أللهم صل على محمد وآل محمد وعجل فرجهم ياكريم

آحضّر حاجتي ومتقصر الزهره
اصيح ام الحسن مولاتي بس نظره

--------------------------------------------


وين يروح خادمكم يمولاتي
ضاگت وانتي متقبلين وناتي
ثگيله هموم گلبي وهايه دمعاتي
اجيت المجلسچ سمعيهه چلماتي


اجيت وحيل ما بيه
اريد الحاچه مگضيه

انه الخادم واحبكم والله علفطره
اصيح ام الحسن مولاتي بس نظره

----------------------------------------


بچيت وما يصح عوان لاحزاني
البشر بالشده ما ظن ايتلگاني
يباب الله الگصدته وساد بيباني
ها يم الحسن مديت ذرعاني

بجاه الضلع والمنحر
برضيع حسين والاكبر

بعباية زينب الردت گبل حمره
اصيح ام الحسن مولاتي بس نظره


--------------------------------------------


يروحي الناس هيه تريد متفيدچ
اسلم لله كل أمري وبعد بيدچ
يزهره ابمجلس ودمعاتي لوليدچ
اليضيع بدنيته يتعنى ويريدچ


تدلين الغريب الضاع
بسمچ هلسمى والگاع

الصحاري الذكرتچ تنبت عشب خضره
اصيح ام الحسن مولاتي بس نظره


--------------------------------------------


ثگل هم الدليل وهلمرض حيره
تعب دكتوري مني وملت الديره
اروحن وين وانتم موطن الغيره
دخيل وجاي والدمعات تأشيره


اسافر الكم وبيكم
على الونات احاچيكم

بس انتم ظهر للوادم الفقره
اصيح ام الحسن مولاتي بس نظره

-----------------------------------------


سلام من الوحيد الخلصت سنينه
الباچر باللحد كل اهله ناسينه
اليظل بالگبر خايف ياهو اليعينه
السكت صوته وبقت مشدوده چفينه


تجون بساعة الوحشه
ظلام وينگلب غبشه

امان الگبر بيكم سادتي العتره
اصيح ام الحسن مولاتي بس نظره



كلمات الخادم / رعد الفريجي
ربيع الاول / 1446
ثوابها الى روح والدتي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

يعمه من تركضن باوعن زين
انترست كربله من جسم الحسين
الحوافر وذرنّه لخيمچن وصّلنّه
انترست كربله من جسم الحسين
……………………………………………… ..
ادري النار شدهچّن يعمه
وركضتن من عدو ما عنده رحمه
بس عطر الحسين هنا اشمه
وصلت للخيم اشلاء جسمه
اذا شفتن وذر ومعطره بياس
عزيزات وابد ما ارضه تنداس
اشمن عطر جنة لخيمچن وصّلنّه
انترست كربله من جسم الحسين
………………………………………………
يعمه بجسمه الجروح على الجروح
مطبرينه لحد ما طلعت الروح
وگالوا للخيول الدوس مسموح
وهم ظلت تجي على حسين وتروح
الخيول الاعوجيه الداست عليه
تشيل الحافر ولازگ لحم بيه
بركضهن طشرنه لخيمچن وصّلنّه
انترست كربله من جسم الحسين
………………………………………………… .
يعمه اوصاله لمنهن اليه
شبعن من تراب الغاضرية
واخاف تشوفهن بنته رقيه
ما گلتلها ذبحوا ال اميه
اريد امسح اوصاله وصله وصله
وبلكت خنصره المبتور أحصله
السيوف الجرّحنّه لخيمچن وصّلنه
انترست كربله من جسم الحسين
…………………………………………………
اخوي حسين ذاكه الشحلاته
عجن ثاري الحوافر عاجناته
اذا رادن يودعنه خواته
يشوفن منظر الماشايفاته
اذا يلگنه چنهن ما لگنه
شباقي من الاخو ويودعنّه
لان اجزاء منه لخيمچن وصلنّه
انترست كربله من جسم الحسين
………………………………………………… .
رحتله وكل جرح بي سولفتله
حرگوها الخيم يحسين گتله
ووصلت لطگتي وما كملتله
ادري السوط هذا اعدال چتله
الف مرة الشمر يگطع وريده
ولا واحد عليه ايشيل ايده
السوالف گطّعنه لخيمچن وصلنّه
انترست كربله من جسم الحسين
……………………………………………………
الشاعر سماح الجنابي https://www.tg-me.com/ML_mahhde

