أللهم صل على محمد وآل محمد اليؤم انشالله في مرقد الصحابي الجليل سعيد ابن جبير

ماهمني جرحي وطبرتي...اذاني دمع ابنيتي
زينب تضل بلا علي...زادت صعوبه حالتي 

................

بويه زينب ضمي دمعج تره يئذي والدج
كلهه عندي بصفحه وحده ونتي صفحه لوحدج

مشغول بالي وفكري وياج
يابويه ضمي دموع عيناج
تدرين احن ابقه اعله ملكاج
تسكتين لوابجي اعله مبجاج

دمعج يزّيد بالالم.....بالطبره احس ينزل سهم
زينب يبويه تحملي.....زادت صعوبه حالتي

.................

مبينه من اوصاف وجهج بويه مكسوره كلب
ادري يازينب يألمج موقفي كبالج صعب

زينب يبويه لاتنوحين
حسره تره بكلبي تخلين
ماطيب المجروح الونين
اتأذين كلبي من تلوجين

الله اليصبرج عالجره....زينب يبنت الطاهره
انتي اعز وحده الي....زادت صعوبه حالتي
.................

بويه دارج بيهه اخوتج همه الج عون وسند
مااروح ابلا وصيه وهذا الج مني عهد

ماخلج تحيرين بالام
عباس اجيبه وصيري كدام
هوه كفيلج هوه خدام
يمسح الج اثار الجدام

عباس جنه حيدره....تبقين عنده مخدره
هذا الكفو ودللّي...زادت صعوبه حالتي
.................

عندي الج بويه وصيه تفيدج ادري بكربله
لومشو عنج اخوتج انتي اكفلي العايله

بويه انه هسه مصابي ويهون
بس انتي ينضربلج امتون
عالهزل وتصد ليج العيون
وعليج اخوتج مايردون

يبقه كفيلج عالنهر....وحسين مكطوع النحر
امر الله هذا تقبلي....زادت صعوبه حالتي
...................
 
بويه وكتي مارحمني وحيل اذاني الزمن
ومن كثر دمعي على امج احس بعيوني نعمن

رايدلي شوفه من الاحباب
مصاب امج الهلحظه ماطاب
يابويه ماهماني الصواب
بكد مااهم بدفعة الباب

عايش بدنيا مضلمه...مات الفرح وي فاطمه 
يابعد ابوج وكل هلي ...زادت صعوبه حالتي


خادمكم محمد هادي العقابي https://www.tg-me.com/ML_mahhde

بس انت والكل مالهم داعي
"""""""""""""""""""""""""
ضميت شوگي سنين وسنين
وبدّيته يــــم بابك يالحسين
يل مـــا ترد اليچهب اعليك
ولاتنشد اليگـــصدلك منين

بس هـــــــاي چا جندوب اگلك
وبــــــــس ياگلـب مذبوح خلّك
شما حط جرح فوگ الگصن بيك
اتگلي فــــــــــــدوه وطايحتلك

ياخطوة الله ودرب بالمشايه
ويمطشر ويهوايه
وشوگ اليحب
مامش هلا تكفي لمضيف احزانك
ينبض نبض ديوانك
مثل الگلب
فرغته الك گلبي وحواسي وكلشي
وتاخذني الك من امشي
راحة التعب

انته الوحيد الحرك اشـراعي
بس انت والكل مالهم داعي
"""""""""""""""""""""""""
يقدس ذنــوبه المنك يتوب
يافــــرض من الله وللگلوب
سلطان للــــحب الله خلاك
وبلايه وجهك ضلمه الدروب 

ياچلمه بلسان الينشدون
وياكحل ومجلب بالعيون
حتلو ادور مامش حسين
مابينه كلش عابس وجون


ماتلگه يحسين اليدگلك صدره
محد يقدر العشره
بهذه الوكت
البينه ياهو البله تارس عينك
مامش مثل سبعينك
من باوعت
بس عله الاقل خدام خلنه بموكب
وبالـ يعتنيك انجلب 
فدوه شگلت

نحرك رساله وكل ذبح ساعي
بس انت والكل مالهم داعي
""""""""""""""""""""""""
وهواس راسي سوالفه بيك
يحـــرگني ويبردني طاريك
مـابين العيون التوج شوگ
كلساع ادور حـــته ابجيك

