ، وبالموالاة لنبيك وآل نبيك عليه وعليهم السلام .

▫️ثم تقول : اللهم العن أول ظالم ظلم حق محمد وآل محمد ، وآخر تابع له على ذلك ، اللهم العن العصابة التي جاهدت الحسين عليه السلام وشايعت وبايعت وتابعت على قتله. اللهم العنهم جميعا ( يقول ذلك مائة مرة).

▫️ثم تقول : السلام عليك يا أبا عبد الله وعلى الأرواح التي حلت بفنائك ، وأناخت برحلك عليك مني سلام الله أبدا ما بقيت وبقي الليل والنهار ، ولا جعله الله آخر العهد مني لزيارتكم ، أهل البيت السلام على الحسين ، وعلى علي بن الحسين ، وعلى أولاد الحسين ، وعلى أصحاب الحسين الذين بذلوا مهجهم دون الحسين ( يقول ذلك مائة مرة ).

▫️ثم تقول : اللهم خص أنت أول ظالم باللعن مني ، وابدأ به أولا ، ثم الثاني ،والثالث والرابع ، اللهم العن يزيد خامسا ، والعن عبيد الله بن زياد وابن مرجانة وعمر بن سعد وشمرا وآل أبي سفيان وآل زياد وآل مروان إلى يوم القيامة.

- ثم تسجد وتقول: اللهم لك الحمد حمد الشاكرين لك على مصابهم ، الحمد لله على عظيم رزيتي. اللهم ارزقني شفاعة الحسين عليه السلام يوم الورود ، وثبت لي قدم صدق عندك مع الحسين وأصحاب الحسين الذين بذلوا مهجهم دون الحسين عليه السلام.https://www.tg-me.com/ML_mahhde

خوية اخر ليلة هاية       باجر انصبح سباية
باجر اشبع شتم واسياط وهضم
وسوط باجر يحفر لحد العظم
********
خوية باجر يستر الله لو لفة وحل الصبح
بوجهك انه الجنت اصبح الليلة اصبح بالرمح
خوية بطل من ونينك ونك ايهيج الجرح
اعذرني مو بيدي من اتركك خاف اعوفك منذبح
خوية لو بيدي اضل طول العمر
بس يلجمن خوية طكات الشمر
خوية احيرن بالعباية         باجر انصبح سباية
**********
خوية رحلة سبيي باجر تبدي يرادلهه حيل
ناكة عرجة وبيهه زينب كبل لا اميلن تميل
بية عظم الناكة يوجع خوية جابهون هزيل
من على الهزل صحتلك ها يبو فاضل دخيل
يكلي محد يفزع وماتو هلج
هذا مو عباس فنه الگام الج
دمه مخلوط ويه ماية     باجر انصبح سباية
*********
عالاصابع باجر امشي طب جمر خوية الجدم
الدرب رايد حيل وانه حيلي من طحت انهدم
بنار محتركة العباية استرني باطراف العلم
خوية جنك تيهتني من اثر دخان الخيم
من اجيتك شاردة بحضنك رحت
اسم الله ما كتلي بچذب حين الطحت
كلي بس زينب كفاية       باجر  انصبح سباية
*********
خوية باجر تالي شيبي خوف ماخذني وركض
الحومه باجر عاليتامى طول اطرنهه بعرض
ياهو الينوخ الناكة من ارد اصلي انه الفرض
من يمروني وافزعك بية احلفك تنتهض
بيك روحي تصير من فوك الهزل
حاجي زينب من تمر كونك عدل
عالرمح راسك حماية           باجر انصبح سبايه
*********
من الصبح فوك المحامل تبدي قصتي وي السبي
مهله ما ينطونه باجر حتى  اشدن معصبي
الناس تتفرج علينه واحنه محروكة العبي
امخدرتكم عالمهازل هسه يحديهه اجنبي
خاف ننوي على الرحيل بلا وداع
موش هينه اعلية اعوفنهه السباع
ما حسبت انه النهاية     باجر انصبح سبابة
********
الخادم احمد داودhttps://www.tg-me.com/ML_mahhde

