♻️المايكروسكوب والعدسات بنضبطها كيف!

🎈 المايكروسكوب دا حاجة عظيمة في مملكة المختبرات الطبية 😎💜 فشنو لازم تدوهو حقو 🎁
طيب تديهو حقو كيف 🤔

💭 أولا لازم تكون عارف أجزاءو وحافظها حتة حتة 🤷‍♀ لأنو ما ممكن تكون بتشغل على حاجة ما عارفها هي شنو 👀 …والحاجة دي حتفتح قوقل، يوتيوب حتشوف أجزاء المايكروسكوب (هم أنواع المايكروسكوب كتار بس الشائع والحنتكلم عنو حاليا الضوئي)

💭تانيا لازم تعرف كيف تقعد عليهو أصلا …وهي قعدة جلوس في وضعية مرتاحة 😊

💭في حاجة إياك إياك نلقاك تعاين بعين وحدة 😒 أي زي ما سمعت كدا 🙃 أقول ليك لي إنت لمن تعاين بعين وحدة واحد من اتنين يا عينك حتوجعك يا عينك حتوجعك 👩‍🏫😁

💭إيدك اليمين في الإستيج البحرك ال slid الانت بتشوف فيها وإيدك اليسار في ال fine focus 🙃

💭في حاجة لازم مجهرك يكون نضيف عشان تشوف كويس وعندو طرق تنظيف، ولو ما بتعرف إياك تتشوبر وتعمل مفتح وعايز تنضفو بأي شي موية كحول مصيبة زمان 🙂 لا يا دكتور كدا ممكن تخرب العدسات عادي جدا … المجهر عندو محاليل معينة وطريقة بنعاملو بيها ممكن تشوفها في اليوتيوب أو تسأل منها …

💭 العدسات وكمية الضو الداخل ليها …

❌في مفتاح دائري بالجانب كدا دا بتاع الضوء العام في المجهر إياك تهبشو دا تخلي فاتح زي ما هو وفي آخر شي

🚫لما بقصد تتحكم في الضوء الداخل للعدسة ما يقصد الضوء العام المفتاحو بالجانب دا بقصد تتحكم فيهو عن طريق ال condenser ahd filter holder
اتفقنا 💙

💭العدسات في اتنين عينية وشيئية ، العينية دي البنعاين بيها نحنا بعيونا الاتنين 👀✌، والشيئية دي الفوق ال slide البنشوف بيها العينة تمام

الشيئية …أربع عدسات
🎈X4 / X10 / X40 / X100

#عايز تعرف بتكبر كيف العدسات دي
👀اعتبر نفسك فوق طاير ولا راكب أي شي وبتعاين للحلة حقتكم وجاي عليها كدا كلها إنت كدا بتعاين بيها بعدسة X4 ، وانت كدا ما محتاج ضو لأنك شايف بالضوء الطبيعي 🙃لو جيت شوية وركزت وبقيت تعاين للمربوع الفيهو بيتكم كدا انت بتعاين بعدسة X10 ، برضو ما محتاج ضوء.. أو ممكن بسيط🙃 لو جيت شوية لقدام وشفت بيتكم بس كدا انت بتعاين بعدسة X40 حتكون محتاج ضوء بسيط وسط كدا 🙃 ولو قربت اكتر وبقيت تعاين جو غرفتك بس كدا انت بتعاين بعدسة X100 وهنا محتاج ضوء وكتير كمان 🙃💡🔦🕯


💭 العدسة X100 دي عدسة زيتية ما بتديك صورة إلى في وسط زيتي وما أي زيت 🙃 زيت مخصص ليها عشان ما تمشو تكبو فيها زيت سمسم 🤐


By: #Ahd_Fathallah

User: @Quiet1997 👩‍⚕
🚪🏃‍♀️

▬▬▬▬▬▬▬▬▬▬▬▬
جميع الحقوق محفوظة لقناة (مختبرات طبية) 😊
@MLSbeautifulworld
▬▬▬▬▬▬▬▬▬▬▬▬

📩بالنسبة للعدسة x100
اسمها العدسة الزيتية عشان بنستخدم معاها زيت اسمو oil immersion وهي مادة مصنعة من الزيت .
يعني ما ينفع اي زيت
عشان ما تمشي تتشعلق وتكب زيت سمسم😂😂 ويتخرب
طيب فائدتو شنو؟😟
عشان نحصل على افضل معامل انكسار للضوء😎.

