أللهم صل على محمد وآل محمد وعجل فرجهم ياكريم

#نعي

لمولاتي ام البنين صلوات الله عليها

لما دخل بشر بن حذلم الى المدينة منادياً يا اهل يثرب لا مقام لكم بها .قتل الحسين فأدمعي مدرارُ ، تجمعت عليه اهل المدينه مالخبر ايها الناعي قال الخبر عند قبر رسول الله ص .وبعدما ارتفع صوت الناعي إذا وصل الئ مسامع السيده ام البنين ع ولما سمعت قول الناعي قُتل الحسين ..قامت ووقعت على وجهها ثلاثاً وصارت تتبع صوت الناعي وهي تحمل على منكبها الفضل بن العباس ع ..وكأني بلسان حالها..



مـحــد گــــال للناعـي أيـتــوانــه
مـــر بــديــارنـه ابسـاع وجزانــه
والــخــوف مــن صوتـه خـذانــه
بخبر ميشوم أظن عنده أمنجانه

بعد شتكول :

وينـــه الــيـعـطـل الناعــي وينـه
گبــل لايطــلـع ويــجـزي المدينه
وبلكي اخـبـار سامــع عـن ولينـه
أفــرجــوله الدرب خلـــوا يجينـه

وحين الــوصـل يم الباب ناعيها
والتمت علــيه يثــرب بأهــاليها
سولف يهل ناعــي كربله اشبيها
گاللهم مـــره توصــل امـتــانيها

مــن مـر بالمدينه اطـلـعـت كلها
وگام يصيح زيـنـــب وين أهلها
زيـنـب تــــــــرى مــــات الكفلها
وشافـــوا طـولـهـا الماطلع ظلها

صدگ من گالي الناعي او خـبرني
أبچتل عباس فت گلبي أوضهدني
لــچـن روحـــي يم زينب خــذتني
ونسيت الطفل شايلته اعلى متني

رســالـه للسـمـــع بــــيّه ارد أودي
واريد الماعرف يفتـهــم گــصـدي
ترى الزينب دمعــتـي مــو الولدي
وهــــــذا الـيــوصـل وينفهم ودي

نسألكم الدعاء

السيد حسين الياسري

#اللهم_عجل_لوليك_الفرج https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

أللهم صل على محمد وآل محمد وعجل فرجهم ياكريم

أعظم الله أجوركم عشاق الحسين ع اعتذر منكم وعن النشر لئن ملتهي بالمجلس فاسئلكم الدعاء

قصيده ثلاث دكات ل علي الأكبر عليه السلام


يـــلاكبر ابلــياك مـا بــــطله نـوحي
گبلك يريته المـوت ماخذهه روحي
&&&&&&&&&&&&&&&&&&&&&&&&&&&&&

يـوليدي عمري ابدال عمرك عسنه
يلـــما گـــطع ابچفاك دلــالي ونـــه
رحت واخذت وياك يــبني المــحنه

اشما عندج من احزان ياروحي بوحي،،
گبلك يريته المـوت ماخذهه روحي،،
&&&&&&&&&&&&&&&&&&&&&&&&&&&&&

مـايسون ابــلياك عمــري وحـــياتي
ردتــك تهيل  اتراب  گبري بــمماتي
رحت  وتغير لون وجهي  وصـفاتي

ماتنحصي من اچفاك  كثرت جروحي،،
گبلك يريته المـوت ماخذهه روحي
&&&&&&&&&&&&&&&&&&&&&&&&&&&&&

يبني الــسهر وربــاي ردتــك تعوضه
ارضـه بـمماتي يحين بغيابك ارضــه
اعليه الحزن والنوح يومك يفرضه

طيحت جبل للگاع طيحته سوحي،،
گبلك يريته المـوت ماخذهه روحي
&&&&&&&&&&&&&&&&&&&&&&&&&&&&&

اظلم صـبح بچفاك يوليدي داري
مـــاتـبرد ابـلياك لا تــطفه نــاري
صـار الحزن والنوح رافع شـعاري

كلشي اصبح بلياك للفرگه يوحي،،
گبلك يريته المـوت ماخذهه روحي
&&&&&&&&&&&&&&&&&&&&&&&&&&&&&

كلـشي انتهئ ومـــاجان بحسابي فگدك
عمري احسبتله احـساب من يگظي سدك
چا ويــنه وعـــدك  ذاك چا ويــنه وعــدك

علفارگج ياروح خل يعله  نوحي
گبلك يريته المـوت ماخذهه روحي https://www.tg-me.com/ML_mahhde