مصائب زينب ع

هذا هوه الصار وي هاي المره
بت امير الكون قالع خيبره
~
بت علي زينب تسولف بختصار
كل مصيبه وياهه مرفوعه بشعار
ياخلگ دار الوكت وشلون دار
روحي وي الضيم حيل موزره
هذا هوه الصار وي هاي المره
~
زينب انه وعمري توه اسنين جان
انه وحسين وحسن عشنه ابأمان
تالي كسرو ضلع من اعظم حنان
راحت امي وبدت روحي امرمره
هذا هو ه الصار وي هاي المره
~~~~
من زغر وتيتمت مو عن كبر
هذا حالي وماصفه وياي العمر
بين ادين الله وابن ملجم طبر
هامت الوالي بصلاته حيدره
هذا هوه الصار وي هاي المره
~~~
لا ابو ولا أم صفيت بهل وطن
والحزن حط ايده بيدين المحن
عيون زينب بالدموع اتغورگن
وخله يدري بقصتي كلمن مادره
هذا هوه الصار وي هاي المره
~~~~
منهه والمرسال اجانه من العراق
رحنه وشتد الرحال وبي فراق
ضلت اتنوح العليله و بشتياق
عمه كالتلي الهجر يكتل تره
هذا هوه الصار وي هاي المره
~
اخ من طبيت گاعچ كربله
بالسهم واگف يناطر حرمله
عمره ست اشهر شنو اليتحمله
عبد جابه حسين ينزف منحره
هذا هوه الصار وي هاي المره
~
ياگلب عد زينب اليحمل عذاب
عون وي جسام والاكبر شباب
جسد واحد يم الاخر عالتراب
والمصايب بس علينه امگدره
هذا هوه الصار وي هاي المره
~
گلبي شيب خالي من رد المهر
والجسد مسلوب وبحر الضهر
والكفيل بلا چفوف اعله النهر
والسهم بعيون سبع الگنطره
هذا هوه ااصار وي هاي المره
~~
حرگو اخيامي وحمر لون العبي
يالله اخت عباس صاحو لسبي
ناگه هزله وصعب كلش مركبي
عمري بالخمسين رحت ميسره
هذا هوه الصار وي هاي المره
~~
بالخرابه بيا وكت زينب تبات
سكنه ورقيه وبنات امدللات
من بعدكم يال هاشم ضايعات
نار وسط اگلوبهن متوجره
هذا هوه الصار وي هاي المره
~~
وعلى باب الساعه ساعات الضعن
كل زقاق الشام هسه اتحضرن
ناس بطبول وفرح يتخوصرن
عل ضعن بحجار شو لزمو سره
هذا هوه الصار وي هاي المره
~~
والعليل مگيد ابطوگ الحديد
والهضيمه الشام تعلن عدهه عيد
شلون زينب طبت المجلس يزيد
والسبايه وياهه كلهه امحيره
هذا هوه الصار وي هاي المره
~~
من رجعنه الدارنه ومامش معين
بالمصاب وياي تبچي ام البنين
بس علي السجاد ملعول وحزين
يوم يوم الموتي صرت امناطره
هذا هوه الصار وي هاي المره
~~
رجعت الغربه ورجع ضيم الحبال
وردت اعلى الشام تربات الدلال
ثاني مره وصوره تجرح بالخيال
شنهي زينب بالغرب متذكره
هوه هذا الصار وي هاي المره
~~
گعدت بفي شجره وزداد الونين
يوم شافت ذكره عن راس الحسين
شهگت وشهگتهه كلهه اعله الحنين
ماتت ابغربتهه هاي الاخره
هذا هوه الصار وي هاي المره
~~https://www.tg-me.com/ML_mahhde
كرار العطوي السماوي

شگد شفت ضيم وقهر بالغاضريــــه
راحت إخواني و بگيت اصفگ بديه

بالطف حالي يا حال .. فراگ الأخوه كتال

راحت إخواني و بگيت اصفگ بديه
.....................

راحت أيام الدلال وراحت أيام الخـــــــــــــدر
حرگو خيامي عليه وحافيه أركض عالجمـــــر
راح وياكم عسنه ريته لا طال العمـــــــــــــــر
شما أريد أنهض يخوتي بسوط يضربني الشمر

وجهي وين ليا كتر يا صوب اديره
حرمه وحدي بلا عمام ولا عشيره

خلو بيدي الحبال .. فراگ الأخوه كتال

راحت إخواني و بگيت اصفگ بديه
