هي كتبت و بعتت:
كيفك؟!
شفتك من يومين منزّل إنك ارتبطت
حبيت باركلك و ما بتمنالك غير إنك تشوف السعادة
و ليك اذا بتسمحلي.. إنت و هيي
أو حتى إذا ما سمحتولي...
بدي قلك إني إشتقتلك.. و كتييير
و بحبك مش شوي..كمان كتير
هاد الكلام ما عم ابعتلك ياه.. لأني هلأ حسيت بقيمتك
أكيد لا.. أنا بعرفها من هداك اليوم يلي قلنا لـ بعض:خلصنا
بس هلأ عم ببعتلك.. لأن خلص الوقت تبع كبريائنا
و إذا بعتت شي يوم - بعد هلأ - ح كون عم ادعيك للخيانة
صار الحكي معي.. خيانة لحبيبتك الجديدة
ما ضل عندي شي.. بس.. باي
رد عليها:
انا تمام بخير.. إن شاء الله تكوني إنتِ بخير؟
الواحد منا عايش بحالة تواتر، ساعة قلب و ساعة عقل
انتِ هلأ عم تحكي بـ ساعة القلب.. و فشيتي حسّك فيني
و قبل ما تخلص هي الساعة.. و ترجعي لـ عقلك
لـ عنادك و انطوائك و لؤمك.. لـ حقا،،رتك يلي بتميزك
بدي قلك إني ما إرتبطت.. أبداً
أنا ببساطة عم برجع حبّك.. من يومين كان تاريخ ولادتنا
بقصد كان ذكرى عيد حبنا.. لما قلتلك بحبّك لأول مرة!
لهيك رجعت حطيت إني ارتبطت.. متل ما حطيت وقتها
غبية.. يلي بيحب وحدة متلك.. بيقدر يحب من بعدا؟......
🖤🍂
كيفك؟!
شفتك من يومين منزّل إنك ارتبطت
حبيت باركلك و ما بتمنالك غير إنك تشوف السعادة
و ليك اذا بتسمحلي.. إنت و هيي
أو حتى إذا ما سمحتولي...
بدي قلك إني إشتقتلك.. و كتييير
و بحبك مش شوي..كمان كتير
هاد الكلام ما عم ابعتلك ياه.. لأني هلأ حسيت بقيمتك
أكيد لا.. أنا بعرفها من هداك اليوم يلي قلنا لـ بعض:خلصنا
بس هلأ عم ببعتلك.. لأن خلص الوقت تبع كبريائنا
و إذا بعتت شي يوم - بعد هلأ - ح كون عم ادعيك للخيانة
صار الحكي معي.. خيانة لحبيبتك الجديدة
ما ضل عندي شي.. بس.. باي
رد عليها:
انا تمام بخير.. إن شاء الله تكوني إنتِ بخير؟
الواحد منا عايش بحالة تواتر، ساعة قلب و ساعة عقل
انتِ هلأ عم تحكي بـ ساعة القلب.. و فشيتي حسّك فيني
و قبل ما تخلص هي الساعة.. و ترجعي لـ عقلك
لـ عنادك و انطوائك و لؤمك.. لـ حقا،،رتك يلي بتميزك
بدي قلك إني ما إرتبطت.. أبداً
أنا ببساطة عم برجع حبّك.. من يومين كان تاريخ ولادتنا
بقصد كان ذكرى عيد حبنا.. لما قلتلك بحبّك لأول مرة!
لهيك رجعت حطيت إني ارتبطت.. متل ما حطيت وقتها
غبية.. يلي بيحب وحدة متلك.. بيقدر يحب من بعدا؟......
🖤🍂
كل انسان جواتو جحش نادر لحتى نشوفو؟!
بس هل ايام في كل جحش جواتو انسان نادر لا نشوفو👌🏻🖤! . . .
بس هل ايام في كل جحش جواتو انسان نادر لا نشوفو👌🏻🖤! . . .
