kjar جامعه زنان آزاد شرق کوردستان 18138

282 views10:50

پارتی ژیانی ئازادی کوردستان، پەژاک، لە بانگەوازێکدا لە بەرەبەری دووەمین ساڵیادی شۆڕشی ژن ژیان ئازادیدا، داوای مانگرتنی سەرتاسەری لە رۆژی ٢٥ی خەرماناندا دەکات.هەروەها داوا لە هەموان دەکات، بچنە سەر مەزاری شەهیدانی شۆڕش و دەڵێت: کۆمەڵگەی ئێران ئیرادەیەکی بەهێزی هەیە بۆ بەدیهێنانی ئامانجە بنەڕەتییەکانی شۆڕشی ژن ژیان ئازادی.
پەژاک لە بانگەوازەکەیدا کە ئەمڕۆ سێشەممە ٢٠ی خەرمانان لەسەر ماڵپەڕی فەرمیی ئەو حزبە بڵاو کراوەتەوە، ستایشی تێکۆشانی شکۆمەندانەی کۆمەڵگا دەکات لە بەردەوامیدان بە شۆڕش و پیرۆزبایی ئەو شۆڕشە لە هەموو نەتەوە و کۆمەڵگاکان دەکات.
لە سەرەتای بانگەوازەکەیدا، پەژاک یادی ئەو شەهیدانە بەرز رادەگرێت کە لە گۆرەپانەکاندا گیانی خۆیان بەخت کرد و بە هیوای ئازادکردنی زیندانیانی سیاسییەوە دەڵێت: هەرچەندە شۆڕشی ژن ژیان ئازادی لە گۆڕەپانەکاندا نەگەیشتە ئامانجەکانی خۆی، بەڵام لەلایەنی کلتوری و زهنیەتی و کۆمەڵایەتییدا دەستکەوتی گرنگی بەدەست هێنا.
پەژاک دەڵێت: بەردەوامیی ناڕەزایەتی و گردبوونەوەی چین و توێژە کۆمەڵایەتییە جیاوازەکان، گەنجان، ژنان، پەرستاران، کرێکاران و بزووتنەوەی دژ بە لەسێدارەدان لەلایەن خەڵک و بەتایبەت زیندانیانی سیاسییەوە، وەک درێژەپێدەری شۆڕشن و بە دڵنیاییەوە خەڵکی لە ئازادی نزیک کردۆتەوە.
پەژاک لەو بڕوایەوە کە کۆمەڵگای ئێران گەیشتۆتە خاڵێکی گۆڕانکاری وا، بەڵێنی ئایندەیەکی ئازاد و دیموکراتیک دەدات و چی دی پاشەکشە ناکات لێی، دەڵێت: ژنان پێشەنگی شۆڕشن و لە تێکۆشانی رەوایاندا لەپێناو کۆمەڵگا، ئاڵا هەڵگری گۆڕەپانەکانن و وەک بنچینەییترین توێژ، لە ترۆپکی تێکۆشاندان و هەر لە شەقامەوە تا زیندان، هەوڵی بنبڕکردنی جیاکاری و رەگەزگەرایی دەدەن.
پەژاک لە بەرامبەر رژێمێکی ستەمکاری وەک ئێراندا کە رەوایەتیی نەماوە، شۆڕشی ژن ژیان ئازادی بە ڕەواترین ئەلتەرناتیڤ دەبینێت بۆ ئەو سیستمە حوکمڕانە.
لەو سۆنگەیەوە پەژاک لە دووهەمین ساڵیادی ئەو شۆڕشەدا، لە بانگەوازییەکدا بۆ هەموو توێژە کۆمەڵایەتییە جیاوازەکانی ناوەوە و دەرەوەی ئێران، دوو پێشنیار دەخاتە روو بۆ دەربڕینی ناڕەزایەتی سەرتاسەریی.
لەو چوارچێوەیەدا پەژاک داوا لە خەڵکی ڕۆژهەڵاتی کوردستان دەکات، ڕۆژی 25ی خەرمانان، کە رۆژی کوژرانی ژینا ئەمینییە، مانگرتنی سەرتاسەری رابگەیەنن و دوکان و شوێنکارەکانیان دابخەن، هەروەها داوا لە هەموو گەلان و نەتەوەکانی ئێران دەکات پاڵپشتیی لە گەلی کورد بکەن.
هەروەها پەژاک داوا لە هەمووان دەکات، رۆژی ٢٥ی خەرمانان لەسەر مەزاری شەهیدان ئامادەبن و لە ساڵڕۆژی شەهیدەکانیشدا، بچنە ئەو شارانەی تێکۆشەرانی شۆڕشەکەیان تیادا شەهیدبوون.
هاوکات پەژاک داوا لە ئازادیخوازان و دیموکراتخوازان دەکات، بۆ ئازادی ڕێبەر ئاپۆ، کە تەلارسازی ڕاستەقینەی فەلسەفەی ژن ژیان ئازادییە تێبکۆشن

#کۆمەڵگەی_ژنانی_ئازادی_رۆژهەڵاتی_کوردستان

🆔 @kjarOffIcialChannel

300 viewsedited 10:50