أعظم الله أجوركم وأحسن عزاءكم

مولد الامام المهدي عج

يا صاحب زماني .. ياكـهفي وأماني
يامهدي .. يامهدي .. يامهدي

ياترافـت عـمري .. وياهـواي العُـذري .. يامهدي
اشهگـك بأنفاسي .. ياغرام احساسي .. يامهدي
ياعـشگ دلالـي .. وياحبـيبـي الغالي .. يامهدي


انته يا اغلـى محـب هايم انــا بضحكاته
بـيك ولـهان الگـلب وانـتـه نبـض دگـاته
لهـفـه بيـه الطلـعـتـك يمته الفرج ساعاته

انته حسن اظنوني .. وماي وجهي ولوني
بطلعـتك چـا يمـته .. تكحـل انته عـيوني
يامهدي .. يامهدي .. يامهدي

………………………………

والله يا معـشوگي .. ما بردلك شوگي .. يامهدي
يافرحـتي وخيري .. يالخذت تفـكيري .. يامهدي
بسمك الهج دومي .. صبح ليل ابيومي .. يامهدي


ياعـُطر وجه الصبح وكـت الصلاه اشـتـمك
ليلي ونـهـاري صرت الـهـج يـغـالـي بـأسمك
عيني ما تحمل هجر مشتاگـه تحظن رسمك

اي وحگ اعيونك .. هايم ومجنونك
طـولت بالـغـيـبة .. ياحبيبي شلونك
يامهدي .. يامهدي .. يامهدي

………………………………

بطيفي لو تلــفـيني .. الفرحه تترس عيني .. يامهدي
روحي الك ملـهوفه .. الغالي يمته انشوفه .. يامهدي
بالگـلب چـم حسره .. لطلـعـت ابـن الزهره .. يامهدي

مرني لـَون دنـيـتي بالوانـها الورديه
روحي يمك امنت منك خـذت حنيه
سيدي مـن المـهد وياك بـيضه النـيه

عشت عمري بخيرك .. وما رحت يم غيرك
وكـبـرتـني بــزودك .. وعـطـفك وتـقديرك
يامهدي .. يامهدي .. يامهدي

………………………………

بروحي اوج اشموعك .. وارتقب لطلـوعك .. يامهدي
احسب ايطل فجرك .. بروحي يمرد هجرك .. يامهدي
بكل صباح الجـمـعـه .. ادعي الك بالطـلعـه .. يامهدي


سيدي بشوگ الدمع ينـزل عالمـصلايـه
اقره قـرآن الـفـجـر ودعيلك ابكـل آيــه
فات يالمهدي شكـثر والباقي هم هوايه

كـل فجـر اتـوقــع .. شمس وجـهـك تطلـع
وتلفي وحشة ليلي .. وليلي اخلصه بمدمع
يامهدي .. يامهدي .. يامهدي

………………………………

اقره الك چم ندبه .. حسين تجبر گلبه .. يامهدي
تـفـرح المعصوره .. فاطمـه المكسوره .. يامهدي
يمن فدوه الصبرك .. فاطمه تنـتظرك .. يامهدي

بهـاي ليـلـة مـولـدك مـن يكـتـمـلـك بــدرك
فاطـمـه ام الحـسن يبـن الحـسن تنـتـظرك
تدعي الله يعجـل بساعـة ظـهورك وامـرك

لله الك دعـواها .. يافـرج بـلـوهــا
واحنه يامهدينا .. ندعي الك وياها
يامهدي .. يامهدي .. يامهدي

الشاعر عقيل الحسناوي..

https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

نعي بمناسبة استشهاد مولاتي فاطمة الزهراء عليها وكأني بلسان مولاتي زينب عليها السلام

نــدهنــه يم حسـن يمه وبچينـــه
آمنه نـــــريـــدهه الخيمه علينـــه
شكثـر نشتـــاگ للطيبـه الحنينــه

مـــن حضنـــچ ييمه مـــــا شبعنه
بفگـــدج انهضمنه احنــه وتعبنــه
جــرح يتبع جـرح حيل انجــرحنه

تبچـي مـن الهضم عگبج هالعيون
تــره غيــــابچ علينه موش بالهون
شــوفــي اولادچ بهضمه يــونــون

عگب عينــچ ييمه الگلب مجــروح
يــذكــر ضحكتچ يحبيبــه وينــوح
أمــي وخيمتــي ويــا سلوت الروح

وداعت حيــــــدر الفگــــد چتـــــال
وچماله الــــدهـــر هم بيه ميـــــــال
آآآه شلون اوصفـه عگبچ الحـــــــال

بــلايــــاچ اشبعت يــايمه هضمــــات
لا مــــا ينحچــن بگلبـــي لچمـــــــات
صفالي خلافچ بس حسره وآهــــــات

تمت والحمد لله
بقلمي المتواضع
✍ للشاعرة وخادمة الحُسين
رقية العامري https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

أداء خادمكم ناعي الزهراء ابو علي الجابري الخيكاني

نعي للوالده
……
يمه شمايمر الليل بيه
تبقه صورتچ تفتر عليه
حلوات السوالف كل مسيه
راحت بعد گعدتنه سويه

يمه فراش بيتچ هالفرشناه
وتگابلينه امگابل وياه
عن نومتچ يمه سئلناه
ماجاوبانه من نشدناه

يالحاليتلچ نوم الگبور
تراب الغطه وفراش الصخور
ون الگلب والگلب معذور
گلبي عليچ هواي مكسور

شفتي الزمان شلعب بينه
يالرحتي منه وماتجينه
يحبيبه ياامنه الحنينه
ياحسرت وفركت ادينه