يا صـوره حلوه وشدهت البال
اخذتني كلي واخـــذت الضال
تايب اجيت اقبلني هــــم حر
وشدني بسناسل موش بحبال

ياريع گلبي وشلت كل همومه
روحي التحب مالومه
بيك احترگ
عقلي القفل كل امنياته عيونك
احسبني خادم جونك
خادم صدگ
افتح دليلي وترسه بس بجروحك
بالحب صرت مذبوحك
وبلوه العشگ

حبك صحيح لكل بشر واعي
بس انته والكل مالهم داعي
"""""""""""""""""""""""""
خليني بـــــس اتقرب احذاك
ماعندي صاحب وامشي وياك
دورة عيونك مـــوت احس بي
والموت اشــــوه ولا مجافاك

مو خوش بس سـويتني خوش
واسمـــك كتبته بأول الحوش
اتمنه اصـــــيرن ماي يحسين
وكـــــون بدرب زوار مرشوش

انسحگ لاجلك وانته تعرف نيتي
ياحرز انته ابيتي
شلتك وجع
ياريت اموت وانته تحضر موتي
وبالگبر تسمع صوتي
واهمل دمع
چا هـــاي اتمناها وانـه بگبري
هاي هيه ثمرة عمري
بيوم الفزع

وبالگبر لاجلك تطلع اوجاعي
بـس انته والكل مالهم داعي
""""""""""""""""""""""""
مشترك
عزيز المياحي.....
علي الشامي..... https://www.tg-me.com/ML_mahhde

مولاتي زينب تنعى امها فاطمه ع



ضلمه الدار يمه اخلاف عيناچ
يفاطم للگبر دخذيني وياچ
انه زينب اخلافچ حالي موحال
يتيمه واليتم يازهره چتال
ييمه كل مسه يذبحني فرگاچ



ضلمه الدار يمه شمااصدها
نورچ غاب منها وماگصدها
نور الباري نورچ هذا معلوم
لچن بچفاچ يمه الگلب ملچوم
غير امها الابنيه شيبقه عدها

ضياء الكناني

https://www.tg-me.com/ML_mahhde

ابوذيات مفجعه


صحت ياموت وي الاخو     .. متناي
وحده حادي الضعن بالنوگ ..   متناي
تمنيت الكفيل يشوف     ..     متناي

دمه ينزف وأنه احبال بأديه
*-----------------*---------------*

الدمع ياناس من زغري   .. خواني
رك حيلي ومصاب الطف  ... خواني
مشيت وعفت عالغبره    ... خواني

بظهر هزله وشمر يفتر عليه
*-----------------*----------------*
✍بقلم خادم زينب ع
الشاعر رعد الجريخـي https://www.tg-me.com/ML_mahhde

مولاي ياصاحب الزمان ع انته أعرف في حالي 😔😔😔

نعي وابوذيه  للحباب

اريد ابݘي عليهم حيل ونهار
وغرك بالبواݘي شطوط ونهار
ونوحن من يجيني اليل ونهار
على احبابي الصفوحدرالوطيه
*
خلص ڰلبي على الي راح ماعاد
خذاه ا لموت غفله و بعد ماعاد
زماني ويه الااودهم ليش ماعاد
   جفو ني وخلو النير ان بيه
****
   روحي گضت والحيل نحلان
   ويسوه البݘي عليكم يلحنان
   شعاجلكم على نومت التربان
   ***
    شعاجلكم على نوم الوطيه
    كتلني الهضم  و شلون بيه
    وبعد شيعو د طبتكم عليه
     ***
    
      ليش النودهم فارگونه
     وشالو اهلنه وطشرونه
     وبالگبر نامو مايجونه
     *
    با لگبرعد نه شكثر غا لين
   يهل المحنه ولحجي الزين
   شمالݘ يروحي بس تلوجين
  ***
  بقلم الملايه هاله الامين



https://www.tg-me.com/ML_mahhde

الشكر والتقدير والاحترام لكل من يتابعون قناتنا الله يحفظكم ويوفقكم

اويلاه يافاطمه
اويلاه يافاطمه
///////////////////
ماشفتي راحه بدنيتچ اويلاه يافاطمه
بالحسرة والهم اذتچ اويلاه يافاطمه
وياچ عاشت دمعتچ اويلاه يافاطمه