أنا ملجأك
الذي لا يشعر بالملل او الضجر مِنك
يُخبئك من كل الكوارث
يُخمد كل نيرانك
المكان المُتاح
الذي كُلما شعرت بثقل الحياة هرعتُ إليه.
موهاند...🖤☁️
الذي لا يشعر بالملل او الضجر مِنك
يُخبئك من كل الكوارث
يُخمد كل نيرانك
المكان المُتاح
الذي كُلما شعرت بثقل الحياة هرعتُ إليه.
موهاند...🖤☁️
احلى هدية بحياتي ..
من شي يومين سألتني صبية :
- شو احلى هدية جبتا لبنت؟
- ليش عم تسألي؟
- لأني بدي جيب هدية لحبيبي هلق ع عيد الحب الجاي وماني عرفانة شو جيب قلت ممكن تعطيني أفكار.
- أنا أفكاري غريبة شوي مالك مصلحة.. والحقيقة هاد شي شخصي كل حدا ممكن يحب شي.
- طيب ممكن تقلي شو أحلى هدية جبتا شو ماكانت.. موبايل.. قطعة تياب.. أي شي.. انت بس عطيني فكرة وأنا بجرب أفهم لحالي؟
- ممكن أيه.. أحلى هدية بعتبر إني جبتا هية دفتر.
- دفتر كاتب عليه شي يعني؟
- لا أبداً دفتر فاضي.
- يعني عامل عليه تصميم معين من برا؟
- أبداً.. أصلاً نسيت شو كان غلافو.
- عبد ماعم افهم عليك.. ممكن تشرحلي؟
- ممكن إيه.. هاد بزماني الشتوية الماضية نزلت شارع بارون (سوق الكتب يعني) عم دور عدفتر.. كلما فوت عمكتبة قلو ورجيني شو عندك دفاتر عربي يطلعلي وأنا قلو لا مو هيك بدي.. يسألني شو بدك لكن.. قلو بدي دفتر الهامش تبعو من عاليمين.. يجاوب : كل الدفاتر العربي الهوامش تبعا من عاليمين.. قلو : لا.. هدول فيون نقط من عاليمين.. أنا بدي هامش هامش.. خط يعني متل دفاتر لما كنت أنا ولد.. يقلي : لا تعذب حالك ماعد في منون.. وأنا اشكرو واطلع.
فتلت كلشي في مكاتب بحلب وكنت وقتا مرضان منيح مالي حيل امشي والدنيا برد ومطر تماماً متل هلأ.. لحتى وصلت آخر شي عمكتبة قريب من جامع الصديق.. عتيقة كتير وصاحبها لسا اعتق منها.. مالو حيل يورجيني شي.. وقلي : عندي كوشة دفاتر قديمة جوا فوت دور بيناتون يمكن تلاقي.
وأنا شمّرت عن ايديي ونزلت بين هالدفاتر المغبّرة.. وبلشت افتحون دفتر دفتر.. لفتحت آخر شي دفتر ولقيت الخط يلي عم دور عليه.. هاد هو بذاتو.. الهامش من عاليمين.. وجبتو.. بخيت عليه من البارفان تبعي متل وقت كنت مراهق وهديتو للبنت.. وبس.. هي أحلى هدية جبتا بحياتي.
- مافهمت عليك عبد .. شو المميز بهي الهدية؟
- المميز أنو كان هدية لبنت مسافرة.. ذكرت قدامي مرّة أنو الدفاتر يلي عندها بيذكروها أنها بعيدة كتير.. لأنو كل هوامشون عاليسار.
- وهية شو كانت ردت فعلا؟
- أبداً.. دمّعوا عيونا وعبطتني.
ماعد ردت البنت لفترة.. بعدين قالتلي :
- فهمت عليك عبد.
- شو فهمتي؟
- فهمت أنو الهدية هية مو الدفتر.
- لكن شو الهدية؟
- أنك حسيت فيها يا هادي .. أنك حسيت فيها.
- فيك شي مرة تهديني دفتر هامشو من عاليمين ليذكرني بهالحديث؟
- آسف.. مابقدر.