.....................

أنظر بعيني الشماته حضروا نوگ الهــــــزل
جهزوا رحلة سبايه وشدو چفوفي بحبــــل
بالطفوف المر عليه ضيم ابد ما ينحمــــــل
ويلي بأرض الغاضريه تفرهد وطش الشمل

بعيني أنظر والأهل كلهم ضحايه
وسفه من بعد الخدر نطلع سبايه

دمعي من الجفن سال .. فراگ الأخوه كتال

راحت إخواني و بگيت اصفگ بديه
.....................

إنتهت عشرتنه بالطف تفارگينه ويالاهــــل
رحت عنكم عالهزيله بيه ما ضل كل امـــل
من مشيت وفارگتكم مدمعي عالخد نـــزل
بكربله وياكم حسافه ما أخذ روحي الأجل

ريت ميته ولا شفت هاي المصيبه
انا زينب هسه سموني الغريبــــــه

شيعدل حملي لو مال .. فراگ الأخوه كتال

راحت إخواني و بگيت اصفگ بديه
.....................

بصحره عالهزل مشينه شطوله يا درب اليسر
كلها شمات بضعنه راح حماي الخـــــــــــــــدر
من بعد كافلنه هسه صار حادينه الشمــــــــــر
من كثر ضيم الجرالي مني مل حتى الصبــــر

يا عذابي ومحنتي بذيچ الخرابه
المن أشرح قصة الليل وعذابـــه

المن قصتي تنگال .. فراگ الأخوه كتال

راحت إخواني و بگيت اصفگ بديه
.....................

وكتي حيرني بيتامه شلون حيره تحيــــــرت
طفله تبچي تريد أبوها تگلي عمه تحلمــــــت
چان ابوي حسين يمي هسه بعيوني شفـــــت
البل قصر سمعوا بچيها وجابوا الرأس بطشت

حنت وصاحت هلا براسك يغالي
شبگته وماتت رقيه شلون حالي

بخرابه وتچوي الارمال .. فراگ الأخوه كتال

راحت إخواني و بگيت اصفگ بديه
.....................







حسين الفيصليhttps://www.tg-me.com/ML_mahhde

على زينب وأهل زينب كلبي ناصب فاتحه

رجعت من السبي محنيه وتنوود
لا نظر لا حيل لا چلمت هله

التطب ديوان مشدوده بحبال
من يكلي شلون توصل كربله

كلها كالت يا خلگ مسبيه هاي
ماكو واحد كال هاي امدلله


صاحت العالم اسيره....وهي اميره وبنت اميره...هذا شلعان الگلب
والله لو ميته احسن الها........ولا الوادم تهد كلها ......تضيّگ اعلها الدرب
اللزمت اجفوف ابو فاضل .....حيره مجتوفه بسلاسل ....ودم ايديها يضل يصب

تطلع الخوية شثگلها من كثر ما صايحة
.
.
.
.

الهزله جنها الدنيا كلساعه تميل
مايله الهزله اويه زينب مايله

مو فقط ذيج السياط العلمتون
اتلاثه واثمانين واحد شايله

زينب بگد ما مبچيها الافراگ
هاي ميته اعليها وادم گايله

الجان طوله في خواته......گطعوا اجفوفه الشماته .....گَطعَت الماي العذب
كلها تصرخ عمي وينه .....ونبله سدت شوف عينه ....... وسفه باقي للسلب
ياهو يقبلها اعله زينب .......بالسبي يا ناس تنسب ......نار وبدمها تشب

لو تشوف الرمح يهتز گول زينب طايحة
.
.
.
.
انشالت ادلال الاعزاز من المضيف
وانطفه الموگد وشبت نارها

بعد ضيم السبي والسوگ الثگيل
تختنك زينب بشوف اديارها


يوم نظرت بالدمع لام البنين
چنها خيمه اوجت أمن اكتارها

فاگده ويذبح نعيها .. ووين ابو فاضل حچيها ...
الفاگد يموته النِشد
ضايعه وحرگوا خدرها .. والهزل موش لعمرها .. ومو حبل بيها اليشد
زينب المكفولة صارت .. كافلة وكلش احتارت .. بالكمر تحلم يرد

تمشي تتلفت لخوها تگله اختك رايحة
.
.
.
.
رجعت المكسور تنطي الدمعه لون
