أللهم صل على محمد وآل محمد وعجل فرجهم ياكريم

كلما يمرني غروب -- أتذكــــــرك بالخير
للكوفه أجيلك بيش – ماعدي جنح الطير
--------------------------------------
1= ثاري التفارك أبو يكصر عـــمرهه ** حال ورده وتنسي ذابــل عـطرهه
كاعده بضل شجرتي الميت ثمرهه ** مره أكول تمرهه مره ماتــمرهه
--------------------------------------------
كمل شهر الغــياب ** بحسابي عام يصير
للكوفه أجيلك بيش ** ماعدي جنح الطــير
*******
2= بوست أيد الصبح عــن لا يجيني ** الليل وأنه بهل وضع يعميهه عــــــيني
سنيني وأنته بعيد ماجنهن سنيني ** تبعيعني الصفنه الجروحي وتشتريني
--------------------------------------------
صبرته كلبي وصاح ** ماترهـــم ومتصير
للكوفه أجيلك بيـش ** ماعدي جنح الطير
**********
3= شما تمر نسمه ألتفت حسبالي أنته ** وكلبي من تطلع شمس تبجي أعله ونته
أصعب الأشياء هجرك بويه شفـته ** بلا عمود البيت مــــــــــاترهم وكفته
-------------------------------------------
أكتب رساله بماي ** ماينفع التعــــــبير
للكوفه أجيلك بيش ** ماعدي جنح الطير


4= بخاطر عيوني البجي ماخله دمــعه ** أبجي والخيمه النواعي كليبي تنعه
يبو صوت الشاعري صوتك أسمعه ** ياحميده روحتي مابـــيهه رجعه
--------------------------------------------
حسراتي كلهه تهون ** مادامك أنته بخـير
للكوفه أجيلك بيــش ** ماعدي جنح الطير
********
5= أذكر أسوالف أمس وضحــــك معاهه ** وعتب أعله شموعك الميت ضواهه
عيوني تركض والدمع يركض وراهه ** أخذ روحي الموت كتله وما خــذاهه
---------------------------------------------
يابويه هجرك موت ** هالجلمه موتنضير
للكوفه أجيلك بيش ** ماعدي جنح الطـير
**********
خادم العتره عبد الجليل المالكي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

✨ یحادی النوگ بلله النوگ ونهه

✨ خل روحی تون لحسین ونهه

✨ أمس چنت آمر بعباس ونهه

✨ وهلیوم الشمر یامر علیه

#الشاعر_الکبیر_عزیز_الفیصلی



✨ یحادی الهِزِل ابهونک بیاون

✨ وگلی ابهل فجر گاطع بیاون

✨ ابیا حسره انوح اهلی بیاون

✨ عشیره وگوطرت کلهه من ادیه

#الشاعر_الکبیر_عزیز_الفیصلی https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

يا شيخ الماي لا ترحل يا شيخ الماي
يا راي حسين  بغيابك  يبقه  بلا  راي

شافتني الناس        جيتك عباس
يا شيخ الماي        يا شيخ الماي
……………………………………………..
اجيت  بيا  علي وانگل جدم  گوه
تگعدلي  احلفك  خويه  بالخوه
ما تسوه الشماته تحجي ما تسوه
رجع وحده وعضيده وياه ما هوه

بس گوم وياي يا خويه بس گوم وياي
گدام  الجيش  ويشوفك  لازم  مگفاي

رايدلي انفاس       جيتك عباس
يا شيخ الماي       يا شيخ الماي
…………………………………………….
اگعد فدوه اگعد خويه حاطونه
تره اخلافك اخوك حسين يولونه
جسمك ما يگوم الجيش يردونه
حتى لو متت جسمي يگطعونه

بعيالي اشلون لو  متنا  بعيالي  اشلون
بالخيمه هناك منتضره ‏أنردلها ام عون

امدنگ الراس       جيتك عباس
……………………………………………
ارد  بيا  عذر  و الحره  منتضره
اذ گلها بسفر  مسلم ذبح  سفره
عمت عين النهر ما خله كل عشره
مو شايب  اخيك ‏ونحنا  ضهره

جا حضني شبيه يا خويه جا حضني شبيه
راسك  عل  گاع  يگطر  دم  ليش  مخليه

المثلك ينباس      جيتك عباس
……………………………………………..
عذر ما عندي جيت وتجري الدمعه
العمود الخيمه راحت يمنتي اتوگعه
لجن يا خويه احلفك بأمي البضعه
الطاحت خيمتك لو طاحن السبعه

اتصيح النسوان ‏حاجينا شصاير يحسين
بس  لا  مو  زين  ‏كافلنا بس لا  مو زين

لا درع وطاس       جيتك عباس
……………………………………………
اخوك حسين ما يعرف تره يگابر
گتلهن  يخويه  و  الگلب  حاير
ادعن  مو  گصيره  ليلة  العاشر
كون بطول ابو فاضل تجي باجر