- له.. ليش؟
- لأنو هي الهدية كانت لها فقط.. ولن تتكرر لأنثى أُخرى.🖤
#من_الأرشيف
عبد الهادي ابوراس .
من شي يومين سألتني صبية :
- شو احلى هدية جبتا لبنت؟
- ليش عم تسألي؟
- لأني بدي جيب هدية لحبيبي هلق ع عيد الحب الجاي وماني عرفانة شو جيب قلت ممكن تعطيني أفكار.
- أنا أفكاري غريبة شوي مالك مصلحة.. والحقيقة هاد شي شخصي كل حدا ممكن يحب شي.
- طيب ممكن تقلي شو أحلى هدية جبتا شو ماكانت.. موبايل.. قطعة تياب.. أي شي.. انت بس عطيني فكرة وأنا بجرب أفهم لحالي؟
- ممكن أيه.. أحلى هدية بعتبر إني جبتا هية دفتر.
- دفتر كاتب عليه شي يعني؟
- لا أبداً دفتر فاضي.
- يعني عامل عليه تصميم معين من برا؟
- أبداً.. أصلاً نسيت شو كان غلافو.
- عبد ماعم افهم عليك.. ممكن تشرحلي؟
- ممكن إيه.. هاد بزماني الشتوية الماضية نزلت شارع بارون (سوق الكتب يعني) عم دور عدفتر.. كلما فوت عمكتبة قلو ورجيني شو عندك دفاتر عربي يطلعلي وأنا قلو لا مو هيك بدي.. يسألني شو بدك لكن.. قلو بدي دفتر الهامش تبعو من عاليمين.. يجاوب : كل الدفاتر العربي الهوامش تبعا من عاليمين.. قلو : لا.. هدول فيون نقط من عاليمين.. أنا بدي هامش هامش.. خط يعني متل دفاتر لما كنت أنا ولد.. يقلي : لا تعذب حالك ماعد في منون.. وأنا اشكرو واطلع.
فتلت كلشي في مكاتب بحلب وكنت وقتا مرضان منيح مالي حيل امشي والدنيا برد ومطر تماماً متل هلأ.. لحتى وصلت آخر شي عمكتبة قريب من جامع الصديق.. عتيقة كتير وصاحبها لسا اعتق منها.. مالو حيل يورجيني شي.. وقلي : عندي كوشة دفاتر قديمة جوا فوت دور بيناتون يمكن تلاقي.
وأنا شمّرت عن ايديي ونزلت بين هالدفاتر المغبّرة.. وبلشت افتحون دفتر دفتر.. لفتحت آخر شي دفتر ولقيت الخط يلي عم دور عليه.. هاد هو بذاتو.. الهامش من عاليمين.. وجبتو.. بخيت عليه من البارفان تبعي متل وقت كنت مراهق وهديتو للبنت.. وبس.. هي أحلى هدية جبتا بحياتي.
- مافهمت عليك عبد .. شو المميز بهي الهدية؟
- المميز أنو كان هدية لبنت مسافرة.. ذكرت قدامي مرّة أنو الدفاتر يلي عندها بيذكروها أنها بعيدة كتير.. لأنو كل هوامشون عاليسار.
- وهية شو كانت ردت فعلا؟
- أبداً.. دمّعوا عيونا وعبطتني.
ماعد ردت البنت لفترة.. بعدين قالتلي :
- فهمت عليك عبد.
- شو فهمتي؟
- فهمت أنو الهدية هية مو الدفتر.
- لكن شو الهدية؟
- أنك حسيت فيها يا هادي .. أنك حسيت فيها.
- فيك شي مرة تهديني دفتر هامشو من عاليمين ليذكرني بهالحديث؟
- آسف.. مابقدر.
- له.. ليش؟
- لأنو هي الهدية كانت لها فقط.. ولن تتكرر لأنثى أُخرى.🖤
#من_الأرشيف
عبد الهادي ابوراس .