الشيخ علي الكوراني في ذمة الله

لاحول ولاقوة الابالله العلي العظيم الله يرحمكم برحمته الواسعة

نرفع الحداد والعزاء إلى اخوتنه الايرانين والله لقد تئلمنا لكم ولأهلكم وأحبابكم بفقد قادة من قادة النصر أللهم احشرهم مع الحسين ع

اطلق على إيران الامه الشريفه سماحة آية الله العظمى السيد علي السيستاني الله يحفظكم ويوفقكم مولاي

يحيدر مـايهمني العمر...يو رك
هلا بالموت كون الجفن...ياراك
بـاجر يـاعلي لـو صـرت...يارك
عليك الزهره خل عينك عليه https://www.tg-me.com/ML_mahhde

اه يايمه تعبــــنه الفراك والله 😭😭 اليله جمعه لاتنسون والدتي اوالدي من قراءة سورة الفاتحة وعلى جميع اموات المسلمين والمسلمات في مشارق الأرض ومغاربها

صباح الخير عليكم جميعا يارب الصحه والعافيه للجميع

(( #وينك )) #للأمام_الحسن_ع

……………………………………………………………

شحال الوحيد ابنص عِده والذبحه ناوين
حيهم يبو محمد حچاها ابحسره الحسين
وينك . وينك . صرت ابولية الگوم
وينك . وينك . ما من ناصر اليوم

……………………………………………………………


يبن امي و اعضاي . حرموني الماي
وگلبي صار امن العطش يابس وريده
خويه الطفل مات . وللماي حسرات
خويه من حر السهم شبگاني بيده

يا حسن يابو الضيافه الهاشميه
كوم عزب ماي برض الغاضريه
ابعجل خاف انذبح متلحگ عليه

من شوفتك انا ارتوي يا وجه احمد
لحگ تره اتحضر شمر و لذبحي يصعد

خويه . خويه . امن تراب الگبر كوم
وينك . وينك . ما من ناصر اليوم

……………………………………………………………


يا محله الايام . كعده وسوه انام
اثنين بس احنا امتزجنه الروح بالروح

يا جبله الضيف . اعليه اعتله السيف
وذاك الحسين التحبه صار مذبوح

اهواي مختلفه يبو محمد ذبحتي
من الگفه يا خويه من حزوا رگبتي
ومن دماء المنحر انصبغت لحيتي

چثه اصبحت شبعت طعن و الراس مگطوع
يصد الخواتك ياحسن وبرمح مرفوع
دمعه . دمعه . امتزجت ويه الدموم
وينك . وينك . ما من ناصر اليوم

……………………………………………………………


امن ايد الزجيه . نلبس سويه
وهسه اخوك ابلايه ثوب امسلبينه
وهو أشبگه بيه . امن جروح الـ اعليه
وهو ما ظل شبر الا و طاعنينه

عاري ظليت و حديد الـ بالحوافر
من كثر ثگل السحگ لضلوعي كاسر
مثل طش الهيل حافر ليه ناثر

مو عشره اصابع يالحسن و البكن تسعه
من اجل ياخذ خاتمي الاصبع يگطعه
صدري . صدري . ابخيل الركض مهشوم
وينك . وينك . ما من ناصر اليوم

……………………………………………………………


من جالك الموت . حضّرت تابوت
وانا شيعتك يخوي و هلت التـ راب
و هسه عالگاع . و ابلايه فزّاع
ثلث تيام الجسم من الشمس ذاب

الرمل حدري تگول موكد يابو جسام
وجمد دم جروحي و بوسطتها الاسهام
موش راس النحر خويه اعل الترب نام

يبن امي دفنه ابلا چفن و بلايه تغسيل
ولا نعش و جفوف الهواشم هي التشيل
الجدي . الجدي . وصل خويه العلوم
وينك . وينك . ما من ناصر اليوم

……………………………………………………………


حركوها الخيام . لحّگ يضرغام
وانا ادري الغيره شمس ومنك اتنور
بالخيم نسوان . حاطتها نيران
والسياط اعل الفواطم ظلت ادور

تذكر وعن زينب انت اخفيت چبدك
تخاف لا تلچم گلبها و تبچي عندك
هسه تركض حافي اخيتك وحگ جدك

والتفت ابـ ايد العقيله خشنه الاحبال
مو چف اخوي ابسوط وشتم تصعد عالاجمال
شامت . شامت . اعليها الشام ملموم
وينك . وينك . ما من ناصر اليوم

……………………………………………………………


صح جان عباس . ماليني بحساس
چن علي الكرار حاضر و بفقاره
وكونك يبو الزود . وياي موجود
بيك اشوفن جدي احمد بالمعاره

وما اسوي امن الرمل تچوه او وساده
ابحضن اخوي المجتبى تحله الشهاده
اخر النظرات لعيونك سعاده

وبحضني ابوفاضل رفض راسه يخليه
ويكلي ساعه وراسك ارماح التعليه
هظمه . هظمه . من اخواني محروم
وينك . وينك . ما من ناصر اليوم

……………………………………………………………
✍️ ( سيد خضر الزاملي ) https://www.tg-me.com/ML_mahhde

ابوذیه

حنين الشوگ وسط الروح لما
حبك جن طفل مشتاگ لما
اعوف اولايتك يحسين لما
يجفنوني وبعد بسمك وصيه