يمه وسفه ليالينه گصيره
بعدچ زغيره مو چبيره

يادار اهلنه وين اهلنه
شالوا بعد اهل المحنه
… .https://www.tg-me.com/ML_mahhde
علي الحاج الصبيحاوي

أللهم صل على محمد وآل محمد وعجل فرجهم ياكريم

لبو السجاد وَنِّي أبد ماخاف
وجدمي المِسرِع الخِدمِتَه ماخاف
مادام الحسين اوياي ماخاف
حنين وأحن من امِّي عليه

مدري اشكثر من عمري رحالي
شفت بس خدمة حسيني رحالي
رصيدي لو گرب موعد رحالي
الخدمه ودَمعِتِي لبن الزچيه

امن اماني اگظيتهه ابدربك لماني
او وهم كل لايم ابحبك لماني
منو غيرك يبو اليمه لمَّاني
واصبح مجلسك خيمه عليه

سيد علي الموسوي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

آحضّر حاجتي ومتقصر الزهره
اصيح ام الحسن مولاتي بس نظره

--------------------------------------------


وين يروح خادمكم يمولاتي
ضاگت وانتي متقبلين وناتي
ثگيله هموم گلبي وهايه دمعاتي
اجيت المجلسچ سمعيهه چلماتي


اجيت وحيل ما بيه
اريد الحاچه مگضيه

انه الخادم واحبكم والله علفطره
اصيح ام الحسن مولاتي بس نظره

----------------------------------------


بچيت وما يصح عوان لاحزاني
البشر بالشده ما ظن ايتلگاني
يباب الله الگصدته وساد بيباني
ها يم الحسن مديت ذرعاني

بجاه الضلع والمنحر
برضيع حسين والاكبر

بعباية زينب الردت گبل حمره
اصيح ام الحسن مولاتي بس نظره


--------------------------------------------


يروحي الناس هيه تريد متفيدچ
اسلم لله كل أمري وبعد بيدچ
يزهره ابمجلس ودمعاتي لوليدچ
اليضيع بدنيته يتعنى ويريدچ


تدلين الغريب الضاع
بسمچ هلسمى والگاع

الصحاري الذكرتچ تنبت عشب خضره
اصيح ام الحسن مولاتي بس نظره


--------------------------------------------


ثگل هم الدليل وهلمرض حيره
تعب دكتوري مني وملت الديره
اروحن وين وانتم موطن الغيره
دخيل وجاي والدمعات تأشيره


اسافر الكم وبيكم
على الونات احاچيكم

بس انتم ظهر للوادم الفقره
اصيح ام الحسن مولاتي بس نظره

-----------------------------------------


سلام من الوحيد الخلصت سنينه
الباچر باللحد كل اهله ناسينه
اليظل بالگبر خايف ياهو اليعينه
السكت صوته وبقت مشدوده چفينه


تجون بساعة الوحشه
ظلام وينگلب غبشه

امان الگبر بيكم سادتي العتره
اصيح ام الحسن مولاتي بس نظره



كلمات الخادم / رعد الفريجي
ربيع الاول / 1446
ثوابها الى روح والدتي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

يعمه من تركضن باوعن زين
انترست كربله من جسم الحسين
الحوافر وذرنّه لخيمچن وصّلنّه
انترست كربله من جسم الحسين
……………………………………………… ..
ادري النار شدهچّن يعمه
وركضتن من عدو ما عنده رحمه
بس عطر الحسين هنا اشمه
وصلت للخيم اشلاء جسمه
اذا شفتن وذر ومعطره بياس
عزيزات وابد ما ارضه تنداس
اشمن عطر جنة لخيمچن وصّلنّه
انترست كربله من جسم الحسين
………………………………………………
يعمه بجسمه الجروح على الجروح
مطبرينه لحد ما طلعت الروح
وگالوا للخيول الدوس مسموح
وهم ظلت تجي على حسين وتروح
الخيول الاعوجيه الداست عليه
تشيل الحافر ولازگ لحم بيه
بركضهن طشرنه لخيمچن وصّلنّه
انترست كربله من جسم الحسين
………………………………………………… .
يعمه اوصاله لمنهن اليه
شبعن من تراب الغاضرية
واخاف تشوفهن بنته رقيه
ما گلتلها ذبحوا ال اميه
اريد امسح اوصاله وصله وصله
وبلكت خنصره المبتور أحصله
السيوف الجرّحنّه لخيمچن وصّلنه
انترست كربله من جسم الحسين
…………………………………………………
اخوي حسين ذاكه الشحلاته
عجن ثاري الحوافر عاجناته
اذا رادن يودعنه خواته
يشوفن منظر الماشايفاته
اذا يلگنه چنهن ما لگنه
شباقي من الاخو ويودعنّه
لان اجزاء منه لخيمچن وصلنّه
انترست كربله من جسم الحسين
………………………………………………… .
رحتله وكل جرح بي سولفتله
حرگوها الخيم يحسين گتله
ووصلت لطگتي وما كملتله
ادري السوط هذا اعدال چتله
الف مرة الشمر يگطع وريده
ولا واحد عليه ايشيل ايده
السوالف گطّعنه لخيمچن وصلنّه
انترست كربله من جسم الحسين
……………………………………………………
الشاعر سماح الجنابي https://www.tg-me.com/ML_mahhde

انه الگضيت عمري اتوسل الجناز
چي يوميه شايل للكبر غالي
انه المكسور گلبي ابفرگة الوليان
اموت من الموادع تالي ماتالي
ردت واحد يضل يمي من اطيح ابضيچ
خلتني الكبور ابعازة الوالي 😔💔

#للشاعرة غدير الحساني https://www.tg-me.com/ML_mahhde