لو  طال  اليل  نتوادع  لو  طال  اليل
باجر من يمجن وامشي تاخذني الخيل

باجر انداس    جيتك عباس
……………………………………..
تمت بفضل أم البنين ع
الخادم مهدي الصالحي https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

خاف اموت       وما تشوفك عيني
انته وين                   بياكتردليني
راحت ايام العمر        بعد مااحمل هجر 
*
انه مو يعگوب حته اصبر وتاني
انه خايف ؟تاكل بعمري الثواني
مو دعاء الندبه مافارگ لساني
ريت اشوفك مره ياصاحب زماني
امنيات     والله يبن الزهره
امنيات     كون اشوفك مره
الك مشتاگ اشكثر       بعد مااحمل هجر

صرت اشعل شمعه الك كل مغربيه
يمته تظهر هاالسؤال يعيش بيه
شحسب هوايه جمع ياجمعه هيه!!
خوفي گبل الجمعه تاخذني المنيه
باالدموع    خلصيت ايامي
انته ماي    وانه كلش ضامي
ياوكت فجرك يطر    بعد مااحمل هجر
*
اي وحگ ذاك الغيور وكافل اخته
روحي من دونك يغايب چنها ميته
ادري صعبه من اسألك وينك انته
لكن اليهواك شيبرد لهفته!!
مااريد         عمري انه بدونك
انه اصيح    عاشگك مجنونك
منين اجيبنه الصبر     بعد مااحمل هجر

لو من اخيالك احصل انه نظره
اي وحگك اله اسوي بعيني حظره
جمرة المشتاگ ما تشبها جمره
ياحلم عمري الابد محد يفسره
وين اروح    بيك اسولف اني
انته دوم    تمشي وي شرياني
چني گاعد عاالجمر     بعد مااحمل هجر

چن غريب انه احس روحي بدنيتي
وانتظارك هوه عنواني وقضيتي
انته يامالك حياتي ومرجعيتي
كون اشوفك حتى لو لحظة منيتي
حتى اموت    وانه شايف بدرك
ارد اگول         سيدي منتظرك
بلكت اتردلي العمر      بعد مااحمل هجر

سعد العبودي


قناة أّئمًةّ أّلَبًقُيِّعٌ
یوسف الزهراءع 💔 https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

لبيك ياحسين ع

#نعي

مولاتي العليلة روحي فداها

وي وكت الغروب .....
روحي تحن وي وكت الغروب

ومجابله البوب....
هلبت خبر و مجابله البوب

يا كون مكتوب....
يوصل الي ياكون مكتوب

جافيت محبوب....
حيلي انهدم جافيت محبوب


كون الهوه يودي المراسيل
لَـكَتب بگد ما وحدتي تعيل

بتكم نحيله من الفراگ
وي الهوه اليعبر تره تميل

بگد ما الوسعه تجري ابحور
مني المدامع بالجفه اتسيل



يابوي تدري الگلب مشتاگ
ومو خوش طاري ،طاري الفراگ

الكوفه بعيده و دربك اطويل
وعندك عزيزه بطيبه تشتاگ

يابوي بالك من السيوف
حتى النفس يحسين ينباگ

لو بيدي أعطل ممشه الضعون
بس الضعن مكتوب ينساگ

ابو نوح الكناني

#اللهم_عجل_لوليك_الفرج https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

اسئلكم الدعاء بالموفقيه في خدمة الحسين ع

الشاعر الحسيني ظاهر حبيب الهليجي (للامام العباس ع)

اسأل بلناس وين العباس
والشامت گال مگطوع الراس
*
ناس ملتمه وصحت عباس اريده
الراح صوب العلگمي وأخته وحيده
ياهو الي يگله الشمر حضرلي گيده
يريد يجتفني وانه بنت الصميده
ملتمه الخيل بل هيمه وليل
زينب ياحيف حاطتها ارجاس
*
ردت واحد يوصله ايگله الابيه
بت علي زينب أخيته بلا حميه
لا خيم وعيالي تاهت بل بريه
يازمن خلاني مجتوفات اديه
انظر لخوان فوگ التربان
يلحگلي بهاي راعي النوماس
*

خل يجيني لا اهل عندي وگرايب
اخواني كلها مذبح فوگ الترايب
حدبت گلوله من گد المصايب
الطفل لو شاف حالي يصير شايب
ياريت الروح هليله تروح
ياريت اليوم مابيه انفاس
*
والله اتعذب لون تنطك يتيمه
اشكف بأيدي ويشتمون أبشتيمه
والعباه ليتامي صارت والله خيمه
خيل تصهل نار تلهب كاع هيمه
ياراعي الجود ملتمه حشود
حزني بلياك لا ماينقاس
*
جم اخو هل الليله بجفوفي ألمه
ويوسف الزهراء سلبو منه هدمه
شيبته انصبغت تراها بفيض دمه
والخيول ابلا رحم صدره تهشمه
بدموع العين انظر لحسين
ضامي مذبوح بلخيل انداس https://www.tg-me.com/ML_mahhde