وضلوع صدرچ يالزچيه امهشمه اويلاه يافاطمه
/////////////////////
گضيتي عمرچ بالحزن. اويلاه يافاطمه
ماينسد بليل الجفن. اويلاه يافاطمه
يعقوب مثلچ مايون. اويلاه يافاطمه

بعدچ ازغيره وعالنواعي معلمه اويلاه يافاطمه
/////////////////////
مارحمتچ أهل الغدر. اويلاه يافاطمه
چم ضلع منچ ينكسر اويلاه يافاطمه
ورده🌷وتصيرين بگبر. اويلاه يافاطمه

ياكوثر ونورچ يشع لهل السمه اويلاه يافاطمه
//////////////////////
محسن وبسمار وحرگ اويلاه يافاطمه
روحچ ابشرهم تختنگ اويلاه يافاطمه
يستأذن الهادي ويدگ اويلاه يافاطمه

وهسه يعصرونچ وتنسال الدمه اويلاه يافاطمه
//////////////////////
حيدر بهمچ منشغل اويلاه يافاطمه
ومصيبتچ ماتنحمل. اويلاه يافاطمه
افراگچ يزهره مو سهل. اويلاه يافاطمه

من البچي اعليچ انعمه. اويلاه يافاطمه
///////////////////////
للبيت مايرجع بعد اويلاه يافاطمه
راح الفرح راح السعد اويلاه يافاطمه
ومواعد الهادي بوعد اويلاه يافاطمه

مجبور مايگدر يجرد صارمه اويلاه يافاطمه
///////////////////////
زينب تنطره عالدرب اويلاه يافاطمه
شيگلها والموقف صعب اويلاه يافاطمه
لو شاهد المدمع يصب اويلاه يافاطمه

محتار حماي الحمه اويلاه يافاطمه
////////////////////////
الشاعر سيد حسين ال بو صلوات الحسيني https://www.tg-me.com/ML_mahhde

نعي گرناوي الى مولاتي فاطمه الزهراء عليها السلام

ييمه البيت ضلمه وطلولج انباك
وبعد شلي بحياني من. ترحلين

گلبي ارچيچ مايتحمل افراگ
وبعد للبيت اخافن ماترجعين

يبعد الروح بعدچ ماحله العيش
وكلحنه  بغيابچ  يمه  ميتين

اشمن ريحتچ لو صاح الاذان
واتذكر  مكان ال بي  تصلين

ليش، استعجليتي لنوم الگبور
يالعمرچ بعد ماوصل عشرين

خليتي  حسن وحسين بالدار
احس بضلوعي يحبيبه تطحين

يالچنتي خيالچ ساكن  الروح
هسه باللحد صرتي تسكنين

بعد ماحسبيتي لبنتچ احساب
ليش، ابهل العمر الها تيتمين

اليتم ماينحمل وفراك العزاز
وانتي باليتم  كلش تعرفين


الشاعرة والخادمة المتواضعه ام أبراهيم الحلفي غير مبري الذمه من ينسب الكلمات لنفسه او يحذف اسم الشاعرة https://www.tg-me.com/ML_mahhde

#قصائد_شهادة_فاطمة_الزهراء_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

🏴ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

نزله

خدم خدم خدم ... خدم نعم الخدم
.....
يمن جيتو تخدموني بليالي الفاطمية
تعبكم يمي ما ضايع وحق حامي الحمية
اساميكم وسط روحي كتبت ابهاي ادية
البجه اعليه ولطم صدره اله الجنه الزهية

رسم رسم رسم ... طريقه الحق رسم
......
وحق حيدر وحق زينب وحق ولدي الغياره
اجركم يمي مسجَّل كمن ادى الزياره
تجارتكم مع الزهره اجل واعظم تجاره
بشاره مني هاي الكم اسمعوها البشاره

سلِم سلم سلم ... البجه اعليه سلم
.......
جبر كسر الظلع شفته يشيعه ابهل مجالس
جمعكم هذا فرحني يهل بيت العوابس
اشحلاهه عندي صفتكم مثل صفت نوارس
دعيت الله ورسوله الكم يضل المهدي حارس

علم علم علم ... يرف بيده علم
....
اهل طيبه وعزوبية اهل نخوه ومراجل
المشه اوياكم ضمن كلشي على اعناد العواذل
وفاكم يرفع الهامه ارتويتو امن ابو فاضل
قصصكم وصلت العالم خبر مضمومنه عاجل

صدم صدم صدم ... عواذلكم صدم
.....
وعد يوم الحشر باجر اصير الكم شفيعه
على جسر الصراط احضر اعبَّركم يشيعه
الخلائق كلهه تحسدكم على الجنه الوسيعه
ابد ما اخلف اوعودي انه الزهره الوديعه

وهم وهم وهم ... كلامي مو وهم .
.....