حمره دمعتها اليموت احسينها


تل مصغر ظهر ناگتها يصير
ومشرعه وبيها ابو فاضل عينها

دمعه دمعه تموت هي الغربه هيج
وتنحني من السوگ المجتفينها

امچتفه وبحه بحچيها .. والحبل شلع اديها.. و السبي يريد ازلمه
وهيه حرمه من ال هاشم .....ضلها ما شافت الوادم....عالدلال امعلمه
أمن البچي وموت السبايه.. ضاله بس العبايه .. ذبلت بگد فاطمه

مثل ما ماتت الزهرة اتموت زينب شابحة
.
.
.
.
وصلت وبيها شكثر نظرات شام
الوين چنتي اسهام بذن الضايعه

الخوية طلعت منها دمعه وعد غريب
امن الگلب لحسين طلعت نابعه

واليزور اگبور لازم عنده ماي
وچلمه من الماي زينب سامعه

الفاتحة العدها چبيرة .. عدها اخو انلم بحصيره..وعدها چف اعله النهر

وصلت بيوم اربعينه .. تعبت الخوه الحنينة .. تمشي صارلها شهر

شافت الطف التغير .. مگبره وبترابة الاحمر .. ضاله اشلاء ونحر

وريحة ارماد المخيم لسه بالطف فايحة


#علي #هادي #الخزعلي
#عبدالله #الشويلي

#اللهم_عجل_لوليك_الفرجhttps://www.tg-me.com/ML_mahhde

قصه واقعيه
قصيدة ( ميته المحنه الاوليه )
**

ياهو اليحس بالماتت أمه
يرجع طفل لو چان زلمه
يشتم هدمهه ويكره البيت
الما يلگى أمه يموت يا ريت
ويلاه ييمه ،، ويلاه ييمه

*

وين اليساعدني اعله بلواي
ما شم هوى ولا اريدن الماي
هاي امي بين چفوفي وتموت
يا موت اخذني شتسوى دنياي

رفت عيوني ودمعي جامد
اوگف واطيح وآنه گاعد
گلبي اشتعل بس جسمي بارد
شوفوني آنه ؟ غير واحد ؟

اصرخ ييمه وساكت الصوت
ميته ويريت اوليدچ يموت
لمن شبگتچ حيل ناديت
الما يلگه امه يموت يا ريت
ويلاه ييمه ،، ويلاه ييمه

*

طيحة مضايف مالت أجواد
موتت فراضه بوكت العناد
بعدچ شظل لا هيبه لا روح
دون ( ابن جعفر) شنهي بغداد ؟

كسرت ظهر ما منهه گومه
منازع عليل شلون نومه
يا شدت التثگل اهدومه
الما شاف امه شلون يومه ؟


شيله وعباية اوجه من نور
وچلمة ييمه ابيتنا اتدور
راحن بعد ولأمي حنيت
الما يلگه امه يموت يا ريت
ويلاه ييمه ،، ويلاه ييمه

****

شيل الجدم يصعب عليه
ألطم عليها وميته أديه
شميتهه وگلتلهه بهداي
ميته المحنه ألاوليه


خربت اللمه وطاحت الدار
واهل الثنيه اتصير خطار
هذا الجرى اعله وليدچ وصار
ظلت يتامى اكبار وزغار

بيت وصبح لا عافيه وروح
بلا صوت أمي الفرح مذبوح
ظليت أون يا يمه ظليت
الما يلگه امه يموت يا ريت
ويلاه ييمه ،، ويلاه ييمه

***

طبع المسافر مده ويعود
صح مبتعد بس باقي موجود
بس حيره بالما يرجع شلون
يخلي العيون اتخرب الخدود


مو أي بشر لا مات كلشي
يا عين لا يرتاح رمشي
ظل العمر للشيب يمشي
يا روحي للدفان غبشي

مو مال أون وارتاح شرتاح
مات الخضار بعين فلاح
يا دهري والله سوايه سويت
الما يلگه امه يموت يا ريت
ويلاه ييمه ،، ويلاه ييمه

***


تعب الربى وسهر الليالي
وكسرت گلبهه بضعف حالي
راحت الچانت لو تأذيت
تتمنى تتأذى أبدالي


محد يحبني بگد حظنهه
الدارتني حتى بكبر سنهه
اي هيه أمي وانه ابنهه
بس ما شفت طابگ جفنهه

اي گضت كل العمر ناطور
بس هسه صارت سهم الگبور
فوگ الگبر ماي وتبديت
الما يلگه امه يموت يا ريت
ويلاه ييمه ،، ويلاه ييمه


كلمات الخادم / رعد الفريجيhttps://www.tg-me.com/ML_mahhde