کۆمیتەی شەهید زەردەشت لەیلاخ دژی سزای لەسێدارەدان چالاکیی ئەنجام دا

کەمپینی نا بۆ سێدارە، بەڵێ بۆ ژیانێکی ئازاد، کە بە پێشەنگایەتی کۆمەڵگەی ژنانی ئازادی کوردستان، کەژار، دەستیپێکردووە، لە ناوخۆی کوردستان و دەرەوەی وڵات بەشێوەیەکی بەرفراوان بەڕێوەدەبرێت. لەوچوارچێوەیەدا، لە سنە و دێولان، چالاکیی بەڕێوەچوو.

لە دوو ڕۆژی ڕابردوودا، لە سنە و دێولان، کۆمیتەی شەهید زەردەشت لەیلاخ، بۆ پشتگیری لە کەمپینی نا بۆ سێدارە، بەڵێ بۆ بۆ ژیانێکی ئازاد، چالاکیی بەڕێوەبرد و بە نووسین لەسەر دیوارەکان، سزای لەسێدارەدانەکانی شەرمەزار کرد، کە لەلایەن ڕژێمی ئێرانەوە بەڕێوەدەچێت.

هاوکات داوای ئازادییان بۆ ژنانی زیندانیکراوی کورد پەخشان عەزیزی و وریشە مورادی کرد.

کەمپینی نا بۆ سێدارە، بەڵێ بۆ ژیانێکی ئازاد، لە دەرەوەی وڵاتیش بەشێوەیەکی بەرفراوان بەردەوامە و لەلایەن چالاکوانانی ئینتەرناسیۆنالیست و نەتەوە جیاوازەکانەوە، پشتگیری لێدەکرێت، کە بەجۆشەوە بەشداری تێدادەکەن و تاوانی سەپاندنی سزای سێدارەی ڕژێمی ئێران، بەتوندی شەرمەزار دەکەن. هەروەها داوای کۆتاییهێنان بەو تاوانە دژە مرۆییە دەکەن.


#جامعەی_زنان_آزاد_شرق_کوردستان