كنت عم أحكي عن مفهوم الرفقة وبعدين حدا سألني
" شو اللي بيعجبك ب رفيقتك ؟ " 😕

جاوبت :
لمّا كون رايحة لعندها بتجهزلي كاسة الشاي بالماغ يلي بحبا مع معلقتين ونص 👌

انّي ب اخر المكالمة مابقفل قبل ما نقول لبعض 3 مرّات باي لأنّو كل ما قرّرنا نسكّر منتذكّر حديث 🤦‍♀️

انّي متأكّدة لو حدا حكى عنّي او فكّر يحكي عني بشكل بشع ف هيي مو بس رح تدّافع عني هيي رح تاكلو بلا ما تفكّر

بتتدايق اكتر مني لو شغلة دايقتني..🧡
وبتاكل همّي بأتفه القصص

ولمّا نقعد نغني بصوت عالي منغني بأداء خاص بيناتنا بدون ما نتفق عليه كأنّنا فرقة مشهورة

بيعجبني انّو مو دايما لازم نحكي ونحنا قاعدين سوا ، اننا منتونس بوجود بعض مجرّد انّي بعرف انها موجودة هاد لحالو بِريحني 😍

نحنا منعرف انّو في روابط أوقات كتير بتبقى اغلى من رابط الدم لان اللي جمع بيناتنا ضحك بعمر طويل بعمرنا ما مننساه ؛ وحزن اكبر كنّا فيه عكازات بعض مشان ما نوقع☝️

اللي جمع بيناتنا روح بتخلّينا نحس ببعض لدرجة انّي ب عز المِحنة بلاقيها بتتصل فجأة من دون مقدمات وتقلّي: " في شي صار " والعكس صحيح وهوي هاد اللي بيعجبني فينا🌸

واذا بدي ضل احكي ما بخلص...
بس هية اكتر حدا بيعرف شو في بقلبي وقديشا غالية 🧡🌻

قولك منلتقي
قبل ماتخلَص الدنيّ!

منلتقي بأول غيمة وأول شتي ️💜🦋

فليحترق العالم لم اعد اهتم لشيء💭🖤

لا تنتظر الدليل ، صدق احساسك 💭🖤..!

بحس الحياة حاطة كوعها ع قلبي💭🖤..!

طَـﭑقتِي بتِختفِي ۉأنَــا بَنطفِي شوَي شوَي 💭🖤.

- تأخر شفائي منك
- تأخر جداً 💔🍂

كنت شوفها من بعيد وأتخيل اللحظة الي أعترفلها فيها وأصفن بتفاصيلها وخاصة عيونها
نطرت وفكرت كتير لحتى أجت الصدفة ولتقيت فيها وقتها تشجعت وحاكيتها وتلبكت

بطلت أخجل من بعدها وصرت حاكيها كل يوم حتى تعلقنا ببعض وعترفنا لبعض بالحب
ضليت حبها بشغف لدرجة كانت رفيقتها تحسدها لأنها مرتبطة بشخص حنون ومهتم

حب البدايات كان قصير وبلشت اتراجع بحجة لظروف والشغل والرفقة والسهرات
وبحجة نكدها يلي كنت حبو بالبداية تركتها لأنها ماعم تقدر وضعي وظروفي التافهة

هي القصة بتعبر عني و عن كتير شباب ولما حكيتها ماحكيتها لأني فخور .. بلعكس
حكيتها لذكر كل بنت وقعت بهيك تجربة أو لكل بنت عم تمرق بهيك تجربة وهي مو حاسة

انا شب وبعرف كلنا مناح وحلوين بالبداية بس النهاية
رح تكسر قلوبكن ... ديرو بالكن على قلوبكن 😞🖤

للكاتب Rafa Abo Alhawa ✍️

بالعادة لما أرجع عالبيت بتجي لعندي بتطمن عني وبتسلم عليي واذا كانت مشتاقتلي زيادة بتضمني
بس مبارح على غير العادة ضلت قاعدة وما عملت أي ردة فعل على جيتي ونتبهت عليها انها زعلانة

حسيتها مكتئبة لأنها ماعم تحبل مع أنو حاولت تتعالج كتير بس للأسف كل المحاولات فاشلة
وقتها ما حبيت اسألها ليش زعلانة أو ليش مدايقة ونزلت عالسوق جبتلها قطة وكم هدية وباقة ورد

فرحت كتير لما شافتهن ومن فرحتها .. صارت تعامل القطة متل بنتها ومع الأيام صارت القطة جزء من حياتها
____________
بس يلي بحبك من قلبو رح يلاحظ عليكي ايمت بتزعلي
ورح يعرف وقتها كيف يفرحك
الله يبعتلك حدا مايزعل عيونك ويعرف كيف يفرحك بس