انه الگضيت عمري اتوسل الجناز
چي يوميه شايل للكبر غالي
انه المكسور گلبي ابفرگة الوليان
اموت من الموادع تالي ماتالي
ردت واحد يضل يمي من اطيح ابضيچ
خلتني الكبور ابعازة الوالي 😔💔

#للشاعرة غدير الحساني https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

*نــعی لسان حال زینب علی اهلها واخوتها*

*گالت*

خاف اشتکی وخافن یزعلون
لیش ابأخــتهــم مایــمرون

تــربـیلهم کلیوم الـعــیـون


☑️☑️☑️☑️☑️☑️☑️
جـینه و وصلنه للـمـدیــنه

ودیـوان اخـوی امسددینه

وخالی مـچان امی الحنینه
☑️☑️☑️☑️☑️☑️☑️
تــردین ملـگاهم یــروحی
لـلغربـو کـلیـوم نــوحــی
والکربله زینــب د روحی
☑️☑️☑️☑️☑️☑️☑️☑️
چــا یـمته ملگاکم یـاهلنه

گلبی علیکم زاد ونـــه

دموع المفارگ یلچمنه

☑️☑️☑️☑️☑️☑️☑️☑️
چـا لـیش رحتو ابغیر جیه

ابـعید الدرب و ٱومی بدیـَّه

چـن لـلـبـُعـِد  تردون حــیـه
☑️☑️☑️☑️☑️☑️☑️☑️

شحچی و سالفتی طویله

راح  الـحنین الاشــتکیلـه

لـلموت ابن امی ابـچیله
☑️☑️☑️☑️☑️☑️☑️☑️
اتمنه اشـوفک صدفه بالبیت

یحسین اگلک خویــه ردیـت

یبن امـی چـنک علیه حنیت
☑️☑️☑️☑️☑️☑️☑️☑️

الفرگه تکتل ثاری یاناس

اهـنا یخویه اهـنا یعباس

خنجر افراگک بالگلب جاس

وین اهل المحنه

*ام محمدالکعبی*
https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

#نعي

لسيدة الخلق والوجود فاطمة الحانية
روحي وروح العالمين لتراب مقدمها الفداء

فكدج ترى كاسر كفه الدار
وبين على وليداتج غيار
عمرج كضه وعشرين ماصار
ضلعج ترف مو مال بسمار

يا زهره من يصير الغروب
زينب تعاين صوب الدروب
مثل المصوب ضاله تلوب
ضلعج ييمه شلون مصيوب

يبجي الحسن ويناشد حسين
ضعن المحنه راح لاوين
لذت حضنهه نجيبهه منين
فراك العزاز يودر العين

يا يمه كل مغرب نتانيج
نسمه وتطب من الشبابج
كلما بردنه نجيب طاريج
يالدافي حضنج وين نلكيج

الشاعر مصطفى حرب

#اللهم_عجل_لوليك_الفرج https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

ا ويلاه يافاطمه

من الشمس باگوا ضوه ا ويلاه يافاطمه
ظل الزمان بلا هوى. ا ويلاه يافاطمه
لكسر الضلع ماصح دوه. ا ويلاه يافاطمه
آياصبر حامي الحمه. ا ويلاه يافاطمه

//////////////

ياضلعج الماينجبر اويلاه يافاطمه
بلا نورج شيسوه العمر. اويلاه يافاطمه
ذاك الجمر جاس الستر. اويلاه يافاطمه
والگاع فاضت بالدمه. اويلاه يافاطمه

///////////////

فگدج كسر ظهر الولي. اويلاه يافاطمه
ومن الهضم شيّب علي. اويلاه يافاطمه
احاه يجرح المبتلي. اويلاه يافاطمه
يظل يشهگ لرب السمه. اويلاه يافاطمه

/////////////

دگ النذل باب الشهم. اويلاه يافاطمه
صرخة علي تبريّد زلم. اويلاه يافاطمه
المر بيج لو حته بحلم. اويلاه يافاطمه
محد يصدگه ويفهمه. اويلاه يافاطمه