🔨قوة التكبير = قوة العدسة العينية × قوة العدسة الشيئية

القانون ده☝🏽
بنعرف بيهو مقدار التكبير النهائي .. يعني لو تكبير العدسة الشيئية أربعين مرة (40×) وتكبير العدسة العينية عشر مرات (10×) أمكن الحصول على تكبير نهائي مقداره أربعمئة مرة (400×).
📌كيف بننظف العدسات ؟
ممكن ننظف العدسات باستخدام الزيلين😪.
اهم شي تحافظ علي الميكروسكوب عشان غير يستفيد منو
دمتم بخير❤️🤦🏽‍♂️✨
@m_ali_khider

أول شي نخلي السلايد على الستيج ونثبته بالكلبس
ثانياً تشغل المصباح
ثالثاً نختار عدسة من العدسات الشيئية
رابعاً تتأكد من انو السلايد تحت العدسه مباشرة
خامساً استخدم المكثفات لتوضيح الصورة

#Question

لماذا نستخدم مانع التجلط Sodium Citrate ولا نستخدم الـ EDTA في فحص PTT& PT ؟

#مختبرات_عالم_جميل
#العَــهْــد

الباعوضة السوداء المرقطة اللي في الصورة التحت دي إسمها "الزاعجة المصرية" او "الإيدس إيجيبتاي" Aedes aegypti ودي المسؤول الأول من نقل وإنتشار فيروس حُمى الضنك Dengue Fever بين الناس ..

الباعوضة دي بتشيل الفيروس من دم الإنسان المُصاب بالحُمى وبيدخل معدتها الوُسطى وجهازها الهضمي وغُددها وبيتڪاثر فيها مابين 8 أيام ولحدي 12 يوم ؛ بيسموها فترة الحضانة الخارجية ..

بعداك بيتواجد الفيروس النشيط في غُددها اللُعابية وبينتظر الوقت المناسب لامن تجي الباعوضة تتغذى من دم إنسان سليم ومع حقن الباعوضة للإبرة بتاعتها عشان تتغذى طوالي بيدخل الفيروس دم الإنسان ..

وبعداك بيبدأ الفيروس ينتشر ويغزو ڪريات الدم الحمراء ونخاع العظام والغُدد الليمفاوية والڪبد وتبدأ الأعراض تظهر بعد مرور 4 الى 10 أيام من لدغة الباعوضة ودي فترة الحضانة الداخلية ..

أنا ما حأتڪلم عن الأعراض والإمراضية والمضاعفات والتشخيص وإنو (حُمى الضنك ماعندها علاج) ؛ لأني إتڪلمت عنها في منشورات سابقة ..

الرسالة العاوز أوصلا ؛ حُمى الضنك dengue fever إنتشرت في ولايات جنوب وشرق وغرب دارفور وشمال وغرب ڪردفان وڪسلا والنيل الأزرق بڪميات معولة وبصورة وبائية فظيعة ..

لدرجة إنو تمّ إرسال 18 عينة من شمال ڪردفان للمعمل القومي "معمل إستاك" وطلعت 17 عينة منها إيجابية بحُمى الضنك وواحدة فقط سلبية ..

ومع حرڪة السفر بين الولايات وإنتشار باعوضة الزاعجة المصرية Aedes aegypti فموضوع إنو حُمى الضنك وصلت لولاية الخرطوم مؤڪد بنسبة 100% ..

ومؤخراً معظم الناس "في الخرطوم" بيتڪلموا عن ملاريات ما بتستجيب للعلاجات "بزعمهم" وغالباً تڪون حالات حمى الضنك الما عندها علاج ..

فالناس تعمل حسابها وتڪافح الباعوض بقدر الإمڪان علماً بإنو باعوضة الزاعجة المصرية Aedes aegypti نهارية النشاط وفترة الذروة بتاعت نشاطها ولدغها بتڪون في الصباح الباڪر وعصريات قبل غروب الشمس ودي أوقات بتڪون الناس متحرڪة وخارج الناموسيات وهنا مڪمن الخطر والإنتشار ..