للكاتب Rafa Abo Alhawa ✍️

لو شفتي كيف بحكي عنك للغربا

كنتي حاولتي تقعدي مع هالغربا .. مشان تحبي حالك من حديثي 🖤🌻

كيف بدك انساكي وانتي كنتي الكل
كنتي كل اصدقائي …وقلبي و أنا

أهم الاشيا يلي كانت بتخصني ما كانت تبدا الا معك

خططي للمستقبل كانت برفقتك …. وأحلامنا الوردية كانت مبنية عليكي

كيف يا حلوة كيف …. تعالي مش رح أنسى 🌻🖤

طال
الغياب
وهواك
غلاب
عشمان
في
ضي
عينيك !🖤

‏" و كأننّي فَقدتُ قَلبي على صَدرك في آخر مرة تعانَقنا فِيها "

أوقات بتهملي حالك لدرجة أنك بتلبسي أي شي بخزانتك
ولما تطلعي من البيت يادوب بتزبطي شعرك ..
حتى أنك ما بتختاري عطر مميز الك لدرجة انك بتحطي من البارفان يلي بيوقع بأيدك مهما كانت ريحتو

بتطلعي ع حالك بالمراية بتشوفي حالك أديش تعبانة ..
وفجأة بيصلك مسج من شخص عم يقلك حليانة .. بس انتي بتكذبيه !! مع أنك متميزة بجمالك عن الكل

بعد فترة بتلاحظي أنو حجم الدمار يلي عايشة فيه هاد كلو بسبب التراكمات الي تراكمت على قلبك

رح تحاولي تنسي يلي صار معك وتقولي رح بلش صفحة جديدة مع ناس جدد وحياة جديدة
بس فجأة بتلاقي حالك تذكرتي كلشي ورجعت دموعك تنزل
لأن يلي نكسر بعمرو ما بيتصلح 🖤!

مو هيك ؟!

للكاتب Rafa Abo Al

اشتقت الي … ايي اشتقت لحالي

اشتقت لهداك الشخص يلي كان جواتي .. يلي كانت تفرحه رسالة منك
كان يفرح لما يشوفك ضحكانة

اشتقت لحالي لما كنت اسهر ودردش معك …. اشتقت للوعود يلي كنتي توعديني ياها

اشتقت لهديك الاغاني يلي كننا نتبدالها ونسهر عليها

للصباح يلي كنت فيقه رايق بعد ماكون سهران ليله معك

كلشي فيني مشتاق الك …

ما اشتقتيلي ؟!

عم اطفي الضو بغرفتي…. ومع هيك عم شوفك عالحيطان 💔

الكل ناطر السنة لجديدة ليلتقو بيلي بحبوهن .. وليسافرو
ويعملو سياحة بغير بلد .. ماعداكي
الكل عم يحجز اماكن يسهر فيها الا أنتي عم تجهزي حالك لتشوفي فلم وتعملي شوية بوشار

بيسألوكي شلون كانت معك سنة 2021 ... ؟!
بتحتاري شو تساوي .. تبكي لما تضحكي على الوقت يلي راح منك بسبب ناس بلا قيمة
بوقتها بتجاوبيهن كانت منيحة .. بس بقلبك عم تقولي أديش كانت مؤذية و قاسية ..

ياريت فيكي تحكي هالحكي للشخص المناسب وتخبريه اديش تعبتي لوصلتي للراحة النفسية
وساعتها هالشخص رح يجبرك وقتها ما تقضي راس السنة لوحدك ورح يجبرك تطلعي من عزلتك

ياريت تلاقي الشخص المناسب الي تحكيلو 🥺

للكاتب Rafa Abo Alhawa ✍️

حصيلة دروس السنة :

- مافي شي بهالدني أهم من الصحة.

- يفوز الشوق بالمرتبة الأولى كأقسى وأبشع احساس يأذي القلب.

- المسافات بعلاقاتنا بين الناس كتير ضرورية ، بتحمينا وبتحميهن.

- الصداقة شجرة تحت ظلها بيتخبّى قلبك من قساوة شمس الدني وحرارة ظروفها.

- كل شي وهمي مصيرو الزوال، البقاء بس للشغلات الحقيقية.

- لمّا ربنا يريد شي الإنسان بكل تطوره وذكائه ومعارفه... بينحني لإرداة إله قادر يعطّل كل هالكون بحرفين "كن"...

- غربلة الناس بحياتك كل فترة ضروري جداً لسلامتك النفسية.

- كلما قل عدد الأشخاص القريبين من قلبك بتقل خيباتك.

- المطر دائماً مواساة مهما اشتدت وصعبت الظروف.

- بطّل تباهي بنعمك وصونها بالحمد.