//////////////
ذاك التجاسر عالورد. اويلاه يافاطمه
وانتم زرع مو للحصد اويلاه يافاطمه
واجمّعوا أهل الحقد اويلاه يافاطمه
عالباب كلها امحزّمه. اويلاه يافاطمه

/////////////

حيدر وصيته الشدته. اويلاه يافاطمه
وبشيبه لاذت دمعته. اويلاه يافاطمه
بس الله يدري بحالته. اويلاه يافاطمه
وصوابج شگد ألمه. اويلاه يافاطمه

////////////

باب بحقد من ينطبگ. اويلاه يافاطمه
والحطب يمه ويحترگ. اويلاه يافاطمه
والگاع تتلگه العشگ. اويلاه يافاطمه
والمتن سوط يورمه. اويلاه يافاطمه


علي طعمه البطاط https://www.tg-me.com/ML_mahhde

🌸اةّ🌸
عراقية عراقية
هاي الفزعه شيعية
كلشي يهون يا  لبنان
ابشري  الشده  مگضية

--------------------------------

علي ويسند  علي
المواقف كلهه الي
اثور       وانتفض
اذا    الفزعه   لهلي

انه الكاسر    گفه  العايل
كلام     الذله    ما  گايل
انه  اليعدل حچي المايل
عراقي ورافضي

آنه  التاريخ    والثايه
اجتكم يا هلي  الرايه
فزعتي  لاهل  الولايه
عراقي ورافضي

بيهه انفاس ثورية
هاي الفزعه شيعية
كلشي يهون يا  لبنان
ابشري  الشده  مگضيه

------------------------------------------


يلبنان   السمى
نتشارك  بالدمى
اذا جاسچ عطش
  يأذيچ    الضمى

نمد     الماي    وجروفه
وتجيچ  بحيلهه الكوفه
الفرات   بمايه  وچفوفه
هلا  ومية هلا

عوائلكم     تطب  داري
واعزب انه    وي جاري
اهل   ما  گلت  خطاري
هلا ومية هلا

يأهلآ     بالحسينية
هاي  الفزعه شيعية
كلشي يهون يا  لبنان
ابشري  الشده  مگضيه

-------------------------------------------

اجيناچ     بزلم
تموت  وما تهم
تعزب   بالنحور
والشروگي الاسم


احط      نيشان      بالملگه
معلم     چفي         علتفگه
الشرد من عندي  ما  الحگه
تعود  ينهزم

ما   يبقى   اليمس   گاعي
انه     الراعبهم      ذراعي
التخاذل   ما   اله    داعي
تعود  ينهزم

هذاك   الگال  شعليه
هاي الفزعه    شيعية
كلشي يهون يا  لبنان
ابشري  الشده  مگضية

--------------------------------------------

مواقف      للعرب 
عجب كل العجب
يوالون      اليهود
يجمعون  الحطب

قديمة   السالفه      العدهم 
الخيانه   التمشي وي دمهم
قطعآ       ياهو       والدهم
نقارن  بالفعل

گبل   هم    بَخنّ     گالوهه
وتالي     سوايه     سووهه
هايه     اليوم        عادوهه
نقارن  بالفعل

شحچي ونارهم بيه
هاي  الفزعه  شيعية
كلشي يهون يا  لبنان
ابشري  الشده  مگضية

-------------------------------------------


انتوحد   ننتصر
نتفرق     ننكسر
بعد  كف   الكلام
ذبحناه     الشمر


چفي     بچفك      وخلنه 
عرفنه   الناس    التضدنه
(اليذم بينه ) ( اليساعدنه )
وضح كلشي بعد

اليوالي   المرتضى     وآله
التعرفه   بدينه     وافعاله
انصره    واحفظ     اعياله
وضح كلشي  بعد

البقيه   الروس محنية
هاي    الفزعه   شيعيةhttps://www.tg-me.com/ML_mahhde
كلشي يهون يا  لبنان
ابشري  الشده  مگضيه


كلمات الشاعر  /  رعد الفريجي
25/ ايلول / 2024

اسمعونا صلوات لنصرة اخواننا في لبنان مدد ياعلي مدد

مع الحسين عليه السلام 😭😭

اداء المبدع امي امي امي الحنينة لا طعم للحياة
ملا مهدي