⚠ وتنبيه صغير وأخير ومُهم ⚠

لو حسيت بحمى شديدة وتڪسير في الجسم ومغص في العضلات والمعدة ووجع في العيون حاول إستخدم البندول العادي ؛ عشان لو ڪنت مصاب بحمى الضنك وما عارف روحك فالإسبرين والبروفين والديڪلوفيناك وڪل مسڪنات الــNSAIDs بتزيد من فرصة النزيف الداخلي وتلف الأعضاء ..

وربنا يحفظ الجميع ويشفي ڪل مريض ويرحم موتانا وسائر أموات المسلمين ويقي البلاد والعباد شر الأوبئة والأسقام

Dr.alneel saeed

#حمى_الضنك.

✔️ دواء ال(Paracetamol) هو المسكن وخافض الحراره الوحيد الي يستخدم لمعالجة حمّى الضنك (Dengue Fever).
❌️ اما بقية المسكنات مثل (Aspirin و باقي الNSAIDs و Corticosteroids) ممنوع اطلاقاً إعطائها لمريض حمّى الضنك. لماذا؟
⬅️ ممنوعه اعطاءها لأنها تعمل زيادة حدوث النزيف في الجهاز الهضمي وخروج الدم مع البول حيث يُعتبر هذا النزيف من مضاعفات حمّى الضنك.
⬅️ وأيضا ممنوع ال(Aspirin) لأن حمّى الضنك تصيب الأطفال والأطفال ممنوع ان يستخدم لهم الأسبرين لأنه يعمل أثر جانبي كبير هو متلازمة ري(Reye's syndrome).
✅️ ماسبب هذا النزيف الذي يحدث عند مرضى حمّى الضنك؟
✔️ السبب ان النزيف يحدث بسبب هشاشة الشعيرات الدموية ونقص الصفيحات الدموية ويمكن أن يظهر في أشكال مختلفة تتراوح من نزيف الجلد النقطي إلى النزيف المعدي المعوي الذي يهدد الحياة.

_من صفحة عالَم التمريض

#العَــهْــد
#مختبرات_عالم_جميل
#مختبرات_طبية

🩸📌 الترتيب الصحيح في اختيار الأوردة عند سحب الدم🩸👇


✅median cubital
الخيار الأول لأنه حجمه كبير ومثبت ومحمي وبالتالي لا يتعرض للكدمات بسهولة وهو الأقل ألماً للثقب.

✅ Cephalic vein
الخيار التالي وهو ثابت إلى حد ما وأقل ألماً للثقب من الخيار الأخير

✅ basilic vein
هو الخيار الأخير لأنه غير ثابت و يتحرك ويتعرض للكدمات بسهولة، والأكثر ألما أثناء السحب ، وهناك احتمال لإصابة الشريان العضدي والعصب عند ثقبه بطريقة خاطئة عشان كدا بنحاول نبعد عنه وخاصة اذا كنت طالب جديد ولسى بتتعلم

✅ وفقا لمعهد المعايير السريرية والمخبرية، لا ينبغي اختيار الbasilic vein إلا إذا لم تتمكن من السحب من الأوردة الأخرى على كلا الذراعين.

#العَــهْــد
#مختبرات_عالم_جميل
#مختبرات_طبية

القناة الثانية 2 💜

تابعونا على تيك توك 💜


https://vm.tiktok.com/ZMkeEWKhG/

Uric Acid

#حمض_اليوريك..
بأشكاله المختلفة، الذي ينتج عن تحطيم مركبات البيوريتن الموجودة في خلايا الجسم وبعض الأطعمة (سمك السردين ، الكبده، الفاصولياء ) بعد ذلك يذوب هذا الحمض في الدم وينتقل عن طريقه إلى الكلى التي تقوم باخراجه مع الإدرار، وبالتالي فإن إنتاج كميات كبيرة منه أو عدم التخلص منه يودي الى تكوين بلورات تترسب في المفاصل وتسبب داء النقرس وممكن أن يسبب هذا الارتفاع قصور الكلى أو تكون حصى فيها.

#العَــهْــد
#مختبرات_طبية
#مختبرات_عالم_جميل