كلمات
موسى الخادم

▪️https://www.tg-me.com/ML_mahhde

العجل مولاي ياصاحب الزمان ع

السلام عليكم سوف نزور كربلاء ولاننساكم من الدعاء والزيارة نيابه متابعينا الكرام

نيابه زرت ودعيتلكم بقضاء حوائجكم عند مولاي الحسين ع

حيدر من دفن فاطم بليله و الخلك نومه
محد جان يمشي وياه محد يدري من كومه
*
*
حيدركلبه ضل محروك بعينه ضاكت الوسعه
بحسره سيد الكونين و جمره نزلت الدمعه
غير الغالي من ايروح احبابه تحضر اتودعه
و راحت فاطمه الزهراء راحت ما بعد رجعه
تدرون اشكثر يا ناس بيها الزهراء مضلومه
*
*
ام الحسن مضلومه مضلومه شكثر يا ناس
ناح اعليها داحي الباب وحزنه بحزن ماينقاس
بت سيد العرب فاطم  ضلعها كسرته الارجاس
نفطر كلب الحسن وحسين مفجوعه اخت عباس
و املاك السمه بهل اليوم منها اكلوب مالومه
*
*
زينب تنضر الكرار  و حسين بكلب حيران
تكله بويه يا حيدر اشوفك من رحت دفان
وجهك منخطف لونه اعليك التعب كلش بان
يرضا الله الرضا الزهراء عليها اشكال بالقرآن 
مجتف بل وصيه جان و الا شافو اعلومه
*
*
تصدك حيدر بهايه يسكت ما يرد عل صار
بيوم الشاف بعيونه بكسر الضلع و البسمار
غير التزم من وصاه و كله تسكت المختار
شال اهموم يابو اهموم وصابر حيدر الكرار
جاردها علي اعليهم وعاود ساعته ويومه
*
*
الله اليرضه لرضاها الكون اضلم عليها اليوم
وزينب بت علي الليله مره اطيح مره اتكوم
وكلبها بنار هل حره و فوكاها بحزن وهموم
شافت من زمنها اشكال شافت بلنهار انجوم
عليها اليوم وجهه الكون كله انخطفت ارسومه
*
*
حسن صالح العيساوي https://www.tg-me.com/ML_mahhde

آه واويلاه ماتت فاطمة
آه واويلاه ماتت فاطمة
___
گامت جموع الأراذل تحتشِد
ناس تحرگ ناس تدفع بالحقِد
وعالضلوع الزهره گامت تستنِد
وزمرة الشيطان كلها امحزّمه
آه واويلاه ماتت فاطمة
___
ناس تنگل بالحطب ذاك الجَزِل
ودمع جفن ام الحسن يجري ويهل
ورفَع چفّه وگام يصطرها النَذِل
وعينها لساعة دفنها امورّمه
آه واويلاه ماتت فاطمة
___
الباب بي بسمار واتخيَّل بَعَد
والچفوف هواي والحايط سَنَد
جيش هاجم مكتمل عدّة وعَدَد
وفاطمة حرمه ونحيله مألّمه
آه واويلاه ماتت فاطمة
___
بين باب وحايط منين الهوه
ونار شبَّت والگلب منها انچوه
او وره الباب الشمس فارگها الضوه
وعالزچيه ومحسن اتنوح السمه
آه واويلاه ماتت فاطمة
___
اليرضه خالقنه لرضاها تندفع؟
شلون ياهالناس وبچف تنصفع؟
يا ألم يوفي ألم كسر الضلع؟
ويادموع اتوفّي جريان الدمه؟
آه واويلاه ماتت فاطمة
___
لا يدگ نبضي ولا عايش عَسَن
ولا شفت راحه ولا غَمضَت وسَن
حيث كسروهن ضلوع ام الحسن
وعاشت بروحي تلوم اللايمه
آه واويلاه ماتت فاطمة
_
علي صابر السراي
نسألكم الدعاء https://www.tg-me.com/ML_mahhde