ابوكاظم الحمداني https://www.tg-me.com/ML_mahhde

أللهم صل على محمد وآل محمد وعجل فرجهم ياكريم

لمولاي الاكبر ع

موتك .. موتك .. كاسر طول الحسين
عمرك .. عمرك .. ماجازي الثلاثين
يالاكبر .. يالاكبر
======
يالبعدك شاب ... يا نسمة صبح
ما لايگ بيك ... لون الطف ذبح
يحلى الشبان .. غصنك عطشان
نحرك مو ماي ..فك ريجه برمح

يأكبر ولدي بس امكبّر اجروحي
فكدتك صاحبي وابني واخو لروحي

شوفة .. شوفة .. ظهري صاير اثنين
عمرك .. عمرك .. ما جازي الثلاثين
يالاكبر .. يالاكبر
===========
چم شهگة موت ... علي نفسي شهگ
فر گلبي وجيت ... يمك واحترَگ
من طحت اعليك ... رفسن رجليك
بيك انشديت .. شباچ وعلگ

متت بيدي وغمضت اعيونك بأيدي
متت والشيب شد عزمة بمواليدي

دمك .. دمك .. مجموعة قرآئين
عمرك .. عمرك ..ما جازي الثلاثين
يالاكبر .. يالاكبر
============
كشخة مذبوح ... بيك اشگد شفت
طيحة مصدوم .. عله جسمك طحت
صدرك ياليل .. مسحوگ بخيل
جيتك مكسور .. ابچي وفرعت

يأول ورگة طاحت من غصن بيتي
بعد يا نسمة اقنّعها وتطب ريتي

شمسي .. شمسي .. خنگتها الروازين
عمرك ..… عمرك .. ما جازي الثلاثين
يالاكبر .. يالاكبر
===========
ياغالي السوم .. وترابك ذهب
جازيك اللوم ... ما راضي بعتب
شفتك مسلوب .. جايبلك ثوب
ضامي ومتعوب .. واتنگط تعب

اجيتك يوسف اليعكوب يتعنه
بالطف صارت الركضة الابو لأبنه

يبني .. يبني .. بقسمة ربنه راضين
عمرك .. عمرك .. ما جازي الثلاثين
يالاكبر .. يالاكبر
===========
عمرك بالآه ... جمعته صعب
خمسة وعشرين ... سويته گلب
طالع محتام .. طلعات اسهام
فوكك طشيت .. اسم الله اعله الدرب

يالتطلبني شربة ماي اطلبك حيل
اشوية ولاحگك ما ابقة حد الليل

اشوية اشوية .. هم تلگانه ماشين
عمرك.. عمرك .. ما جازي الثلاثين
يالاكبر .. يالاكبر
============
لجسمك خليت.. حظني وما گعد
امگطع تگطيع .. واشبيدي بعد
اللهِ ايكون .. ابعون المحزون
التوه اعله الگاع .. عايفلة ولد

ال الله يرحمة تشلع ضلع بضلوعة
البگة بيا راس هاي الروس مگطوعة

ادري .. ادري .. اخوتي گبلي ميتين
عمرك .. عمرك .. ما جازي الثلاثين
==========
#علي هادي الخزعليhttps://www.tg-me.com/ML_mahhde

مات الولد مات    مات الولد  مات

ربيتك ابذاك التعب حد ما خلص حيل امك

لو عاجر اولا  هل  الخبر  جابوك ليه ابدمك

من حضني مستعجل رحت ما لحكت اشتمك

حته  الديللول   من حلكي   لجول


تبديت ماي اعله الرمل يمه بعد شيلمك 

مات الولد مات...  مات الولد مات

لو ادري  هيجي  يلولد للموت عينك تلحك

جا لا  شلت حملك تسع شهر ولا بيك اطلك

تغفه واهفيلك جنت بشيله عن لا  تعرگ

وبروحي اغطيك   وصفن عمر بيك،

ما جنت احسب بذبح ولا عل الرمح تتعلگ

مات الولد مات.....  مات الولد مات

عبدالله ارسمك  علخيم لمن يجيني المغرب

بلكي خبر موتك حلم بلكي السهام جذب

شلعوك من عثك الكلب  ما لحكت اترطب

ميت يكولون..    يشقنع العيون 

للخيمه بيك حسين اجه  بلگوه يمشي محدب

  مات الولد مات  ..   مات الولد مات

موعد حليب امك جزا جايمته تكعد ترضع

جوه العبايه  اولون الك ولدم خذاك  وتلمع


روحي طلعت يم ركبتك بس السهم ما يطلع

ما ضلت ادموع     يا لون الشموع

عبدالله  اموت الليله اذا   امناغه الك ما اسمع


مات الولد مات....   مات الولد مات

يوليدي  يل نحرك ترف مو للسهم لناحت

من خذتك الزينب ركض لوزت ركبتك طاحت

للما طلع صوت ابها امس كضت كلبها وصاحت

من دون الزغار.    حصتك سهم حار

يبست دللولك  على  شفافي وبسمتك راحت

مات الولد مات.  ....  مات الولد مات https://www.tg-me.com/ML_mahhde

أللهم صل على محمد وآل محمد وعجل فرجهم ياكريم